ߞߊ߬ߙߊ߲߬ߝߊ߬ ߡߏߙߌ߬ ߓߘߊ߫ ߟߊߛߣߍ߫ ߊ߬ ߝߊ߬ߛߏ ߟߊ߫ ߖߌ߲ߘߊ߲ߓߊ߫ ߘߐ߫

ߡߏߙߌ߫ ߞߊ߬ߡߙߊ߫ ߖߐ߲߬ߡߊߛߌߣߌ߲ߟߐ߲߫ ߞߵߊ߬ ߟߊ߫ ߤߖߌ ߟߊߘߏ߲߬ ߊ߬ ߝߊ߬ߛߏ ߟߊ߫ ߞߎߣߊߘߎ߯ ߖߊߟߏ߲߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߈ ߣߌ߲߬ ߡߊ߬، ߖߡߊ߬ߓߊ߫ ߟߋ߬ ߓߐ߫ ߘߊ߫ ߞߵߊ߬ ߟߊߓߍ߲߬ ߞߎߘߍ߫ ߕߊ߲߫ ߣߌ߫ ߞߐ߫ ߟߊ߫ ߡߌ߬ߛߊ߬ߡߊ߲߰ߠߊ߫ ߞߐߝߍ߬.

ߞߐ߲߬ߛߏ߬ ߕߌ߮ ߟߎ߬߸ ߔߏߔߏ߫ ߕߌ߮ ߟߎ߬߸ ߓߍ߯ ߟߋ߬ ߞߵߊ߬ ߕߐ߲߬ߕߐ߲߬ ߢߐ߲߯ ߝߍ߬ ߞߊ߬ ߘߏ߲߬ ߖߊߟߏ߲߫ ߛߏ ߞߣߐ߫. ߖߊ߬ߡߊ ߛߎ߯ߦߊ߫ ߓߐߣߍ߲߫ ߢߐ߲߰ ߡߊ ߟߎ߬߸ ߞߊ߬ߙߊ߲߬ߝߊ ߞߊ߬ߣߌ߲߬ߓߊ߮ ߟߎ߬ ߘߐ߫߸ ߊ߬ ߟߊ߫ ߓߊ߯ߙߊ ߟߊߞߊ߬ߟߌ߬ߓߊ߮ ߟߎ߬ ߘߐ߫߸ ߓߍ߯ ߟߋ߬ ߕߘߍ߬ ߛߌߟߊ ߞߊ߲߬.

߁߁ߙߋ߲߃߀ ߟߋ߬ ߞߍ߫ ߘߊ߫ ߖߊ߬ߡߊ ߟߐ߬ߖߟߎ߬ߡߊ ߘߌ߫ ߛߌߟߊߕߍ߫߸ ߞߊ߬ ߝߏ߬ߟߌ ߟߎ߬ ߞߍ߫ ߡߎߣߎ߲߬߸ ߘߋ߲ߡߌߛߍ߲ ߥߙߍߓߊߓߊ ߟߊ߫ ߕߍ߯ ߟߊ߫ ߢߐ߲߰ ߕߍ ߟߊ߫.

ߞߎߘߍ߫ ߄߀ ߢߐ߲߰ ߠߋ߬ ߓߏ߬ߙߌ߬ ߘߊ߫ ߘߎ߰ߞߎ߬ߟߎ߲߬ ߕߌ߮ ߟߎ߬ ߓߟߏ߫ ߞߊ߬ ߓߐ߫ ߞߊ߲ߞߊ߲߫ ߞߊ߬ ߣߊ߬ ߝߊ߬ߙߊ߫ ߟߊ߬ߓߍ߲߬ߠߌ߲߬ ߖߡߊ ߞߊ߲߬ ߡߌ߬ߛߊ߬ߡߊ߲߰ߠߊ߬ ߡߊߜߍ߲ ߘߐ߫.

ߖߊߟߏ߲ߞߊ ߟߎ߬ ߓߐ߫ ߘߊ߫ ߓߐߟߌ߫ ߞߐߟߌߞߐߟߌ ߟߊ߫، ߡߐ߰ߓߊ ߟߎ߬ ߞߊ߬ ߤߖߌߘߋ߲ ߞߎ߲߭ߓߍ߲߬ ߛߏ ߘߏ߲߬ߘߊ ߟߊ߫ ߖߌ߲ߘߊ߲߫ ߓߟߋߓߟߋ ߘߐ߫߸ ߞߵߊ߬ ߕߍ߲߬ߕߍ߲߫ ߦߋ߲߬ ߞߊ߬ ߕߌ߲ߓߌߘߌ߲ߘߊ ߡߊߜߍ߲߫ ߟߐ߬ ߝߌ߬ߟߊ߬ ߛߊߟߌ ߣߌ߫ ߝߏ߬ߟߌ߬ ߢߍ߬ߓߌߟߊ ߘߌ߫.

ߓߐ߫ ߞߍ߫ ߘߊ߫ ߦߋ߲߬ ߞߊ߬ ߥߴߊ߬ ߛߐ߬ߘߐ߲߬ ߛߏ ߡߎ߰ߡߍ ߦߋ߫ ߟߊ߬ߓߍ߲߬ߠߌ߲ ߝߊ߬ߘߌ߬ ߞߎߘߊ߫ ߘߐ߫ ߡߊ߲ߞߏߙߏ߲ ߞߘߐ߫.

ߞߘߊߡߊ߫ ߘߊ߲ߕߍ߯ߟߌ ߟߎ߬ ߣߌ߫ ߘߊ߲߬ߕߍ߰ߟߌ߬ߓߊ ߟߎ߬ ߞߍ߫ ߘߊ߫ ߦߋ߲߬ ߠߋ߬، ߖߊߟߏ߲ߞߊ ߟߎ߬ ߞߵߊ߬ ߦߌ߬ߘߊ߫ ߓߌ߬ ߞߏ߫ ߊ߬ߟߎ߫ ߞߎ߲߬ߠߊ߬ߦߋߙߋ߲ߣߍ߲߫ ߖߐ߲߬ߡߊߛߌߣߌ߲ߟߐ߲߫ ߠߊ߫، ߓߊߏ߬߸ ߊ߬ ߟߊߓߐߣߍ߲߫ ߟߐ߲ߠߌ߲ ߡߍ߲ ߢߌߣߌ߲߫ ߞߊ߲ߡߊ߬߸ ߊ߬ ߞߵߏ߬ ߓߏ߲߬ߓߊ ߛߐ߬ߘߐ߲߬߸ ߏ߬ ߡߍ߲ ߦߋ߫ ߢߊߘߌߡߌ߲ ߘߌ߫߸ ߣߌ߫ ߞߣߐߘߌߡߌ߲߫ ߕߍ߫.

ߛߌߕߊ߲߬ ߞߊ߬ߓߊ ߓߟߏ߫