ߟߌ߬ߤߟߊ ߘߏ߫ ߛߐ߬ߘߐ߲߬ ߠߴߊ߲ ߓߟߏ߫ ߞߊ߬ ߝߘߊ߫ ߛߊ߬ߥߎ߬ߘߌߦߊ ߞߎ߲߬ߠߊ߬ߛߌ߰ ߡߊ߬ߛߎߘߎ߲ ߘߏ߫ ߟߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߏ߫ ߣߌ߫ ߡߊ߲߬ߛߊ߬ߟߊ ߘߌ߫ ߛߴߊ߬ ߕߊߛߙߊ߬ ߟߊ߫ ߌߙߊ߲߫ ߖߡߊ߬ߣߊ ߟߊ߫ ߞߍ߬ߟߍ ߛߌߟߊ ߝߍ߬ ߝߋߝߋ߫߸ ߣߴߌߙߊ߲߫ ߡߙߊ߬ ߘߴߊ߬ߟߎ߬ ߟߊ߫ ߞߓߊߕߟߎ߫ ߝߊ߲ߓߊ ߡߊ߬، ߞߊ߬ߕߎ߲߯߸ ߊ߬ߟߎ߬ ߟߊ߫ ߘߐ߬ߖߏ߲߬ߘߊ ߡߍ߲ ߦߋ߫ ߙߊߛ ߕߊߣߎߙߊ߫߸ ߌߙߊ߲߫ ߣߐ߬ ߞߎߟߎ߲ߞߎߟߎ߲߫ ߝߌ߬ߟߊ߫ ߟߋ߬ ߝߟߌ߬ ߟߊ߫ ߦߋ߲߬߸ ߝߏ߫ ߊ߬ߟߎ߬ ߟߊ߫ ߦߙߐ ߘߏ߫ ߟߎ߫ ߓߊ߯ߙߊ ߓߘߊ߫ ߟߊߟߐ߬ ߦߋ߲߬ ߕߋ߲߬ ߥߊ߯ߕߌ߫ ߞߎߘߎ߲ߣߍ߲߫ ߞߘߐ߫.

ߊ߲ ߞߵߊ߬ ߛߐ߬ߘߐ߲߬ ߛߎ߲ ߡߍ߲ ߠߊ߫߸ ߣߴߊ߬ ߞߊ߲߫ ߞߏ߫ ߞߵߊ߬ ߕߐ߮ ߕߏ߫ ߜߎ߬ߕߙߎ ߞߣߐ߫߸ ߏ߬ ߞߊ߲߫ ߞߏ߫: <<ߊ߬ ߓߍ߯ ߓߕߐ߫ ߡߙߊ߬ߒ߬ߡߊ߬ߟߌ ߛߎ߯ߦߊ ߟߋ߬ ߘߐ߫: ߓߊߏ߬ ߊ߬ ߡߊ߫ ߟߐ߲߫ ߡߎߣߎ߲߬ ߣߌ߫ ߛߊ߬ߥߎ߬ߘߌߦߊ ߦߴߊ߬ ߝߍ߬ ߞߊ߬ ߡߙߊ߬ ߌߙߊ߲߫ ߖߡߊ߬ߣߊ ߟߋ߬ ߡߊ߬ ߒߕߟߋߡߊ߬߸ ߥߟߴߊ߬ ߓߍߣߵߊ߬ߟߎ߬ ߟߊ߫ ߞߎߟߎ߲ߞߎߟߎ߲ ߠߎ߬ ߟߋ߬ ߛߎߡߊ߲߫߸ ߣߌ߫ ߡߍ߲ ߠߎ߬ ߛߎ߬ߘߎ߲߬ߧߊ߬ ߘߊ߫ ߦߙߐ ߘߐ߫ ߦߋ߲߬ ߓߊ߬، ߕߋ߲߭ߕߋ߲߭ ߣߌ߲߬ ߞߏ߬ߣߌ߲ ߞߐ߫߸ ߒ ߟߊߣߴߊ߬ ߟߊ߫ ߛߎߋ߫߸ ߛߊ߬ߥߎ߬ߘߌߦߊ ߖߊ߲߬ ߦߴߊ߬ ߖߘߍ߬ ߞߐ߫ ߕߋ߲߬߸ ߊ߬ ߘߏ߲߬ ߛߌ߰ߣߍ߲߫ ߡߊ߬ߞߐߣߐ߲ ߛߌ߱ ߘߐ߫.>>

ߊ߬ ߞߵߊ߬ ߦߌ߬ߘߊ߬ ߞߏ߫ ߛߊ߬ߥߎ߬ߘߌߦߊ ߞߊ߲߫ ߠߋ߬߸ ߊ߬ߟߎ߬ ߞߍߕߐ߫ ߣߊ߲߬ߕߌ߮ ߟߎ߫ ߟߐ߬ ߟߊ߫ ߡߙߊ߬ߒ߬ߡߊ߬ߟߌ ߟߊ߫ ߟߋ߬߸ ߣߴߊ߬ߟߎ߫ ߞߵߊ߬ ߦߋ߫ ߞߏ߫ ߌߙߊ߲߫ ߦߴߊ߬ ߝߍ߬ ߞߊ߬ ߗߍߒߞߊ߲ߠߌ߲ ߠߋ߬ ߛߌ߰ ߛߋ߲߬ߠߴߊ߬ߟߎ߬ ߟߊ߫ ߞߓߊߕߟߎ߫ ߝߊ߲ߓߊ ߞߊ߲ߡߊ߬ ߡߊ߲߬ߛߊ߬ߟߊ ߞߣߐ߫.

ߊ߬ߟߋ߬ ߓߐߛߎ߲߫ ߞߋߟߋ߲ ߠߊ߫ ߝߐߟߌ߫ ߘߐ߫߸ ߡߊ߲߬ߛߊ߬ߟߊ ߝߣߊ߫ ߞߍߕߐ߫ <<ߌߙߊ߲߫ ߠߊ߫ ߞߓߊߕߟߎ߫ ߓߊ߯ߙߊ߫ ߦߙߐ ߟߎ߫ ߟߋ߬ ߛߎߡߊ߲߫ ߖߐ߲ߖߐ߲ ߞߍ߫ ߟߊ߫ ߞߵߊ߬ ߛߌ߰ ߏ߬ ߟߎ߫ ߞߎ߲߬߸ ߣߴߌߙߊ߲߫ ߞߵߊ߬ߟߎ߬ ߟߊ߫ ߊߙߊߡߑߞߏ ߘߌ߲߬ߞߌߙߊ ߥߊ߬ߟߏ߲߫ ߞߊ߬ߣߌ߲߬.>> ߊߟߎ߫ ߦߴߊ߬ ߟߐ߲߫߸ ߞߓߊߕߟߎ߫ ߞߏ ߕߍ߫ ߞߏߣߍ߲߫ ߘߌ߫ ߛߊ߬ߥߎ߬ߘߌߦߊ ߟߊ߫߸ ߊ߬ߟߎ߬ ߟߊ߫ ߖߡߊ߬ߣߊ ߟߊ߫ ߛߐ߬ߘߐ߲ ߞߐߞߟߏ ߘߏ߫ ߟߋ߬ ߦߴߊ߬ ߘߌ߫߸ ߊ߬ ߣߌ߫ ߘߎߢߊ߫ ߞߓߊߕߟߎ߫ ߢߊ߲ߞߌߛߊ߲ ߓߐ߫ ߦߙߐ ߟߎ߬ ߘߐ߫ ߓߟߋ߬ߓߟߋ ߟߋ߬.

ߙߊߛ ߕߊߣߎߙߊ߫ ߡߍ߲ ߥߊ߬ߟߏ߲߬ߣߍ߲߬ ߌߙߊ߲߫ ߓߟߏ߫ ߣߌ߲߬߸ ߦߋ߲߬ ߦߋ߫ ߡߊ߲߬ߛߊ߬ߟߊ ߟߋ߬ ߞߣߐ߫߸ ߊ߬ ߦߋ߫ ߕߟߋ߬ߓߐ ߕߍߡߞߊߒߞߋ ߘߐ߬ߖߏ߲߬ߘߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߘߌ߫، ߞߊ߬ߕߎ߲߯߸ ߛߊ߬ߥߎ߬ߘߌߦߊ ߜߟߐߡߌ߲߫ ߞߏ ߓߊߖߎ ߘߏ߫ ߟߋ߬ ߦߋ߲߬ ߘߌ߫، ߊ߬ ߘߌ߫ ߛߋ߫ ߞߓߊߕߟߎ ߝߍߙߍ߲ߘߎ߲߫ ߅߅߀ ߀߀߀ ߟߊߥߟߏ߫ ߟߊ߫ ߕߋ߬ߟߋ ߞߘߐ߫.

ߓߌ߬ ߛߎ߲߰ߕߟߋ ߟߊ߫߸ ߛߊ߬ߥߎ߬ߘߌߦߊ ߜߟߐߡߌ߲ ߞߏߕߌ߯ߘߊ ߞߊ߬ ߟߊ߬ߛߋ߬ߟߌ ߘߏ߫ ߞߍ߫ ߞߵߊ߬ ߦߌ߬ߘߊ߬ ߞߏ߫ <<ߘߐ߬ߖߏ߲߬ߘߊ ߓߊ߯ߙߊ ߦߙߐ ߘߏ߫ ߟߎ߫ ߓߘߊ߫ ߟߊߟߐ߬ ߡߎߣߎ߲߬߸ ߞߵߊ߬ ߓߍ߲߬ ߖߊ߲߬ߕߏ߬ߟߌ ߛߙߊߕߌ ߟߎ߬ ߘߝߊ ߡߊ߬߸ ߖߐ߲߰ߛߊ߫ ߞߏ߫ ߞߊߣߊ߬ ߞߓߊߕߟߎ߫ ߟߊߥߟߏ ߣߌ߫ ߘߌ߲߬ߞߌߙߊ ߟߎ߬ ߟߐ߯ߝߍ߫ ߞߣߐߟߊ ߡߊߛߐ ߞߊߣߊ߬ ߞߏ߫ ߛߐ߬ߘߐ߲߬.>>

ߛߊ߬ߥߎ߬ߘߌߦߊ ߡߊ߬ߞߊ߲߬ߞߊ߲߬ߠߌ߲ ߞߏߕߌ߯ߘߊ ߟߊ߫ ߓߋߟߋ߲ߕߌ߮ ߡߍ߲ ߕߐ߯ ߞߏ߫ ߞߟߍ߬ߕߌ߯ ߕߎߙߑߞߌ߫ ߊ߬ߟߑߡߊ߯ߟߞߌ߫߸ ߏ߬ ߞߵߊ߬ ߟߊߛߌ߫ ߞߏ߫ <<ߞߎߟߎ߲ߞߎߟߎ߲߫ ߝߌ߬ߟߊ߫ ߟߋ߬ ߣߊ߬ߣߍ߲߫ ߛߐ߱ ߢߌ߲߬ ߡߊ߬ ߙߊߛ ߕߊߣߎߙߊ߫ ߘߐ߬ߖߏ߲߬ߘߊ ߘߐߕߌߢߍ߫ ߞߊ߲ߡߊ߬، ߓߊ߬ߙߵߊ߬ߟߎ߬ ߛߋ߫ ߘߴߊ߬ ߟߊߟߐ߬ ߟߊ߫ ߞߵߊ߬ ߘߐߕߌߢߍ߫ ߝߣߊ߫.>> ߊ߬ ߞߵߊ߬ ߦߌ߬ߘߊ߬ ߞߏ߫ <<ߕߊߣߍ߲߫ ߓߐ߫ ߘߊ߫߸ ߓߊ߬ߙߵߊ߬ ߡߊ߫ ߥߙߊ߬.>>

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.