ߡߊ߬ߟߌ: ߖߌ߬ߦߏߡ ߛߎߡߊ߬ ߓߘߊ߫ ߡߊߛߎ߬ߘߎ߲߬ߧߊ߫ ߛߑߕߊߘ ߡߊߟߌߦߍ߲ ߠߊ߫

ߞߊ߬ߦߌ߯ ߊ߬ ߓߐ߫ ߘߊ߫ ߞߊߡߑߛߊߙ ߞߑߟߐߓ ߍ߲ߘߎ߳ߛߑߕߙߌߦߍߟ ߞߎ߲߬ߠߊ߫߸ ߊ߬ ߡߊ߫ ߛߘߍߞߎߘߎ߲߫ ߜߘߍ߫ ߛߐ߬ߘߐ߲߬ ߡߎߣߎ߲߬، ߒ߬ߓߊ߬߸ ߖߌ߬ߦߏߡ ߛߎߡߊ߬ ߦߴߊ߬  ߝߍ߬ ߞߵߊ߬ ߛߋ߲߬ߠߊ߬ߓߐ߫ ߖߌ߬ߣߍ߬ ߞߐߞߊ߲߬ ߘߋ߬، ߊ߬ߟߎ߬ ߟߊ߫ ߦߋ߫ ߞߎߡߊߢߐ߲߯ߦߊ ߟߋ߬ ߞߊ߲߬ ߕߋ߲߬߸ ߛߌߦߊߡߊ߲߫ ߘߏ߲߬ ߓߘߊ߫ ߞߍ߫ ߏ߬ ߘߐ߫߸ ߏ߬ ߟߋ ߞߍߕߐ߫ ߕߙߎ߬ ߘߌ߫ ߞߵߊ߬ ߓߌ߬ߟߊ߬ ߛߑߕߊߘ ߡߊߟߌߦߍ߲ ߛߘߍߞߎߘߎ߲߫ ߝߟߐ ߞߎ߲߬ߠߊ߫.

ߛߑߕߊߘ ߡߊߟߌߦߍ߲ ߡߍ߲ ߦߋ߫ ߕߋ߲߬߸ ߊ߬ߟߋ ߓߘߊ߫ ߛߎߘߊ߲߫ ߞߊߝ ߟߊ߫ ߞߟߏߞߕߏߦߊ߫ ߕߊ߲ߠߌ߲ ߘߐ߫߸ ߊ߬ߟߎ߬ ߦߋ߫ ߟߞߊ߬ߙߊ߲߬ߧߊ߬ߟߌ߬ߟߊ߬ ߞߎ߬ߘߊ߬ ߞߏ ߟߋ߬ ߘߐ߫ ߣߌ߲߬ ߛߍߣߍ߲߬߸ ߡߍ߲ ߘߌ߫ ߓߌ߬ߟߊ߬ ߒߖߏߦߊ ߡߋߖ߭ߊߞ ߡߏߙߌߟ ߣߐ߭ ߘߐ߫߸ ߏ߬ ߡߍ߲ ߠߊ߫ ߕߊ߯ߟߌ߫ ߞߏ ߝߐߣߍ߲߫ ߊ߬ ߟߊ߫ ߘߐ߬ߝߊߟߋ߲ ߓߊ߲ ߞߐ ߣߌ߲߬ ߘߐ߫ ߣߌ߲߬.

ߕߋ߲߭ߕߋ߲߭ ߣߌ߲߬ ߘߐ߫߸ ߖߌ߬ߦߏߡ ߛߎߡߊ߬ ߦߋ߫ ߟߊ߬ߞߐ߰ߟߌ ߞߊ߲߬߸ ߛߴߊ߬ ߘߌ߫ ߝߏߘߋߦߊ ߊ ߛߐ߬ߘߐ߲߬ ߞߊߝ ߟߊ߫߸ ߊ߬ ߦߴߊ߬ ߟߊ߫ ߟߐ߲ߠߌ߲ ߣߴߊ߬ ߛߋߞߏߦߊ ߟߎ߬ ߡߊߞߊ߬ߝߏ ߞߊ߲߬ ߞߏߛߓߍ߫، ߊ߬ ߟߊ߫ ߓߊ߯ߙߊ ߞߎ߲߬ߕߊ߮ ߞߣߐ߫߸ ߊ߬ ߞߊ߬ ߥߊ߯ߕߌ߫ ߖߊ߲߫ ߠߋ߬ ߞߍ߫ ߖߌ߬ߣߍ߬ ߟߌߜ߭ ߁߭ ߟߞߊ߬ߙߊ߲߬ߧߊ߬ߟߌ ߘߐ߫߸ ߊ߬ ߕߌ߯ߕߌ߯ ߖߍ߬ߘߍ߸ ߊ߬ ߕߘߍ߬ ߥߊߞߙߌߦߊ ߊߛߋ ߞߎ߲߬ߠߊ߫ ߕߎ߬ߡߊ ߡߍ߲ ߠߊ߫߸ ߊ߬ ߣߌ߫ ߞߊߡߑߛߊߙ ߞߑߐߟߓ ߊ߲ߘߎ߳ߛߑߕߙߌߦߍߟ.

ߊ߬ ߞߍ ߛߑߕߊߘ ߡߊߟߌߦߍ߲ ߟߞߊ߬ߙߊ߲߬ߧߊ߬ߟߌ߬ߟߊ ߘߌ߫߸ ߊ߬ ߡߙߌߦߊ ߓߘߊ߫ ߟߐ߲߫ ߏ߬ ߞߏ ߘߐ߫߸ ߊ߬ ߟߊ߫ ߛߐ߲߭ ߓߘߊ߫ ߟߐ߲߫، ߏ߬ ߘߏ߲߬ ߞߍߕߐ߫ ߛߋ߲߬ߕߊ߬ߓߊ߫ ߟߋ߬ ߘߌ߫ ߊ߬ ߟߊ߫ ߟߞߊ߬ߙߊ߲߬ߧߊ߬ߟߌ ߓߊ߯ߙߊ ߞߣߐ߫، ߊ߬ ߣߴߊ߬ ߘߌ߫ ߞߍ߫ ߓߍ߬ߒ߬ߛߋ߲߬ߡߊ߬ߓߊ߫ ߘߌ߫ ߖߌ߬ߣߍ߬ߞߊ߫ ߟߞߊ߬ߙߊ߲߬ߧߊ߬ߟߌ߬ߟߊ ߦߋ߫߸ ߞߊ߬ ߓߊ߯ߙߊ ߛߐ߬ߘߐ߲߬ ߞߐߞߊ߲߬߸ ߞߵߊ߬ ߟߊ߫ ߟߐ߲ߠߌ߲ ߠߊߓߊ߯ߙߊ߫ ߕߏ߬ߟߊ߲ ߟߞߊ߬ߙߊ߲߬ߧߊ߬ߟߌ ߘߐ߫ ߦߋ߲߬.

ߟߏ߲߫ ߣߊ߬ߕߐ ߟߎ߬ ߓߊ߯ ߣߌ߲߬ ߞߏ ߓߌ߫߬ߟߊ߬ ߘߊߞߎ߲ ߡߍ߲ ߘߐ߫߸ ߊ߲ ߘߌߣߵߏ߬ ߢߊߦߌ߬ߘߴߊߟߎ߫ ߟߊ߫ ߒ߬ ߠߊ߫ ߟߌ߬ߤߟߊ߫ ߣߊ߬ߕߐ ߟߎ߬ ߘߐ߫.

ߓߐߛߎ߲: kankansport.info