ߞߎߣߎ߲߬ ߓߌߟߏ߲߸ ߌߙߊ߲߫ ߕߏ߬ߟߊ߲߬ߕߊ߲ ߛߘߍߞߎߘߎ߲ ߞߊ߬ ߛߓߍߟߌ ߘߏ߫ ߞߍ߫ ߊ߬ߟߎ߬ ߟߊ߫ ߍ߲ߛߑߕߊߜ߭ߙߊߡ ߖߊ߬ߕߋ߬ߘߊ ߟߊ߫߸ ߞߵߏ߬ ߞߍ߫ ߞߊ߲ߞߘߐߓߐߟߌ ߗߋߛߓߍ߫ ߘߌ߫߸ ߞߵߊ߬ ߟߊߕߊ߯ ߞߊ߬ߝߏ߫ ߘߍ߬ߣߍ߲ ߡߊ߬، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߂߀߂߆ ߖߊ߯ߓߊ߫ ߖߌߟߊߝߍ ߘߐ߫߸ ߡߍ߲ ߛߌ߲߬ߝߏ߲߬ߧߊ߬ߣߍ߲߫ ߊߡߙߌߞߌ߬ ߞߐ߰ߘߎ߮ ߘߐ߫߸ ߞߐߞߊ߲߫ ߝߊ߲ߞߊ߫ ߕߌ߯ ߝߏߦߌ߬ ߕߴߛߋ߫ ߊ߬ߟߎ ߟߊ߫ ߕߘߍ߬ߒ߬ߘߐ߬ߟߌ ߣߴߊ߬ߟߎ߬ ߟߊ߫ ߕߘߍ߬ߒ߬ߘߐ߬ߟߌ߬ߓߊߟߌߦߊ ߟߊߕߍ߰ ߟߊ߫ ߏ߬ ߖߊ߲߬ߖߏ߲ ߘߐ߫. ߞߊ߬ߕߎ߲߯߸ ߛߊ߬ߣߴߊ߬ߟߎ߬ ߦߋ߫ ߞߎߡߊ ߏ߬ ߝߐ߫߸ ߕߑߙߐ߲ߔ ߕߎ߲߬ ߓߘߴߊ߬ ߝߐ߫ ߟߋ߬ ߞߏ߫ ߌߙߊ߲߫ ߛߘߍߞߎߘߎ߲ ߡߊ߲߫ ߞߊ߲߫ ߞߊ߬ ߛߐ߬ߘߐ߲߬ ߢߐ߲߯ߓߍ߲ ߘߐ߫߸ ߞߏ߫ <<ߏ߬ ߕߍ߫ ߓߍ߲߬.>>

ߛߘߍߞߎߘߎ߲ ߠߊ߫ ߗߋߛߓߍ ߣߌ߲߬ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ ߝߟߐߝߟߐ߫ ߛߎߘߊ߲߫ ߘߊ߫ ߞߊ߬ ߕߊ߯ ߢߐ߲߯ߓߍ߲ ߣߌ߲߬ ߘߐ߫، ߏ߬ ߘߐ߫߸ ߊ߬ߟߎ߫ ߞߊ߬ ߕߑߙߐ߲ߔ ߟߊ߫ ߞߎߡߊ ߣߊ߬ߞߊߘߌ߫߸ ߞߵߊ߬ ߦߌ߬ߘߊ߬ ߞߏ߫: <<ߡߐ߰ ߛߌ߫ ߕߍ߫ ߛߴߊ߲ߠߎ߬ ߛߋ߲߬ߓߐ߫ ߟߊ߫ ߖߊ߯ߓߊ߫ ߖߌߟߊߝߍ ߘߐ߫، ߖߡߊ߬ߣߊ߬ ߞߋߟߋ߲ ߡߍ߲ ߣߌ߫ ߛߋ߲߬ߓߐ߬ߟߌ ߞߊ߫ ߞߊ߲߫ ߕߋ߲߬߸ ߏ߬ ߟߋ ߟߏ߲ߟߊ߲߫ ߖߋߕߌ߮ ߖߘߍ߬ߓߊ߬ߞߎ߲ ߘߌ߫߸ ߏ߬ ߟߎ߬ ߡߍ߲ ߠߎ߬ ߕߴߛߋ߫ ߘߎߢߊ߫ ߢߐ߲߯ߓߍ߲ߓߊ ߣߌ߲߬ ߖߡߊ߬ߣߊ ߟߎ߬ ߟߊ߫ ߛߘߍߞߎߘߎ߲ ߠߎ߬ ߟߊ߫ ߟߊ߬ߞߊ߲߬ߘߊ߬ߟߌ ߓߟߏߡߦߊ߫ ߞߊ߬ߣߌ߲߬.>>

ߊߟߎ߫ ߦߴߊ߬ ߟߐ߲߫߸ ߞߎߣߎ߲ߟߏ߲ ߡߍ߲ ߕߊ߬ߡߌ߲߬ߣߍ߲߫ ߕߋ߲߬߸ ߌߙߊ߲߫ ߝߊ߬ߘߌ߬ߡߊ߬ߞߟߏ ߞߏߕߌ߮߸ ߊߤߑߡߊߘ ߘߏߣߌߦߡߊߟߌ߫ ߞߵߊ߬ ߝߐ߫ ߞߏ߫ ߓߍ߯ ߦߋ߫ ߖߊ߯ߓߊ߫ ߖߌߟߊߝߍ߫ ߣߊ߬ߕߐ ߣߌ߲߬ ߣߌ߲߬ ߡߊ߲߬ߜߏ߬ߦߊ߫ ߞߵߊ߬ ߟߊߞߋ߲߬ߛߎ߬، ߓߊߏ߬߸ ߞߏ߫ ߊߡߙߌߞߌ߬ ߣߴߌߛߌ߬ߙߊ߬ߌߟߊ߫ ߟߊ߫ ߥߊ߬ߟߏ߲߬ߠߌ߲ ߓߘߊ߫ ߞߍ߫ ߕߙߎ߬ ߘߌ߫ ߞߵߊ߬ߟߎ߬ ߟߊ߫ ߘߌ߯ߣߊ ߢߍߓߊ߯ ߛߊ߲ߘߐߕߊ ߝߊ߰߸ ߣߊߟߌ߬ߡߎ߲߫ ߊ߬ߟߌ ߞߊߡߣߋߦߌ߫ ߘߌ߫، ߐ߲߬ߤߐ߲߫߸ ߣߴߏ߬ ߝߐߟߌ ߣߌ߫ ߕߑߙߐ߲ߔ ߟߊ߫ ߞߎߡߊ ߓߍ߲߬ ߘߊ߫߸ ߤߊ߲߯ ߕߏ߬ߟߊ߲߬ߕߊ߲ ߞߙߎߝߊߢߐ߲߯ߦߊ ߝߣߊ߫ ߦߋ߫ ߣߊ߬ ߕߑߙߐ߲ߔ ߟߊ߫ ߞߎߡߊ ߏ߬ ߣߊ߬ߞߊߘߌ߫، ߊ߬ߝߐ߫߸ ߞߎ߲߬ߠߊ߬ߛߌ߮ ߝߣߊ߫ ߞߊ߬ ߡߊ߲߬ߜߏ߬ߦߊ߬ ߞߏ ߡߍ߲ ߝߐ߫߸ ߌߙߊ߲߫ ߛߘߍߞߎߘߎ߲ ߘߴߏ߬ ߟߊߕߊ߯ߡߊ߫ ߓߊ߬؟ ߏ߬ ߟߊߕߍ߰ ߜߏߡߊ߲߫ ߡߐ߰ ߓߟߏ߫ ߡߎߣߎ߲߬߸ ߝߏ߫ ߞߏ ߟߎ߬ ߓߊ߯ ߟߊ߫ ߕߋ߬ߟߋ ߟߊ߫ ߕߎ߬ߡߊ ߡߍ߲ ߠߊ߫.

ߊ߬ߟߎ߬ ߟߊ߫ ߞߏ ߣߌ߲߬ ߦߋ߫ ߥߏߟߏ߲ߕߏ߲ߥߊ߬ߟߊ߲߬ߕ߲ߊ ߠߋ߬ ߘߌ߫، ߓߊߏ߬߸ ߕߙߊߓߊ߫ ߞߊߙߏ ߣߌ߲߬ ߘߊߡߌߣߊ ߟߊ߫߸ ߕߑߙߐ߲ߔ ߞߵߊ߬ ߦߌ߬ߘߊ߬ ߞߏ߫ ߌߙߊ߲߫ ߠߊ߫ ߣߊ߬ߟߌ ߖߊ߯ߓߊ߫ ߖߌߟߊߝߍ ߘߐ߫߸ ߏ߬ <<ߤߊߡߌ߲߫ ߕߴߊ߬ ߟߊ߫>> ߝߋߝߋ߫، ߝߌߝߊ ߞߊ߲ߕߌ߮߸ ߖ߭ߌ߬ߦߊ߬ߣߌ ߊ߲ߝߊ߲ߕߌߣߏ߫ ߞߵߊ߬ ߝߐ߫ ߏ߬ ߕߎ߬ߡߊ ߟߋ߬ ߟߊ߫߸ ߊ߬ ߣߌ߫ ߊߡߙߌߞߌ߬ ߞߊ߲ߕߌ߮ ߟߊ߫ ߢߐ߲߯ߦߋ ߞߐ ߘߐ߫߸ ߞߏ߫ ߌߙߊ߲߫ <<ߡߊߞߐ߬ߣߐ߲߬ߣߍ߲߫ ߖߊ߯ߓߊ߫ ߖߌߟߊߝߍ ߘߐ߫ ߝߛߊߦߌ߫>>߸ ߞߏ߫ ߌߙߊ߲߫ ߣߊ߬ߕߐ߫ ߟߋ߬، ߊ߬ߟߋ߬ ߕߑߙߐ߲ߔ ߞߋߟߋ߲ ߠߋ߬ ߓߘߴߊ߬ ߦߌ߬ߘߊ߫ ߣߌ߲߬ ߝߣߊ߫߸ ߞߏ߫ ߌߙߊ߲߫ ߣߊ߭ ߢߐ߲߯ߓߍ߲ ߣߌ߲߬ ߘߐ߫߸ <<ߏ߬ ߗߋ߲߰ ߕߍ߫>>.

ߘߏߣߊߟ ߕߑߙߐ߲ߔ ߟߋ߬ ߞߵߊ߬ ߛߓߍ߫ ߊ߬ ߟߊ߫ ߘߍ߬ߞߙߏߝߏ ߞߊ߲߬߸ ߞߏ߫ <<ߌߙߊ߲߫ ߕߏ߬ߟߊ߲߬ߕߊ߲ ߛߘߍߞߎߘߎ߲߫ ߝߊ߬ߛߏ߬ߟߊ߬ߞߊ ߘߌ߫ ߛߋ߫ ߣߊ߬ ߟߊ߫ ߖߊ߯ߓߊ߫ ߖߌߟߊߝߍ ߘߐ߫ ߓߏ߲߬، ߒ߬ߞߊ߬ ߒ ߡߊ߫ ߟߴߊ߬ ߟߊ߫ ߣߴߏ߬ ߦߋ߫ ߞߏ߫ ߗߋ߲߰ ߘߌ߫߸ ߞߵߊ߬ ߓߍ߲߬ ߊ߬ߟߎ ߖߍ߬ߘߍ ߟߊ߫ ߢߣߊߡߦߊ ߣߴߊ߬ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߕߊ߫ ߝߊ߲߭ ߡߊ߬.>>

ߝߌߝߊ ߞߏ߬ߣߌ߲ ߡߊ߫ ߡߙߌߘߐ߫ ߕߊ߬ ߣߌ߲߬ ߞߏ ߞߊ߲߬ ߡߎߣߎ߲߬߸ ߞߵߊ߬ ߓߍ߲߬ ߌߙߊ߲߫ ߣߊ߬ ߞߏ ߣߴߊ߬ ߟߊ߫ ߣߊ߬ߟߌ߬ߓߊߟߌߦߊ ߡߊ߬، ߊ߬ ߞߏ߬ߣߌ߲߸ ߞߵߊ߬ ߓߍ߲߬ ߞߏ ߟߎ߬ ߥߊ߫ ߢߊ ߡߊ߬߸ ߝߌߝߊ ߟߊ߫ ߞߕߌߘߊ ߡߍ߲ ߦߋ߫ ߛߑߥߌߛ߸ ߏ߬ ߟߋ ߘߐߙߐ߲߫ ߘߌ߫ ߛߋ߫ ߡߙߌߦߊ߫ ߞߋߟߋ߲߫ ߕߊ߬ ߟߊ߫ ߣߌ߲߬ ߞߏ ߞߊ߲߬߸ ߡߍ߲ ߦߋ߫ ߛߐ߬ߛߐ߬ߓߊߟߌ ߘߌ߫߸ ߊ߬ ߛߋ ߦߴߊ߬ ߘߐߙߐ߲߫ ߠߋ߬ ߦߋ߫.

ߖߊ߯ߓߊ߫ ߖߌߟߊߝߍ ߕߊ߲ߠߌ߲ ߓߍߣߊ߬ ߘߊߡߌ߬ߣߊ߬ ߥߊ߬ߛߌ߬ߥߙߊ ߕߟߋ߬ ߁߁ ߠߋ߬ ߡߊ߬߸ ߞߵߊ߬ ߛߌ߰ ߞߊ߬ߙߌ߬ߝߐ ߕߟߋ߬ ߁߉ ߟߊ߫، ߊ߬ ߕߊ߲ߕߐ߫߸ ߞߊ߬ߝߏ߫ ߘߍ߬ߣߍ߲߸ ߞߣߊߘߊ߫߸ ߊ߬ ߣߌ߫ ߡߍߞߑߛߌߞ، ߌߙߊ߲߫ ߛߎߘߊ߲ߣߍ߲߫ ߠߋ߬߸ ߊ߬ ߦߋ߫ ߞߙߎ ߍ ߟߋ߬ ߘߐ߫߸ ߔߐߙߑߕߌߜ߭ߊߟ ߣߌ߫ ߍߛߑߔߊߢߌ߲߬ ߣߌ߫ ߡߍߞߑߛߌߞ ߟߊ߫ ߞߙߎ ߘߐ߫ ߞߊ߬ߣߌ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.