߁߭. ߊ߬ ߞߊ߬ ߞߊ߬ߙߊ߲ ߞߍ߫ ߞߊ߬ߕߘߍ߬ ߊ߬ ߡߊ߫ ߘߏ߲߬ ߞߊ߬ߙߊ߲߬ߕߊ߬ ߟߊ߫، ߓߊߏ߬߸ ߊ߬ ߞߊ߬ ߞߎ߬ߙߊ߬ߣߊ ߝߐߘߊ ߘߏ߫ ߕߊ߲߬ߞߊ߫ ߊ߬ ߛߟߊ߫ ߘߐ߫߸ ߡߍ߲ ߕߐ߯ ߞߏ߫ ߛߌ߬ߛߌ ߝߐߘߊ.

߂. ߊ߬ ߣߊ߫ ߞߵߊ߬ ߟߊ߫ ߣߛߌ߬ߓߊ߬ ߁ ߞߍ߫ ߊ߬ ߞߊ߬ߙߊ߲߬ ߛߙߊ ߘߌ߫، ߞߊ߬ߕߘߍ߬ ߖߐ߫߸ ߞߊ߬ߙߊ߲߬ ߛߙߊ߫ ߡߊ߫ ߡߌ߬ߘߴߊ߬ ߞߐ߬ߘߐ ߟߎ߬ ߟߊ߫.

߃߲. ߊ߬ ߞߋߟߋ߲߫ ߞߊ߬ ߛߓߍߛߎ߲߫ ߂ ߟߋ߬ ߛߌ߲ߘߌ߫: ߒߞߏ ߛߓߍߛߎ߲ ߣߌ߫ ߥߊ߬ߣߊ ߛߓߍߛߎ߲.

߄߲. ߊ߬ ߞߋߟߋ߲߫ ߠߋ߬ ߞߊ߬ ߞߎ߬ߙߊ߬ߣߊ ߘߟߊߡߌ߬ߘߊ߬ ߒߞߏ ߘߐ߫، ߞߊ߬ߕߘߍ߬ ߖߐ߫߸ ߖߊ߬ߡߊ ߟߋ߬ ߞߊ߬ ߞߎ߬ߙߊ߬ߣߊ ߘߟߊߡߌ߬ߘߊ߬ ߞߊ߲ ߕߐ߭ ߟߎ߬ ߘߐ߫.

߅߲. ߊ߬ ߕߘߍ߬ ߦߋ߫ ߛߓߍߟߌ ߣߌ߫ ߓߊ߬ߘߏ ߞߍ߫ ߟߊ߫ ߢߐ߲߮ ߝߍ߬ ߞߋߟߋ߲ߘߌ߫߸ ߊ߬ ߕߍ߫ ߝߟߌ߬ ߛߓߍߟߌ ߘߐ߫߸ ߓߊ߬ߘߏ ߘߏ߲߬ ߕߍ߫ ߟߊߟߐ߬.

߆߲. ߊ߬ ߡߊ߫ ߛߐ߲߬ ߛߊߟߌ ߢߍߓߊ߯ߦߊ ߡߊ߬، ߞߊ߬ߕߘߍ߬߸ ߊ߬ ߞߊ߬ߙߊ߲߬ߣߍ߲߫. ߏ߬ ߞߎ߲߭ ߠߋ߬߸ ߊ߬ ߓߊ߯ ߕߏ߫ ߛߊߟߌ ߟߊ߫߸ ߊ߬ ߤߊ߲ߞߟߌ ߓߊ߯ ߓߌ߬ߟߊ߬ ߞߏ ߘߏ߫ ߘߐ߫߸ ߊ߬ ߘߌ߫ ߛߊߟߌ ߕߍ߰ ߞߵߏ߬ ߛߓߍ߫߸ ߞߊ߬ ߣߊ߬ ߕߏ߫ ߛߊߟߌ ߘߊߓߊ߲߫ ߠߊ߫.

߇߲. ߊ߬ ߕߍ߬ߘߍ߫ ߞߴߊ߬ ߛߊ߬ ߕߎߡߊ ߟߐ߲߫، ߓߊߏ߬߸ ߊ߬ ߞߵߊ߬ ߝߐ߫ ߊ߬ ߣߌ߫ ߞߙߊ߬ߡߐ߯ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߬ ߝߘߊߕߐߟߊ ߞߏ߫ (ߊ߯ߟߊ߲߫߹ ߊ߲ ߕߍߣߊ߬  ߢߐ߲߮ ߦߋ߫ ߟߊ߫ ߡߎ߬ߕߎ߲߬)، ߏ߬ ߞߊ߲߫ ߞߏ߫ ߊ߲ ߘߌ߫ ߢߐ߲߮ ߦߋ߫ ߞߍ߬. ߟߐ߲ߞߏߕߌ߮ ߞߊ߲߫ ߞߏ߫ (ߣߴߊ߲ ߡߊ߫ ߢߐ߲߮ ߦߋ߫ ߦߊ߲߬߸ ߊ߲ ߘߌ߫ ߢߐ߲߮ ߦߋ߫ ߞߌߦߡߊ߫)، ߞߎߡߊ ߏ߬ ߝߐ ߕߟߋ߬ ߄߸ ߞߙߊ߬ߡߐ߯ ߛߊ߬ ߘߊ߫.

߈߲. ߊ߬ ߟߊ߫ ߘߋ߲߫ ߛߌߦߊߡߊ߲ߕߌ߯ߦߊ، ߓߊߏ߬߸ ߞߊ߲ߕߍ߫ ߛߟߏ߬ߡߊ߯ߣߊ߫ ߞߊ߬ ߘߋ߲߫ ߁߆ ߟߋ߬ ߛߐ߬ߘߐ߲߬، ߞߊ߬ߕߘߍ߬߸ ߘߋ߲߫ ߛߌߦߊߡߊ߲ ߘߎߡߊ߲߫ ߕߍ߫ ߟߐ߲ߞߏߕߌ߯ ߝߊ߲߬ߓߊ ߦߋ߫.

߉߲. ߊ߬ ߣߵߊ߬ ߘߋ߲ߞߍ߫ ߝߟߐ ߞߙߊ߬ߡߐ߰ ߓߎߙߡߊ߫ ߞߊ߲ߕߍ߫ ߓߍ߲߬ ߘߊ߫ ߢߐ߲߮ ߡߊ߬ ߞߏ߫ ߄ ߘߐ߫.

ߊ. ߊ߬ߟߎ߬ ߓߍ߯ ߞߊ߬ ߛߊ߲߬ ߆߅ ߛߌ߭ ߟߋ߬ ߛߐ߬ߘߐ߲߬

ߋ. ߊ߬ߟߎ߬ ߓߍ߯ ߛߊ߬ ߘߊ߫ ߞߐ߬ߓߊ߬ߟߏ߲ ߠߋ߬ ߡߊ߬.

ߌ. ߊ߬ߟߎ߬ ߓߍ߯ ߛߊ߬߬ ߘߊ߫ ߞߐߣߊߞߙߌ߫ ߟߋ߬.

ߍ. ߊ߬ߟߎ߬ ߓߍ߯ ߛߎ߭ ߟߊߕߊ߯ ߘߊ߫ ߞߐ߬ߟߐ߲߬ߣߍ߲߫.

߁߀߲. ߊ߬ ߞߊ߬ ߞߝߊ߬ ߆ ߀߀߀ ߟߋ߬  ߞߊ߬ߙߊ߲߬، ߊ߬ ߘߏ߲߬ ߞߊ߬ ߛߊ߲߬ ߝߌ߬ߟߊ߬ ߓߊߟߏ߫ ߏ߬ ߞߐ߫.

ߛߏ߬ߙߌ߫ ߡߊ߲߬ߘߋ߲߬ߞߊ߫ ߞߓߊ߬ (ߥߎ߬ߦߊ߲߬ߞߌ߬ߟߌ ߝߊ߬)

ߊ߬ ߞߍ߫ ߘߊ߫ ߜߙߊ߬ߦߊ߬ߟߊ ߟߋ߬ ߘߌ߫ ߞߊ߲ߞߊ߲߫ ߂߀߂߆ ߞߏ߲ߞߏߘߓߌ ߕߟߋ߬ ߃߀ ߡߊ߬߸ ߒߞߏ ߛߌ߲ߘߌ ߛߊ߲߬ ߇߇ ߛߊ߲߬ߞߎ߲߬ߓߍ߲ ߢߊ߰ߢߊ߮ ߛߋ߲߭ߝߍ߬߸ ߊ߬ ߞߍ߫ ߘߴߏ߬ ߡߍ߲ ߜߙߊ߬ߦߊ߬ߟߊ ߘߌ߫.