ߒߞߏ ߞߟߊ߬ߘߏ߲ߛߏ ߞߊ߬ߙߊ߲߬ߝߊ ߡߏߙߌ߫ ߞߡߊ߬ߙߊ߫ ߖߐ߲߬ߡߊ߬ߛߌߣߌ߲ߟߐ߲߫ ߦߋ߫ ߡߞߊ߫ ߡߊ߬ߓߊߕߏ ߟߊ߫߸ ߊ߬ ߦߴߊ߬ ߟߊ߫ ߟߊ߬ߡߌ߬ߘߊ߬ߟߌ ߟߎ߬ ߞߍ ߞߊ߲߬ ߒߞߏ ߟߋ߬ ߘߐ߫، ߊ߲ ߣߐ߬ ߞߊ߬ߙߊ߲߬ߝߊ ߡߏߙߌ߫ ߞߡߊ߬ߙߊ߫ ߖߐ߲߬ߡߊ߬ߛߌߣߌ߲ߟߐ߲߫ ߠߊ߫ ߖߌ߬ߦߊ߬ߖߟߎ߬ ߞߎ߲ߞߎߘߎ߲ ߘߏ߫ ߟߋ߬ ߦߋ߫ ߟߊ߫ ߝߌߙߌ߲ߝߌߙߌ߲ ߞߊ߲߬ ߘߍ߬ߞߙߏߝߏ ߞߊ߲߬߸ ߊ߬ ߦߋ߫ ߟߊ߬ߡߌ߬ߘߊ߬ߟߌ ߞߍ ߒߞߏ ߘߐ߫ ߡߞߊ߫߸ ߞߊ߬ ߞߊ߬ߙߊ߲߬ߝߊ ߕߏ߫ ߥߊ ߟߊ߫ ߗ߭ߎߟ ߤߎ߬ߟߊߦߑߝߊ߬ ߟߊ߫߸ ߕߐ߭ ߟߎ߬ ߦߋ߫ ߟߊ߬ߓߊߦߌߞߊ ߝߐ ߞߊ߲߬ ߊߙߊߓߎ߫ ߞߊ߲ ߘߐ߫߸ ߊ߬ߟߋ ߦߴߊ߬ ߝߐ ߟߊ߫ ߒߞߏ ߘߐ߫ ߕߊ߲߬:

ߒ ߧߴߌ ߟߊߡߌ߬ߘߊ߬ ߟߊ߫ ߒ ߡߊ߰ߙߌ ߒ ߧߴߌ ߟߊߡߌ߬ߘߊ߬ ߟߊ߫߸ ߒ ߧߴߌ ߟߊߡߌ߬ߘߊ߬ ߟߊ߫ ߜߙߊ߬ߢߐ߲߰ ߕߴߌ ߟߊ߫ ߒ ߧߴߌ ߟߊߡߌ߬ߘߊ߬ ߟߊ߫߸ ߕߊ߲߬ߘߏ ߊ߬ ߣߌ߫ ߦߟߌߡߍ ߊ߬ ߣߌ߫ ߡߊ߲߬ߛߊ߬ߦߊ ߏ߬ ߓߍ߯ ߦߴߌ ߕߊ߸ ߜߙߊ߬ߢߐ߲߰ ߕߴߌ ߟߊ߫، ߒ ߧߴߌ ߟߊߡߌ߬ߘߊ߬ ߟߊ߫ ߒ ߡߊ߰ߙߌ ߒ ߧߴߌ ߟߊߡߌ߬ߘߊ߬ ߟߊ߫߸ ߒ ߧߴߌ ߟߊߡߌ߬ߘߊ߬ ߟߊ߫ ߜߙߊ߬ߢߐ߲߰ ߕߴߌ ߟߊ߫ ߒ ߧߴߌ ߟߊߡߌ߬ߘߊ߬ ߟߊ߫߸ ߕߊ߲߬ߘߏ ߊ߬ ߣߌ߫ ߦߟߌߡߍ ߊ߬ ߣߌ߫ ߡߊ߲߬ߛߊ߬ߦߊ ߏ߬ ߓߍ߯ ߦߴߌ ߕߊ߸ ߜߙߊ߬ߢߐ߲߰ ߕߴߌ ߟߊ߫.

ߞߊ߬ߙߊ߲߬ߝߊ ߡߊ߫ ߘߊ߲߬ ߣߌ߲߬ ߡߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߘߏ ߟߎ߬ ߦߴߊ߬ ߝߐ ߞߊ߲߬ ߊߙߊߓߎ߫ ߞߊ߲ ߘߐ߫߸ ߊ߬ߟߋ ߦߴߊ߬ ߝߐ ߞߊ߲߬ ߡߊ߲߬ߘߋ߲߫ ߝߘߏ߬ߓߊ߬ ߞߊ߲ ߘߐ߫.

ߞߊ߬ߙߊ߲߬ߝߊ ߟߊ߫ ߤߖߌ߫ ߟߊ߫ ߕߊ߮ ߣߌ߲߬ ߘߐ߫߸ ߊ߬ ߓߘߊ߫ ߟߌ߬ߤߙߐ߬ߡߊ߬ ߦߙߐ߫ ߛߌߦߊߡߊ߲߫ ߠߋ߬ ߞߎ߲ߝߊ߲ߓߐ߫ ߦߋ߲߬߸ ߊ߬ ߥߊ߫ ߘߊ߫ ߛߋ߫ ߘߎߢߊ߫ ߞߎ߬ߙߊ߬ߣߊ߫ ߜߌ߬ߙߌ߲߬ߘߌ߬ߘߊ ߟߎ߬ ߘߐ߫ ߝߊ߲߬ߞߊ߬ߡߊ ߘߐ߫߸ ߞߊ߬ ߒߞߏ ߞߎߙߣߊ ߛߊ߲߬ ߦߋ߲߬، ߊ߬ ߞߎߡߊ߫ ߘߊ߫ ߜߌ߬ߙߌ߲߬ߘߌ߬ߘߊ ߏ߬ ߣߴߊ߬ ߟߊ߫ ߦߙߐ߫ ߞߎ߲ߝߊ߲ߓߐߣߍ߲ ߠߎ߫ ߞߊ߲߬ ߕߊ߲߬:

ߡߊ߬ߘߌߣߊ߫ ߞߎ߬ߙߣߊ߬ ߜߌ߬ߙߌ߲߬ߘߌ߬ߘߊ ߞߎ߲߬ߠߊ߬ߝߎߟߋ߲

 

߁ - ߓߌ߬ ߞߊ߯ߙߌ ߡߊ߬ ߘߓߊ߬ߕߊ ߕߟߋ߬ ߁߀ ߛߐ߰ߡߊ߬ߘߊ ߈ߙߋ߲ ߖߋߞߎ ߟߊ߫ ߸ ߒߠߋ ߖߐ߲߬ߡߊ߬ߛߌߣߌ߲ߟߐ߲߫ ߕߋߙߌ ߣߌ߫ ߒ ߠߊ߫ ߞߊ߬ߙߊ߲߬ߘߋ߲ ߡߍ߲ ߠߎ߫ ߛߌ߰ߣߍ߲߫ ߡߊ߬ߘߌߣߊ߬ ߦߊ߲߬ ߸ ߏ߬ ߟߎ߫ ߣߊ߬ ߘߊ߫ ߒ ߣߐ߬ߝߍ߬ ߞߊ߬ ߥߊ߫ ߒ ߢߊ ߟߊ߫ ߛߏ ߦߙߐ߫ ߞߎ߲ߝߊ߲ߡߓߊ߫ ߟߎ߫ ߞߊ߲߬ ߣߊ߬ߓߊ߮ ߓߍ߯ ߕߍ߫ ߡߍ߲ ߕߣߐ߬ߓߐ߫ ߟߊ߫.

ߊ߲ ߞߊ߬ ߕߊ߯ߡߊ ߘߊߡߌ߬ߣߊ߬ ߓߊߘߊ߬ߙߊ߫ ߊ߬ߟߌ߫ ߟߊ߫ ߟߎ ߟߋ ߡߊ߬ ߞߵߏ߬ ߞߎ߲ߝߊ߲ߓߐ߫ (ߊ. ߘ). ߏ߬ ߞߐ߫ ߸ ߞߊ߬ ߥߊ߫ ߛߋ߫ ߡߊ߲߬ߛߊ߬ ߝߤߊߘߎ߫ ߟߊ߫ ߜߌ߬ߙߌ߲߬ߘߌ߬ߘߊ ߥߎ߬ߣߊ߲߬ߞߏߙߏ߲ ߡߊ߬ ߡߊ߬ߘߌߣߊ߬ ߓߐߘߊ ߟߊ߫ ߕߊ߬ߓߎ߰ߞߊ߬ ߛߌߟߊ ߟߊ߫.

߂ - ߊ߲ ߥߊ߫ ߘߴߊ߬ ߕߘߍ߬ ߸ ߡߐ߰ ߁߁߀߀ ߟߋ߬ ߓߊ߯ߙߊ߫ ߟߴߊ߬ߟߋ߬ ߜߌ߬ߙߌ߲߬ߘߌ߬ߘߊ ߞߣߐ߫ ߸ ߞߊ߬ߕߎ߲߰ ߊ߬ߟߋ ߟߋ߬ ߜߌ߬ߙߌ߲߬ߘߌ߬ߘߊ ߓߍ߯ ߘߐ߫ ߓߟߋ߬ߓߟߋ ߘߌ߫ ߞߎ߬ߙߣߊ߬ߓߊ ߜߌ߬ߙߌ߲߬ߘߌ ߣߴߊ߬ ߟߊߖߍ߲ߛߍ߲ ߘߐ߫ ߘߎߢߊ߫ ߕߍ߫.

߃ - ߛߊ߲߭ ߞߣߐ߫ ߸ ߞߎ߬ߙߣߊ߬ ߘߋ߲߫ ߞߋ߲߬ߥߟߎ߬ ߕߊ߲߫ ߣߌ߫ ߛߋߦߌ߲߫ (߁߈ ߀߀߀ ߀߀߀) ߠߋ߬ ߟߊߘߊ߲߫ ߠߴߊ߬ ߓߟߏ߫. ߟߏ߲߫ - ߏ - ߟߏ߲߫ ߞߎ߬ߙߣߊ߬ ߘߋ߲߫ ߥߊ߯ ߕߊ߲߫ ( ߁߀ ߀߀߀) ߘߌ߫ ߜߌ߬ߙߌ߲߬ߘߌ߫.

߄ - ߊ߲ ߣߊ߬ ߘߴߊ߬ ߕߘߍ߬ ߞߎ߬ߙߊ߬ߣߊ ߘߟߊߡߌ߬ߘߊ߬ߣߍ߲߬ ߞߊ߲߫ ߓߌߞߐ߬ߣߐ߲߬ߘߐ߬ ߣߌ߫ ߛߋߦߌ߲߫ (߉߈) ߠߋ߬ ߘߐ߫ ߕߋ߲߬ߕߋ߲߬ ߸ ߒߞߏ ߞߎߙߣߊ ߦߴߏ߬ ߕߍߡߊ߬ ߟߋ߬ ߜߡߊ߫.

߅ - ߡߊ߲߬ߛߊ߬ ߝߤߊߘߎ߫ ߞߵߊ߬ ߝߐ߫ ߛߊ߬ߣߴߊ߬ ߦߋ߫ ߛߊ߬ ߸ ߞߏ߫ ߊߘߡߊߘߋ߲ ߝߋ߲ - ߋ - ߝߋ߲߫ ߣߊ߬ ߘߴߊ߬ ߢߊ ߟߊ߫ ߜߌ߬ߙߌ߲߬ߘߌ߬ߘߊ ߣߌ߲߬ ߞߊ߲߬ ߸ ߞߵߏ߬ ߓߕߐߟߊ ߛߐ߫ ߞߎ߬ߙߊ߬ߣߊ߬ ߞߋߟߋ߲߫ ߠߊ߫ ߝߌߛߙߌ ߘߌ߫.

ߊ߬ ߞߵߏ߬ ߟߋ ߝߐ߫، ߞߊ߬ߙߊ߲߬ߝߊ ߡߏߙߌ߫ ߞߡߊ߬ߙߊ߫ ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߣߌ߲߫.

ߣߌ߲߬ ߓߍ߯ ߦߋ߫ ߒߞߏ ߟߊ߫ ߛߋ߲߬ߕߊ ߟߋ߬ ߦߌ߬ߘߊ߬ ߟߊ߫ ߤߊ߲ߞߟߌߡߊ ߟߎ߬߸ ߓߊߏ߬ ߒߞߏ ߛߓߍߟߌ ߦߋ߫ ߘߎߢߊ߫ ߦߙߐߓߊ ߟߎ߬ ߘߐ߫߸ ߊ߬ ߣߌ߫ ߤߊߟߌ߬ ߛߌ߬ߟߡߊ߬ߦߊ ߟߌ߬ߤߙߐ߬ߡߊ߬ ߦߙߐ ߘߐߞߍߣߍ߲߫ ߒߞߏ ߟߊ߫߸ ߊ߬ ߘߊ߲ߞߎ߲ߣߍ߲߫ ߦߋ߲߬ ߠߎ߬ ߘߐ߫ ߡߐ߬ߟߐ߲ ߦߴߊ߬ ߟߊ߫ ߦߋ߲߬ ߠߎ߬ ߘߐ߫ ߦߏ߫ ߛߓߍߟߌ ߕߐ߬ߡߊ ߟߎ߬ ߦߋ߫ ߢߊ ߡߍ߲ ߞߊ߲߬ ߖߐ߲.