ߞߙߎ߬ߛߊ߫ ߓߌ߬ߟߊ߬ߒ߬ߘߐ߬ߖߎ߮: ߡߐ߰ ߁߁ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߘߎ߰ߞߎߟߎ߲߫ ߝߌ߬ߟߊ߬ ߟߊ߫ ߝߘߌߢߐ߲߯ߘߐ ߘߐ߫ ߞߎ߬ߡߊ߲߰ߠߊ߫

ߛߌ߬ߣߌ߲߬ߟߏ߲ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߆ ߡߊ߬߸ ߡߊ߬ߛߎ߬ߓߊ߬ ߞߏ ߘߏ߫ ߟߋ߬ ߞߍ߫ ߘߊ߫ ߞߎ߬ߡߊ߰ߣߊ߫ ߡߙߊ߬ߘߊ߬ߙߋ߲ ߞߣߐ߫߸ ߞߙߎ߬ߛߊ߫ ߡߙߊ߬ߓߊ߰ߘߊ ߘߐ߫، ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߘߐ߫߸ ߡߊ߬ߘߏ߬ߣߌ߲߬ߠߌ߲߬ ߘߎ߯ߞߎߟߎ߲ ߘߏ߫ ߣߌ߫ ߞߊ߲ߓߋ߲߫ ߖߐߡߙߐߞߐ ߘߏ߫ ߟߋ߬ ߞߵߊ߬ ߛߌ߰ ߢߐ߲߮ ߞߎ߲߬߸ ߞߊ߬ ߡߐ߰ ߁߁ ߓߐ߬ߣߐ߫ ߊ߬ ߣߌ ߘߐ߫، ߞߊ߬ߕߎ߲߯߸ ߡߊ߬ߘߏ߬ߣߌ߲߬ߠߌ߲߬ ߘߎ߯ߞߎߟߎ߲ ߏ߬ ߞߣߐ߫ ߡߐ߮ ߟߎ߬ ߓߕߐ߫ ߕߍ߬ߘߍ߫ ߞߙߎ߬ߛߊ߫ ߟߋ߬ ߞߊ߬ ߕߊ߯ ߛߌ߯ߙߌ߲߫، ߊ߬ߟߋ ߞߣߐ߫ ߡߐ߮ ߓߍ߯ ߟߋ߬ ߓߣߐ߬ ߘߴߊ߬ ߣߌ ߘߐ߫.

ߓߌ߬ߟߊ߬ߒ߬ߘߐ߬ߖߎ߰ߓߊ߫ ߟߋ߬ ߞߍ߫ ߘߊ߫ ߞߙߎ߬ߛߊ߫ ߞߎߣߎ߲߬ ߛߌ߬ߣߌ߲߬ߟߏ߲ ߥߎ߬ߙߊ ߝߍ߬ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߆ ߡߊ߬߸ ߞߊ߬ ߘߋ߲ߓߦߊ߫ ߛߌߦߊߡߊ߲߫ ߓߌ߬ߟߊ߫ ߛߎ߬ߣߎ߲ ߘߐ߫، ߡߊ߬ߛߎ߬ߓߊ߬ߞߏ ߣߌ߲߬ ߞߍ߫ ߘߊ߫ ߛߊ߲߬ߜߙߊ߬ߟߊ߫ ߓߍ߲߬ߕߍ ߟߋ߬ ߘߐ߫߸ ߏ߬ ߡߍ߲ ߦߋ߫ ߞߎ߬ߡߊ߰ߣߊ߫ ߡߙߊ߬ߘߊ߬ߙߋ߲ ߘߐ߫، ߞߊ߬ߕߎ߲߯߸ ߘߎ߰ߞߎߟߎ߲߫ ߙߋߣߏ߫ ߝ߭ߍ߲ߕߋߍ߲ ߘߏ߫ ߟߋ߬ ߥߊߕߐ߫ ߕߘߍ߬ ߛߌ߯ߙߌ߲߫߸ ߏ߬ ߟߋ ߣߌ߫ ߞߊ߲ߓߋ߲߫ ߖߐߡߙߐߞߐ ߘߏ߫ ߞߵߊ߬ ߛߌ߰ ߢߐ߲߮ ߞߎ߲߬߸ ߡߍ߲ ߞߍߢߊ߫ ߖߐ߲ߖߐ߲߫ ߟߐ߲ߣߍ߲߫ ߕߍ߫ ߒ߫߬ ߓߟߏ߫.

ߊ߲ ߣߐ߬ ߟߌ߬ߤߟߊ߫ ߞߎ߲߬ߝߟߐ ߡߍ߲ ߠߎ߬ ߛߐ߬ߘߐ߲߬ ߠߊ߫ ߞߊ߬ ߝߘߊ߫ ߘߊ߲ߘߊߟߌߟߊ ߟߎ߬ ߟߊ߫߸ ߏ߬ ߞߵߊ߬ ߦߌ߬ߘߊ߫ ߟߋ߬ ߞߏ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߡߊ߫ ߣߐ߰ߦߊ߬، ߓߌ߬ߟߊ߬ߒ߬ߘߐ߬ߖߎ߮ ߞߐ ߘߐ߫ ߣߍ߲ߞߍ߫߸ ߞߏ߲߬ߓߏ ߟߊ߲߱ߛߌ߬ߣߍ߫ ߞߙߎ߬ߡߊ߬ ߡߍ߲ ߦߋ߫ ߞߙߎ߬ߛߊ߫ ߡߙߊ߬ߓߊ߰ߘߊ ߜߋߙߋ߲ߜߋߙߋ߲ߧߊ ߗߋߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߞߟߌ߫ ߘߊ ߁߅ߙߋ߲ ߠߋ߬ ߡߊ߬߸ ߊ߬ߟߎ߬ ߟߊ߫ ߝߘߏ߬ߓߊ߬ ߞߟߊ߬ߕߌ߮ ߓߟߏ߫߸ ߏ߬ ߡߍ߲ ߖߍ߬ߘߍ ߦߋ߫ ߣߌ߲߬ ߛߙߋ߫ ߘߐߜߍ ߘߏ߫ ߘߌ߫، ߓߊߏ߬߸ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߘߊ߫ ߞߵߏ߬ ߥߊߕߐߟߊ ߟߋ߬ ߕߏ߫ ߞߊ߲ߞߊ߲߫.

ߡߞߊ߬ߘߊ߲߬ߠߌ߲߬ߠߊ ߟߎ߫߬ ߟߊߥߟߌ߬ ߘߊ߫ ߖߏߣߊ߫ ߞߊ߬ ߕߊ߯ ߛߋ߫ ߣߌ߲߬ ߘߊߞߎ߲ ߘߐ߫، ߛߋ߲߬ߘߐ߬ߞߎߟߎ߲ ߘߏ߫ ߟߊߕߊ߯ ߘߊ߫ ߘߌ߲߬ߞߌߙߊ ߘߐ߫ ߦߋ߲߬߸ ߞߵߏ߬ ߟߊ߫ ߘߊ߲ߘߊߟߌ߫ ߞߙߎ ߘߏ߫ ߟߎ߫ ߞߊ߲߬ ߞߊߟߌߦߊ߫ ߓߟߏ ߡߊ߬، ߘߎ߰ߞߎ߬ߟߎ߲߬ ߝߟߐ ߡߍ߲ ߛߋ߫ ߘߊ߫ ߘߊ߲ߘߊߛߏ ߟߊ߫߸ ߡߏ߬ߛߏ߫ ߡߐ߰ ߝߌ߬ߟߊ߫ ߕߍ߬ߘߍ߫ ߏ߬ ߟߎ߬ ߘߐ߫߸ ߡߍ߲ ߠߎ߬ ߕߎ߲߬ ߡߊ߫ ߛߊ߬، ߡߐ߰ ߝߌ߬ߟߊ ߏ߬ ߟߎ߬ ߘߐ߫߸ ߞߋߟߋ߲ ߛߊ߬ ߘߊ߫ ߘߊ߲ߘߊߛߏ ߟߊ߫ ߦߋ߲߬ ߌߞߘߐ߫߸ ߊ߬ ߕߐ߬ ߞߋߟߋ߲ ߕߍ߬ߘߍ߫ ߡߛߏ߬ߡߊ߲߬ߣߍ߲߫ ߛߊ߲߬ ߁߂ ߘߏ ߟߋ߬ ߘߌ߫߸ ߏ߬ ߖߐߞߌߣߍ߲ߓߊ ߟߋ߬ ߕߘߍ߬߸ ߓߊ߬ߙߵߊ߬ ߕߎ߲߬ ߡߊ߫ ߛߊ߬، ߘߊ߲ߘߊߟߌߟߊ ߟߎ߫ ߞߵߊ߬ߟߎ߫ ߘߐ߱ߘߏ߲߬ ߊ߬ ߟߊ߫ ߞߏ ߟߊ߫ ߞߟߊߡߊ߲߫ ߝߊߘߌ ߏ߬ ߘߐ߫.

ߌߞߏߡߌ߲߬ ߏ߬ ߞߏ ߞߎߡߊ ߛߌߦߊߦߊ߫ ߘߊ߫߸ ߘߊ߲ߘߊߟߌߟߊ ߟߎ߫ ߞߵߏ߬ ߟߊߕߍ߰ ߞߏ߫ ߘߋ߲ߣߍ߲߫ ߡߛߏ߬ߡߊ߲߬ߣߍ߲߫ ߛߊ߲߬ ߁߂ ߏ߬ ߦߴߊ߬ ߣߌߟߊ߫، ߒ߬ߓߊ߬߸ ߛߎ߭ ߡߍ߲ ߛߋ߫ ߘߊ߫ ߘߊ߲ߘߊߛߏ ߟߊ߫ ߦߋ߲߬ ߘߎ߰ߞߎ߬ߟߎ߲߬ ߘߋ߲߬ߣߍ߲ ߣߌ߲߬ ߞߣߐ߫ ߡߐ߮ ߟߎ߬ ߘߐ߫߸ ߏ߬ ߟߋ ߕߍ߬ߘߍ߫ ߡߐ߰ ߁߀ ߘߌ߫߸ ߗߍ߬ ߡߐ߰ ߟߏ߯ߟߎ߫ ߣߌ߫ ߡߏ߬ߛߏ߫ ߡߐ߰ ߟߏ߯ߟߎ߫، ߟߊ߬ߓߏ߬ߙߟߌ߬ߟߊ ߣߴߊ߬ ߟߊ߫ ߡߞߊ߬ߙߊ߲߬ߘߋ߲ ߦߴߏ߬ ߟߋ ߘߐ߫߸ ߊ߬ ߣߴߊ߬ ߞߣߐ߫ ߡߐ߮ ߕߐ߭ ߟߎ߬، ߊ߲ ߧߋ߫ ߟߌ߬ߤߟߊ ߣߌ߲߬ ߛߐ߬ߘߐ߲߬ ߠߊ߫ ߥߊ߯ߕߌ ߡߍ߲ ߠߊ߫߸ ߡߐ߰ ߟߏ߯ߟߎ߫ ߟߋ߬ ߕߎ߲߬ ߓߘߊ߫ ߡߊߟߐ߲߫ ߡߎߣߎ߲߬، ߊ߬ ߣߊ߬ ߘߊ߫ ߝߐ߫ ߘߊ߲ߘߊߟߌߟߊ ߟߎ߬ ߓߟߏ߫ ߞߐ ߟߋ߬ ߟߊ߫ ߡߎ߬ߕߎ߲߬ ߛߊ߫߸ ߞߏ߫ ߛߙߎߓߊ߲ߣߍ߲߫ ߛߊ߲߬ ߁߂ ߡߍ߲ ߖߐߞߌ߫ ߞߏ ߝߐ߫ ߘߴߊ߬ߟߎ߬ ߓߟߏ߫߸ ߏ߬ ߝߣߊ߫ ߓߘߊ߫ ߛߊ߬߸ ߞߊ߬ ߛߊ߬ߓߊ߰ߕߐ ߘߝߊ߫ ߡߐ߰ ߁߁ ߠߊ߫ ߡߎ߬ߕߎ߲߬ ߛߊ߫، ߏ߬ ߟߵߊ߬ ߦߌ߬ߘߊ߬ ߟߊ߫߸ ߞߏ߫ ߙߋߣߏ߫ ߝ߭ߍ߲ߕߋߍ߲ ߞߣߐ߫ ߡߐ߮ ߝߋ߲߫ ߡߊ߫ ߛߋ߫ ߓߐ߫ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.