ߓߌ߬ ߂߀߂߆ ߥߊ߬ߛߌߥߊ߬ߙߊ ߕߋ߬ߟߋ߫ ߂߅ ߟߋ߬ ߖߐ߲߭ߓߍ߲߬ߘߍ ߕߟߋ߬ ߁߀ ߘߌ߫ ߸ߏ߬ ߡߍ߲ ߦߋ߫ ߟߏ߲ߓߊ߫ ߘߌ߫ ߘߎߢߊ߫ ߛߌ߬ߟߡߊ߬ ߖߡߊߣߊ ߟߎ߬ ߓߟߏ߫߸ߊ߬ߟߎ߬ ߦߋ߫ ߓߘߊߡߐ߯ ߟߝߊ ߞߍ߫ ߟߊ߫ ߟߏ߲ ߡߍ߲ ߡߊ߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬ ߸ߞߴߏ߬ ߞߎ߲߭ ߞߍ߫ ߛߊ߲߬ ߞߘߐ ߕߊ߯ ߘߌ߫ ߞߊ߬ ߞߎߘߊ ߛߣߍ߫. ߘߏ߫ ߟߎ߫ ߖߍ߬ߘߍ ߦߴߊ߬ ߝߐ߫ ߟߊ߫ ߞߏ߫ ߢߌ߲߬ ߟߏ߲ ߠߋ߬ ߛߊߟߌ ߓߍ߬ߘߍߓߍ߬ߓߍ ߘߌ߫ ߊ߲ ߓߟߏ߫ ߊ߲ ߣߌ߫ ߡߍ߲ ߢߊ߰ߢߊ߮ ߞߍߟߌ ߞߢߊߡߊ߲߫ ߣߌ߬ߟߊ߬ߛߍߥߊ ߘߝߊߣߍ߲ ߘߐ߫. 

ߏ߬ ߞߍߢߊ ߘߐ߫߸ߊ߬ߟߎ߬ ߦߋ߫ ߞߌߣߌ߲ ߣߌ߫ ߛߏ߬ߓߏ ߣߌ߫ ߝߋ߲߫ ߛߎ߯ߦߊ߫ ߓߐߣߍ߲ߢߐ߲߰ߡߊ ߟߎ߫ ߟߋ߬ ߕߓߌ߫ ߟߊ߫ ߞߊ߬ ߕߊ߯ ߊ߬ ߡߊߟߐ߬ ߛߏߕߌ߯ ߞߍߡߐ߮ ߓߘߊ ߸ߓߍ߯ ߦߋ߫ ߢߐ߲߮ ߓߍ߲߬ ߠߊ߫ ߦߋ߲߬ ߘߐ߫ ߟߋ߫ ߖߡߊ߬ߦߊ߬ ߓߟߏߡߊ߬ ߞߊ߬ ߘߊߡߎߣߎ߲ ߞߍ߫ ߢߐ߲߮ ߝߍ߬ ߤߊ߲߯ ߓߍ߯ ߦߋ߫ ߝߊ߫  ߕߍ߲ߕߍ߲߫ ،ߏ߬ ߞߐ߫ ߸ߊ߬ߟߎ߬ ߘߌ߫ ߛߊ߲߬ ߞߎ߬ߘߊ߬ ߝߏߟߌ ߣߴߊ߬ ߘߎ߬ߥߊ߬ߥߎ ߟߎ߬ ߞߍ߫ ߢߐ߲߮ ߢߍ߫ ߞߏ߫ :ߛߊ߲߬ ߞߎߘߊ ߦߴߊ߲ ߛߊ߲߬ߓߊ߬ ߤߙߍ߫ ߞߎߘߊ ߣߌ߫ ߤߊ߬ߙߌ߬ߖߍ߰ ߛߊߣߌ߲ ߣߌ߫ ߛߌ߬ߡߊ߬ߦߊ ߣߌ߫ ߞߍ߲ߘߍߦߊ ߟߊ߫ ߸ߞߊ߬ ߛߊ߲߬ ߞߎߘߊ ߘߌߦߴߊ߲ ߠߊ߫ ߞߵߊ߬ ߣߍ߯ߡߊ ߓߐ߲߬ ߊ߲ ߞߊ߲߬ ߖߏ߯ߓߏߖߊ߯ߓߊ߫ ߹ߊ߬ߟߎ߬ ߘߴߊ߬ ߦߌ߬ߘߊ߫ ߖߍ߬ߘߍ ߞߏ߫ ߣߌ߫ ߡߍ߲ ߡߊ߫ ߛߐ߲߬ ߊ߬ ߞߏ߬ ߟߊ߫ ߣߌ߲߬ ߟߏ߲ ߞߴߏ߬ ߕߌ߰ߟߊ߬ߡߐ߮ ߘߌ߫ ߦߟߍ߬ߡߊ߲߫ ߞߊ߬ ߞߍ߫ ߝߊ߬ߟߌ ߤߊߡߊ߲߫ ߟߍ߭ ߘߌ߫ ߸ߞߏ߫ ߣߌ߫ ߡߍ߲ ߘߏ߲߬ ߝߣߊ߫ ߞߵߊ߬ ߓߊ߲߬ ߘߊߡߎߣߎ߲߫ ߞߏ ߡߊ߬ ߸ߞߏ߫ ߛߎ ߘߐ߫ ߞߏ߫ ߡߟߍ߬ߞߊ ߟߎ߫ ߦߋ߫ ߓߍ߯ ߦߟߍ߬ ߟߊ߫ ߟߋ߫ ߖߊ߭ ߟߊ߫ ߞߵߌ ߖߌߘߊ߲ ߟߐ߲߫.ߏ߬ ߛߊߓߎ߫ ߟߊ߫ ߸ߓߍ߯ ߘߴߌ ߞߏ߬ ߣߌ߲߬ ߟߏ߲ ߤߊߟߌ߬ ߡߍ߲ ߡߊ߫ ߘߋ߬ߙߌ߫ ߊ߬ ߞߏ߬ ߟߊ߫ ߞߊ߬ ߞߌߣߌ߲ߓߊ ߘߊߡߎ߲߫ ߏ߬ ߞߐ߫ ߞߴߌ ߝߊ߫ ߕߍ߲߫ ߦߏ߫ ߛߏ߲߭ ߘߋ߲.

ߒ߬ߓߊ߬ ߸ߣߌ߫ ߘߊߥߎ߲ߠߌ߲ ߏ߬ ߞߎ߲߭ߘߏ߲߬ ߘߊ߫ ߛߍߣߍ߲߬ ߛߎ ߝߍ߬ ߸ ߘߋߣߍ߲ ߠߎ߬ ߘߌ߫ ߘߎ߲߫ ߞߏߙߏ߲ ߠߎ߫ ߣߌ߫ ߜߟߋ߬ߞߋ ߕߊ߬ ߞߊ߬ ߖߌ ߞߍ߫ ߞߘߌߜߊ߭ ߘߏ߫ ߘߐ߫ ߞߊ߬ ߝߍ ߟߊߓߌߘߌ߲߫ ߖߌ ߏ߬ ߞߊ߲߬ ߞߴߏ߬ ߛߌ߰ ߡߐ߰ ߞߋߟߋ߲߫ ߞߎ߲߬ ߞߊ߬ ߛߏ ߡߌ߬ߣߴߊ߬ߟߎ߫ ߞߎ߲߬ߘߌ߫ ߝߍ߫ ߡߊߝߐ ߣߌ߫ ߘߐ߲߬ߞߟߌ߬ ߘߎ߲߬ߡߊ߲߬ߣߍ߲ ߠߎ߬ ߟߊ ߘߌ߫ ߛߌߣߍ߲߬ ߞߊ߬ ߕߊ߯ ߡߐ߱ ߟߎ߬ ߛߊߟߌߡߊߝߏ߫.

ߏ߬ ߘߐ߫ ߸ߞߊ߬ ߓߍ߲߬ ߖߐ߲߬ߓߍ߲߬ߘߍ߬ ߛߊߟߌ ߘߊߡߌ߬ߣߊ߬ ߢߊ ߣߴߊ߬ ߞߍ߫ ߞߎ߲ ߡߊ߬ ߛߊ߫ ،ߏ߬ ߟߋ ߢߊ ߕߎߣߎ߲ߣߍ߲߫ ߡߐ߰ ߛߌߦߊߡߊ߲߫ ߡߊ߬ ߡߍ߲ ߢߊߟߐ߲߫ ߢߊ߫ ߛߌ߫ ߕߍ߫ ߘߏ߫ ߟߎ߫ ߓߟߏ߫ ߞߊ߬ߡߊߛߐ߬ߘߐ߲߬ ߊ߬ ߢߊߢߌߣߌ߲߫ ߓߊߟߌߦߊ߫ ߝߍ߬ ߸ߊ߲ ߞߊ߬ ߛߋ߲߬ߠߊ߬ߓߐ߬ߟߌ ߞߍ߫ ߏ߬ ߟߋ ߘߐ߫ ߞߊ߬ ߕߊ߯ ߥߎ߬ߦߊ߲߬ߞߌ߬ߟߌ ߝߊ߬ ߛߏ߬ߙߌ߫ ߡߊ߲߬ߘߋ߲߬ߞߊ߫ ߞߓߊ߬ ߘߊߘߐߢߌ߬ߣߌ߲߬ߞߊ߫ ߊ߬ ߞߏߢߊ ߡߊ߬ ،ߊ߬ ߝߣߊ߫ ߞߵߊ߬ ߦߌ߬ߘߊ߬ ߞߏ߫ :<<ߖߐ߲߬ߓߍ߲߬ߘߍ߬ ߞߊߙߏ ߢߌ߲߬ ߕߐ߯ ߟߋ߬ ߊߙߊߓߎ߫ ߞߊ߲ ߘߐ߫ ߞߏ߫ ߡߎ߬ߤߊ߯ߙߊߡ ߸ߏ߬ ߞߘߐ ߟߋ߬ ߞߏ߫ "ߖߐ߲߭ߓߍ߲߬ߘߍ ߥߟߊ߫ ߊ߬ߛߎ߯ߙߊ ߸ߏ߬ ߡߍ߲ ߞߘߐ ߦߋ߫ "ߕߊ߲߫ "ߘߌ߫ ߸ߞߊ߬ ߓߍ߲߬ ߊ߬ ߕߊ߭ ߡߊ߬ ߛߊߟߌߦߊ ߞߊߡߊ߲ ߞߣߐ߫ ߛߊ߫ ߛߌ߬ߟߊ߬ߡߊ ߟߎ߬ ߓߟߏ߫ ߸ߏ߬ ߞߵߊ߬ ߛߐ߬ߘߐ߲߫ ߠߋ߬ ߡߞߊ߫ ߞߊ߯ߝߙߌ ߟߎ߫ ߦߋ߫ ߖߐ߲߭ߓߍ߲߬ߘߍ ߕߟߋ߬ ߁߀ ߞߍ߫ ߟߊ߫ ߛߊߟߌ ߣߌ߫ ߛߊ߲߬ ߦߟߍߡߊ߲ ߘߌ߫ ߞߊ߬ߛߐ߬ߘߐ߲߬ ߛߌ߬ߟߡߊ߬ߦߊ ߡߊ߫ ߣߊ߬ ߡߎߣߎ߲߬߸ߛߌ߬ߟߡߊ߬ߦߊ ߣߊ߭ ߡߍ߲ ߞߍ߫ ߘߊ߫ ߸ߊ߬ ߝߣߊ߫ ߞߵߊ߬ߟߋ߬ ߞߍߢߊ߫ ߞߋߟߋ߲߫ ߔߋ߫ ߞߍ߫ ،ߓߊ߸ ߦߊ߬ߤߎ߯ߘߎ ߟߎ߫ ߟߋ߬ ߝߟߐ߫ ߞߵߊ߬ ߘߊߡߌ߬ߣߊ߬ ߘߎߢߊ߫ ߞߣߐ߫ ߸ߡߎߛߊ߫ ߟߊ߫ ߡߐ߱ ߟߎ߫ ߞߊ߬ߣߌ߲߫ ߸ߏ߬ ߟߎ߫ ߕߎ߲߬ ߦߴߏ߬ ߞߍ߫ ߟߊ߫ ߞߊ߬ ߓߍ߲߬ ߡߎߛߊ߫ ߛߋ ߟߋ߬ ߘߌ߫ ߝߋ߬ߙߊ߬ߥߎ߯ߣߊ߫ ߟߊ߫ ߞߵߊ߬ߟߎ߬ ߟߊ߫ ߡߌ߬ߙߌ߲߬ߘߌ ߟߊߞߛߌ߫.

ߒ߬ߓߊ߬ ߸ߞߋߟߊ ߣߊ߭ ߊ߬ߟߎ߫ ߛߐ߬ߘߐ߲߬ ߠߊ߫ ߖߐ߲߭ߓߍ߲߬ߘߍ ߕߟߋ߬ ߁߀ ߏ߬ ߢߊ߰ߢߊ߮ ߥߟߴߊ߬ ߛߎ߲ ߞߊ߲߬ ߸ߊ߬ ߞߵߊ߬ߟߎ߬ ߡߊߢߌ߬ߣߌ߲߬ߞߊ߫ ߏ߬ ߞߍ߫ ߞߎ߲ ߡߊ߬ ߸ߊ߬ߟߎ߬ ߝߣߊ߫ ߞߵߊ߬ ߖߋ߬ߓߌ߬ ߞߏ߫ ߊ߲ ߧߋ߫ ߣߌ߲߬ ߞߍ߫ ߟߊ߫ ߞߊ߬ߡߊߛߐ߬ߘߐ߲߬ ߡߎߛߊ߫ ߟߊ߫ ߡߐ߱ ߟߎ߬ ߞߊ߲ߤߙߐߦߊ ߟߋ߬ ߞߏߛߐ߲߬ ߞߊ߬ ߓߐ߫ ߝߋ߬ߙߊ߬ߥߎ߯ߣߊ߫ ߓߟߏ߫ ߸ߞߋߟߊ ߞߵߊ߬ ߦߌ߬ߘߊ߫ ߞߏ߫ ߒߠߋ ߛߎ߬ߘߎ߲߬ߡߊ߲߫ ߡߎߛߊ߫ ߟߊ߫ ߞߊ߬ ߕߊ߬ߡߌ߲߬ ߊߟߎ ߞߊ߲߬ ߸ߊ߬ ߝߣߊ߫ ߞߊ߬ ߕߟߋ߬ ߁߀߲ ߏ߬ ߛߎ߲߫ ߛߊ߲߭ ߏ߬ ߟߊ߫،ߏ߬ ߞߐ߫ ߸ߊ߬ ߞߵߊ߲ ߞߊ߲ߕߏ߫ ߞߏ߫ ߣߌ߫ ߛߊ߲߬ ߣߊ߬ߕߐ ߞߊ߬ ߛߐ߬ߘߐ߲߬ ߒ  ߧߋ߫ ߒ ߣߌߟߊ߫ ߒ ߘߌ߫ߘߌ߫ ߖߐ߲߭ߓߍ߲߬ߘߍ ߕߋ߬ߟߋ߫ ߉ ߣߌ߫ ߕߊ߲ߣߊ߲ ߛߎ߲߫ ߞߊ߬ ߘߊ߲߬ߕߍ߰ߓߐ ߟߊ߫ ߛߌ߬ߟߡߊ߬ߦߊ ߕߊ ߣߌ߫ ߦߊ߬ߤߎ߯ߘߎ ߟߎ߬ ߕߊ ߕߍ߫ ߸ߖߐ߲߭ߓߍ߲߬ߘߍ ߟߊߛߌ߬ߟߡߊ߬ߦߊ߫ ߘߊ߫ ߞߋߟߊ ߓߟߏ߫ ߢߊ ߏ߬ ߟߋ ߡߊ߬ ߞߵߊ߬ ߞߍ߫ ߛߎ߲ ߣߌ߫ ߢߊ߰ߢߊ߮ ߣߌ߫ ߛߊ߲߬ ߦߟߍߡߊ߲ ߞߊߙߏ ߘߌ߫ ،ߞߊ߬ߕߘߍ߬ ߞߊ߯ߝߙߌ ߟߎ߫ ߟߊ߫ ߞߏ߫ ߟߊߝߟߐߣߍ߲ ߠߋ߬ ߞߊ߬ ߞߐ߲߬ ߛߌ߬ߟߡߊ߬ߦߊ ߣߊ߭ ߢߍ߫ >> ߊ߬ ߞߵߏ߬ ߦߌ߬ߘߊ߬.

ߖߐ߲߭ߓߍ߲߬ߘߍ ߕߊ߭ ߡߎ߬ߕߎ߲߬ ߛߍߣߍ߲߬ ߞߊ߬ ߞߍ߫ ߛߌ߬ߟߊ߬ߡߊ ߟߎ߬ ߟߊ߫ ߛߊ߲߬ߥߟߊ ߋߗ߭ߙߌߍ߲ ߘߌ߫ ߸ߏ߬ ߞߍ߫ ߘߊ߫ ߞߋߟߊ ߛߊ߭ ߞߐ߫ ߟߋ߬ ߸ߎߡߊ߯ߙ ߓߣߎ߬ ߞߊ߯ߕߊߓ ߟߋ߬ ߞߴߏ߬ ߞߍ߫ ߊ߬ ߟߊ߫ ߞߊ߬ߟߌ߬ߝߊ߬ߦߊ ߕߎ߬ߡߊ ߟߊ߫ ،ߞߊ߬ ߛߊ߲߬ߥߟߊ ߘߐߓߍ߲߬ ߞߊ߬ ߓߍ߲߬ ߞߋߟߊ ߟߊ߫ ߝߎ߲ߘߌ ߡߊ߬ ߞߴߏ߬ ߞߍ߫ ߛߌ߬ߟߊ߬ߡߊ ߟߎ߫ ߟߊ߫ ߕߎ߬ߡߊ߬ߞߎ߲ ߘߌ߫ ߸ߡߊ߲߬ߘߋ߲߬ߞߊ ߞߵߊ߬ ߦߌ߬ߘߊ߫ ߦߋ߲߬ ߞߏ߫ :<<ߌߞߏߡߌ߲߬ ߛߌ߬ߟߡߊ߬ߦߊ ߓߘߊ߫ ߣߊ߬ ߊ߲ ߠߊ߫ ߖߏ߭ ߟߎ߬ ߣߌ߫ ߓߊߛߌ ߟߎ߬ ߣߴߊ߬ ߢߐ߲߰ߘߐ ߟߎ߬ ߟߊߜߊ߬ߛߌ߬ ߸ߏ߬ ߟߋ ߣߐ߬ ߊ߲ ߕߊ ߟߎ߬ ߢߊߞߍ߫ ߟߴߊ߲ ߡߊ߬ ،ߣߴߏ߬ ߕߍ߫ ߸ߛߏߡߊ ߟߎ߫ ߘߊ߬ߙߌ߬ߣߍ߲߫ ߊ߬ ߞߍ߫ ߟߊ߫ ߖߐ߲߭ߓߍ߲߬ߘߍ ߊ߬ߙߊ߬ߓߊ߬ ߟߊ߬ߓߊ߲ ߠߋ߬߸ߒ ߞߏ߬ߣߌ߲ ߡߴߏ߬ ߞߎ߲߬ ߣߴߊ߬ ߘߝߐ߬ ߟߐ߲߫ ߸ߏ߬ ߦߋ߫ ߛߎߡߊ ߟߎ߫ ߟߋ߬ ߞߋߟߋ߲߫ ߠߊ߫ ߞߎ߲߬ߠߊ߫ ߕߋ߲߬ ߛߌ߬ߟߡߊ߬ߦߊ ߝߏ߲߬ߝߏ߲߬ߠߊ ߟߊߥߊ߬ߙߊ ߞߏߛߐ߲߬ ߊ߲ ߓߘߊ ߸ߞߊ߬ ߕߟߋ߬ ߁߀ ߞߍ߫ ߛߌ߬ߟߊ߬ߡߊ ߟߎ߬ ߕߊ ߘߌ߫ ߸ߞߊ߬ߛߐ߬ߘߐ߲߫ ߘߏ߲߬ ߏ߬ ߞߍߓߊ߯ ߝߟߐ ߟߎ߬ ߓߍ߯ ߕߎ߲߬ ߛߌ߬ߟߊ߬ߒ߬ߕߊ߲ ߠߎ߫ ߟߋ߬ ߘߌ߫ ߸ߏ߬ ߡߍ߲ ߞߍߢߊ ߡߊ߫ ߡߊߝߊ߬ߟߋ߲߬ ߤߊߟߌ߬ ߘߏ߯ߣߍ߲߫ ߊ߬ ߓߍ߯ ߞߍߢߊ߫ ߞߋߟߋ߲߫ >> ߊ߬ ߞߵߏ߬ ߝߐ߫ ߞߵߊ߬ ߓߐ߱ ߘߐߘߐ߲߬.

ߞߊ߬ ߓߍ߲߬ ߛߌ߬ߟߡߊ߬ߦߊ ߓߏߟߏ߲ ߠߊߛߌߦߊߦߊ߫ ߡߊ߬ ߸ߊ߬ ߦߌ߬ߘߊ߬ ߘߴߊ߬ ߓߟߏ߫ ߞߏ߫ ߛߎ߲߯ߣߊ ߟߎ߫ ߟߋ߬ ߦߴߊ߬ ߢߊ߰ߢߊ߮ ߣߴߊ߬ ߛߎ߲ߘߏ߲ ߞߍ߫ ߟߊ߫ ߸ߛ߭ߌ߯ߦߊ ߟߎ߬ ߕߴߊ߬ ߞߍ߫ ߟߊ߫ ،ߞߴߏ߬ ߞߎ߲߭ ߞߍ߫ ߞߋߟߊ ߡߐ߰ߘߋ߲߬ߞߍ ߟߏ߲߬ߛߋߣߌ߲߬ ߝߊ߰ ߘߊ߫ ߖߐ߲߭ߓߍ߲߬ߘߍ ߕߟߋ߬ ߁߀ ߠߋ߬ ߡߊ߬ ߞߊ߯ߙߌߓߟߊ߫ ߸ߏ߬ ߡߍ߲ ߦߋ߫ ߛ߭ߌ߯ߦߊ߫ ߡߐ߮ ߟߎ߬ ߟߊ߫ ߛߎ߬ߣߎ߲߬ ߟߏ߲߬ߓߊ ߣߌ߫ ߞߊ߬ߛߌ ߣߌ߫ ߞߌ߬ߣߌ߲߬ߞߌ߬ߣߌ߲߬ߞߊ߲߬ ߝߐ ߟߏ߲ ߘߌ߫ ߊ߬ߟߎ߫ ߝߍ߬߸ߊ߬ߟߎ߫ ߘߏ߲߬ ߕߍ߫ ߛߎ߲߫ ߞߎߡߊߕߍ߫ ߛߍߥߊ ߡߊ߬ ߸ߊ߬ ߞߵߊ߬ ߦߌ߬ߘߴߊ߲ ߠߊ߫ ߊ߬ ߟߊ߫ ߞߎߡߊ߫ ߟߊߓߊ߲ ߘߐ߫ ߞߏ߫:<<ߊ߬ߝߐ߫ ߛߍߣߍ߲߬ ߞߏ߫ ߣߌ߫ ߡߍ߲ ߡߊ߬ ߘߊߡߎߣߎ߲ߓߊ ߞߍ߫ ߞߵߌ ߝߊ߫ ߞߏ߫ ߡߟߍ߬ߞߊ ߟߎ߫ ߦߋ߫ ߓߍ߯ ߦߟߍ߬ ߟߊ߫ ߟߋ߫ ߖߊ߭ ߟߊ߫ ߸ߞߴߏ߬ ߕߍ߫ ߕߎ߬ߢߊ߬ ߘߌ߫ ߡߎ߰ߡߍ߫ ߸ߏ߬ ߝߐ߫ ߞߎ߲ ߦߋ߫ ߡߐ߱ ߟߎ߬ ߞߟߊߓߎߘߏ߲߭ ߠߋ߬ ߘߌ߫ ߘߊߡߎߣߎ߲ ߡߊ߬ ،ߣߴߏ߬ ߕߍ߫ ߸ ߖߊ߬ ߕߍ߫ ߡߟߍ߬ߞߊ߬ ߛߌ߫ ߓߟߏ߫ ߸ߞߎߡߊ ߏ߬ ߖߍ߬ߘߍ ߦߋ߫ ߒ߬ ߠߊ߫ ߡߐ߱ ߟߎ߫ ߟߊ߫ ߝߐߟߌ ߟߋ߬ ߘߴߊ߲ ߝߍ߬ ߦߊ߲߬ ߡߍ߲ ߦߋ߫ ߕߎ߬ߢߊ ߛߌ߬ߣߊ ߘߌ߫ ،ߏ߬ ߘߐ߫ ߸ߖߐ߲߭ߓߍ߲߬ߘߍ ߦߋ߫ ߊߙߊߓߎ ߟߎ߬ ߟߊ߫ ߟߐ߲ߠߌ߲ߧߊ߫ ߞߘߐ ߟߋ߬ ߊ߬ ߣߴߊ߬ߟߎ߬ ߟߊ߫ ߛߊ߲߬ ߦߟߍ߬ߡߊ߲߬ ߞߏߙߏ߫ ߞߘߐ ߏ߬ ߡߍ߲ ߓߘߊ߫ ߝߊ߲߬ߞߊ߫ ߛߐ߬ߘߐ߲߬ ߓߌ߬ ߞߏߛߓߍ߫ ߊ߬ ߘߏ߲߬ ߕߍ߫ ߞߎ߬ߙߊ߬ߣߊ ߞߣߐ߫ >> ߊ߬ ߞߵߏ߬ ߝߐ߫. ߝߊߦߌߘߊ߫ ߸ߊ߲ ߛߋ߫ ߘߊ߫ ߡߍ߲-ߣߍ߲ ߠߊߘߍ߬ ߟߊ߫ ߖߐ߲߬ߓߍ߲߬ߘߍ߬ ߞߏ ߞߊ߲߬ ߞߵߊ߬ ߞߌ߬ߦߵߊߟߎ߫ ߡߊ߬ ߸ߏ߬ ߟߴߏ߬ ߘߌ߫.