ߝߘߊ߬ߝߌ߲߬ߠߊ߫ ߞߟߊ߬ߘߏ߲ߛߏ ߟߎ߬ ߘߐ߫ ߓߟߋ߬ߓߟߋ ߟߊ߫ ߡߞߊ߫ ߕߊ߮ ߞߐߝߍ߬߸ ߞߊ߬ߝߊ߫ ߂߀߀ ߛߓߍߓߊ߮ ߛߊ߲߬ ߛߋߦߌ߲߫ ߞߣߐ߫߸ ߊ߬ ߞߊ߫ ߞߊ߲߫ ߞߵߊ߬ ߕߏ߲߬ߘߊ ߕߊ߬ ߖߌ߬ߣߍ߬ ߞߊ߲ߓߍ߲ ߡߊߜߍ߲߫ ߢߍߥߟߊ߫ ߞߎ߲ߓߊ߫ ߛߌߦߊߡߊ߲߫ ߞߊ߲ߡߊ߬.



ߞߊ߬ߙߊ߲߬ߝߊ߬ ߡߏߙߌ߬ ߞߡߊ߬ߙߊ߬ ߖߐ߲߬ߡߊ߬ߛߌߣߌߟߐ߲߫ ߓߍߣߊ߬ ߘߏ߲߬ ߞߊ߲ߞߊ߲߫ ߣߊ߬ߓߊ߰ߦߊ߫ ߘߎ߱ ߞߣߐ߫ ߞߐ߬ߟߏ߲߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߆، ߊ߬ ߣߊ߬ߕߐ߫ ߞߊ߬ ߣߵߊ߬ ߢߊ ߟߊ߫ ߝߊ߬ߛߏ ߞߊ߲߬߸ ߞߊ߬ ߓߊ߲߫ ߞߵߊ߬ ߟߊ߫ ߟߐ߲ߠߌ߲ ߘߏ߫ ߞߊ߬ߙߌ߬ߝߊ߫ ߊ߬ ߞߊ߬ߣߌ߲߬ߓߊ߮ ߟߎ߬ ߟߊ߫، ߓߊߏ߬߸ ߊ߬ ߓߊ߯ ߟߊߓߍ߲߬ ߞߊ߲ߞߊ߲ߞߊ ߟߎ߬ ߓߟߏ߫ ߛߏ ߘߏ߲߬ߘߊ ߟߊ߫ ߞߐ߬ߟߏ߲ ߟߊ߲߰ߛߙߊ߬ ߞߐ ߘߐ߫߸ ߞߵߊ߬ ߛߍ߲߬ߛߍ߲߬ ߞߏߢߊ߬ ߞߵߊ߬ ߟߊߖߌ߰ߦߴߊ߬ ߖߌ߰ߦߊ߬ߘߊ ߟߊ߫.

 

ߞߎߣߎ߲ߟߏ߲ ߌߞߘߐ߫߸ ߘߍ߰ߡߎ߲߬ ߓߟߋߓߟߋ߫ ߘߌ߫ ߞߎ߬ߘߎ߫ ߊ߬ ߡߊ߬ ߖߌߓߏ߲ߘߏ߲ ߞߘߐ߫، ߞߊ߬ߝߊ߫ ߂߀߀ ߛߓߍߓߊ߮ ߛߊ߲߬ ߛߋߦߌ߲߫ ߞߘߐ߫߸ ߣߴߊ߬ ߓߘߊ߫ ߓߎ߬ߞߊ߬ߙߌ ߣߌ߫ ߡߎ߬ߛߟߌ߬ߡߎ߲ ߦߟߍ߬ߡߊ߲߬ ߒߞߏ ߘߐ߫߸ ߞߵߏ߬ ߟߊ߫ ߡߊ߯ߟߞߌ߫ ߟߊ߫ ߡߎ߬ߥߊ߬ߕߊ ߞߊ߲߬߸ ߞߎߡߊߕߍ߫ ߞߎ߬ߙߊ߬ߣߊ ߖߌ߰ߞߎ߲ߧߊ ߡߊ߬، ߊ߬ ߟߊ߫ ߞߊ߬ߝߊ ߘߏ߫ ߓߍ߫߸ ߏ߬ ߥߊߣߍ߲߫ ߝߏ߯ ߞߐߜߍ߫ ߁߅߀߀ ߡߊߜߍ߲߫، ߒ߬ߓߊ߬߸ ߓߍ߯ ߡߊߞߟߌߣߍ߲߫ ߊ߬ ߟߊ߫ ߘߍ߰ߡߎ߲ ߏ߬ ߢߣߊߓߊ߯ߦߊ ߘߐ߫.

 

ߘߍ߰ߡߎ߲ ߏ߬ ߓߊ߯ ߓߊ߲߫ ߕߎ߬ߡߊ ߡߍ߲ ߠߊ߫߸ ߓߌߟߏ߲߸  ߊ߬ ߣߴߊ߬ ߟߊ߫ ߖߊ߬ߡߊ ߘߴߊ߬ ߕߐ߲߬ߕߐ߲߫ ߞߵߊ߬ߟߎ߫ ߞߎ߲߬ߛߌ߲߫ ߊ߬ ߝߊ߬ߛߏ ߟߊ߫߸ ߞߎߣߊߘߎ߯ ߖߊߟߏ߲߫.


ߞߊ߲ߞߊ߲߫ ߒߞߏ ߛߍ߬ߘߏ߲߬ߠߊ ߟߎ߬ ߢߌߣߌ߲ߣߍ߲߫ ߓߍ߯ ߟߊ߫ ߓߐߟߌ ߡߊ߬ ߞߐ߬ߟߏ߲߸ ߞߊ߬ ߞߊ߬ߙߊ߲߬ߝߊ ߡߏߙߌ߫ ߞߡߊ߬ߙߊ߫ ߖߐ߲߬ߡߊߛߌߣߌ߲ߟߐ߲߫ ߠߊߞߢߐ߬ߡߊ߬ ߞߊ߲ߞߊ߲߫ ߘߏ߲߬ߘߊ ߟߊ߫߸ ߞߵߊ߬ ߡߊߟߐ߬ ߊ߬ ߖߌ߰ߦߊ ߟߊ߫. ߓߍ߯ ߡߊߞߟߌߣߍ߲߫ ߝߣߊ߫߸ ߞߵߊ߬ ߟߊ߫ ߘߍ߰ߡߎ߲ ߢߣߊߓߊ߯ߦߊ߫ ߞߎߣߎ߲ߟߏ߲߸ ߖߐ߲߰ߛߊ߫ ߕߟߏ ߘߌ߫ ߥߊ߫ ߞߊ߬ߙߊ߲߬ߛߏ߫ ߏ߬ ߟߏ߲.

 

ߣߌ߫ ߡߍ߲ ߠߎ߬ ߦߋ߫ ߞߎ߲߬ߠߊ߬ߝߎߟߋ߲߫ ߜߘߍ߫ ߞߐ߫ ߣߌ߲߬ ߞߏ ߘߐ߫߸ ߊߟߎ߫ ߦߋ߫ ߓߍ߯ߓߊߖߘߍ߬ߦߋ߫ ߞߡߊ߬ߙߊ߬ ߟߊߢߌߣߌ߲߫ ߞߊ߲ߞߊ߲߫߸ ߞߵߌ ߟߊߞߍ߫ ߊ߬ ߢߍߥߟߊ ߕߐ߭ ߓߍ߯ ߞߊ߬ߟߊߡߊ߬.