ߡߊ߬ߛߎ߬ߓߊ߬ ߞߏ߬ߓߊ߫ ߟߋ߬ ߞߍߣߍ߲߫ ߓߎ߬ߙߋ߬ ߓߎߞߊߙߌߦߊ߫ ߞߣߐ߫߸ ߓߊ߬ߓߊ߫ ߛߘߌ߬ߓߋ߫ ߝߊ߰ߕߐ߫ ߕߘߍ߬ ߊ߬ ߖߍ߬ߘߍ ߛߐ߬ߘߐ߲߬ ߘߋ߲ ߠߋ߬ ߓߟߏ߫߸ ߏ߬ ߡߍ߲ ߞߵߊ߬ ߕߍ߰ ߡߎ߬ߙߎ ߟߴߊ߬ ߞߊ߲ ߞߊ߲߬ ߞߊ߬ߣߌ߲߬، ߏ߬ ߞߏ ߞߍ߫ ߘߴߊ߬ ߕߊ߫ ߟߊ߬ߡߊ߰ߓߊ߫ ߘߌ߫ ߛߏ ߞߣߐ߫ ߦߋ߲߬ ߓߌ߬.
ߓߎ߬ߙߋ߬ ߓߎߞߊߙߌߦߊ߫ ߦߋ߫ ߘߎ߰ߣߍ߲ ߘߏ߫ ߟߋ߬ ߘߌ߫ ߛߌ߯ߙߌ߲߫ ߡߙߊ߬ߓߊ߰ߘߊ ߞߣߐ߫߸ ߞߌ߲߬ߕߌ߬ߢߊ߲߫ ߡߙߊ߬ߘߊ߬ߙߋ߲ ߘߐ߫، ߟߊ߬ߡߊ߰ߓߊ߫ ߟߋ߬ ߞߍߣߍ߲߫ ߦߋ߲߬ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߡߍ߲ ߖߎ߯ߦߊ߫ ߘߊ߫ ߞߏߛߓߍ߫، ߓߊߏ߬߸ ߞߊ߲ߡߋߙߋ߲ ߘߏ߫ ߟߋ߬ ߕߍ߬ߘߴߊ߬ ߝߍ߬ ߞߵߊ߬ ߛߐ߬ߘߐ߲߬ ߝߊ ߝߊ߰ ߡߎ߬ߙߎ ߟߊ߫، ߗߍ߭ ߣߌ߲߬ ߕߐ߯ ߟߋ߬ ߞߏ߫ ߓߊ߬ߓߊ߫ ߛߘߌ߬ߓߋ߫߸ ߊ߬ ߛߌ߬ߞߛߊߓߌ ߦߋ߫ ߛߊ߲߬ ߄߈ ߘߐ߫߸ ߊ߬ ߦߋ߫ ߓߐ߫ ߟߊ߫ ߝߟߏߥߎߟߋ߲߫ ߠߋ߬ (ߘߊߓߏߟߊ߫ ߡߊ߬ߙߊ ߘߐ߫)߸ ߡߏ߬ߛߏ ߦߴߊ߬ ߞߎ߲߬ ߘߋ߲ ߦߴߊ߬ ߓߟߏ߫߸ ߏ߬ ߟߋ ߓߐߣߴߊ߬ ߕߓߌ߫ ߖߌ ߘߐ߫ ߓߌ߬، ߊ߬ ߖߐߞߌߣߍ߲ߓߊ ߟߋ߬ ߕߊ߬ ߘߊ߫ ߓߌ߬ ߞߊ߬ ߥߴߊ߬ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫، ߊ߬ ߡߊߘߌߡߌ߲߫ ߘߴߊ߬ ߘߋ߲ߞߍ߫ ߡߍ߲ ߓߟߏ߫߸ ߏ߬ ߟߋ ߕߐ߯ ߞߏ߫ ߊ߬ߓߎ߸ ߏ߬ ߓߘߊ߫ ߛߋ߫ ߝߊ߰ߡߊ ߟߎ߬ ߕߊ߫ ߓߟߏ߫ ߡߊ߬ ߕߋ߲߬.
ߓߊ߬ߓߊ߫ ߛߘߌ߬ߓߋ߬ ߖߐߞߌ ߣߴߊ߬ ߕߊ߫߸ ߊ߬ ߛߋ߫ ߘߊ߫ ߘߊ ߢߊ߫ ߘߊ߲ߘߐ߫ ߝߐ߫ ߟߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߕߘߍ߬ ߘߌ߫ ߝߊ߰ ߓߌ߬ ߝߋߎ߫، <<ߊ߬ ߛߌ߬ ߘߴߊ߬ ߞߘߐ߬ߞߍ߫ ߟߋ߬ ߝߍ߬، ߊ߬ߟߌ ߞߵߊ߬ ߝߐ߫ ߒ ߧߋ߫ ߞߏ߫ ߊ߬ߓߎߎ ߦߋ߫ ߡߣߊ߬ߡߣߊ߬ ߞߊ߲߬ ߝߐ ߟߊ߫߸ ߊ߬ ߕߍ߫ ߛߌ߬ߣߐ߰ ߟߊ߫، ߒ ߞߵߊ߬ ߖߌ߰ ߏ߬ ߟߋ ߘߐߐ߫ ߌߞߘߐ߫߸ ߒ ߞߏ߫ ߊ߬ ߣߐ߬ ߓߊߛߌ߫ ߞߌߛߍ ߟߋ߬ ߕߊ߬ ߟߊ߫߸ ߦߏ߫ ߘߋ߲ߡߌߛߍ߲߫ ߛߌߦߊߡߊ߲߫ ߦߴߏ߬ ߕߊ߬ ߟߊ߫ ߢߊ ߡߍ߲.>> ߗߍ߭ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫ ߝߏ߫ ߊ߬ ߦߋ߫ ߢߊ߫ ߢߌߣߌ߲߫ ߣߌ߲߬ ߞߏ ߡߊ߬߸ ߦߊ߬ߣߴߊ߬ ߞߏ ߦߋ߫ ߞߍ߫ ߢߊ߫ ߜߘߍ߫ ߡߊ߬، ߏ߬ ߟߋ ߘߐ߫߸ <<ߊ߬ ߣߌ߫ ߞߊߝߋ ߣߊ߬ ߘߴߊ߬ ߟߐ߬߸ ߞߊ߬ ߒ ߘߐߜߍ߫ ߞߊ߬ ߓߊ߲߫ ߞߵߊ߬ ߝߐ߫ ߞߏ߫: ߒ ߘߴߌߟߋ ߟߊ߫ ߞߏ ߟߊߓߊ߲߫ ߓߌ߬ ߝߋߎ߫، ߏ߬ ߞߵߊ߬ ߛߐ߬ߘߐ߲߫ ߠߋ߬ ߡߎ߬ߙߎ ߦߴߊ߬ ߓߟߏ߫ ߞߊ߬ ߓߊ߲߫، ߊ߬ ߞߵߊ߬ ߞߍ߫ ߒ ߞߊ߲߬ ߏ߬ ߢߊ ߟߋ߬ ߡߊ߬.>>
ߏ߬ ߟߋ ߞߍߣߍ߲߫ ߞߍߒߞߊ߲ߠߌ߲ ߘߊߡߌ߬ߣߊ߬ ߢߊ ߘߌ߫߸ ߖߊ߲߬ߞߊߙߏ ߕߎ߲߬ ߓߘߊ߫ ߝߊ߭ ߛߍ߰߸ ߏ߬ ߡߊ߫ ߛߴߊ߬ ߖߘߍ߬ ߡߞߊߘߊ߲߫ ߠߊ߫ ߦߏ߫ ߊ߬ ߞߊ߫ ߞߊ߲߫ ߢߊ ߡߍ߲ ߡߊ߬، <<ߡߏ߬ߛߏ ߟߎ߫ ߟߋ߬ ߝߟߐ߫ ߣߊ߬ ߘߊ߫، ߊ߬ ߞߵߏ߬ ߟߎ߬ ߝߣߊ߫ ߡߊߛߌߟߊ߲߫ ߡߎ߬ߙߎ ߟߊ߫، ߒ ߣߡߊ߫ ߘߊ߫ ߏ߬ ߢߊ ߟߋ߬߸ ߊ߬ ߞߵߊ߬ ߞߐߛߊ߬ߦߌ߲߬ ߒ ߡߊ߬ ߒ ߕߐ߬ߣߍ߲ ߠߊߓߊ߲߫ ߞߊ߲ߡߊ߬.>> ߊ߬ߓߎ ߣߊ߬ ߘߴߊ߬ ߛߐ߰ ߡߎ߬ߙߎ ߟߴߊ߬ ߞߊ߲ ߝߍ߬߸ ߏ߬ ߟߋ ߓߍ߲߬ ߘߊ߫ ߛߏ ߘߋ߲ߡߌߛߍ߲ ߘߏ߫ ߟߎ߫ ߝߣߊ߫ ߣߊ߭ ߡߊ߬߸ ߞߊ߬ ߣߊ߬ ߗߍ߭ ߡߞߊߘߊ߲߫، <<ߞߵߊ߬ ߛߐ߬ߘߐ߲߬ ߜߎ ߝߏߦߌ߬ ߕߴߊ߲ ߕߍ߫ ߖߎ߯ߡߊ߲߫ ߘߐ߫߸ ߝߏ߫ ߒ ߣߴߊ߬ ߣߊ߫ ߡߍ߲ ߠߊ߫ ߝߘߎ ߛߊ߬ߣߍ߲߬.>> ߗߍ߭ ߞߵߏ߬ ߟߋ ߟߴߊ߬ ߟߊ߫ ߞߎߡߊ ߞߊ߲߬.
ߊ߬ ߕߊ߭ ߞߊ߬ ߥߴߊ߬ ߘߌ߫ ߓߎߞߊߙߌߦߊ߫ ߘߊ߲ߘߊߛߏ ߟߊ߫߸ ߓߊ߬ߓߊ߫ ߛߘߌ߬ߓߋ߫ ߡߊߘߌߡߌ߲ߣߍ߲ߓߊ ߟߋ߬ ߛߋ߫ ߘߊ߫ ߦߋ߲߬ ߓߌ߬، ߥߛߊ߬ߘߊ߬ߕߌ߮ ߡߍ߲ ߦߋ߲߬߸ ߞߏ߫ ߓߊߞߊ߬ߙߌ߫ ߞߡߊ߬ߙߊ߬߸ ߏ߬ ߞߊ߬ ߘߏ߫ ߝߐ߫ ߊ߬ ߞߏ ߞߊ߲߬: <<߁߄ߙߋ߲ ߝߊ߲߭ ߠߋ߬ ߝߍ߬߸ ߊ߲ ߞߊ߬ ߖߊ߲߬ߞߊ߬ߙߏ߬ߕߐ ߘߏ߫ ߟߊߛߐ߬ߘߐ߲߬߸ ߡߍ߲ ߞߊ߲ߠߊߕߍ߰ߣߍ߲߬ ߝߊߦߌߘߊ߫، ߊ߬ ߞߊ߲ ߛߘߌ߬ߣߴߊ߬ ߟߊ߫ ߝߊ߰ߣߌ߲ ߠߊ߫߸ ߛߊ߫ ߞߊ߬ ߖߋ߬ߟߌ ߟߊߟߐ߬، ߊ߲ ߣߐ߬ ߊ߬ ߟߊ߫ ߘߊ ߦߋ߫ ߟߊ߸ ߊ߬ ߡߊߛߌߟߊ߲ߣߍ߲߫ ߕߘߍ߬ ߞߏߛߓߍ߫، ߊ߬ ߞߊ߲ ߝߊ߲߭ ߓߍ߯ ߡߊߕߍ߰ߣߍ߲߫ ߠߋ߬ ߕߘߍ߫߬ ߝߊߦߌߘߊ߫، ߡߍ߲ ߞߍ߫ ߘߊ߫ ߞߎ߲߬ߠߊ߬ߘߌߦߊ ߘߌ߫߸ ߞߏ߫ ߡߊ߫ ߞߍ߫ ߊ߬ ߞߊ߲ߣߏ߮ ߟߊ߫.>>
ߘߊ߲ߘߊߟߌ߫ ߝߟߐ ߡߍ߲ ߠߎ߬ ߞߍ߫ ߘߴߊ߬ ߟߊ߫߸ ߏ߬ ߞߍ߫ ߘߊ߫ ߛߊߓߎ߫ ߘߌ߫ ߞߵߊ߬ ߡߊߝߊ߰ ߣߍ߲ߞߍ߫߸ ߊ߬ ߟߊߕߊ߯ ߘߊ߫ ߛߌ߯ߙߌ߲߫ ߘߊ߲ߘߊߛߏ ߟߊ߫ ߏ߬ ߟߋ ߞߐ ߘߐ߫ ߛߊ߫، ߘߊ߲ߘߊߟߌߟߊ ߘߏ߫ ߞߵߊ߬ ߦߌ߬ߘߊ߬ ߞߏ߫ <<ߣߴߊ߬ ߕߎ߲߬ ߡߊ߫ ߟߊߕߊ߯߸ ߊ߬ ߕߎ߲߬ ߕߍߣߊ߬ ߓߐ߫ ߟߴߊ߬ ߘߐ߫.>>
ߞߣߐ߬ߜߊ ߣߌ߫ ߕߊ߬ߘߌ߬ߓߊ߬ߕߊߘߌߓߊ ߘߏ߲߬ ߘߊ߫ ߟߋ߬ ߛߏ ߞߣߐ߫ ߦߋ߲߬ ߓߌ߬، ߓߊߏ߬߸ ߓߍ߯ ߟߋ߬ ߢߐ߲߮ ߡߊߢߌ߬ߣߌ߲߬ߞߊ ߟߊ߫ ߣߌ߲߬ ߛߍߣߍ߲߬߸ ߞߏ߫ ߡߐ߱ ߛߋߕߐ߫ ߣߌ߲߬ ߛߎ߮ ߞߍ߫ ߟߴߊ߬ ߛߐ߬ߘߐ߲߬ ߝߊ ߟߊ߫ ߘߌ߬؟ ߘߏ߫ ߟߎ߫ ߞߏ߬ߣߌ߲ ߞߵߊ߬ ߖߌ߱ ߟߋ߬ ߞߏ߫ ߊ߬ ߣߐ߬ ߡߌ߲߬ߠߌ߲߬ ߝߋ߲ ߠߋ߬ ߡߌ߲߬ ߠߊ߫، ߘߏ߫ ߟߎ߫ ߝߣߊ߫ ߦߴߊ߬ ߝߐ ߞߊ߲߬ ߞߏ߫ ߊ߬ߝߐ߫ ߊ߬ ߤߊ߲ߞߟߌ߫ ߞߏ ߘߝߊߣߍ߲߫.
ߓߍ߯ ߞߏ߬ߣߌ߲ ߦߋ߫ ߘߎ߬ߥߊ߬ߥߎ ߟߋ߬ ߞߊ߲߬ ߓߎ߬ߙߋ߬ ߓߎߞߊߙߌߦߊ߫ ߞߣߐ߫ ߕߋ߲߬߸ ߞߏ߫ ߊߟߊߡߊ߬ ߓߊ߬ߓߊ߫ ߛߘߌ߬ߓߋ߫ ߢߌ߬ߡߊ߬ ߓߐ߫ ߘߴߊ߬ ߘߐ߫߸ ߊ߬ ߣߌ߫ ߊߟߊߡߊ߬ ߣߌ߲߬ ߞߏ ߕߎ߬ߢߊ ߛߋ߫ ߘߊ߫ ߟߊ߫ ߟߊ߫ ߞߣߍ ߞߊ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.