ߞߎߣߎ߲߬ ߞߍ߲ߘߍߟߏ߲ ߂߀߂߆ ߞߊ߬ߙߌ߬ߝߐ ߕߟߋ߬ ߃߀߸ ߗ߭ߊߘߌ߬ ߗߋߘߋ߲ ߘߏ߫ ߟߎ߫ ߣߊ߬ ߘߊ߫ ߓߙߎߞߌߣߊ߫ ߝߊ߬ߛߏ߬߸ ߊ߬ߟߎ߬ ߣߌ߫ ߓߙߎߞߌߣߊ߫ ߟߊ߬ߞߊ߲߬ߘߊ߬ߟߌ ߞߏߕߌ߮ ߘߌ߫ ߞߊ߬ ߢߐ߲߮ ߦߋ߫߸ ߏ߬ ߡߍ߲ ߓߎ߲ߓߎ߲ߣߍ߲߫ ߕߘߍ߬ ߓߊ߰ߓߊ߰ߟߌ߬ߟߊ ߟߎ߬ ߞߟߍ߬ߞߏ ߡߊ߬ ، ߓߙߎߞߌߣߊ߫ ߟߊ߬ߞߊ߲߬ߘߊ߬ߟߌ ߞߏߕߌ߮ ߞߵߏ߬ ߟߊߘߌ߬ߢߍ߬ ߟߊ߬ߛߋ߬ߟߌ߬ ߘߏ߫ ߘߐ߫.

 

 ߗߋߘߋ߲ ߏ߬ ߟߎ߬ ߗߋ߫ ߘߊ߫ ߗ߭ߊߘߌ߬ ߞߎ߲߬ߠߊ߬ߝߎߟߋ߲ ߣߌ߫ ߞߎ߲߬ߝߍ߬ߕߊ߰ߟߌ ߞߏߕߌ߯ߘߊ ߟߋ߬ ߓߟߏ߫߸ ߏ߬ ߡߍ߲ ߢߍߡߌ߬ߘߊ߬ߣߍ߲߫ ߕߘߍ߬ ߕߐ߲ߕߌ߯ ߘߐ߬ߕߟߊ߬ߟߌ߬ߟߊ߫ ߡߤߊ߬ߡߊߕ ߌߓߙߊߤߌߡ ߡߊ߲߫ ߡߊ߲߫ ߓߟߏ߫،ߊ߬ߟߋ ߦߋ߫ ߡߐ߰ߦߊ ߛߐ߬ߘߐ߲߬ߘߊ ߢߍߡߌߘߊ ߟߋ߬ ߘߴߊ߬ ߟߊ߫ ߞߏߕߌ߯ߘߊ ߞߣߐ߫߸ ߊ߬ߟߎ߬ ߣߌ߫ ߓߙߎߞߌߣߊ߫ ߝߊ߬ߛߏ߬ ߞߏߕߌ߮ ߡߤߊ߬ߡߊߘߎ߬ ߛߊߣߊ߬ ߞߵߊ߬ߟߎ߫ ߛߌ߰ ߟߋ߬ ߣߌ߲߬ ߟߏ߲ ߜߍ ߣߌ߫ ߜߍ. 

 

ߢߐ߲߯ߦߋ ߣߌ߲߬ ߘߐ߫߸ ߛߟߊߕߌ߮ ߒߓߊߦߌ߬ ߣߊߦߑߛߊ߲߫ ߌߗ߭ߊߞ ߛߊߙߑߡߌߙ ߞߊ߬ ߞߎߡߊ ߕߊ߬߸ ߏ߬ ߡߍ߲ ߞߕߌ ߞߏߟߊߕߍ߮ ߘߏ߫ ߘߌ߫ ߗ߭ߊߘߌ߬ 

߸ ߞߊ߬ ߟߊ߬ߘߍ ߞߎ߲߭ ߢߊߝߐ߫ ߖߊ߬ߡߊ ߦߋ߫، ߊ߬ ߞߵߊ߬ ߦߌ߬ߘߊ߫ ߞߏ߫ ߢߐ߲߯ߠߊߘߍ ߣߌ߲߬ ߞߎ߲߭ ߦߋ߫ ߛߌߟߊ ߟߊߞߊ߬ ߟߋ߬ ߘߴߊ߲ ߖߎ߮ ߟߎ߬ ߞߟߍ߬ ߞߊ߲ߡߊ߬߸ ߣߴߊ߬ ߦߋ߫ ߓߊ߰ߓߊ߰ߟߌ߬ߟߊ ߟߎ߬ ߘߌ߫. 

 

<<ߗ߭ߊߘߌ߬ ߣߌ߫ ߓߙߎߞߌߣߊ߫ ߝߊ߬ߛߏ߬ ߦߋ߫ ߕߋߙߌߢߐ߲߯ߡߊ߫ ߞߘߐߞߘߐ ߟߋ߬ ߘߌ߫ >> ߊ߬ ߞߵߏ߬ ߦߟߌߓߌߟߊߟߌ ߞߍ߫. ߘߝߐ߬ ߞߘߐ߬ ߛߎ߰ ߞߋߟߋ߲߫ ߠߋ߬ ߟߊߞߊ߬ߟߌ߬ ߟߊ߫ ߖߡߊ߬ߣߊ߫ ߝߌ߬ߟߊ ߣߌ߲߬ ߠߊ߫ ߞߏ ߘߐ߫߸ ߏ߬ ߟߋ ߘߐ߫߸ ߗߋߘߋ߲ ߠߎ߬ ߞߊ߬ ߓߊ߯ߙߊߢߐ߲߯ߦߊ ߖߊ߬ߕߋ߬ߘߐ߬ߛߌ߮ ߦߌ߬ߘߊ߫ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߊ߫. 

 

ߞߊ߬ߦߌ߯ ߞߏ߲ߞߏߘߓߌ ߂߀߂߅ ߟߊ߫߸ ߕߍߓߊ߯ߦߊ ߘߏ߲߬ ߘߊ߫ ߓߙߎߞߌߣߊ߫ ߝߊ߬ߛߏ߬ ߣߌ߫ ߗ߭ߊߘߌ߬ ߕߍ߫߸ ߓߙߎߞߌߣߊ߫ ߟߊ߬ߛߌ߰ߘߋ߲ ߠߊߓߍ߲߬ ߘߴߏ߬ ߡߍ߲ ߛߋ߲߭ ߝߍ߬ ߗ߭ߊߘߌ߬ ߞߏߕߌ߯ ߝߟߐ ߓߟߏ߫ ߒߖߊߡߋߣߊ߫، ߏ߬ ߟߋ ߞߐ ߘߐ߫߸ ߓߙߎߞߌߣߊ߫ ߣߌ߫ ߡߊ߬ߟߌ ߣߌ߫ ߖߋ߬ߟߌ߬ߓߊ߬ߘߎ߯ ߞߊ߬ ߞߞߢ ߘߍ߭ ߛߌ߲ߘߌ߫߸ ߏ߬ ߡߍ߲ ߞߘߐ ߦߋ߫ ߞߌ߬ߢߍ߬ߞߏ߲߬ߞߏ߲߬ ߞߊߝߏ ߟߎ߬ ߟߊ߫ ߢߌ߲߬ߘߍ ߘߌ߫߸ ߞߏߟߊߒߞߘߐߢߐ߲߲߯ߦߊ ߛߌ߲߬ߝߏ߲߬ߧߊ߬ߟߌ߫ ߝߊ߲߬ ߛߓߊ߬ߡߊ ߓߘߊ߫ ߘߏ߲߬ ߖߡߊ߬ߣߊ߫ ߛߊ߬ߓߊ ߏ߬ ߟߊ߬ߛߌ߰ߘߊ ߟߎ߬ ߢߐ߲߯ ߕߍ߫ ߗ߭ߊߘߌ߬. 

 

ߓߊ߰ߓߊ߰ߟߌ߬ߟߊ߫ ߞߙߎ ߡߍ߲ ߠߎ߬ ߦߋ߫ ߝߌߙߌ߲ߝߌߙߌ߲߫ ߠߊ߫ ߓߐߕߏ߲ ߠߎ߬ ߢߐ߲߮ ߕߍ߫߸ ߕߐ߲ߓߟߏߡߊ ߟߎ߬ ߣߌ߫ ߞߟߍ߬ߡߐ߮ ߓߘߊ߫ ߓߍ߲߬ ߊ߬ ߘߐ߫ ߞߊ߬ ߘߊ߲߭ߛߌ߰ ߏ߬ ߟߊ߫. 

 

ߏ߬ ߦߋ߫ ߟߌ߬ߤߟߊ߬ ߢߣߊߡߊ߫ ߟߋ߬ ߘߌ߫ ߞߐߙߍ߫ ߛߌߦߊߡߊ߲߫ ߡߊ߬߸ ߓߋ߬ ߦߋ߫ ߞߍ߫ ߟߊ߫ ߡߍ߲ ߠߎ߬ ߞߊ߲߬ ߛߐ߲߬߸ ߊ߬ ߣߴߊ߬ ߘߌ߫ ߞߍ߫ ߛߊߓߎ߫ ߘߌ߫߸ ߞߊ߬ ߞߎ߲߬ߠߊ߬ߝߎߟߋ߲ ߝߊ߲߬ߞߊߘߏ߲߬ ߞߊ߬ ߞߊ߬ߙߊ߲߬ߛߏ ߟߎ߬ ߣߌ߫ ߟߐ߯ߝߍ ߟߎ߬ ߘߊ ߟߊߞߊ߬ ߊ߬ ߣߌ߫ ߛߌߟߊ ߟߎ߬. 

 

ߗ߭ߊߘߌ߬ ߗߋߘߋ߲ ߠߎ߬ ߢߌߣߌ߲߫ ߘߊ߫ ߓߊ߯ߙߊߢߐ߲߯ߦߊ ߣߌ߲߬ ߘߐߖߊ߬ ߣߴߊ߬ ߡߍ߲ ߠߋ߬ ߡߊ߬߸ ߊ߬ߟߎ߫ ߞߏ߬ߣߌ߲ ߡߴߊ߬ ߕߎ߬ߡߊ߬ ߟߊߕߍ߰ ߡߎߣߎ߲߬߸ ߖߡߊ߬ߣߊ߫ ߝߌ߬ߟߊ ߞߐߦߌߘߊ ߟߎ߬ ߓߍߣߊ߬ ߞߎߡߊ߫ ߞߏ ߕߊ߬ߡߌ߲߬ ߢߊ ߞߊ߲߬ ߞߐߟߊ߫. 

 

 ߏ߬ ߟߋ ߘߐ߫߸ ߓߙߎߞߌߣߊ߫ ߝߊ߬ߛߏ߬ ߣߌ߫ ߓߋߣߍ߲߫ ߣߊ߲߬ߕߌ߮ ߟߎ߬ ߓߘߊ߫ ߝߙߊ߬ ߢߐ߲߮ ߞߊ߲߬ ߊ߬ ߣߌ߫ ߛߘߋߦߊߥߏ ߝߣߊ߫ ߦߴߊ߬ ߞߊ߲߬ ߞߊ߬ ߝߊ߲߬ߞߊ ߘߏ߫ ߛߌ߰ ߛߋ߲߬ߠߊ߫ ߓߊ߰ߓߊ߰ߟߌ߬ߟߊ ߟߎ߬ ߞߟߍ߬ ߞߊ߲ߡߊ߬߸ ߞߞߢ ߞߊ߬ߝߏ ߓߍ߯ ߦߋ߫ ߣߌ߲߬ ߞߏ ߞߐߡߊߓߌ߲ߓߌ߲߫ ߠߊ߫، ߗ߭ߊߘߌ߬ ߦߴߏ߬ ߞߐߡߊߓߌ߲ߓߌ߲ߓߊ߮ ߘߏ߫ ߟߋ߬ ߘߌ߫߸ ߏ߬ ߞߘߐ߫ ߕߍ߫ ߘߋ߬ ߞߏ߫ ߊ߬ ߦߋ߫ ߞߞߢ ߘߍ߭ ߛߌ߲߬ߝߏ߲ ߘߏ߫ ߟߋ߬ ߘߌ߫ .

 

ߓߍ߯ ߛߌ߰ߣߍ߲߫ ߞߊ߬ ߞߏߕߌ߯ ߝߌ߬ߟߊ ߟߊ߫ ߢߐ߲߯ߦߋ ߣߌ߲߬ ߞߐߝߟߌ ߟߋ߬ ߡߊߞߐ߬ߣߐ߲߬ ߟߐ߯ߞߎ߲߫ ߣߊ߬ߕߐ߸ ߣߴߊ߬ ߞߐ ߓߍߣߊ߬ ߞߍ߫ ߣߊ߲߬ߕߌ߮ ߟߎ߬ ߝߙߊ߬ ߟߋ߬ ߘߌ߫ ߢߐ߲߮ ߞߊ߲߬ ،ߝߋ߲߫ ߞߏ߬ߣߌ߲ ߡߊ߫ ߝߐ߫ ߡߎߣߎ߲߬.