ߊߡߙߌߞߌ߬ ߞߊ߲ߕߌ߮ ߞߊ߲߫ ߞߏ߫: <<ߊ߲ ߓߊ߲ ߛߋ߫ ߟߊ߫ ߌߙߊ߲߫ ߠߊ߫߸... ߊ߬ ߕߍ߫ ߡߍ߲߫ ߡߎ߬ߕߎ߲߬ ߒ ߘߴߊ߬ ߟߊߛߋ߫ ߞߏ߫ ߐߙߑߡߎߖ߭ ߖߌߓߐߟߐ߲ ߦߋ߫ ߞߊ߬ߝߏ߫ ߘߍ߬ߣߍ߲ ߘߎ߰ߞߟߏ ߟߋ߬ ߞߊ߲߬.>> ߞߊ߲ߕߌ߯ ߕߑߙߐ߲ߔ ߞߵߏ߬ ߟߋ ߟߊߕߍ߰.

ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߣߐ߬ ߟߊ߬ߛߋ߬ߟߌ߫ ߟߋ߬ ߞߍ߫ ߟߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߞߏ߫ ߊ߬ ߕߍ߫ ߡߍ߲߫ ߡߎ߬ߕߎ߲߬ ߊ߬ ߘߴߊ߬ ߟߊߛߋ߫ ߞߏ߫ ߐߙߑߡߎߖ߭ ߖߌߓߐߟߐ߲ ߦߋ߫ ߊߡߙߌߞߌ߬ ߘߎ߰ߞߟߏ ߟߋ߬ ߘߐ߫.

<<ߊ߲ ߓߊ߲ ߛߋ߫ ߟߊ߫ ߌߙߊ߲߫ ߠߊ߫߸... ߊ߬ ߕߍ߫ ߡߍ߲߫ ߡߎ߬ߕߎ߲߬ ߒ ߘߴߊ߬ ߟߊߛߋ߫ ߞߏ߫ ߐߙߑߡߎߖ߭ ߖߌߓߐߟߐ߲ ߦߋ߫ ߞߊ߬ߝߏ߫ ߘߍ߬ߣߍ߲ ߘߎ߰ߞߟߏ ߟߋ߬ ߞߊ߲߬.>> ߘߏߣߊߟ ߕߑߙߐ߲ߔ ߞߵߏ߬ ߟߋ ߟߊߛߋ߫ ߕߐ߲ߓߟߏߡߊ ߟߎ߬ ߟߊ߫ ߞߊ߬ߙߊ߲߬ߘߊ߬ ߞߎߘߊ ߟߊ߫ ߣߊߛߏ߫߸ ߜ߭ߊߙߑߘߍ߲ ߛߌ߬ߕߌ߸ ߣߌߦߐߙߞ ߞߊߝߏ ߞߣߐ߫.

ߕߑߙߐ߲ߔ ߞߵߊ߬ ߦߌ߬ߘߊ߬ ߞߏ߫ ߊߡߙߌߞߌ߬ ߟߊ߫ ߘߟߊߛߌ߯ߟߌ ߕߏߕߐ߫ ߊ߬ ߣߐ߭ ߘߐ߫ ߟߋ߬ ߖߌ߫ ߛߌߟߊ ߣߌ߲߬ ߞߊ߲߬ ߡߎߣߎ߲߬߸ ߞߏߏ߫ ߊ߬ ߕߍ߫ ߞߎ߲߫ ߞߎߟߎ߲ ߝߋ߲߫ ߘߐ߫ ߞߊ߬ ߕߊ߬ߡߌ߲߬߸ ߣߴߊ߬ߟߎ߬ ߟߊ߫ ߖߊ߬ߡߊߙߌ ߕߍ߫، <<ߝߏ߫ ߊ߲ ߓߊ߯ ߞߍ߫ ߊ߬ ߝߍ߬ ߡߍ߲ ߦߋ߫ ߕߊ߬ߡߌ߲߬߸ ߏ߬ ߟߋ ߕߊ߬ߡߌ߲߬ ߠߊ߫ ߘߋ߬.>>

ߌߙߊ߲߫ ߝߊ߰ߡߊ ߟߎ߫ ߞߏ߬ߣߌ߲ ߡߊ߫ ߛߐ߲߬ ߊߡߙߌߞߌ߬ ߟߊ߫ ߞߎߡߊ ߣߌ߲߬ ߡߊ߬߸ ߞߊ߬ ߝߐ߫ ߞߏ߫ ߦߋ߲߬ ߦߴߊ߬ߟߎ߬ ߟߊ߫ ߡߊ߬ߙߊ ߟߋ߬ ߞߣߐ߫، ߌߙߊ߲߫ ߞߊ߲߫ ߞߏ߫ ߊ߬ ߦߴߊ߬ߟߎ ߟߋ߬ ߓߟߏ߫߸ ߊ߬ ߕߍ߫ ߊߡߙߌߞߌ߬ ߓߟߏ߫ ߝߋߎ߫، ߊ߬ ߖߍ߬ߘߍ߸ ߌߙߊ߲߫ ߣߊ߲߬ߕߌ߮ ߟߎ߬ ߟߊ߫ ߡߊ߬ߡߙߊ߬ߟߌ ߞߏߟߊߕߍ߮ ߞߵߊ߬ ߟߊߛߋ߫ ߟߋ߬ ߓߌߟߏ߲ ߢߌ߲߬ ߡߊ߬߸ ߞߏ߫ ߕߑߙߐ߲ߔ ߦߋ߫ ߞߎߡߊ ߡߍ߲ ߠߎ߬ ߝߐ ߞߊ߲߬ ߣߌ߲߬߸ <<ߥߎߦߊ߫ ߞߎߡߊ߫ ߜߊ߲߰ߛߊ߲߫ ߠߋ߬߸ ߘߊ߬ߟߎ߬ ߛߌ߫ ߕߴߊ߬ ߟߊ߫.>>

ߘߓߊ߬ߓߌߟߊ ߕߟߋ߬ ߁߂ ߡߊ߬߸ ߕߋ߬ߟߋ߫ ߁߆߆ ߡߍ߲ ߕߊ߬ߡߌ߲߬ ߘߊ߫ ߞߍ߬ߟߍ ߞߎ߲߬ߕߊ߮ ߞߣߐ߫߸ ߞߎߟߎ߲߫ ߃ ߃߇߁ ߠߋ߬ ߕߊ߬ߡߌ߲߬ ߘߊ߫ ߖߌߓߐߟߐ߲ ߠߊ߫߸ ߥߟߊ߫ %߂߀ ߖߊ߬ߕߋ߫ ߟߋ߬ ߟߊߞߎ߲߬ߘߎ߬ ߘߊ߫ ߦߊ߬ߣߌ߫ ߞߍ߬ߟߍ ߦߋ߫ ߘߊߡߌ߬ߣߊ߬.

ߣߴߏ߬ ߕߍ߫ ߞߏ߲ߞߏߘߓߌ ߟߊ߫߸ ߞߊ߬ߝߏ߫ ߘߍ߬ߣߍ߲ ߣߌ߫ ߌߙߊ߲߫ ߓߍ߲߬ ߘߊ߫ ߞߟߍ߬ߟߊ߬ߟߐ߬ ߞߏ ߘߐ߫ ߟߋ߬߸ ߡߍ߲ ߞߏ ߞߎߡߊ߫ ߟߊߛߌ߮ ߞߍ߫ ߘߊ߫ ߔߊߞߌߛߑߕߊ߲߫ ߓߟߏ߫߸ ߞߣߊ߬ߕߏ߫ ߓߍ߲߬ߞߊ߲ ߛߐ߬ߘߐ߲߬ ߠߊ߫ ߥߊ߬ߛߌ߬ߥߙߊ ߕߟߋ߬ ߁߇ ߡߊ߬߸ ߞߵߏ߬ ߞߍ߫ ߛߌߟߊ ߟߊߞߊ߬ߣߍ߲ ߘߌ߫ ߓߍ߲߬ߞߊ߲ ߓߊ߲ߝߟߍ߬ߟߍ ߦߋ߫ ߛߍߣߍ߲߬ ߝߋߎ߫.

ߞߏ߬ߣߌ߲߬߸ ߘߊߘߐߖߊߥߏ ߣߊ߬ ߘߊ߫ ߓߟߏߕߍ߰߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߞߎ߲ߓߊߟߌߦߊ ߘߌ߫ ߞߋߟߋ߲߫ ߘߐ߫ ߞߊ߬ ߓߍ߲߬ ߐߙߑߡߎߖ߭ ߖߌߓߐߟߐ߲ ߞߊ߬ ߕߊߡߌ߲ ߛߙߊߕߌ ߟߎ߫ ߡߊ߬߸ ߦߋ߲߬ ߡߍ߲ ߦߋ߫ ߘߎߢߊ߫ ߖߌߞߊ߲߫ ߛߌߟߊ ߟߎ߬ ߘߐ߫ ߓߟߋ߬ߓߟߋ ߣߴߊ߬ߟߎ߬ ߘߐ߫ ߕߣߐ߬ߡߊ ߘߏ߫ ߘߌ߫ ߞߊ߬ߣߌ߲߬߸ ߢߎߡߍ߫ ߞߏ ߡߊ߬ߛߐ߬ߟߌ ߣߌ߫ ߖߊ߬ߥߏ ߛߌߟߊ ߝߍ߬.

ߞߊ߬ߙߌ߬ߝߐ ߕߟߋ߬ ߈ ߣߴߊ߬ ߂߄ ߕߍߟߊ ߘߐ߫߸ ߊߡߙߌߞߌ߬ ߟߎ߬ ߣߌ߫ ߌߙߊ߲߫ ߞߊ߬ ߥߊ߬ߟߏ߲߬ߠߌ߲ ߘߏ߫ ߟߎ߫ ߞߍ߫ ߢߐ߲߯ ߞߊ߲߬، ߊߡߙߌߞߌ߬ ߟߋ߬ ߝߟߐ߫ ߞߊ߬ ߌߙߊ߲߫ ߘߊ߬ߘߌ߬ ߌߙߊ߲߫ ߞߣߐ߫ ߦߋ߲߬، ߌߙߊ߲߫ ߝߣߊ߫ ߞߊ߬ ߕߊߛߙߊߟߌ ߞߍ߫߸ ߞߵߊߡߙߌߞߌ߬ ߟߊ߫ ߘߊ߯ ߟߊߛߌ߰ߣߍ߲ ߠߎ߬ ߥߊ߬ߟߏ߲߬ ߊߙߊߓߎ߫ ߖߡߊߣߊ ߟߎ߬ ߘߐ߫߸ ߖ߭ߐߙߑߘߊߣߌ߫߸ ߓߊ߬ߤߑߙߊߦߌߣߌ߬߸ ߊ߬ ߣߌ߫ ߞߏߥߍߕ.