ߝߘߊ߬ߝߌ߲߬ߠߊ߫ ߡߊ߲߬ߕߏ߲ ߠߎ߬ ߟߊ߫ ߖߌߟߊߝߍ ߞߍߞߏ߫ ߃߅߲ ߓߍߣߊ߬ ߘߊߡߌ߬ߣߊ߬ ߞߊ߯ߙߌ ߣߌ߲߬ ߡߊ߬߸ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߁߸ ߡߊ߬ߙߐߞߎ߬ ߖߡߊ߬ߣߊ ߞߊ߲߬ ߙߓߊ߫، ߏ߬ ߡߍ߲ ߜߏ߬ߙߏ߲߬ߜߊ߬ߙߊ߲߬ ߝߟߐ ߕߊ߲ߕߐ߫ ߡߊ߬ߞߐߙߎ߬ ߣߌ߫ ߞߡߐߙ ߓߟߏ߫ ߞߊ߬ߣߌ߲߬، ߒ߬ߓߊ߬߸ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲ ߞߙߎߝߊߢߐ߲߯ߦߊ ߣߐ߬ ߞߏ ߡߍ߲ ߠߎ߬ ߛߌ߰ ߟߊ߫ ߛߋ߲߬ߠߊ߫ ߓߌ߬ߟߊ߬ߢߐ߲߰ ߝߟߐ ߣߌ߲߬ ߘߐ߫߸ ߝߎ߬ߟߋ߬ ߝߍ ߘߌߣߍ߲߫ ߞߏ߲߬ߞߏ߬ߞߊ߫ ߗ߭ߊ߲߭ ߖ߭ߊߞ ߒߘߟߊ߫ ߟߋ߬ ߡߊ߬߸ ߞߵߏ߬ ߞߎ߲߭ ߞߍ߫ ߊ߬ ߟߊ߫ ߕߍߟߐߦߊ ߟߐ߲ߠߌ߲ ߘߌ߫߸ ߊ߬ ߣߴߊ߬ ߟߊ߫ ߕߋߟߋ߲߸ ߓߍ߯ ߦߴߏ߬ ߡߍ߲ ߛߙߋ߫ ߘߌ߫ ߝߘߊ߬ߝߌ߲߬ߠߊ߬ ߜߙߋ ߞߊ߲߬.
ߝߘߊ߬ߝߌ߲߬ߠߊ߬ ߂߀߂߅ ߖߌߟߊߝߍ ߕߊ߲ߠߌ߲߫ ߝߟߐ ߞߍߕߐ߫ ߡߊ߬ߙߐߞߎ߬ ߟߋ߬߸ ߙߓߊ߫ ߘߎ߱ ߞߣߐ߫߸ ߊ߬ߟߎ߬ ߟߊ߫ ߕߏ߬ߟߊ߲߬ߕߊ߲߬ ߓߙߊ ߡߍ߲ ߕߐ߯ ߞߏ߫ ߔߑߙߍ߲ߛ ߡߎ߬ߟߊߦߌ߬ ߊߓߑߘߟߊ߬߸ ߁߉ߙߋ߲߀߀ ߡߊ߬، ߢߐ߲߯ߓߍ߲ ߏ߬ ߘߐ߫߸ ߟߊ߬ߖߌ߰ߦߊ߬ߟߌ߬ ߖߡߊߣߊ ߟߋ߬ ߝߟߐ߫ ߞߍߕߐ߫ ߊ߬ ߕߊ߲߫߸ ߡߊ߬ߙߐߞߎ߬ ߞߊ߬ߣߌ߲߬، ߊ߬ߟߎ߬ ߣߌ߫ ߞߡߐߙ ߟߋ߬ ߓߌ߬ߟߊ߬ߕߐ߫ ߢߐ߲߮ ߠߊ߫߸ ߘߎߢߊ߫ ߕߏ߬ߟߊ߲ ߞߏߟߊߕߍ߮ ߟߎ߬ ߣߌ߫ ߝߘߊ߬ߝߌ߲߬ߠߊ߬ ߕߊ ߟߎ߬ ߓߍ߯ ߢߊߞߘߐ߫.
ߘߊߦߟߍߟߌ߫ ߢߐ߲߯ߓߍ߲ ߣߌ߲߬ ߘߐ߫߸ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲߬ ߞߙߎߝߊ ߣߐ߬ ߗ߭ߊ߲߭ ߖ߭ߊߞ ߒߘߟߊ߫ ߟߋ߬ ߞߙߍߞߙߍ߫ ߟߊ߫߸ ߏ߬ ߦߋ߫ ߝߎ߬ߟߋ ߝߍ߫، ߊ߬ߟߋ ߦߋ߫ ߕߍߟߐ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߋ߬ ߘߌ߫߸ ߊ߬ ߣߌ߫ ߓߍ߯ߦߊ߫ ߞߏ߲߬ߞߏ߫ ߖߡߊ߬ߣߊ ߞߐߦߌߘߊ، ߓߍ߯ ߟߊߘߍ߬ߣߍ߲ ߦߴߊ߬ߟߋ ߛߎߥߊ߲ߘߌ ߖߌ߰ ߟߊ߫ ߟߊߒߠߦߊ ߕߐ߰ߡߊ߬ߛߙߋ ߟߋ߬ ߘߌ߫، ߓߊߏ߬߸ ߊ߬ ߦߋ߫ <<ߝߘߊ߬ߝߌ߲߬ߠߊ߫ ߡߎ߰ߡߍ ߕߍߟߐߦߊ ߞߟߊ߬ߡߊ߬ߓߊ߮>> ߟߎ߬ ߘߏ߫ ߟߋ߬ ߘߌ߫، ߒ߬ߓߊ߬߸ ߊ߬ߟߋ ߟߋ߬ ߞߍߕߐ߫ ߝߎ߬ߟߋ߬ ߝߟߐ ߣߌ߲߬ ߝߍ߫ ߟߊ߫، ߓߌ߬ߟߊ߬ߢߐ߲߰ߠߊ ߘߏ߲߬ ߓߍߣߊ߬ ߕߊ߯ ߊ߬ ߝߍ߬ ߤߊ߲߯ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߈.
ߊ߬ ߘߋ߬ߙߌ߬ߣߍ߲߫ ߕߏ߬ߟߊ߲߬ߓߊ ߟߎ߬ ߝߍ߫ ߟߊ߫߸ ߦߏ߫ ߞߊߝ ߟߊ߫ ߟߌߜ߭ ߘߍ߫ ߛ߭ߊ߲ߔߌߦߐ߲ (ߞߟߏߞߕߏߦߊ ߞߏߘߐߛߘߌߘߊ)߸ ߊ߬ ߣߌ߫ ߞߙߎߝߊߢߐ߲߯ߦߊ ߖߌߟߊߝߍ߸ ߞߵߏ߬ ߟߊ߫ ߝߌߝߊ ߟߊ߫ ߓߋ߬ߞߏ߬ߞߋߟߋ߲ ߢߐ߲߯ߓߍ߲ ߠߎ߬ ߞߊ߲߬ ߖߊ߯ߓߊ߫ ߖߌߟߊߝߍ ߘߐ߫، ߤߊߟߌ߬ ߛߙߍߘߍ ߡߍ߲ ߠߊߓߐ߫ ߛߊ߲ ߦߋ߫ ߕߋ߲߬߸ ߕߍߟߐ߫ ߞߊߘߊ߲ߦߊߣߍ߲ ߡߍ߲ ߠߎ߬ ߕߐ߮ ߕߊ߬ߣߍ߲߫ ߂߀߂߆ ߖߊ߯ߓߊ߫ ߖߌߟߊߝߍ ߕߊ߲߫ ߞߏ ߘߐ߫߸ ߊ߬ ߕߐ߮ ߦߴߏ߬ ߘߐ߫، ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߦߋ߫ ߝߘߊ߬ߝߌ߲߬ߠߊ߫ ߞߎ߲߬ߠߊ߬ߦߋߙߋ߲ ߠߋ߬ ߘߌ߫ ߕߏ߬ߟߊ߲ ߡߊ߬ߘߎ߮ ߘߐ߫.
߂߀߂߅ ߖߌߟߊߝߍ ߡߍ߲ ߦߋ߫ ߕߋ߲߬߸ ߏ߬ ߦߴߊ߬ ߛߎߥߊ߲ߘߌ߫ ߞߏ߫ ߣߊ߯ߣߌ߲ߣߊ߲ ߠߋ߬ ߘߌ߫، ߓߊߏ߬߸ ߂߀߁߉߸ ߂߀߂߁߸ ߂߀߂߃߸ ߞߏ߲߬ߞߏ߬ߞߊ ߣߌ߲߬ ߛߐ߬ߘߐ߲߬ ߘߴߏ߬ ߓߍ߯ ߘߐ߫ ߟߋ߬، ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߕߍ߫ ߡߐ߰ߣߍ߲߬ ߘߌ߫ ߣߌ߲߬ ߞߏ ߘߐ߫، ߏ߬ ߟߋ ߘߐ߫߸ ߞߐߡߊߓߌ߲ߓߌ߲ߠߌ ߟߎ߬ ߓߌߣߍ߲߫ ߞߵߊ߬ ߞߐ߬ߣߐ߲߬ ߞߏߛߓߍ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.