ߊߡߙߌߞߌ߬ ߞߟߍ߬ߓߟߏ ߡߍ߲ ߦߋ߫ ߝߘߊ߬ߝߌ߲߬ߠߊ߫߸ ߏ߬ ߟߊ߫ ߟߊ߬ߛߋ߬ߟߌ߬ ߘߐ߫߸ ߞߏ߫ ߊ߬ߟߎ߬ ߣߌ߫ ߊߋߛߌ߬ ߟߊ߫ ߓߊ߯ߙߊߢߐ߲߯ߦߊ ߦߴߊ߬ ߞߊ߲߬ ߗߐ߫ ߞߊ߬ ߢߝߍߟߊ ߛߐ߬ߘߐ߲߫ ߟߊ߬ߞߊ߲߬ߘߊ߬ߟߌ ߛߌߟߊ ߝߍ߬߸ ߞߊ߬ߝߏ߬ ߖߊߛߏ߲ ߞߍߣߍ߲ ߞߐ ߖߡߊ߬ߣߊ߫ ߛߊ߬ߓߊ߫ ߞߣߐ߫߸  ߊߝߙߌߞߐߡ ߢߍߡߐ߮ ߖߐ߲ߤ ߓߋߙߋ߲ߣߊ߲߫ ߠߋ߬ ߞߊ߬ ߞߎߡߊ ߣߌ߲߬ ߝߐ߫ ߞߵߊ߬ ߟߊߕߍ߰߸ ߟߊ߬ߛߋ߬ߟߌ߬ ߞߋߟߋ߲ ߣߌ߲߬ ߞߣߐ߫߸ ߊ߬ ߖߍ߬ߘߍ ߡߊ߫ ߡߍ߲߫ ߝߟߐ߫߸ ߊߝߙߌߞߐߡ ߞߊ߬ ߞߟߌߟߌ ߟߊߛߋ߫ ߛߊߤߍߟ ߖߡߊߣߊ ߟߎ߫ ߡߊ߬߸ ߊ߬ߟߎ߬ ߦߋ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߘߊ߮ ߘߏ߫ ߟߎ߫ ߘߐߕߌߢߍ߫ ߥߊ߬ߟߏ߲߬ߠߌ߲ ߠߎ߬ ߟߊ߫߸ ߊ߬ ߘߏ߲߬ ߞߏ߫ ߊ߬ߟߎ߬ ߣߌ߫ ߛߊߤߍߟ ߣߊ߲߬ߕߌ߮ ߟߎ߬ ߦߋ߫ ߢߐ߲߯ ߞߊ߬ߟߊߡߊ߬߸ ߊ߬ ߞߏ߬ߣߌ߲ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߖߐ߲ߤ ߓߋߙߋ߲ߣߊ߲߫ ߕߍ߫ ߣߌ߲߬ ߝߐ߫ ߟߊ߫ ߓߍ߯ ߟߋ߬ ߢߊߞߘߐ߫ ߞߵߊ߬ ߟߊߕߍ߰߸ ߊ߬ ߞߏ߬ߣߌ߲ ߞߊ߬ ߣߌ߲߬ ߝߐ߫ ߟߋ߬، ߊ߬ߟߎ߫ ߞߏ߬ߣߌ߲ ߠߊ߫ ߓߊ߯ߙߊߢߐ߲߯ߦߊ ߣߌ߲߬ ߕߍ߫ ߘߋ߬߸ ߞߏ߫ ߊ߬ߟߎ߫ ߓߍߣߊ߬ ߛߋ߬ߦߌ߲߫ ߠߋ߬ ߊ߬ߟߎ߬ ߟߊ߫ ߘߊ߮ ߟߎ߬ ߛߌ߰ ߡߊ߬ ߖߡߊ߬ߣߊ ߡߍ߲߬ ߠߎ߫ ߞߣߐ߫߸ ߦߏ߫ ߊ߬ ߕߘߍ߬ ߦߋ߫ ߞߍ߫ ߟߴߊ߬ߟߎ߬ ߓߟߏ߫ ߢߊ߫ ߡߍ߲ ߡߊ߬ ߦߊ߬ߣߌ߫ ߊ߬ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߓߍ߲߬ߞߊ߲߫ ߛߓߍ ߟߎ߬ ߦߋ߫ ߖߍ߲ߛߍ߲߫، ߟߊߒߡߊ߫ ߘߐ߫߸ ߊߡߙߌߞߌ߬ ߟߊ߫ ߞߎߟߎ߲ߞߎߟߎ߲߫ ߘߊ߮ ߞߋ߬ߟߋ߲߬ߠߊ߬ߓߌߟߊ ߘߏ߫ ߕߘߍ߬ ߦߋ߫ ߊߜ߭ߊߘߍߖ߭ ߖߋ߬ߟߌ߬ߓߊ߬ߘߎ߯ ߖߡߊ߬ߣߊ ߞߊ߲߬.

ߓߊ߬ߙߌ߫߸ ߘߊ߮ ߏ߬ ߓߘߊ߫ ߟߊߥߟߌ߬ ߞߊ߬ ߓߐ߫ ߦߋ߲߬߸ ߊߡߙߌߞߌ߬ ߣߊ߲߬ߕߌ߯ ߁߀߀ ߦߙߌߞߊ߫ ߟߋ߬ ߝߣߊ߫ ߓߘߊ߫ ߖߋ߬ߟߌ߬ߓߊ߬ߘߎ߯ ߘߐߞߊ߬ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߓߊߏ߬߸ ߘߊ߲߬ ߓߘߊ߫ ߛߌ߰ ߖߡߊ߬ߣߊ߫ ߡߍ߲߬ ߠߎ߬ ߟߊ߫ ߟߊ߬ߞߊ߲߬ߘߊ߬ߟߌ ߓߊ߯ߙߊߢߐ߲ߦߊ߫ ߛߓߍ ߟߊ߫߸ ߏ߬ ߟߊ߬ߞߊ߲߬ߘߊ߬ߟߌ߬ߞߏ ߓߊ߯ߙߊߢߐ߲ߦߊ ߡߍ߲ ߕߘߍ߬ ߦߋ߫ ߊߡߙߌߞߌ߬ ߣߌ߫ ߖߋ߬ߟߌ߬ߓߊ߬ߘߎ߯ ߕߍ߫߸ ߝߣߊ߫ ߊߡߙߌߞߌ߬ ߣߌ߫ ߡߊ߬ߟߌ ߣߌ߫ ߓߙߎߞߌߣߊ߫߸ ߏ߬ ߟߎ߫ ߟߐ߬ߣߍ߲߫ ߕߘߍ߬ ߦߋ߫ ߞߊ߬ߝߏ߬ ߖߊߛߏ߲ ߠߋ߬ ߞߐ ߘߐ߫ ߖߡߊ߬ߣߊ߫ ߛߊ߬ߓߊ߫ ߡߍ߲߬ ߠߎ߬ ߞߣߐ߫߸ ߏ߬ ߞߍ߫ ߘߊ߫ ߂߀߂߀ ߣߌ߫ ߂߀߂߃ ߕߍߟߊ ߟߋ߬ ߘߐ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.