ߙߊߛߑߕߝߊߙߌ ߣߌ߫ ߙߖߋ ߘߏ߲߬ߞߏ ߟߎ߬ ߟߊ߫ ߛߎ߬ߣߎ߲߬ ߟߏ߲ ߘߏ߫ ߟߋ߬ ߓߌ߬ ߘߌ߫߸ ߞߵߏ߬ ߞߎ߲߭ ߞߍ߫ ߛߌ߲ߞߐߡߌߘߊ ߘߏ߫ ߘߌ߫߸ ߞߵߊ߬ ߕߊ߬ ߁߉߈߁ ߘߓߊ߬ߕߊ ߁߁ ߡߊ߬߸ ߞߵߊ߬ ߛߌ߰ ߂߀߂߆ ߘߓߊ߬ߕߊ ߁߁ ߢߌ߲߬ ߠߊ߫، ߏ߬ ߦߋ߫ ߓߐߓ ߡߊߙߑߟߋ߫ ߟߊ߫ ߛߊ߬ߦߊ ߛߌ߲ߞߐ߲ߡߌߘߊ ߣߴߊ߬ ߢߊߖߌߟߊߓߐ߫ ߟߏ߲ߓߊ߫ ߟߋ߬ ߘߌ߫߸ ߊ߬ ߣߌ߫ ߛߌߡߊߟߌ߫ ߟߏ߲ߓߊ߫ ߟߋ߬ ߝߣߊ߫ ߦߴߊ߬ ߘߌ߫.

 

ߙߏߓߍߙ ߣߍߛߑߕߊ߫ ߡߊߙߑߟߋ߫ ߟߋ߬ ߞߏ߫ ߦߋ߫ ߣߌ߲߬ ߖߐ߫߸ ߣߌ߫ ߓߍ߯ ߕߍ߬ߘߍ߫ ߊ߬ ߞߟߌ߫ ߟߊ߫ ߞߏ߫ ߓߐߓ ߡߊߙߑߟߋ߫، ߊ߬ߟߋ ߡߍ߲ ߡߏߦߌ߫ ߘߊ߫ ߁߉߄߅ ߞߏ߲ߞߏߜߍ ߕߟߋ߬ ߆ ߡߊ߬߸ ߖ߭ߡߊߦߌߞ، ߥߊ߲߬ߞߏ߲߬ ߖߊ߲ߞߊߙߏ ߟߋ߬ ߞߍ߫ ߘߴߊ߬ ߛߕߊ ߘߌ߫߸ ߞߊ߬ ߝߊߕߏ߫ ߊ߬ ߛߐ߬ߘߐ߲ ߛߊ߲߬ ߃߆ ߡߊ߬ ߁߉߈߁ ߘߓߊ߬ߕߊ ߕߟߋ߬ ߁߁ ߡߊ߬ ߡߌߦߊߡߌ߫߸ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߣߐ߫، ߊ߬ ߞߍ߫ ߘߊ߫ ߘߐ߲߬ߞߟߌ߬ߟߊ߬ߟߊ߫ ߛߘߊߡߓߊ߫ ߟߋ߬ ߘߌ߫߸ ߡߍ߲ ߞߊ߬ ߛߊ߲ߞߊ ߖߍ߬ߘߍߖߍ߬ߘߍ ߛߐ߬ߘߐ߲߬ ߘߎߢߊ߫ ߞߣߐ߫.

 

ߞߵߊ߬ ߕߊ߬ ߓߐߓ ߡߊߙߑߟߋ߫ ߕߋ߬ߟߋ ߡߊ߬ ߤߊ߲߯ ߕߋ߲߬߸ ߊ߬ ߢߐ߲߰ ߙߖߋ߫ ߘߐ߲ߞߟߌߟߊ߫ ߡߊߟߐ߲ߣߍ߲߫ ߡߊ߫ ߣߊ߬ ߝߟߐ߫، ߏ߬ ߟߋ ߘߐ߫߸ ߓߍ߯ ߦߴߊ߬ ߖߊ߬ߕߋ߬ ߟߊ߫߸ ߞߏ߫ ߊ߬ߟߋ ߟߋ߬ ߞߊ߬ ߛߘߊ ߟߊ߫ ߖ߭ߡߊߦߌߞߌ߬ ߘߐ߲߬ߞߟߌ ߟߊ߫߸ ߞߊ߬ ߙߊߛߑߕߝߊߙߌ ߕߏ߰ߝߏ ߡߊߟߐ߲߫ ߘߎߢߊ߫ ߡߎ߰ߡߍ ߞߣߐ߫، ߓߊߏ߬߸ ߊ߬ ߛߋ߫ ߘߊ߫ ߝߜߍ߬ߟߋ߲߫ ߞߋ߲߬ߥߟߎ߫ ߂߀߀ ߝߙߋ߬ ߟߊ߫ ߘߎߢߊ߫ ߢߊߝߍ߬.

 

ߙߏߓߍߙ ߣߍߛߑߕߊ߫ ߡߊߙߑߟߋ߫߸ ߣߊߟߌ߬ߡߎ߲߬ ߓߐߓ ߡߊߙߑߟߋ߫ ߘߌ߫، ߊ߬ ߞߵߊ߬ ߟߊ߫ ߘߐ߲߬ߞߟߌ߬ߟߊ ߘߊߡߌ߬ߣߊ߬ ߁߉߆߂ ߟߋ߬ ߟߊ߫، ߊ߬ ߕߐ߮ ߦߋ߫ ߓߐ߫ ߞߊ߬ ߘߎߢߊ߫ ߟߊߝߏ߬߸ ߏ߬ ߘߊߡߌ߬ߣߊ߬ ߘߊ߫ ߁߉߇߄ ߠߋ߬ ߟߊ߫ ߞߵߊ߬ ߛߌ߰ ߁߉߇߆ ߟߊ߫߸ ߛߊ߲߭ ߝߌ߬ߟߊ ߏ߬ ߟߋ ߞߍ߫ ߘߴߊ߬ ߟߊߞߏߟߐ߲ ߘߌ߫ ߖߊ߯ߓߊ ߡߎ߰ߡߍ ߞߣߐ߫.

 

ߒ߬ߞߊ߬߸ ߞߵߊ߬ ߕߊ߬ ߓߐߓ ߡߊߙߑߟߋ߫ ߟߊ߫ ߛߊ߬ߦߊ ߡߊ߬ ߞߵߊ߬ ߛߌ߰ ߢߌ߬ߣߊ߲߬ ߠߊ߫߸ ߏ߬ ߛߊ߲߬ ߄߃ ߟߋ߬ ߕߋ߲߬، ߊ߲ ߧߴߊ߬ ߝߍ߬ ߞߊ߬ ߞߏ߫ ߘߊ߲ߘߐ߫ ߝߐ߫ ߊߟߎ߫ ߦߋ߫ ߊ߬ ߟߊ߫ ߞߏ ߘߐ߫߸ ߊߟߎ߫ ߓߍ߯ ߞߊ߫ ߞߊ߲߫ ߞߊ߬ ߡߍ߲ ߕߏ߫ ߊߟߎ߫ ߦߟߌ߫ ߟߊ߫:

 

߁߭ ߺ ߊ߬ ߕߎ߲߬ ߦߋ߫ ߣߘߐߟߌߟߊ ߟߋ߬ ߘߌ߫ (ߛߎߘߍ߳ߙ)، ߊߟߎ߫ ߦߴߊ߬ ߟߐ߲߫ ߞߏ߫ ߓߐߓ ߡߊߙߑߟߋ߫ ߡߊ߫ ߛߐ߰ ߘߐ߲߬ߞߟߌ߬ߟߊ ߡߊ߬ ߘߋ߬߸ ߊ߬ ߓߊ߯ߙߊ ߕߎ߲߬ ߦߋ߫ ߣߘߐߟߌ ߟߋ߬ ߘߌ߫، ߓߊ߬ߙߌ߬߸ ߓߊ߯ߙߊ ߏ߬ ߡߊ߫ ߘߌߦߴߊ߬ ߦߋ߫ ߓߊߞߍ߫، ߊ߬ ߖߍ߬ߘߍ߸ ߟߏ߲ ߘߏ߫ ߘߐ߫߸ ߊ߬ ߕߏ߫ ߘߊ߫ ߓߊ߯ߙߊ߫ ߦߌߟߊ ߘߐ߫ ߦߋ߲߬߸ ߊ߬ ߕߏ߫ ߘߊ߫ ߣߍ߱ ߘߏ߫ ߦߋ߬ߟߋ߲ ߠߊ߫߸ ߏ߬ ߓߘߎߓߘߎ ߘߏ߫ ߕߎ߲߬ ߓߍ߫ ߢߌߣߌ߲߫ ߞߵߊ߬ ߓߟߏߣߎߡߊ߲߫ ߝߍ߫ ߢߊ ߕߌߢߍ߫، ߓߌ߬ߟߊ߬ߒ߬ߘߐ ߏ߬ ߟߋ ߖߍ߬ߘߍ ߞߵߊ߬ ߞߍ߫߸ ߊ߬ ߞߊ߬ ߣߘߐߟߌ ߏ߬ ߟߊߟߐ߬߸ ߞߵߊ߬ ߢߊߛߌ߲߫ ߘߐ߲߬ߞߟߌ ߟߊ ߡߎ߬ߕߎ߲߬ ߛߊ߫.

 

߂߲ ߺ ߊ߬ ߟߊ߫ ߘߐ߲߬ߞߟߌ ߛߋ ߕߟߋ߬ߖߌ߰ߟߊ߫ ߝߊ߲߬ߝߍ߬ߟߊ ߟߎ߬ ߘߐ߫߸ ߏ߬ ߕߎ߬ߙߎ ߞߍ߫ ߘߊ߫ ߋ߬ߙߌߞ ߞߑߟߊߔߑߕߐ߲߫ ߠߋ߬ ߘߌ߫، ߓߊߏ߬߸ ߁߉߇߃ ߟߊ߫߸ ߏ߬ ߟߋ ߞߵߊ߬ ߟߊ߫ ߞߏ ߛߘߊߟߊ߫ ߞߵߊ߬ ߟߊߥߊ߲߬ߞߊ߲߬߸ ߞߵߊ߬ ߟߊ߫ ߞߏ ߟߊߕߊ߬ߡߌ߲߬ ߖ߭ߡߊߦߌߞߌ߬ ߞߐߞߊ߲߬.

 

߃߲ ߺ ߁߉߇߂ ߛߊ߲߭ ߞߵߊ߬ ߛߐ߬ߘߐ߲߫ ߠߋ߬߸ ߓߐߓ ߡߊߙߑߟߋ߫ ߓߘߊ߫ ߘߐ߲߬ߞߟߌ߬ ߞߎ߲ߞߎߘߎ߲߫ ߃߅߀ ߟߋ߬ ߟߊߞߎ߲߬ߘߎ߬، ߛߘߊߓߊ߫ ߕߎ߲߬ ߕߴߊ߬ ߟߊ߫ ߕߎ߬ߡߊ ߏ߬ ߟߊ߫ ߛߊ߫߸ ߓߊ߬ߙߵߊ߬ ߕߎ߲߬ ߓߘߴߏ߬ ߞߍ߫ ߝߋߎ߫، ߊ߬ ߖߍ߬ߘߍ߸ ߞߊ߬ ߞߐ߲߰ ߏ߬ ߢߍ߫ ߛߊ߲߬ ߘߊ߲ߘߐ߫ ߟߊ߫߸ ߁߉߆߉ ߞߵߊ߬ ߛߐ߬ߘߐ߲߫ ߠߋ߬߸ ߊ߬ ߦߋ߫ ߓߊ߯ߙߊ߫ ߟߊ߫ ߝߊ߲ߓߏ߲ ߘߏ߫ ߟߊ߫ ߞߙߌߛߑߟߍߙ߸ ߛߴߊ߬ ߘߴߊ߬ ߟߊ߫ ߢߣߊߡߦߊ ߘߐߕߍ߰ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߣߐ߫ ߢߊ ߡߍ߲ ߡߊ߬.

 

߄߲ ߺ ߁߉߇߉ ߟߊ߫߸ ߞߵߊ߬ ߛߐ߬ߘߐ߲߬ ߓߐߓ ߡߊߙߑߟߋ߫ ߦߋ߫ ߞߌ߲ߜߛߑߕߐ߲߫߸ ߗߍ߬ ߡߐ߰ ߥߐ߯ߙߐ߫ ߣߊ߬ ߘߊ߫ ߘߏ߲߬ ߓߐߓ ߡߊߙߑߟߋ߫ ߞߊ߲߬ ߊ߬ ߟߊ߫ ߟߎ ߞߣߐ߫߸ ߞߵߊ߬ ߓߏ߲߫ ߞߌ߬ߛߍ ߟߊ߫، ߊ߬ ߖߍ߬ߘߍ߸ ߊ߬ߟߎ߫ ߞߵߊ߬ ߡߏ߬ߛߏ ߓߏ߲߫ ߠߋ߬ ߊ߬ ߞߎ߲߭ ߘߐ߫߸ ߏ߬ ߓߐ ߏ߬ ߞߏ ߘߐ߫߸ ߏ߬ ߞߍ߫ ߘߊ߫ ߓߍ߯ ߡߊ߬ ߞߓߊߞߏ ߟߋ߬ ߘߌ߫، ߓߐߓ ߡߊߙߑߟߋ߫ ߖߍ߬ߘߍ ߓߏ߲߫ ߘߊ߫ ߞߌ߬ߛߍ߬ ߥߐߙߐ߲ߝߌ߬ߟߊ߫ ߟߋ߬ ߟߊ߫߸ ߞߋߟߋ߲߫ ߞߵߊ߬ ߓߏ߲߫ ߊ߬ ߓߟߏ ߟߊ߫߸ ߞߋߟߋ߲߫ ߞߵߊ߬ ߓߏ߲߫ ߊ߬ ߘߛߌ ߘߐ߫߸ ߟߏ߯ߟߎ߫ ߞߍ߫ ߘߴߊ߬ ߥߘߏ ߘߐ߫، ߊ߬ ߟߊ߫ ߢߍߡߌߘߊߟߌߟߊ ߝߣߊ߫ ߖߐߞߌ߫ ߘߊ߫ ߟߋ߬، ߛߌߞߊ߫ ߞߍ߫ ߘߊ߫ ߛߋ߲߬ߢߊ ߏ߬ ߘߐ߫߸ ߞߏ߫ ߊߡߙߌߞߌ߬ ߓߟߏߞߌߣߌ߲߫ ߞߐߞߘߐ ߞߙߎߞߊ߫ ߛߌ߲ߝߏ߲ ߠߎ߫ ߟߋ߬ ߣߐ߬ ߘߌ߫ ߞߍ߫، ߓߊߏ߬߸ ߊ߬ߟߋ߫ ߕߘߍ߬ ߞߙߎߞߊ߫ ߞߎ߲ߕߌ߮ ߡߍ߲ ߞߐߞߘߐߓߌ߲ߓߌ߲߫ ߠߊ߫߸ ߏ߬ ߕߌ߫ ߘߐ ߏ߬ ߟߎ߫ ߕߎ߲߬ ߕߍ߫ ߡߙߌߦߊ߫ ߞߋߟߋ߲߫ ߞߊ߲߬، ߓߏ߲ߠߌ߲ ߏ߬ ߕߋ߬ߟߋ߫ ߝߌ߬ߟߊ߸ ߓߐߓ ߡߊߙߑߟߋ߫ ߞߊ߬ ߝߐߟߌߜߙߊ ߘߏ߫ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߓߋ߬ߒ߬ߞߊ߲߬ߠߌ߲ ߞߍߢߊ ߓߍ߯ ߟߊߕߐ߲߫ ߠߊ߫، ߝߐ߰ߓߍ߬ߦߊ߬ߟߊ ߘߏ߫ ߞߵߊ߬ ߢߌ߬ߣߌ߲߬ߞߊ߫ ߦߋ߲߬߸ ߞߏ߫ ߋ߫߹ ߌߟߋ ߖߐߞߌ߫ ߢߊ ߡߍ߲ ߦߋ߫ ߣߌ߲߬߸ ߡߎ߲߬ ߠߊ߫ ߌ ߡߴߌ ߢߐ߲ߢߐ߲߫ ߝߏ߫ ߞߊ߬ ߣߊ߬ ߕߏߟߏ߲߫ ߦߌߟߊ ߘߐ߫ ߦߊ߲߬ ߝߣߊ߫، ߓߐߓ ߡߊߙߑߟߋ߫ ߞߊ߲߫ ߞߏ߫ <<ߡߍ߲ ߠߎ߬ ߕߴߊ߬ ߝߍ߬ ߘߎߢߊ߫ ߦߋ߫ ߛߎߡߊ߫߸ ߏ߬ ߟߎ߬ ߕߴߊ߬ߟߎ߬ ߢߐߢߐ߲߫ ߠߊ߫، ߒߠߋ ߛߋߕߐ߫ ߒ ߢߐ߲ߢߐ߲߫ ߠߊ߫ ߘߌ߬ ߏ߬ ߘߐ߫؟>>

 

߅߲ ߺ ߓߐߓ ߡߊߙߑߟߋ߫ ߟߊ߫ ߢߣߊߡߦߊ ߞߣߐ߫߸ ߊ߬ ߣߌ߫ ߘߎߢߊ߫ ߦߙߐߕߐߕߐ ߛߋ߫ ߘߊ߫ ߞߍ߫ ߟߊ߫ ߢߐ߲߮ ߝߍ߬، ߘߋ߲ߡߛߏߣߍ߲ ߡߍ߲ ߞߍ߫ ߘߊ߫ ߘߎߢߊ߫ ߦߙߐߕߐߕߐ ߘߌ߫ ߁߉߇߆ ߟߊ߫߸ ߞߣߊߘߞߊ߫ ߖ߭ߡߊߦߞߌߞߊ߫ ߛߌ߲ߘߌ߬ ߓߙߌߞߛߑߔߊߙ، ߊ߬ ߣߴߏ߬ ߟߊ߫ ߖߙߊ߬ߓߌ ߟߋ߬ ߞߣߐ߫߸ ߊ߬ߟߎ߫ ߞߊ߬ ߘߋ߲ߞߍߣߍ߲߫ ߞߋߟߋ߲߫ ߛߐ߬ߘߐ߲߬߸ ߏ߬ ߕߐ߯ ߞߏ߫ ߘߊߡߌߦߊ߲߫߸ ߏ߬ ߟߋ ߞߍ߫ ߘߴߊ߬ ߘߋ߲߫ ߠߊߓߊ߲ ߘߌ߫ ߁߉߇߈ ߠߊ߫.

 

߆߲ ߺ ߡߐ߰ ߛߌߦߊߡߊ߲߫ ߦߋ߫ ߞߎߡߊ߫ ߟߊ߫ ߓߐߓ ߡߊߙߑߟߋ߫ ߘߋ߲߫ ߞߏ ߞߊ߲߬، ߊ߬ ߘߋ߲ ߡߍ߲ ߠߎ߬ ߟߊ߲ߞߣߍߡߊߣߍ߲߫߸ ߏ߬ ߞߍ߫ ߘߊ߫ ߘߋ߲߫ ߕߊ߲ ߣߌ߫ ߞߋߟߋ߲߫ ߠߋ߬ ߘߌ߫߸ ߡߍ߲ ߠߎ߬ ߛߐ߬ߘߐ߲߬ ߘߊ߫ ߡߏ߬ߛߏ߫ ߡߐ߰ ߥߐߙߐ߲ߝߌ߬ߟߊ߫ ߝߍ߬ (ߗߍ߬ߡߊ߲߬ ߇߸ ߡߛߏ߬ߡߊ߲߬ ߄). ߓߊ߬ߙߌ߬߸ ߞߌ߬ߓߊ߬ߙߏ߬ߘߊ ߝߊ߲߬ߓߊ ߓߍ߲߬ߣߍ߲߬ ߡߍ߲ ߡߊ߬߸ ߏ߬ ߟߋ ߞߏ߫ ߓߐߓ ߡߊߙߑߟߋ߫ ߞߊ߬ ߘߋ߲߫ ߅߀ ߟߋ߬ ߛߐ߬ߘߐ߲߬߸ ߊ߬ ߕߍ߫ ߖߌ߰ ߏ߬ ߞߘߐ߫ ߝߋߎ߫.

 

߇߲ ߺ ߓߍ߯ ߟߊߘߍ߬ߣߍ߲ ߞߵߊ߬ ߟߐ߲߫ ߞߏ߫ ߓߐߓ ߡߊߙߑߟߋ߫ ߕߎ߲߬ ߕߍ߫ ߝߊ߫ ߟߊ߫ ߛߙߊߓߊ ߘߐ߫، ߒ߬ߞߊ߬߸ ߡߍ߲ ߘߏ߲߰ߣߍ߲߫ ߡߐ߰ ߛߌߦߊߡߊ߲߫ ߡߊ߬ ߛߊ߫߸ ߏ߬ ߟߋ ߟߊ߫ ߥߛߎߟߊߘߏ߲ ߘߌ߫، ߒ߬ߓߊ߬߸ ߊ߲ ߘߴߊ߬ ߝߐ߫ ߊߟߎ߫ ߦߋ߫ ߞߏ߫ ߓߐߓ ߡߊߙߑߟߋ߫ ߓߌ߬ߟߊ߬ ߘߊ߫ ߟߋ߬ ߥߛߎ ߟߊ߫ ߛߙߊߓߊ߫ ߡߌ߲߫ ߞߏ ߘߐ߫، ߝߏ߫ ߊ߬ ߞߊ߬ ߞߊߙߏ߫ ߞߋߟߋ߲߫ ߞߍ߫ ߥߛߎ ߟߊ߫.

 

߈߲ ߺ ߕߎ߬ߢߊ ߟߋ߬ ߝߋߎ߫߸ ߊ߲ ߓߍ߯ ߦߴߊ߬ ߝߐ߫ ߟߊ߫ ߞߏ߫ ߓߐߓ ߡߊߙߑߟߋ߫ ߦߋ߫ ߓߐ߫ ߖ߭ߡߊߦߌߞߌ߬ ߟߋ߬، ߒ߬ߞߊ߬߸ ߊߟߎ߫ ߦߴߊ߬ ߟߐ߲߫ ߞߏ߫ ߊ߬ ߝߊ߬ ߦߋ߫ ߜߟߏ߬ߜߍ ߟߋ߬ ߘߌ߫߸ ߞߊ߬ ߓߐ߫ ߓߙߌߕߊ߲ߓߊ߫߸ ߏ߬ ߘߐ߫߸ ߖߊ߰ߕߙߊ ߟߋ߬ ߦߴߊ߬ ߘߌ߫، ߏ߬ ߟߋ ߘߐ߫߸ ߊ߬ ߕߎ߲߬ ߦߋ߫ ߝߐ߫ ߟߊ߫ ߓߐߓ ߡߊߙߑߟߋ߫ ߡߊ߬߸ ߞߏ߫ ߗߍ߬ߓߊ߬ߟߋ߲߬ߣߍ߲߬ ߜߍߡߊ߲، ߏ߬ ߟߋ ߘߐ߫߸ ߊ߬ ߕߍ߬ߘߍ߫ ߊ߬ ߝߐ߫ ߟߴߊ߬ ߟߊ߫ ߛߙߊ߬ߣߎ߲ ߠߎ߬ ߘߐ߫ ߛߐ߲߬߸ ߞߏ߫: <<ߞߊ߬ ߛߐ߬ߘߐ߲߬ ߌ ߕߍ߫ ߝߌ߬ߡߊ߲߬ ߘߌ߫߸ ߌ ߕߍ߫ ߜߍߡߊ߲߬߸ ߓߊ߬ߙߌ߬ ߖߊ ߟߊ߫ ߘߋ߲ ߠߋ߬ (ߙߊߛߑߕߝߊߙߌ ߡߐ߱ ߟߎ߬ ߡߊ߰ߙߌ ߞߊ߬ߣߌ߲߬).

 

߉߲ ߺ ߓߐߓ ߡߊߙߑߟߋ߫ ߟߊ ߛߘߊ ߡߊ߫ ߓߊ߬ߙ߫ ߡߐ߰ ߛߌߦߊߡߊ߲߫ ߘߐ߫، ߓߊߏ߬߸ ߊ߬ ߞߍ߫ ߘߊ߫ ߞߙߐ߬ߛߌ߬ߟߐ߲߬ߘߐ߬ߦߊ߬ߟߊ ߟߋ߬ ߘߌ߫، ߡߍ߲ ߕߘߍ߬ ߛߋ߫ ߟߊ߫ ߡߐ߱ ߕߍ߯ ߞߣߐߟߊ ߘߐߜߍ߫ ߟߊ߫߸ ߞߵߌ ߟߊ߫ ߛߌߣߌ߲߫ ߣߊ߬ߕߐ ߞߏ߫ ߛߌߦߊߡߊ߲߫ ߝߐ߫ ߊ߬ ߡߊ߬.

 

߁߀߲ ߺ ߥߊ߲߬ߞߏ߲߬ ߖߊ߲ߞߊߙߏ ߟߋ߬ ߞߊ߬ ߓߐߓ ߡߊߙߑߟߋ߫ ߝߊ߰ ߝߋߎ߫، ߒ߬ߞߊ߬߸ ߞߏ߫ ߞߋߟߋ߲߫ ߦߴߊ߬ ߘߐ߫߸ ߘߌ߯ߣߊߟߊߒߘߌߦߊ ߣߌ߫ ߛߣߐ߬ߡߍ߬ߘߐ߬ߦߊ߬ ߟߊ߬ߘߌߦߊߣߍ ߛߋ߲߬ ߦߴߊ߬ ߟߊ߫ ߛߊ߬ߦߊ ߘߐ߫، ߓߊߏ߬߸ ߘߊ߲ߘߊߟߌߟߊ ߟߎ߫ ߞߵߊ߬ ߝߐ߫ ߊ߬ ߦߋ߫ ߞߏ߫ ߥߊ߲߬ߞߏ߲߬ ߖߊ߲ߞߊߙߏ ߓߘߊ߫ ߘߌ߯ ߊ߬ ߝߊ߬ߘߌ ߦߙߐ ߡߍ߲ ߠߊ߫߫߸ ߞߏ߫ ߞߵߏ߬ ߕߍ߰ ߊ߬ ߟߊ߫߸ ߛߴߊ߬ ߟߊ߫ ߢߣߊߡߦߊ ߘߌ߫ ߟߊߞߊ߲ߘߊ߫، ߓߊ߬ߙߌ߬߸ ߞߏ߫ ߊ߬ߟߎ߬ ߟߊ߫ ߘߌ߯ߣߊ ߡߊ߫ ߛߐ߲߬ ߏ߬ ߡߊ߬߸ ߊ߬ ߝߣߊ߫ ߞߵߊ߬ ߓߊ߲߬، ߖߊ߲߬ߞߊߙߏ ߣߊ߬ ߘߊ߫ ߘߌ߯ ߊ߬ ߟߊ߫ ߏ߬ ߢߊ ߟߋ߬ ߡߊ߬߸ ߞߵߏ߬ ߞߍ߫ ߊ߬ ߛߊ߬ߣߍ߲ ߘߌ߫߸ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߃߆ ߘߐ߫.