ߛߏ߲߬ߧߊ߬ߟߌ ߟߋ߬ ߞߍߣߍ߲߫ ߛߌ߯ߙߌ߲߫ ߞߣߐ߫ ߓߌ߬ ߞߊ߯ߙߌ ߣߌ߲߬ ߛߎߓߊ߮ ߝߍ߬߸ ߞߐ߲ߘߍߟߊ߫ ߞߎ߲߬ߘߊ ߟߊ߫، ߡߐ߰ ߟߐ߲ߓߊߟߌ ߘߏ߫ ߟߎ߫ ߟߋ߬ ߕߊ߯ߣߍ߲߫ ߘߏ߲߬ ߠߊ߫ ߟߎ ߘߏ߫ ߞߣߐ߫߸ ߞߊ߬ ߞߐ߲߬ߛߏ߬ ߞߋߟߋ߲߫ ߕߊ߬߸ ߊ߬ ߣߌ߫ ߥߊߘߌ߫ ߛߌߦߊߡߊ߲߫߸ ߞߵߏ߬ ߟߊ߫ ߓߟߏߝߋ߲߫ ߡߌߛߍ߲ ߘߏ߫ ߟߎ߫ ߞߊ߲߬߸ ߞߏߕߐ ߖߍ߬ߘߍ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.
ߡߊ߬ߡߊ߬ߘߌ߬ ߞߋߕߊ߬ ߦߋ߫ ߖߎ߬ߟߊ ߘߌ߫߸ ߊ߬ ߦߋ߫ ߡߊ߬ߖߌ߮ ߘߐ߫ ߓߎ߬ߙߋ߬ ߓߎߞߊߙߌߦߊ߫ ߟߋ߬، ߏ߬ ߟߋ ߣߐ߬ ߊ߬ ߦߌ߬ߘߊ߬ ߟߊ߫ ߓߏ߬ ߛߏ߲߭ ߠߎ߬ ߥߊߣߍ߲߫ ߘߏ߲߬ ߠߴߊ߬ ߟߊ߫ ߟߎ ߞߣߐ߫ ߄ߙߋ߲ ߡߊ߬߸ ߞߊ߬ ߕߊ߬ߟߌ߬ ߛߌߦߊߡߊ߲߫ ߞߍ߫.
<<ߒ ߡߏ߬ߛߏ ߟߋ߬ ߞߊ߬ ߒ ߞߟߌ߫، ߞߏ߫ ߊ߬ ߞߎߣߎ߲ߣߍ߲߫ ߛߐ߱ ߣߌ߲߬ ߡߊ߬ ߞߵߊ߬ ߦߋ߫ ߛߓߊ ߟߊߞߊ߬ߣߍ߲߬، ߊ߬ ߞߵߊ߬ ߟߊߞߙߐ߬ߛߌ߬ ߞߏ߫ ߒ ߠߊ߫ ߞߐ߲߬ߛߏ ߕߍ߫ ߟߎ ߞߣߐ߫߸ ߞߵߏ߬ ߟߊ߫ ߖߌ߬ߦߊ߬ߞߊ߲ ߞߊ߲߬߸ ߏ߬ ߡߍ߲ ߕߘߍ߬ ߝߏ߯ߟߋ߲ ߞߣߐ߫߸ ߏ߬ ߓߍ߯ ߕߊ߬ ߘߊ߫ ߟߋ߬ ߞߊ߬ ߥߴߊ߬ ߘߌ߫ ߊ߬ߟߎ߬ ߓߟߏ߫.>> ߊ߬ ߞߵߏ߬ ߟߋ ߢߊߝߐ߫.
ߊ߬ߟߋ ߟߊߟߐ߲ߠߌ߲߫ ߘߊ߫ ߣߌ߲߬ ߞߏ ߟߊ߫ ߞߵߊ߬ ߛߐ߬ߘߐ߲߬ ߊ߬ ߦߋ߫ ߓߊ߯ߙߊ߫ ߦߌߟߊ ߘߐ߫ ߓߎ߬ߙߋ߬߸ ߊ߬ ߞߊߟߌߦߊߡߍߣߍ߲ߕߐ ߞߍߢߊ ߟߵߏ߬ ߘߌ߫ ߞߵߊ߬ ߘߍ߬ߢߐ߲߮ ߘߏ߫ ߟߴߊ߬ ߞߊ߲߬ ߞߊ߬ ߛߌ߯ߙߌ߲߫ ߡߊߜߍ߲߫.
ߊ߬ ߛߋ ߦߋ߲߬߸ ߊ߬ ߞߵߊ߬ ߛߐ߬ߘߐ߲߬ ߘߓߊ ߓߘߊ߫ ߞߊߘߌ߫ ߊ߬ߟߎ߬ ߓߟߏ߫߸ ߞߵߊ߬ ߛߌ߬ߓߏ߲ ߖߍ߬ߘߍ ߝߣߊ߫ ߘߊ ߞߊߘߌ߫، ߊ߬ ߟߊ߫ ߢߊߝߐߟߌ߫ ߘߐ߫߸ ߛߏ߲߭ ߠߎ߬ ߞߊ߬ ߝߋ߲ ߡߍ߲ ߠߎ߬ ߕߊ߬:
ߞߐ߲߬ߛߏ߬ ߞߋߟߋ߲߫߸ ߏ߬ ߦߋ߫ ߙߋ߬ߣߏ߬ ߘߙߏߜߊ ߟߋ߬ ߘߌ߫߸ ߡߍ߲ ߞߐ߬ߟߐ ߦߋ߫ ߜߍߡߊ߲߫ ߢߟߊߓߎߘߎ߲ߛߊ ߘߌ߫߸ ߣߴߊ߬ ߘߐ߬ߛߙߋ߬ߦߊ߬ߟߌ߬ ߝߙߍߕߌ ߦߋ߫ AX-6414 ߘߌ߫.
ߊ߬ ߟߊ߫ ߟߊ߬ߓߏ߬ߙߌ߬ߟߌ ߘߌ߬ߢߍ߬ߛߓߍ ߦߴߊ߬ ߞߣߐ߫߸ ߞߵߏ߬ ߟߊ߫ ߞߐ߲߬ߛߏ ߖߍ߬ߘߍ ߛߓߍ ߓߍ߯ ߟߊߘߍ߬ߣߍ߲ ߞߊ߲߬.
ߥߊߘߌߜߍ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߃߀ ߣߌ߫ ߞߐ߫ ߡߍ߲ ߕߍ߬ߘߍ߫ ߊ߬ ߟߊ߫ ߓߏ߲ߣߍ߲ ߞߣߐ߫ ߊ߬ ߛߌ߬ߓߏ߲ ߠߊ߫߸ ߏ߬ ߕߊ߬ ߘߊ߫ ߟߋ߬.
ߊ߬ ߟߊ߫ ߖߌ߬ߦߊ߬ߞߊ߲ ߡߍ߲ ߕߘߍ߬ ߝߏ߯ߟߋ߲ ߞߣߐ߫.
ߊ߬ ߣߴߊ߬ ߡߛߏ߬ ߝߟߐ ߟߊ߫ ߜߋߟߋ߲ߜߋߟߋ߲߫ ߛߊߡߑߛߎ߲ߜ߭ ߊ߫߁߅.
<<ߊ߬ߟߎ߫ ߞߊ߬ ߒ ߠߊ߫ ߓߏ߲߫ ߘߊ ߞߊߘߌ߫ ߡߍ߲ߞߍ߬߸ ߓߏ߲ߣߍ߲߫ ߘߋ߲ߣߍ߲ ߡߍ߲ ߝߣߊ߫ ߦߋ߲߬߸ ߞߵߏ߬ ߘߊ ߞߊߘߌ߫߸ ߥߊߘߌ ߕߍ߬ߘߍ߫ ߦߋ߲߬ ߠߋ߬߸ ߊ߬ ߣߌ߫ ߞߐ߲߬ߛߏ ߢߌ߲، ߊ߬ߟߎ߫ ߞߵߊ߬ ߓߍ߯ ߟߋ߬ ߕߊ߬ ߞߊ߬ ߥߴߊ߬ ߘߌ߫.>> ߊ߬ ߞߵߏ߬ ߟߋ ߢߊߝߐ߫.
ߞߐ߲߬ߛߏ ߞߊߙߕ ߜ߭ߙߌߖ߭ ߟߋ߬ ߘߐߙߐ߲߫ ߡߊ߫ ߥߊ߫، ߓߊߏ߬߸ ߏ߬ ߕߎߣߎ߲߫ ߘߊ߫ ߟߋ߬ ߞߊ߬ߦߌ߯ ߥߊ߯ߕߌ߫ ߖߊ߲߫߸ ߊ߬ ߖߍ߬ߘߍ ߕߎ߲߬ ߓߘߴߏ߬ ߟߊߘߊ߲߫ ߞߏ ߢߊߢߌߣߌ߲߫ ߞߘߊߞ ߟߊ߫߸ ߏ߬ ߕߎ߲߬ ߡߊ߫ ߓߊ߲߫ ߡߎߣߎ߲߬.
ߡߊ߬ߡߊ߬ߘߌ߬ ߞߋߕߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߓߊ߲ ߞߐ ߛߏ߲߬ߧߊ߬ߟߌ߬ ߣߐ ߢߌ߲߬ ߠߎ߬ ߓߍ߯ ߟߊߞߙߐ߬ߛߌ߬ ߟߊ߫߸ ߊ߬ ߞߵߊ߬ ߞߎ߲߬ߛߌ߲߫ ߛߌߟߊ ߕߐ߲ߓߟߏߡߘߊ ߟߊ߫߸ ߞߊ߬ ߥߴߊ߬ ߞߏ ߢߊߝߐ߫ ߦߋ߲߬ <<ߞߎ߲߬ߕߌ߮ ߡߍ߲ ߦߋ߲߬߸ ߏ߬ ߞߊ߬ ߞߐ߲߬ߛߏ ߘߐ߬ߛߙߋ߬ߦߊ߬ߟߌ߬ ߝߙߍߕߍ ߕߊ߬، ߞߊ߬ ߢߊߢߌߣߌ߲߫ ߛߌ߰ ߛߋ߲߬ߠߊ߫ ߌߞߘߐ߫ ߛߊ߫ ߞߐ߲߬ߛߏ ߘߌ߫ ߦߋ߫ ߢߊ ߡߍ߲ ߡߊ߬߸ ߊ߬ ߣߴߊ߬ ߕߊ߬ߓߊ߮ ߟߎ߬.>> ߡߊ߬ߡߊ߬ߘߌ߬ ߞߋߕߊ߬ ߟߋ߬ ߞߊ߲߫ ߕߋ߲߬.
ߊ߲ ߧߋ߫ ߟߌ߬ߤߟߊ ߣߌ߲߬ ߛߓߍ ߞߊ߲߬ ߕߎ߬ߡߊ ߡߍ߲ ߠߊ߫ ߣߌ߲߬߸ ߡߌ߬ߣߊ߬ߟߌ߬ ߛߌ߫ ߡߊ߫ ߞߍ߫ ߡߎߣߎ߲߬߸ ߢߊߢߌߣߌ߲ߠߌ߲ ߞߏ߬ߣߌ߲ ߦߋ߫ ߛߋ߲߬ߠߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.