ߘߋ߲ߣߍ߲߫ ߡߐ߰ ߛߊ߬ߓߊ߫ ߟߋ߬ ߟߊ߫ ߓߐߟߌ ߞߐߝߟߌ ߞߍߣߍ߲߫ ߡߊ߬ߛߎߓߊ ߘߌ߫ ߞߊ߲ߞߊ߲߫ ߡߌߛߌ߬ߙߊ߲߫ ߞߌ߲߬ߘߊ ߟߊ߫، ߣߊ߲ߞߎ߬ߡߊ߬ ߓߙߋߕߋ߫ ߟߋ߬ ߕߏߣߍ߲߫ ߘߋ߲߬ߞߊ߬ ߞߎ߬ߘߎ߲߬ ߖߌ ߘߐ߫߸ ߊ߬ߟߋ ߡߍ߲ ߛߌ߬ߞߛߊߓߌ ߦߋ߫ ߛߊ߲߭ ߉ ߖߊ߬ߕߋ߬ ߘߐ߫߸ ߊ߬ ߦߋ߫ ߞߊ߬ߙߊ߲߬ ߠߊ߫ ߞߊ߬ߙߊ߲߬ߕߊ ߦߌߟߡߊ߫ ߃߲ ߠߋ߬ ߟߊ߫، ߊ߬ ߟߊ߫ ߛߊ߬ߦߊ ߢߌ߲߬ ߣߊ߬ ߘߊ߫ ߞߣߐ߬ߘߐ߬ߝߟߌ ߣߌ߫ ߖߘߍ߬ ߡߊ߬ߢߌߣߌ߲ߞߊ ߛߌߦߊߡߊ߲߫ ߠߋ߬ ߘߌ߫ ߡߐ߱ ߟߎ߬ ߟߊ߫߸ ߞߵߏ߬ ߞߎ߲߭ ߞߍ߫ ߘߋ߲߬ߞߊ߬ ߘߟߊߞߏߟߏ߲ ߠߎ߬ ߘߌ߫ ߞߌ߲߬ߘߊ ߟߎ߬ ߞߣߐ߫߸ ߣߌ߫ ߟߊ߬ߞߊ߲߬ߘߊ߬ߟߌ߬ ߕߍ߫.

ߟߊ߱ߖߌ߬ ߛߎ߬ߟߋ߬ߡߊ߯ߣ ߞߐ߲ߘߍ߫ ߟߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߓߐ߬ߙߑߘߏ߫ ߙߊߦ ߞߌ߲߬ߘߊ ߞߌ߲߬ߕߌ߮ ߘߌ߫߸ ߞߏ߫ ߘߋ߲ߣߍ߲߫ ߛߊ߬ߓߊ ߢߌ߲߬ ߠߎ߬ ߓߍ߯ ߟߋ߬ ߕߘߍ߬ ߢߐ߲߮ ߞߐ߫߸ ߤߊ߲߯ ߘߋ߲߬ߞߊ߬ ߘߊ ߟߊ߫ ߦߋ߲߬.

<<ߞߐ߬ߟߐ߲ ߘߏ߫ ߟߋ߬ ߦߋ߫ ߓߐ߬ߙߑߘߏ߫ ߙߊߦ ߣߌ߫ ߡߌߛߌ߬ߙߊ߲߬ ߕߍߟߊ ߘߐ߫߸ ߘߋ߲ߣߍ߲߫ ߝߌ߬ߟߊ ߢߌ߲߬ ߠߎ߬ ߕߏߣߴߊ߬ߟߎ߬ ߡߊߕߊ߯ߡߊ ߟߊ߫ ߞߊ߬ ߥߊ߫ ߦߋ߲߬ ߠߋ߬، ߊ߬ߟߎ߬ ߛߋ ߦߋ߲߬߸ ߊ߬ߟߎ߫ ߛߊ߬ߓߊ ߘߐ߫߸ ߡߐ߰ ߝߌ߬ߟߊ ߞߵߊ߬ ߡߥߊߙߊ߲ߞߊ߫ ߞߊ߬ ߖߌ߰ ߖߌ ߘߐ߫، ߡߍ߲ ߞߋߟߋ߲ ߕߏ߫ ߘߊ߫ ߘߋ߲߬ߞߊ߬ ߘߊ ߟߊ߫߸ ߏ߬ ߞߵߊ߬ ߦߋ߫߸ ߝߌ߬ߟߊ ߏ߬ ߟߎ߬ ߕߍ߫ ߓߟߏ߫ ߢߌߡߊ߫ ߡߊ߬، ߊ߬ ߞߊ߬ ߡߐ߰ ߞߋߟߋ߲ ߛߊ߬ߡߊ߲߬߸ ߊ߬ ߛߋ߫ ߘߊ߫ ߞߵߏ߬ ߟߊߦߟߍ߬ ߖߌ ߘߐ߫، ߊ߬ ߕߐ߬ ߞߋߟߋ߲߸ ߊ߬ ߡߊ߫ ߛߴߏ߬ ߛߊ߬ߡߊ߲߬ ߠߊ߫߸ ߊ߬ ߞߵߊ߬ ߓߏ߬ߙߌ߫ ߞߊ߬ ߡߐ߱ ߟߎ߬ ߟߊߟߐ߲ߠߌ߲߫.>> ߊ߬ ߞߵߏ߬ ߢߊߝߐ߫.

ߊ߬ߟߋ߫ ߖߍ߬ߘߍ ߕߎ߲߬ ߕߍ߫ ߞߣߍ ߞߊ߲߬ ߡߊ߬ߛߎߓߊ ߞߍ߫ ߥߊ߯ߕߌ ߟߊ߫، ߓߊ߬ߙߌ߬߸ ߡߌߛߌ߬ߙߊ߲߫ ߞߌ߲߬ߕߌ߮ ߟߋ߬ ߞߵߊ߬ ߟߊߟߐ߲ߠߌ߲߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߛߋ߫ ߟߊ߫ ߦߋ߲߬ ߕߎ߬ߡߊ ߡߍ߲ ߠߊ߫߸ ߕߐ߲ߓߟߏߡߊ ߟߎ߬ ߣߌ߫ ߣߊ߲߬ߒ߬ߕߊ߲ ߠߎ߬ ߟߊߞߊ߲ߘߊ ߘߏ߲߬ߞߏ ߟߎ߫ ߕߎ߲߬ ߓߘߊ߫ ߛߣߍߡߊ߫ ߘߌ߲߬ߞߌߙߊ ߘߐ߫ ߦߋ߲߬.

ߘߋ߲ߣߍ߲߫ ߛߊ߬ߓߊ߰ߕߐ ߟߊ߫ ߡߐ߱ ߟߎ߬ ߟߊ߫ ߞߎ߲߬ߠߊ߫߸ ߛߎ߬ߣߎ߲ ߦߴߏ߬ ߟߎ߬ ߕߍߡߊ߬ ߕߋ߲߬ ߞߏߛߓߍ߫، ߛߋߞߎߓߊ ߛߌ߬ߟߊ ߡߍ߲ ߦߋ߫ ߣߊ߲ߞߎ߬ߡߊ߲߬ ߓߙߋߕߋ߫ ߝߊ߭ߓߏ߲߬ߓߊ߬ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߟߊߟߐ߲ߠߌ߲߫ ߘߊ߫ ߞߵߊ߬ ߕߏ߫ ߛߍ߬ߣߍ ߟߋ߬ ߘߐ߫.

<<ߒߠߋ ߕߏߣߍ߲߫ ߥߊ߭ ߟߋ߬ ߘߐ߫߸ ߒ ߘߐ߯ߞߍ߫ ߞߊ߬ ߒ ߞߟߌ߫ ߞߏ߫ ߘߋ߲ ߓߘߊ߫ ߕߏ߫ ߖߌ ߘߐ߫، [...] ߕߊߟߛߊߟߊ ߟߎ߬ ߣߌ߫ ߕߐ߲ߓߟߏߡߊ ߟߎ߬ ߞߟߌ߫ ߘߊ߫߸ ߏ߬ ߟߎ߫ ߟߋ߬ ߞߊ߬ ߛߎ߭ ߕߊ߬ ߞߊ߬ ߥߴߊ߬ ߘߌ߫ ߟߎ ߡߊ߬.>> ߊ߬ ߞߵߏ߬ ߟߊߛߙߋߦߊ߫.

ߊ߬ߟߋ ߟߊ߫ ߝߐߟߌ߫ ߘߐ߫߸ ߊ߬ ߞߏ ߢߊߢߌߣߌ߲ߕߊ ߟߋ߬ ߛߊ߬ߙߌ߬ߦߊ߬ ߓߟߏ߫߸ ߞߵߊ߬ ߟߊ߫ ߦߙߐ߫ ߘߐ߫߸ ߊ߬ ߣߌ߫ ߡߍ߲ ߞߊ߫ ߞߊ߲߫، <<ߡߍ߲ ߓߍ߲߬ߣߍ߲߫ ߘߋ߲߬ߞߊ߬ ߞߎߘߎ߲ ߢߌ߲߬ ߠߎ߬ ߟߊ߫ ߞߏ ߡߊ߬߸ ߊ߬ ߕߌ߱ ߟߎ߬ ߡߊߞߟߌߕߊ ߟߋ߬، ߞߊ߬ߕߎ߲߯߸ ߘߋ߲߬ߞߊ߬ ߛߋ߲ ߦߋ߫ ߡߍ߲ ߘߌ߫߸ ߣߴߌ ߡߊ߫ ߓߌ߫ ߊ߬ ߓߊ߯ߙߊ ߡߊ߬߸ ߌ ߡߊ߲߫ ߞߊ߲߫ ߞߵߊ߬ ߛߋ߲߬، [...] ߊ߬ ߞߏ߬ߣߌ߲߸ ߊ߬ ߕߌ߱ ߡߊߞߟߌߕߊ ߟߋ߬ ߛߊ߬ߙߌ߬ߦߊ߬ ߟߊ߫.>>

ߞߌ߲߬ߕߌ߮߸ ߟߊ߱ߖߌ߬ ߛߎ߬ߟߋ߬ߡߊߣ ߞߐ߲ߘߍ߫ ߞߵߊ߬ ߞߊ߲ߠߊߘߌ߫ ߞߌ߲߬ߘߊ߬ ߞߣߐ߬ ߡߐ߮ ߟߎ߫ ߡߊ߬߸ ߞߏ߫ ߓߍ߯ ߦߴߊ߬ ߘߐߖߊ߬ ߞߵߊ߬ ߟߊ߫ ߘߋ߲߬ߞߊ߫ ߛߋ߲߬ߣߍ߲ ߠߎ߬ ߟߊߞߊ߲ߘߊ߫߸ ߛߊ߫ ߡߊ߬ߛߎߓߊ ߣߌ߲߬ ߢߐ߲߰ ߜߘߍ߫ ߞߊߣߊ߬ ߕߍ߰ ߡߎ߬ߕߎ߲߬.