ߛߎ߭ ߘߏ߫ ߓߘߊ߫ ߦߋ߫ ߡߌߛߌ߬ߙߊ߲߬ ߛߌߕߊߞߙߎ߫: ߝߊ߰ߡߊ ߟߎ߬ ߞߊ߲߫ ߞߏ߫ ߛߦߊ߬ ߛߎ߲ߞߎ߲ߡߊ ߟߋ߬

ߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߂߀߂߆ ߞߏ߲ߞߏߜߍ ߕߟߋ߬ ߇߸ ߛߎ߭ ߘߏ߫ ߟߋ߬ ߦߋ߫ ߘߊ߫ ߥߎ߬ߙߘߊ߬ߣߍ߲ ߝߍ߬߸ ߡߌߛߌ߬ߙߊ߲߬ ߛߌߕߊߞߙߎ߫ ߞߌ߲߬ߘߊ ߟߊ߫߸ ߓߕߎߙߎ߲߫ ߞߐ߬ߞߊ߲ ߠߊ߫، ߞߌ߲߬ߘߊ ߞߏߟߊߕߍ߮ ߟߎ߬ ߟߊߟߐ߲ߠߌ߲߫ ߘߊ߫ ߁߈ߙߋ߲ ߝߊ߲߭ߝߍ߬ ߟߋ߬߸ ߏ߬ ߟߎ߬ ߞߍߢߊ ߟߵߏ߬ ߘߌ߫ ߞߊ߬ ߝߊ߰ߡߊ ߟߎ߬ ߟߊߟߐ߲ߠߌ߲߫߸ ߊ߬ߟߎ߬ ߦߋ߫ ߣߊ߬ ߜߍ ߘߐ߫، ߡߊ߬ߝߟߍ߬ߟߌ ߓߍ߯ ߞߐߝߍ߬߸ ߊ߬ ߦߋ߫ ߘߊ߫ ߞߏ߫ ߝߎ߬ߙߋ߬ߣߍ߲ ߠߊ߫ ߛߊ߬ߦߊ ߦߋ߫ ߛߎ߲ߞߎߡߊ ߟߋ߬ ߘߌ߫.

ߟߌ߬ߤߟߊ ߡߍ߲ ߠߎ߬ ߟߊߘߍ߬ ߘߴߊ߲ ߓߟߏ߫ ߘߌ߲߬ߞߌߙߊ ߘߐ߫ ߦߋ߲߬ ߌߞߘߐ߫߸ ߟߐ߯ ߢߌߣߌ߲ߠߊ ߟߎ߫ ߟߋ߬ ߞߊ߬ ߛߎ߭ ߣߌ߲߬ ߦߋ߫߸ ߞߊ߬ ߡߐ߱ ߟߎ߬ ߟߊߟߐ߲ߠߌ߲߫ ߊ߬ ߟߊ߫، ߛߎ߭ ߣߌ߲߬ ߦߋ߫ ߗߍ߭ ߟߋ߬ ߘߌ߫߸ ߞߎߙߎ߲ߞߎߙߎ߲ߠߌ߲ ߕߐ߰ߡߊ߬ߛߙߋ߬ ߛߌ߫ ߡߊ߫ ߦߴߊ߬ ߡߊ߬ ߡߊ߬ߝߟߍ߬ߟߌ ߕߎ߬ߡߊ ߟߊ߫.

ߡߌߛߌ߬ߙߊ߲߬ ߛߌߕߊߞߙߎ߫ ߞߌ߲߬ߕߌ߮߸ ߛߌ߬ߙߊ߬ ߓߊ߲ߜ߭ߊߟߌ ߡߊ߰ߙߊ ߞߊ߬ ߟߊ߬ߟߐ߲߬ߠߌ߲߬ߠߌ߲ ߣߌ߫ ߡߊ߬ߝߟߍ߬ߟߌ ߖߊ߲߬ߖߏ߲ ߢߊߝߐ߫: <<ߒߠߋ ߟߊߟߐ߲ߠߌ߲ ߡߍ߲ ߞߍ߫ ߘߊ߫߸ ߊ߲ ߛߐ߰ ߘߴߊ߬ ߡߊߝߟߍ ߟߋ߬ ߡߊ߬ ߡߎߣߎ߲߬߸ ߣߌ߫ ߦߙߐ ߏ߬ ߦߴߊ߲ ߠߊ߫ ߞߌ߲߬ߘߊ ߟߋ߬ ߘߐ߫، ߏ߬ ߟߐ߲ ߡߍ߲ ߞߍ߫ ߘߊ߫߸ ߒ ߞߊ߬ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߬ ߟߊߟߐ߲ߠߌ߲߫߸ ߞߊ߬ ߞߟߍ߬ߡߐ߰ߘߊ ߟߊߟߐ߲ߠߌ߲߫߸ ߏ߬ ߟߎ߫ ߞߵߊ߬ߟߎ߬ ߞߍߕߊ ߞߍ߫ ߌߞߘߐ߫ ߣߌ߫ ߟߐ߯ߟߊߟߌ߫ ߕߍ߫.>>

 ߣߊ߲߬ߒ߬ߕߊ߲ ߠߎ߬ ߟߊߞߊ߲ߘߊ ߗߋߢߘߊ ߟߊߟߐ߲ߠߌ߲߫ ߘߊ߫߸ ߏ߬ ߟߎ߬ ߡߊ߫ ߛߋ߫ ߡߊߛߐ߬ߘߐ߲߬ ߠߊ߫، ߓߊ߬ߙߌ߬߸ ߞߟߍ߬ߡߐ߮ ߟߎ߬߸ ߊ߬ ߣߌ߫ ߘߊ߲ߘߊߟߌߟߊ߫ ߞߎ߬ߙߎ߲߬ߘߎ߬ߝߏߘߋ߸ ߏ߬ ߟߎ߬ ߓߍ߯ ߡߊߛߐ߬ߘߐ߲߬ ߘߊ߫، ߛߋ߲߬ߘߐ߬ߞߎߟߎ߲ ߛߐ߬ߘߐ߲߬ߓߊߟߌߦߊ ߣߴߊ߬ ߕߊ߫߸ ߡߊ߬ߝߟߍ߬ߟߌ ߞߏ߬ߣߌ߲ ߛߋ߫ ߘߊ߫ ߞߍ߫ ߞߟߍ߬ߡߐ߰ߘߊ ߓߟߏ߫.

<<ߡߊ߬ߝߟߍ߬ߟߌ ߞߐ ߘߐ߫߸ ߞߟߍ߬ߡߐ߮ ߟߎ߬ ߣߌ߫ ߘߊ߲ߘߊߟߌߟߊ ߟߎ߫ ߞߵߊ߬ ߦߌ߬ߘߊ߬ ߞߏ߫ ߛߦߊ߬ ߛߎ߲ߞߎ߲ߡߊ ߟߋ߬، ߞߕߌߞߊ߲ߘߊ ߟߊߟߐ߲ߠߌ߲߫ ߘߊ߫߸ ߛߊ߬ߙߌ߬ߦߊ ߟߊ߫ ߡߊ߬ߝߟߍ߬ߟߌ ߟߎ߬ ߓߍ߯ ߞߍ߫ ߘߊ߫.>> ߞߌ߲߬ߕߌ߮ ߞߵߏ߬ ߝߐ߫ ߞߵߊ߬ ߔߘߋߔߘߋߟߊߕߍ߰.

ߛߎ߭ ߣߌ߲߬ ߞߏ߬ߣߌ߲ ߟߐ߲ߓߊ߯ ߡߊ߫ ߛߐ߬ߘߐ߲߬، ߊ߬ ߦߋ߫ ߗߍ߭ ߟߋ߬ ߘߌ߫߸ ߡߍ߲ ߛߌ߬ߞߛߊߓߌ ߦߋ߫ ߛߊ߲߬ ߃߅ ߤߊ߲߯ ߛߊ߲߬ ߄߀ ߕߍߟߊ ߘߐ߫߸ ߞߌ߲߬ߘߊ ߞߣߐ߫ ߡߐ߯ ߛߌ߫ ߡߴߊ߬ ߡߊߟߐ߲߫، ߕߊ߯ߡߊ ߟߎ߫ ߞߏ߬ߣߌ߲ ߦߋ߫ ߛߋ߲߬ߠߊ߫߸ ߛߴߊ߬ ߞߏ ߞߎ߲߬ߘߏ߲ ߘߌ߫ ߟߐ߲߲߫.

ߞߊ߬ ߞߐ߲߰ ߝߊ߰ߡߊ ߟߎ߬ ߟߊ߫ ߞߎߡߊ ߢߍ߫ ߊ߬ ߞߏ ߞߊ߲߬߸ ߛߎ߭ ߞߏ߬ߣߌ߲ ߦߋ߫ ߦߙߐ ߏ߬ ߘߐ߫ ߦߋ߲߬ ߝߟߐ߫߸ ߞߌ߲߬ߘߊ ߞߏߟߊߕߍ߮ ߟߎ߬ ߕߊ߫ ߓߟߏ߫ ߡߊ߬، ߞߏߢߊ ߕߊ߬ߡߌ߲߬ ߢߊ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߝߊ߰ߡߊ ߟߎ߬ ߞߊ߫ ߞߊ߲߫ ߞߵߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߞߊ߬ ߛߋ߫ ߞߏ ߟߎ߬ ߥߊ߫ ߛߌߟߊ ߟߊߣߐ߰ߦߊ߬ ߟߊ߫߸ ߞߵߊ߬ߟߎ߬ ߞߍ߫ ߦߏ߫ ߊ߬ ߝߐߣߍ߲߫ ߢߊ ߡߍ߲ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.