ߓߌ߬ ߞߍ߲ߘߍߟߏ߲ ߂߀߂߆ ߘߓߊ߬ߕߊ ߕߟߋ߬ ߃߀ ߣߌ߲߬ ߡߊ߬ ߸ߒߞߏ߫ ߟߊߥߙߎߞߌߓߊ߮ ߣߴߊ߬ ߟߊߥߊ߲߬ߞߊ߲߬ߓߊ߮ ߡߍ߲ ߕߐ߯ ߞߏ߫߸ ߖߌ߯ߓߊ߫ ߥߊ߲߬ߞߙߊ ߛߌ߬ߛߋ ߝߙߊ߬ߓߊ߬ߘߐ߬ߞߊ ߸ ߏ߬ ߓߘߊ߫ ߞߎߡߊ߫ ߡߊ߬ߡߌ߬ߘߊ߬ߟߌ߬ߟߊ ߛߟߊߕߌ߯ ߓߊߛߓߊ߬߬ߕߌ߫ ߛߘߌ߬ߓߋ߫ ߞߊ߲߬ ߸ߞߵߊ߬ ߦߌ߬ߘߊ߬ ߞߏ߫ ߛߎ߲ߞߎ߲ ߡߊ߰ߙߌ ߣߐ߬ ߡߊ߬ߡߌ߬ߘߊ߬ߟߌ߬ߟߊ ߓߊߛߓߊ߬ߕߌ߫ ߛߘߌ߬ߓߋ߬ ߞߍ߫ ߟߊ߫ ߝߘߏ߬ߓߊ߬ ߡߐ߮ ߟߋ߬ ߘߌ߫ ߞߊ߲ߞߊ߲ߞߊ ߟߎ߬ ߦߋ߫.

<<ߛߎ߲ߞߎ߲ ߘߊ߲ߢߊ ߣߴߊ߬ ߛߌ߰ ߝߊߘߌ ߘߐ߫ ߘߊ߲ߓߊ߮ ߓߟߏ߫ ߸ ߝߘߏ߬ߓߊ߬ ߞߏ ߟߎ߬ ߣߌ߫ ߝߘߏ߬ߓߊ߬ ߝߋ߲ ߠߎ߬ ߣߌ߫ ߝߘߏ߬ߓߊ߬ ߦߙߐ ߟߎ߬ ߣߌ߫ ߝߘߏ߬ߓߊ߬ ߡߐ߮ ߟߎ߬ ߦߋ߫ ߛߎ߲ߞߎ߲ ߖߍ߬ߘߍ ߟߊ߫ ߞߏ߫ ߟߊߘߊ߲ߣߍ߲ ߠߎ߫ ߟߋ߬ ߘߌ߫ ߕߎ߬ߡߊ߬ߓߍ߯ ߸

ߞߵߏ߬ ߞߍ߫ ߊ߬ ߞߣߐߝߋ߲߫ ߖߐ߲ߝߐ߲ߣߍ߲ ߠߎ߬ ߣߴߊ߬ ߘߛߍߓߊ߯ߕߐ ߟߎ߬ ߖߌ߰ ߛߍ߲߬ߓߍ߬ ߦߙߐ ߟߎ߬ ߘߌ߫ ، ߊ߬ ߣߴߊ߬ߟߎ߫ ߖߌ߰ ߛߍ߲߬ߓߍ߬ ߞߏ ߟߎ߬ ߘߌ߫ ߥߟߊߡߵ ߊ߬ߟߎ߫ ߖߌ߰ ߛߍ߲߬ߓߍ߬ ߝߋ߲ ߠߎ߬ ߘߌ߫ ߤߊߡߊ߲ߕߍ߫ ߊ߬ߟߎ߫ ߖߌ߰ ߛߍ߲߬ߓߍ߬ ߡߐ߱ ߟߎ߬ ߘߌ߫ ، ߞߵߏ߬ ߞߍ߫ ߛߎ߲ߞߎ߲ ߞߣߐߝߋ߲ ߠߎ߬ ߟߊ߫ ߢߣߊߡߦߊ ߣߴߊ߬ߟߎ߬ ߟߊ߫ ߓߍߓߊ߯ߦߊ ߓߟߏߡߊ ߘߌ߫ ،

ߝߘߏ߬ߓߊ߬ ߦߙߐ ߟߎ߬ ߣߌ߫ ߝߘߏ߬ߓߊ߬ ߞߏ ߟߎ߬ ߣߌ߫ ߝߘߏ߬ߓߊ߬ ߝߋ߲ ߠߎ߬ ߦߋ߫ ߕߣߐ߬ߓߐ߬ߕߊ ߟߎ߫ ߟߋ߬ ߘߌ߫ ߓߍ߯ ߓߟߏ߫ ߓߍ߯ ߞߊ߫ ߞߊ߲߫ ߡߍ߲ ߠߎ߬ ߘߐ߫ ߦߏ߫ ߓߍ߯ ߦߴߊ߬ ߣߌߟߊߞߟߌ߫ ߟߊ߫ ߝߢߐ ߟߊ߫ ߢߊ ߡߍ߲ ، ߦߏ߫ ߓߍ߯ ߦߴߊ߬ ߡߊ߬ߞߏ ߟߊߢߊ߬ ߟߊ߫ ߖߌ ߟߊ߫ ߢߊ ߡߍ߲ ، ߦߏ߫ ߕߋ߬ߟߋ ߦߋߟߋ߲ ߕߐ߬ߣߐ ߦߋ߫ ߓߍ߯ ߞߊ߲߬ ߢߊ ߡߍ߲ ، ߦߏ߫ ߘߎ߰ߞߟߏ ߕߐ߬ߣߐ ߦߋ߫ ߓߍ߯ ߞߊ߲߬ ߢߊ ߡߍ߲ ߊ߬ ߣߌ߫..>>

ߞߟߊ߬ߘߏ߲ߛߏ ߖߌ߯ߓߊ߫ ߥߊ߲߬ߞߙߊ ߛߌ߬ߛߋ ߝߙߊ߬ߓߊ߬ߘߐ߬ߞߊ ߞߵߊ߬ ߦߌ߬ߘߊ߬ ߌߞߐ߫ ߞߏ߫߸ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߦߋ߫ ߛߎߥߊ߲ߘߌ߫ ߟߊ߫ ߗߋߦߊߟߌ ߡߍ߲ ߞߊ߲ߡߊ߬ ߛߎ߲ߞߎ߲ ߞߣߐ߫ ߸ߏ߬ ߟߋ ߞߙߎ ߟߎ߫ ߓߊ߬ߟߌ߬ߣߊ߲߬ߞߏ߬ ߝߙߋߞߋ ߟߎ߬ ߘߊ߲ߘߊ ߘߌ߫.

<<ߒ߬ߓߊ߬ ߸ ߛߎ߲ߞߎ߲ ߡߊ߰ߙߌ ߟߊ߫ ߝߘߏ߬ߓߊ߬ ߡߐ߰ ߛߎߥߊ߲ߘߌߣߍ߲ ߠߎ߫ ߝߣߊ߫ ߕߐ߬ߣߐ ߦߋ߫ ߝߘߏ߬ߓߊ ߘߌ߫ ߢߊ߫ ߞߋߟߋ߲ߔߋ ߏ߬ ߟߋ ߝߣߊ߫ ߡߊ߬ ߓߍ߯ ߞߊ߲߬ ߓߍ߯ ߞߊ߫ ߞߊ߲߫ ߡߍ߲ ߠߎ߫ ߕߐ߬ߣߐ ߘߐ߫ ߣߌ߫ ߤߊߟߌ ߘߊ߲ߠߊߥߊ߯ߙߌ߫ ߟߋ߬ ߝߊ߲ ߕߍ߫ ߊ߬ߟߎ߫ ߢߌ߲߭ ߠߎ߬ ߣߴߊ߬ߟߎ߬ ߖߎ߮ ߟߎ߬ ߕߍ߫ ߞߊ߬ ߓߍ߲߬ ߊ߬ߟߎ߫ ߕߣߐ߬ߓߐ߬ ߘߐ߬ ߞߏ ߟߎ߫ ߡߊ߬߸ߊ߬ߟߎ ߦߋ߫ ߛߎߥߊ߲ߘߌ߫ ߟߊ߫ ߗߋߦߊߟߌ ߡߍ߲ ߞߊ߲ߡߊ߬ ߛߎ߲ߞߎ߲ ߞߣߐ߫ ߏ߬ ߟߋ ߞߙߎ ߟߎ߫ ߓߊ߬ߟߌ߬ߣߊ߲߬ߞߏ߬ ߝߙߋߞߋ ߟߎ߬ ߘߊ߲ߘߊ ߘߌ߫ ߕߎ߬ߡߊ߬ߓߍ߯ ߞߊ߬ ߞߐ߲߰ ߝߙߋߞߋ ߓߋ߭ ߢߍ߫ ߥߟߊ߫ ߝߙߋߞߋ ߓߋ߭ ߞߐ߫ ߊ߬ߟߎ ߕߍ߫ ߖߘߍ߬ߡߞߊ߬ߘߊ߲߬ߠߊ߫ ߟߎ߫ ߘߌ߫ ، ߊ߬ߟߎ߬ ߦߋ߫ ߜߘߍ߫ ߡߞߊߘߊ߲ߓߊ߮ ߟߎ߫ ߟߋ߬ ߘߌ߫ ߛߎ߲ߞߎ߲ߦߊ߫ ߓߟߏߡߊ߬ ، ߏ߬ ߟߋ ߘߐ߫ ߕߎ߬ߡߊ߬ߓߍ߯ ߸ ߊ߬ߟߎ߬ ߟߊ߫ ߗߋߦߊߟߌ ߓߊ߯ߙߊ ߟߎ߬ ߦߋ߫ ߖߊ߬ߡߊ ߖߘߐ߬ߣߊ߲߬ߞߏ ߟߎ߫ ߞߎ߬ߘߎ ߕߋ߭ ߟߋ߬ ߘߌ߫ ߞߵߊ߬ ߓߐ߫ ߖߊ߬ߡߊ ߞߊ߲ߠߊ߫ ߞߊ߬ ߖߊ߬ߡߊ ߟߊߝߙߍ߫ ، ߊ߬ߟߎ߬ ߡߊ߫ ߘߎ߲߬ߘߎ߬ߡߊ߬ ߞߟߍ ߟߎ߬ ߞߍߢߊ߫ ߟߐ߲߫ ߝߏ߫ ߝߘߏ߬ߓߊ߬ ߞߟߍ ، ߊߟߎ߫ ߡߊ߫ ߘߎ߲߬ߘߎ߬ߡߊ߬ ߕߣߐ ߟߎ߬ ߢߌߣߌ߲߫ ߢߊߟߐ߲߫ ߝߏ߫ ߝߘߏ߬ߓߊ߬ ߕߣߐ ߟߎ߬>>.

<< ߛߎ߲ߞߎ߲ ߦߴߊ߬ߟߎ ߟߊߘߊ߲߫ ߠߊ߫ ߞߵߊ߬ ߛߎߡߊ߲߫ ߊ߬ ߖߍ߬ߘߍ ߗߏ߯ߦߊ ߟߋ߫ ߡߊ߬ ߓߊߏ߬ ߛߎ߲ߞߎ߲ ߖߍ߬ߘߍ ߦߋ߫ ߝߘߏ߬ߓߊ߬ ߝߋ߲߫ ߢߊ߬ߣߍ߲ ߠߋ߬ ߘߴߊ߬ ߞߣߐߝߋ߲ ߠߎ߬ ߟߊ߫ ߣߴߊ߬ߟߋ߫ ߕߎ߲߬ ߞߍ߫ ߘߊ߫ ߝߋ߲߫ ߖߎ߯ ߘߌ߫ ߛߊ߫ ߢߣߊߡߦߊ ߣߌ߫ ߓߍߓߊ߯ߦߊ ߕߎ߲߬ ߕߍ߫ ߕߏ߫ ߊ߬ ߡߊ߬ ، ߒ߬ߓߊ߬ ߞߊ߬ ߓߍ߲߬ ߞߊ߲ߞߊ߲߫ ߛߎ߲ߞߎ߲ ߠߊߢߌ߬ߡߊ߬ߦߊ ߡߊ߬ ߡߐ߰ߦߊ ߟߊߥߙߎߞߌ ߘߐ߫ ߸

ߊ߬ ߛߎ߲ߞߎ߲ ߦߋ߫ ߕߏ߫ ߟߊ߫ ߞߵߊ߬ ߞߣߐߡߐ߮ ߟߎ߫ ߛߊ߲߬ߓߊ߫ ߘߋ߲߫ ߓߘߍ߫ ߡߐ߬ߣߍ߲߬ ߞߏ߬ߢߌߡߊ ߟߎ߫ ߟߋ߬ ߘߐ߫ ߛߐ߲߬ ߡߍ߲ ߠߎ߬ ߘߌ߫ ߞߊ߲ߞߊ߲߫ ߛߌ߰ߓߊ ߟߎ߬ ߣߴߊ߬ ߣߊ߬ߓߊ߮ ߟߎ߬ ߣߴߊ߬ ߛߏ ߣߴߊ߬ ߞߏ߲ߞߏ ߣߴߊ߬ ߟߊߡߌߣߌ߲ ߠߎ߬ ߟߊߞߊ߲ߘߊ߫ ߞߵߊ߬ߟߎ߫ ߘߍ߬ߡߍ߲߬ ߛߎ߲ߞߎ߲ ߡߊ߰ߙߌ߬ߓߊ ߟߊ߫ ߐ߲߬ߤߐ߲ ߞߐ߬ߣߐߡߊ߬ ߞߊ߬ ߡߌ߬ߙߌ߲߬ߘߌ ߛߍ߲߬ߛߍ߲߬ ߞߏߣߌߢߌ߬ߡߊ߬ ߞߵߊ߬ ߟߊߛߌ߲߫ ߊ߬ ߟߊ߫ ߤߙߍ߫ ߛߐߘߐ߲߫ ߛߌߟߊ ߟߎ߫ ߡߊ߬ ߞߊ߬ ߡߌ߬ߙߌ߲߬ߘߌ ߡߊߞߊ߲ߞߊ߲߫ ߞߵߊ߬ ߟߊߕߊ߲߬ߞߊ߫ ߣߡߌߛߊ ߣߌ߫ ߥߏߦߌߞߏߒߓߊ ߣߴߊ߬ ߣߐ߬ߝߍ߬ ߞߏ ߟߎ߫ ߡߊ߬ ߞߊ߬ ߖߊ߲߬ߕߏ߫ ߞߍ߫ ߕߏߒߘߐ߫ ߞߏ ߟߎ߬ ߣߌ߫ ߡߊ߬ߞߏ߬ߛߊ߬ ߞߏ ߟߎ߬ ߣߴߊ߬ ߢߐ߲߰ߘߐ ߟߎ߬ ߘߐ߫ ߞߊ߬ ߡߌ߬ߙߌ߲߬ߘߌ ߟߊߛߌ߲߫ ߥߙߎߞߌ ߣߌ߫ ߓߐ߲ߒߣߘߐ ߛߌߟߊ ߡߊ߬.

ߒ߬ߓߊ߬ ߸ ߞߊ߲ߞߊ߲ߞߊ ߟߎ߬ ߟߊ߫ ߘߊ߲߬ ߞߋߟߋ߲߫ ߣߌ߲߬ ߦߋ߫ ߛߎ߲ߞߎ߲ ߡߊ߰ߙߌ ߟߊ߫ ߝߘߏ߬ߓߊ߬ ߡߐ߰ ߛߎߥߊ߲ߘߌߣߍ߲ ߏ߬ ߘߏ߫ ߟߋ߬ ߘߌ߫ ߡߍ߲ ߘߐ߬ߞߏ ߟߎ߬ ߣߴߊ߬ ߦߟߌ ߕߍ߫ ߛߐ߲߬ ߠߴߊ߬ ߖߡߊ߬ߙߌ߬ ߟߊ߫ ߘߏ߫ ߜߘߍ߫ ߟߊ߫ ߒ ߡߊ߫ ߖߊ߬ߡߊ ߡߞߊߘߊ߲ߞߏ ߟߎ߬ ߣߴߊ߬ ߢߐ߲߰ߘߐ ߟߎ߬ ߝߐ߫ ߤߊߟߌ ߣߴߊ߬ ߡߴߊ߬ ߝߐ߫ ߊ߬ ߦߋ߫ ߤߊߟߌ ߣߴߊ߬ ߡߊ߫ ߛߊ߬ߙߊ߫ ߛߐ߬ߘߐ߲߬ ߡߐ߰ ߓߟߏ߫ ߤߊߟߌ ߣߴߊ߬ ߡߊ߫ ߥߊߟߢߌߡߊߟߐ߲߫ ߛߟߊߕߌ߮ ߓߊߛߓߊ߬ߕߌ߫ ߛߘߌ߬ߓߋ߬ ߟߋ߬ ߞߏ߫ ߦߋ߫ ߏ߬ ߡߍ߲ ߠߊ߫ ߝߘߏ߬ߓߊ߬ߡߐ߰ߦߊ ߣߴߊ߬ ߟߊ߫ ߖߡߊ߬ ߡߊ߬ߞߊߘߊ߲ ߣߴߊ߬ ߟߊ߫ ߖߡߊ߬ ߟߊ߬ߝߛߊ ߞߍߣߍ߲߫ ߊ߬ ߛߎߥߊ߲ߘߌ߫ ߞߎ߲ ߘߌ߫ ߛߟߊߕߌ߮ ߡߐ߬ߤߊߡߍߘ ߣߊ߬ߓߋ ߟߊ߫ ߞߙߎߞߊ ߓߟߏ߫>>.

ߛߟߊߕߌ߯ ߛߌ߬ߛߋ ߝߙߊ߬ߓߊ߬ߘߐ߬ߞߊ ߟߋ߬ ߞߊ߲߫ ߕߋ߲߬.

ߊ߬ ߞߵߊ߬ ߦߌ߬ߘߊ߬ ߛߊߣߌ߲߬ ߊ߬ ߦߴߊ߬ ߟߊ߫ ߞߎߡߊ ߞߎ߲߭ߘߏ߲߬ ߞߏ߫ ߸ ߛߟߊߕߌ߯ ߓߊߛߓߊ߬߬ߕߌ߫ ߟߊߣߊ߬ߣߍ߲߫ ߞߊ߲ߞߊ߲߫ ߣߴߊ߬ ߛߌ߰ߓߊ߮ ߟߎ߫ ߟߋ߬ ߦߋ߫ ߸ ߏ߬ ߡߍ߲ ߕߘߍ߬ ߓߘߊ߫ ߘߏ߫ ߞߍ߫ ߊ߬ ߝߊ߬ߛߏ (ߞߊ߲ߞߊ߲߫) ߢߍ߫ ߞߊ߬ ߞߐ߲߰ ߓߌ߬ ߢߍ߫.

ߊ߬ ߣߌ߫ ߞߏ߫ ߛߌߣߌ߲߫ ߠߋ߬ ߞߍߕߐ߫ ߘߝߐ߬ ߞߎߘߊ ߘߏ߫ ߟߊߘߊ߲߫ ߟߏ߲ ߘߌ߫.

<<ߓߊߏ߬ ߡߊ߲߬ߘߋ߲߫ ߛߊ߲߬ߘߊ ߞߊ߲߫ ߠߋ߬ ߞߏ߫ ߡߊ߲߬ߛߊ߬ ߢߐ ߦߋ߫ ߟߐ߲߫ ߠߴߊ߬ ߖߍߓߍ߲ ߠߋ߬ ߡߊ߬߸ ߓߊߛߓߊ߬ߕߌ߫ ߛߘߌ߬ߓߋ߬ ߟߐ߲ߣߍ߲߫ ߠߋ߬ ߓߍ߯ ߓߟߏ߫ ߞߊ߬ߦߌ߯ ߓߌ߬ ߡߊ߫ ߛߋ߫ ߘߍ߬ߢߐ߲߮ ߟߎ߬ ߣߌ߫ ߕߋߙߌ ߟߎ߬ ߣߌ߫ ߓߊ߯ߙߊߢߐ߲߮ ߟߎ߬ ߣߌ߫ ߞߏߟߊߘߍߢߐ߲߮ ߠߎ߫ ߞߊ߬ ߟߊߒߠߦߊ ߡߍ߲ ߟߴߊ߬ ߘߐ߫ ߞߊ߬ ߞߐ߲߰ ߊ߬ ߛߎߥߊ߲ߘߌ ߢߍ߫ ߞߙߎߞߊ ߊߍߙߑߔߋ ߞߊ߲ߕߌ߮ ߛߟߊߕߌ߮ ߡߐ߬ߤߊߡߍߘ ߣߊ߬ߓߋ ߓߟߏ߫ ߛߌߣߌ߲߫ ߠߋ߬ ߟߊߒߠߦߊ ߏ߬ ߦߌ߬ߘߊ߬ ߟߏ߲ ߘߌ߫ ߘߎߢߊ߫ ߟߊ߫ ߞߊ߲ߞߊ߲߫ ߣߴߊ߬ ߟߊߡߌߣߌ߲ ߡߌ߬ߙߌ߲߬ߘߌ ߓߟߏ߫.

ߊ߰ ߟߋ߬ ߕߋ߲߬ ߦߏ߫ ߛߌߣߌ߲߫ ߦߋ߫ ߞߟߊߓߍ߲߫ ߓߟߋߓߟߋ ߘߏ߫ ߟߋ߬ ߟߏ߲ ߘߌ߫ ߓߘߍ߬ߓߘߍ߬ߟߌ ߞߣߐ߫ ߡߍ߲ ߘߌ߫ ߟߊߞߊ߬ߟߌ߬ ߘߐ߬ߝߐ ߞߣߐ߫ ߓߊߏ߬ ߛߌߣߌ߲߫ ߠߋ߬ ߦߟߍ߬ߡߊ߲ ߞߟߊߓߍ߲ ߘߌ߫ ߡߍ߲ ߦߋ߫ ߡߌ߬ߙߌ߲߬ߘߌ ߖߍ߬ߘߍ ߟߊ߫ ߟߊ߬ߕߍ߮ ߓߟߏ߫ ߞߊ߲ߞߊ߲߫ ߡߌ߬ߙߌ߲߬ߘߌ ߟߊߛߎߘߊ߲ ߣߴߊ߬ ߟߊߗߌߙߏ߲ ߓߍ߯ ߦߋ߫ ߡߍ߲ ߓߟߏ߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߛߎߥߊ߲ߘߌߕߊ ߗߏ߯ߦߊ ߡߊ߬>>

ߊ߬ ߞߵߊ߬ ߦߌ߬ߘߴߊ߬ ߟߊ߫ ߛߙߊ߬ߣߎ߲ ߟߊߓߊ߲ ߘߐ߫ ߞߏ߫ ߸ ߓߍ߯ ߦߋ߫ ߛߟߊߕߌ߯ ߓߊߛߓߊ߬߬ߕߌ߫ ߛߘߌ߬ߓߋ߫ ߛߎߥߊ߲ߘߌ߫ ߛߌߣߌ߲߫ ߸ߞߵߊ߬ ߟߊ߫ ߞߎߡߊ߫ ߞߎ߲߭ߘߏ߲߬ ߘߎ߬ߥߊ߬ߥߎ߬ ߞߙߍߞߙߍߣߍ߲ ߛߘߍߡߊ߲߫ ߠߊ߫ :

ߒ ߧߋ߫ ߕߌ߲ߞߌ߫ ߟߊ߫ ߡߌ߬ߙߌ߲߬ߘߌ ߦߋ߫ ߞߵߊ߬ߟߎ߫ ߞߌ߬ߣߌ߲߬ߞߌߣߌ߲ ߣߴߊ߬ߟߎ߫ ߞߊ߬ߣߌ߲ ߕߏ߫ ߒ ߛߣߐ߬ߡߍ ߟߴ ߊ߬ߟߎ߬ ߟߊ߫ ߛߎߥߊ߲ߘߌߕߊ ߦߋ߫ ߓߍ߲߬ ߛߟߊߕߌ߮ ߓߊߛߓߊ߬ߕߌ߫ ߛߘߌ߬ߓߋ߬ ߡߊ߬ ߣߴߏ߬ ߞߍ߫ ߘߊ߫ ߡߌ߬ߙߌ߲߬ߘߌ ߓߘߊ߫ ߛߎߘߊ߲߫ ߹ ߞߊ߬ ߕߌ߲ߞߌ߫ ߞߋߟߋ߲ ߏ߬ ߞߍ߫ ߛߟߊߕߌ߮ ߓߊߛߓߊ߬ߕߌ߫ ߛߘߌ߬ߓߋ߬ ߝߣߊ߫ ߦߋ߫ ߛߎߘߊ߲ߠߌ߲ ߠߊ߫.

ߞߊ߲ߞߊ߲߫ ߣߴߊ߬ ߟߊߡߌߣߌ߲ ߘߎ߰ ߡߌߛߍ߲ ߣߴߊ߬ ߘߎ߰ ߞߎ߲ߓߊ ߟߎ߬ ߊ߲ ߧߋ߫ ߛߟߊߕߌ߮ ߓߊߛߓߊ߬ߕߌ߫ ߛߘߌ߬ߓߋ߬ ߛߎߥߊ߲ߘߌ߫ ߛߊ߫ ߒ߬ ߞߎ߲߬ߞߏ ߟߎ߬ ߘߌ߫ߟ ߢߣߊߓߐ߫ ߖߏߣߊ߫

ߓߊߛߓߊ߬ߕߌ߫ ߛߘߌ߬ߓߋ߬ ߦߋ߫ ߓߊߟߏ߫.

ߛߟߊߕߌ߯ ߖߌ߯ߓߊ߫ ߥߊ߲߬ߞߙߊ ߛߌ߬ߛߋ ߝߙߊ߬ߓߊ߬ߘߐ߬ߞߊ ߟߋ߬ ߞߊ߲߫ ߕߋ߲߬ ߸ߊ߬ ߣߐ߬ ߏ߬ ߡߍ߲ ߠߊߖߍ߲ߛߍ߲߫ ߠߴߊ߬ ߟߊ߫ ߝߍߗߛߑߓߎߞ ߞߐߜߍ ߞߊ߲߬.