ߘߐ߲߬ߞߌ߬ ߛߊߟߌ ߓߊ߯ ߛߋ߫ ߞߐߕߊ߲ ߞߌ߲ߘߌߦߞߊ ߟߎ߬ ߘߴߊ߬ߟߎ߬ ߟߊ߫ ߕߏߟߏ߲߫ ߞߘߐߞߘߐ ߘߏ߫ ߞߍ߫ ߸ߊ߬ ߦߋ߫ ߝߐ߫ ߟߊ߫ ߡߍ߲ ߡߊ߬ ߞߊ߬ߣߌ߲߬ ߞߏ߫ " ߞߊߣߌߦߊ ߛߏ߬ߟߌ߬" ߊ߲ ߧߴߏ߬ ߡߍ߲ ߓߐߞߏ߫ ߇߲ ߘߐ߫ ߣߌ߲߬ ߢߌ߬ߣߊ߲߬ ߂߀߂߆ ߘߓߊ߬ߕߊ ߕߋ߬ߟߋ߫ ߂߉.

ߞߊߣߌߦߊ ߛߏ߬ߟߌ߬ ߦߋ߫ ߟߐ߲ߠߌ߲ߧߊ ߕߏߟߏ߲߫ ߞߘߐߞߘߐ ߘߏ߫ ߟߋ߬ ߘߌ߫ ߡߍ߲ ߡߊߟߐ߲ߣߍ߲߫ ߞߌ߲ߘߌߦߊ߫ ߛߌ߰ߓߊ߮ ߟߎ߬ ߣߴߊ߬ ߟߊߡߌߣߌ߲߫ ߛߏ߫ ߞߎ߲ߓߊ ߣߴߊ߬ ߛߏ߫ ߡߌߛߍ߲ ߠߎ߬ ߓߟߏ߫ ߞߏߛߓߍ߫ ߸ ߞߌ߲ߘߌߦߊ߫ ߏ߬ ߡߍ߲ ߦߋ߫ ߖߌ߬ߣߍ߬ ߛߏ߫ ߞߎ߲ߓߊ ߟߎ߬ ߘߏ߫ ߘߌ߫ ߞߊ߬ߣߌ߲߬.

ߒ߬ߓߊ߬،ߞߊߣߌߦߊ ߛߏ߬ߟߌ߬ ߦߋ߫ ߕߏߟߏ߲߫ ߝߌ߬ߟߊ ߟߋ߬ ߟߊߞߊ߬ߝߏ߬ߣߍ߲ ߘߌ߫ ߞߋߟߋ߲߫ ߘߌ߫،ߣߊߟߌ߬ߡߎ߲߫ ߘߐ߲߭ ߣߌ߫ ߛߍ߰ߘߏ߲ ߘߌ߫ ߸ ߝߟߐ߫ ߛߍ߰ߘߏ߲ ߞߊ߬ߣߌ߲߬߸ߊ߬ ߣߴߊ߬ ߦߋ߫ ߕߏߟߏ߲߫ ߠߋ߬ ߘߌ߫ ߡߍ߲ ߦߋ߫ ߡߐ߰ ߛߘߍߡߊ߲߫ ߠߊߘߍ߬ ߟߴߊ߬ ߥߊ߯ߕߌ ߏ߬ ߞߘߐ߫ ߛߐ߲߬ ߸ߘߐ߲߬ߞߌ߬ ߛߊߟߌ ߓߊ߯ ߛߋ߫ ߞߏߕߊ߲߫߸ߕߊ߯ߡߊߘߋ߲߫ ߓߐߓߊ߯ߕߐ ߟߎ߬ ߣߌ߫ ߞߌ߲ߘߌߦߊ߫ ߛߌ߰ߓߊ߮ ߟߎ߬ ߓߍ߯ ߟߋ߬ ߢߐ߲߮ ߠߊߘߍ߬ ߟߊ߫ ߕߎ߬ߡߊ ߏ߬ ߟߊ߫  ߞߵߏ߬ ߓߍ߲߬ߒ߬ߛߋ߲߬ߡߊ ߕߣߐ߬ߓߐ߫ ߛߍߥߊ ߣߌ߫ ߢߊ߯ߟߋ߲߫ ߘߐ߫.

ߞߌ߲ߘߌߦߊ߫ ߘߎ߰ߙߋ߲ ߘߏ߫ ߞߵߊ߬ ߦߌ߬ߘߊ߬ ߞߏ߫ :

ߛߏ߬ߟߌ ߣߌ߲߬ ߞߏ ߓߎ߲ߓߎ߲ߣߍ߲߫ ߕߘߍ߬ ߟߐ߲ߠߌ߲ߦߊ ߞߏ ߘߏ߫ ߟߎ߫ ߟߋ߬ ߡߊߞߊ߬ߙߊ߲߬ߧߊ߫ ߡߊ߬߸ߦߏ߫ ߡߊ߬ߘߋ߲߫ ߗߍ߬ߓߊ߬ߦߊ ߞߏ߫ ߞߘߐߞߘߐ ߏ߬ ߘߏ߫ ߟߎ߫.

ߊ߬ ߣߌ߫ ߞߏ߫ "ߛߏ߬ߟߌ" ߞߎߡߊߘߋ߲ ߓߐߣߍ߲߫ ߣߊ߬ߞߍ߫ "ߛߐ߬ߙߌ" ߟߋ߬ ߘߐ߫ ߸ ߏ߬ ߡߍ߲ ߞߘߐ ߦߋ߫ ߥߟߌ߬ ߖߏߣߊ ߘߌ߫ ߛߐ߰ߡߊ߬ߘߊ ߟߊ߫.

ߞߊߣߌߦߊ ߛߏ߬ߟߌ߬ ߡߊߟߐ߲ߣߍ߲߫ ߊ߬ ߜߋ߲ߜߋ߲߫ ߕߏߟߏ߲߫ ߞߏ ߟߋ߬ ߟߊ߫߸ ߞߙߎ ߓߐߣߍ߲ߢߐ߲߰ߡߊ߫ ߦߙߌߞߊ߫ ߟߎ߬ ߦߋ߫ ߛߍ߭ ߖߍ߬ߘߍߖߍ߬ߘߍ ߕߊ߬ ߟߊ߫ ߡߍ߲ ߘߐ߫ ߢߊ߰ߢߊ߮ ߣߌ߫ ߕߏߟߏ߲߫  ߘߐ߫ ߞߊ߬ߣߌ߲߬.

ߞߊ߲ߓߋߙߋ߲߫ ߞߘߐ߫ ߝߌ߬ߟߊ߬ ߘߌ߫ ߛߋ߫ ߛߍ߭ ߕߊ߬ ߟߊ߫ ߞߵߊ߬ߟߎ߬ ߞߍ߫ ߢߐ߲߮ ߞߊ߲߬ ߥߎ߬ߘߊ߲ ߣߌ߫ ߞߎ߲߬ߞߍ߲߬ߘߍ߬ߦߊ ߘߝߊߣߍ߲ ߘߐ߫ ߸ ߞߵߏ߬ ߟߊ߫ ߞߍߞߌߦߊ ߣߌ߫ ߜߟߐߡߌ߲߫ ߖߍ߬ߘߍߖߍ߬ߘߍ ߞߊ߲߬.

ߒ߬ߞߵߊ߬ ߓߌ߬ ߞߎ߲ߠߊ ߛߊ߫ ߸ ߗߍ߭ ߟߎ߬ ߣߌ߫ ߡߏ߬ߛߏ ߟߎ߫ ߟߋ߬ ߘߍ߰ ߟߊ߫ ߞߊߣߌߦߊ ߛߏ߬ߟߌ߬ ߕߏߟߏ߲ ߣߌ߲߬ ߠߊ߫ ߞߵߊ߬ ߞߏߢߊ ߓߍ߯ ߟߊߘߍ߬ߣߍ߲ ߠߎ߬ ߞߍ߫ ߢߐ߲߮ ߝߍ߬ ߦߏ߫ ߘߐ߲߭߸ ߊ߬ ߣߌ߫...

ߊ߲ ߧߋ߫ ߓߌ߬ ߕߟߋ ߡߍ߲ ߘߐ߫ ߣߌ߲߬ ߸ ߞߊߣߌߦߊ ߛߏ߬ߟߌ߬ ߓߘߊ߫ ߞߍ߫ ߟߊ߲߬ߘߊ߬ ߞߘߐߞߘߐ ߣߌ߫ ߕߐ߰ߡߊ߬ߛߙߋ߫ ߝߊ߲߬ߞߊ߬ߡߊ ߟߋ߬ ߘߌ߫ ߞߌ߲ߘߌߦߞߊ ߟߎ߬ ߓߟߏ߫߸ ߊ߱ ߟߋ߬ ߦߏ߫ ߡߊߡߦߊ ߓߘߊ߫ ߞߍ߫ ߞߊ߲ߞߊ߲ߞߊ ߟߎ߫ ߞߎ߲߬ߠߊ߬ߦߋߙߋ߲ ߘߌ߫ ߢߊ߫ ߡߍ߲ ߡߊ߬ ߣߌ߲߬ ߖߐ߫.

ߛߊ߲߬ - ߊ߲ - ߛߊ߲߬ ߘߐ߲߬ߞߌ߬ ߛߊߟߌ ߓߊ߯ ߛߋ߫ ߞߏߕߊ߲߫، ߊ߬ߟߎ߬ ߘߌ߫ ߕߎ߬ߡߊ߬ ߇߂ ߞߍ߫ ߞߊߣߌߦߊ ߛߏ߬ߟߌ߬ ߟߊߖߊ߲ߞߏ߫ ߟߊ߫ ߸ ߞߵߏ߬ ߞߍ߫ ߘߐ߲߬ߞߟߌ߬ߟߊ߬ߟߊ ߣߌ߫ ߘߐ߲߬ߠߊ ߟߎ߬ ߣߌ߫ ߘߋ߲ߡߌߛߍ߲ ߣߌ߫ ߡߏ߬ߛߏ ߣߌ߫ ߓߐߒߡߊߟߌߟߊ ߟߎ߬ ߟߊߘߍ߰ ߟߊ߲߬ߘߊ ߣߌ߫ ߘߐ߲߬ߞߟߌ ߟߎ߬ ߡߊ߬ ߊ߬ ߣߌ߫ ߘߌ߲߬ߞߌ߬ߙߊ߬ ߛߎ߲ߞߎ߲ߡߊ ߘߏ߫ ߟߎ߫ ߞߎ߲ߝߊ߲ߓߐ߫ ߟߊ߫.

ߏ߬ ߘߐ߫ ߝߊߦߌߘߊ߫ ߸ߖߌ߬ߣߍ߬ ߞߊ߲ߓߍ߲ ߖߍ߬ߘߍ ߦߴߊ߬ ߝߍ߬ ߟߋ߬ ߡߎ߬ߕߎ߲߬ ߞߊߣߌߦߊ ߛߏ߬ߟߌ߬ ߝߣߊ߫ ߦߋ߫ ߛߋ߫ ߟߊߞߏߟߐ߲߫ ߠߊ߫ ߎߣߍߛߑߞߏ ߓߟߏ߫ ߊ߬ ߣߌ߫ ߞߵߊ߬ ߢߊ߬ߕߣߐ ߣߴߊ߬ ߡߐ߬ߟߐ߲ ߦߌ߬ߘߊ߬ ߘߎߢߊ߫ ߟߊ߫..