ߞߐ߬ߓߊ߬ߟߏ߲ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂߆ ߣߌ߲߬ ߡߊ߬ ߸ ߊ߲ ߣߐ߬ ߛߋ߲߬ߠߊ߬ߓߐ߬ߟߌ ߟߋ߬ ߞߍ߫ ߟߊ߫ ߞߊ߬ ߛߋ߫ ߖߡߊ߬ߣߊ߬ߘߋ߲ ߠߎ߬ ߝߍ߬ ߸ߞߵߊ߬ ߓߍ߲߬ ߊ߬ߟߎ߬ ߤߊ߲ߞߟߌߣߊ߲ ߟߐ߲߫ ߡߊ߬ ߸ߓߊߏ߬ ߡߊ߲߬ߛߟߊ߬ߛߌ߮ ߓߊ߲߫ ߛߊ߲߫ ߠߋ߬ ߣߌ߲߬.

ߊ߬ߟߎ߬ ߤߊ߲ߞߟߌߣߊ߲ ߦߋ߫ ߡߎ߲߬ ߘߌ߫ ߊ߬ ߜߋ߲ߜߋ߲߫ ߡߊ߲߬ߛߊ߬ߞߍ߬ ߞߎߘߊ ߟߊ߫ ߛߊ߲߬ ߇ ߟߐ߲߬ߞߋ߬ߟߊ ߞߎ߲߬ߕߊ߮ ߡߊ߬.

ߊߓߎߓߊߞߊߙ ߛߘߌߞߌ߬ ߞߡߊ߬ߙߊ ߛߋ߫ ߘߴߊ߬ ߞߵߊ߬ ߤߊ߲ߞߟߌߣߊ߲ ߘߏ߫ ߟߎ߫ ߘߌ߫ :

<< ߊ߲ ߧߴߊ߬ ߝߍ߬ ߟߋ߬ ߞߎ߲߬ߠߊ߬ߛߌ߮ ߣߐ߬ ߟߊ߬ߤߘߌ ߡߍ߲ ߠߎ߬ ߕߊ߬ ߟߴߊ߲ߠߎ߬ ߖߡߊ߬ߣߊ߬ߘߋ߲ ߠߎ߬ ߢߍ ߸ߝߏ߫ ߞߎ߲߬ߠߊ߬ߛߌ߮ ߦߋ߫ ߛߋ߫ ߞߵߊ߬ߟߎ߬ ߟߊ߫ ߟߊ߬ߤߘߌ߫ ߕߊ߬ߣߍ߲ ߠߎ߬ ߓߐ߫ ߢߟߊ߫ ߸ ߌ ߣߴߊ߬ ߝߐ߫ ߛߌߟߊ߫ ߞߏ߸ߏ߬ ߟߋ߬ ߘߵߞߴߊ߬ ߞߍ ߖߌ߬ߣߍ߬ ߘߌ߫ ߢߝߍߟߊ ߛߐ߬ߘߐ߲߬ ߖߏߣߊ߫ ߸ߣߴߏ߬ ߕߍ߫ ߊ߲ߠߎ߬ ߡߍ߲ ߠߎ߬ ߦߋ߫ ߓߐ߫ ߟߊ߫ ߛߏ߫ ߡߌߛߍ߲ ߠߎ߬ ߟߊ߫ ߸ߊ߬ ߘߌ߫ ߞߍ߫ ߊ߲ ߡߊ߬ ߛߍ߱ ߘߌ߫ ߞߏߛߓߍ߫ ߸ ߏ߬ ߘߐ߫ ߝߏ߫ ߞߎ߲߬ߠߊ߬ߛߌ߮ ߦߋ߫ ߒ߬ ߘߍ߬ߡߍ߲߬ ߛߌߟߊ߫ ߞߏ ߘߐ߫ >>

ߊߓߎߓߊߞߊߙ ߛߘߌߞߌ߬ ߞߡߊ߬ߙߊ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ߸ ߊ߬ ߛߋ߫ ߘߊ߫ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߛߌ߮ ߞߍ ߞߊ߬ ߓߙߐߕߐ߫ ߞߎ߲߬ߠߊ߬ߛߌ߰ߦߊ ߘߐ߫ ߸ߏ߬ ߘߌ߫ ߛߋ߫ ߣߊ߬ ߟߊ߫ ߤߙߍ߫ ߞߎߘߊ ߘߏ߫ ߘߌ߫ ߖߡߊ߬ߣߊ߬ߘߋ߲ ߠߎ߬ ߡߊ߬ ߸ߣߴߊ߬ߟߎ߬ ߛߋ߫ ߘߊ߫ ߞߊ߬ߣߌ߲߬ ߞߊ߬ ߞߏ ߟߎ߬ ߓߐ߫ ߊ߬ ߛߌߟߊ ߝߍ߬ ߸ ߦߏ߫ ߊ߬ ߦߴߏ߬ ߦߌ߬ߘߊ߬ ߟߊ߫ ߢߊ ߡߍ߲ ߡߊ߬ ߣߌ߲߬ :

<<ߕߐ߬ߣߐ ߓߍߣߊ߬ ߛߐ߬ߘߐ߲߫ ߊ߬ߟߎ߬ ߟߊ߫ ߓߙߐߕߐߟߌ ߟߊ߫ ߸ ߣߴߊ߬ߟߎ߬ ߛߋ߫ ߘߊ߫ ߞߊ߬ߣߌ߲߬ ߞߊ߬ ߛߌߟߊ ߟߎ߬ ߘߌ߫ ߊ߲ ߡߊ߬ ߞߵߊ߬ߟߎ߬ ߘߐߓߍ߲߬ ߸ ߏ߬ ߓߊ߯ ߞߍ߫ ߕߐ߬ߣߐ ߘߌ߫ ߛߐ߬ߘߐ߲߬ ߊ߬ߟߎ߬ ߟߊ߫ ( ߞߎ߲߬ߠߊ߬ߛߌ߰ ߞߎߘߊ ߟߎ߬ ߞߊ߬ߣߌ߲߬) ߓߊ߬ߙߌ߬ ߣߴߊ߬ߟߎ߬ ߡߊ߫ ߛߴߏ߬ ߟߋ߬ ߟߊ߫ ߛߊ߫ ߸ ߝߊߦߌߘߊ߫ ߕߣߐ߬ ߕߍߣߊ߬ ߞߍ߫ ߟߴߊ߬ߟߎ߬ ߟߊ߫ ߘߋ߬ >>

ߊߓߎߓߊߞߊߙ ߛߘߌߞߌ߬ ߞߡߊ߬ߙߊ ߟߋ߬ ߞߊ߲߫ ߕߋ߲߬ ߖߌ߬ߣߍ߫ ߖߡߊ߬ߣߊ߬ߘߋ߲ ߘߏ߫.

<< ߡߊ߲ߡߊߘߎ߫ ߊߟߌߥߎ߬ ߖߊ߲ߟߏ߫ ߸ ߏ߬ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߛߊ߲߬ (߇) ߘߐߙߐ߲߫ ߘߐ߰ߡߊ߲߫ ߖߌ߬ߣߍ߬ ߞߊ߲ߓߍ߲ ߡߊߝߊ߬ߟߋ߲߫ ߘߐ߫ ߸ ߤߊߟߌ߬ ߣߴߌ ߞߊ߬ ߖߡߊ߬ߣߊ߬ ߜߘߍ߫ ߟߋ߬ ߕߊ߬.

<< ߒߠߋ ߦߋ߫ ߛߐ߰ ߟߊ߫ ߡߊ߰ߙߌ ߟߋ߬ ߘߍߟߌ ߡߊ߬ ߡߎߣߎ߲߬ ߞߊ߬ ߛߌ߬ ߖߊ߲ ߘߴߊ߲ ߡߵߊ߬ ߣߌ߫ ߡߊ߲߬ߛߊ߬ߞߍ߬ ߞߎߘߊ ߖߍ߬ߘߍ ߸ߏ߬ ߞߐߝߍ߬ ߛߊ߫ ߸ ߊ߲ ߣߐ߬ ( ߇) ߡߍ߲ ߠߎ߬ ߘߍ߬ߡߍ߲߬ߘߌ߬ ߟߊ߫ ߡߊ߲߬ߛߊ߬ߞߍ ߡߊ߬ ߸ߡߊ߰ߙߌ߬ߓߊ ߦߴߏ߬ ߞߍ߫ ߖߐ ߣߌ߫ ߘߐ߬ߞߢߊ߬ߟߌ ߛߊ߲߭ ߘߌ߫ ߖߡߊ߬ߣߊ߫ ߣߌ߲߬ ߞߣߐ߫. ߛߊ߲߬ (߇) ߏ߬ ߞߣߐߟߊ ߘߐ߫، ߤߊߟߌ߬ ߣߌ߫ ߞߎ߲߬ߠߊ߬ߛߌ߮ ߡߊ߫ ߛߋ߫ ߞߊ߬ ߖߌ߬ߣߍ߬ߞߊ ߓߍ߯ ߟߊߘߍ߬ߣߍ߲ ߞߎ߲߬ߞߊ߲߬ߞߏ ߓߍ߯ ߢߊߓߐ߫ ߸ߓߊ߬ߙߌ߬ ߊ߬ ߘߌ߫ ߛߋ߫ ߞߵߊ߬ ߢߊ߬ߒ߬ߞߐ߬ߓߊߟߌ ߘߏ߫ ߟߎ߫ ߞߍ߫ ߸ߞߊ߬߬ߕߎ߲߰، ߛߊ߲߬ (߇) ߕߍ߫ ߞߊߙߏ߫ ( ߇) ߘߌ߫ ߘߋ߬ ߸ ߏ߬ ߓߟߏߡߊ߬ ߊ߲ ߧߋ߫ ߡߊ߰ߙߌ ߟߋ߬ ߘߍߟߌ߫ ߟߊ߫ ،ߖߐ߲߰ߛߊ߫ ߡߊ߲߬ߛߊ߬ߞߍ ߘߌ߫ ߛߋ߫ ߞߊ߬ ߓߊ߯ߙߊ߫ ߢߣߊߡߊ ߟߎ߬ ߞߍ߫ >>

ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߤߊ߲߰ ߸ ߊ߬ ߛߋ߫ ߘߊ߫ ߞߵߊ߬ ߦߌ߬ߘߊ߬ ߞߏ߫ ߛߊ߲߬ ( ߇) ߞߣߐ߫ ،ߖߌ߬ߣߍ߬ ߕߴߛߋ߫ ߞߊ߬ ߡߊߝߊ߬ߟߋ߲߬ :

<< ߖߌ߬ߣߍ߬ ߕߴߛߋ߫ ߞߊ߬ ߡߊߝߊ߬ߟߋ߲߬ ߛߊ߲߬߬ (߇) ߘߐߙߐ߲߫ ߞߘߐ߫،ߏ߬ ߞߊ߫ ߘߐ߫߸ߤߊߟߌ߬ ߣߴߊ߲ ߞߊ߬ ߖߡߊ߬ߣߊ߬ ߜߘߍ߫ ߟߋ߬ ߕߊ߬ ߸ߞߊ߲ߕߌ߮ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߛߋߞߏߦߊ߫ ߥߙߊ߬ ߘߊ߫ ߢߊ߫ ߛߌ߫ ߡߊ߬، ߊ߬ߟߎ߬ ߕߴߛߋ߫ ߝߋߎ߫ ߞߊ߬ ߖߡߊ߬ߣߊ߬ߘߋ߲ ߓߍ߯ ߟߊߞߏ ߢߊߓߐ߫ ߛߊ߲߬ (߇) ߘߐߙߐ߲߫ ߞߣߐ߫߸ ߒ ߕߍߣߊ߬ ߞߎߡߊ߫ ߖߌ߬ߣߍ߬ ߞߊ߲ߓߍ߲ ߡߊ߬ ߏ߬ ߘߐ߫ >>

ߊ߬ ߟߊ߫ ߛߙߊ߬ߣߎ߲ ߞߎ߲߬ߘߏ߲ ߘߐ߫ ߛߊ߫ ߸ ߊ߬ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߎߘߊ߫ ߣߊ߬ߕߐ ߟߎ߬ ߦߴߊ߬ߟߎ߬ ߖߌߖߊ߬ ߞߊ߬ ߕߊ߬ߡߌ߲߫ ߞߘߐ߬ߡߊ߲߫ ߠߎ߬ ߞߊ߲߬ :

<< ߡߍ߲ ߥߊߕߐ߫ ߓߍ߲߬ ߠߊ߫ ߞߎ߲߬ߠߊ߬ߛߌ߰ ߞߘߐ߫ ߟߎ߬ ߟߊ߫ ߓߙߐߕߐߟߌ ߡߊ߬، ߊ߬ ߜߋ߲ߜߋ߲߫ ߞߏߕߌ߮ ߟߎ߬ ߸ߊ߲ ߞߵߊ߬ߟߎ߬ ߦߋ߫ ߊ߬ߟߎ߫ ߞߊ߬ ߖߌߖߊ ߡߍ߲ ߠߎ߬ ߞߍ߫ ߸ ߊ߲ ߧߴߊ߬ ߝߍ߬ ߟߋ߬ ߛߍߣߍ߲߬ ߞߎߘߊ ߟߎ߬ ߣߊ߬ߕߐ߫ ߟߎ߬ ߝߣߊ߫ ߥߊߕߐ߫ ߡߍ߲ ߞߍ߫ ߟߊ߫ ߞߵߏ߬ ߦߋ߫ ߸ߓߊߏ߬ ߣߴߌ ߞߊ߬ ߡߍ߲߫ ߞߎߘߊ ߸ ߏ߬ ߞߵߊ߬ ߕߍ߬ߘߍ߫ ߟߋ߬ ߞߘߐ߬ߡߊ߲߫ ߠߋ߬ ߓߊ߯ߙߊߣߍ߲߫ ߸ߏ߬ ߓߟߏߡߊ߬ ߊ߲ ߧߴߊ߬ ߝߍ߬ ߟߋ߬ ߞߊ߬ ߖߌ߬ߣߍ߬ ߦߋ߫ ߕߎ߬ߡߊ߬ ߞߎߘߊ߫ ߟߋ߬ ߘߐ߫ >>

ߣߌ߲߬ ߦߋ߫ ߖߡߊ߬ߣߊ߬ߘߋ߲ ߘߏ߫ ߟߎ߫ ߤߊ߲ߞߟߌߣߊ߲ ߠߋ߬ ߘߌ߫ ߸ ߡߍ߲ ߠߎ߬ ߦߟߌ߫ ߦߋ߫ ߤߙߍ ߟߎ߬ ߟߊ߫ ߡߊ߲߬ߛߊ߬ߞߍ߬ ߞߎߘߊ ߟߊ߫ ߛߊ߲߬ ߇ ߟߐ߲߬ߞߋ߬ߟߊ߫ ߣߊ߬ߕߐ ߞߎ߲߬ߕߊ߮ ߞߘߐ߫.

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫ ߞߌ߲ߘߌߦߊ߫