ߌߙߊ߲߫ ߝߊ߰ߡߊ ߟߎ߬ ߓߘߴߊ߬ ߟߊߛߋ߫ ߞߎߣߎ߲ߟߏ߲ ߣߌ߲߬ ߡߊ߬߸ ߞߏ߫ ߊߦߊߕߏߟߊ߫ ߊ߬ߟߌ ߞߊߡߣߋߦߌ߫ ߛߎ߬ߘߏ߲߬ ߞߏ ߕߎ߲߬ ߟߐ߯ߟߊ߫ ߘߊ߫ ߞߵߊ߬ ߕߏ߫ ߓߌ߬ ߥߎ߬ߙߊ ߢߌ߲߬ ߠߋ߬ ߟߊ߫، ߞߏ߫ ߊ߬ߟߎ߬ ߓߘߴߏ߬ ߓߐ߫ ߊ߬ ߡߊ߬.

ߊ߬ ߝߐ߫ ߘߊ߫ ߟߋ߬ ߞߏ߫ ߂߀߂߆ ߕߙߊߓߊ ߕߟߋ߬ ߀߄ ߡߊ߬߸ ߂߂ߕߎߡߊ ߟߋ߬ ߞߍߕߐ߫ ߓߊߘߍ ߘߊߡߌ߬ߣߊ߬ ߕߎ߬ߡߊ߬ ߖߐ߲ߖߐ߲ ߘߌ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߕߋ߬ߟߋ߫ ߛߊ߬ߓߊ߫ ߟߋ߬ ߞߍߕߐ߫ ߓߊߘߍ ߏ߬ ߞߊ߲߬، ߒ߬ߓߊ߬߸ ߊ߬ߟߎ߬ ߓߘߊ߫ ߟߊ߬ߛߋ߬ߟߌ ߞߍ߫ ߥߎ߬ߙߊ ߢߌ߲߬ ߝߍ߬߸ ߞߏ߫ ߊ߬ߟߎ߬ ߓߘߴߊ߬ ߟߊߕߊ߯ ߕߎ߬ߡߊ߬ ߜߘߍ߫ ߘߐ߫߸ ߕߎ߬ߡߊ߬ ߞߎߘߊ ߏ߬ ߞߏ߬ߣߌ߲ ߡߊ߫ ߝߐ߫ ߊ߬ߟߎ߬ ߓߟߏ߫.

ߌߙߊ߲߫ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ ߝߐߟߌ߫ ߘߐ߫߸ ߞߕߐߙߐ߲ߘߓߐߟߌ ߣߌ߲߬ ߞߎ߲߭ ߞߍߣߍ߲߫ <<ߖߊ߬ߡߊ ߟߊ߫ ߛߌߦߊߦߊ߫ ߘߊ߲߬ߠߊߕߊ߬ߡߌ߲߬ߣߍ߲>> ߠߋ߬ ߘߌ߫߸ ߓߍ߯ ߦߴߊ߬ ߣߕߊ߬ ߟߊ߫ ߞߊ߬ ߛߐ߬ߘߐ߲߬ ߡߍ߲ ߛߎ߬ߞߏ߬ߦߊ ߘߐ߫، ߊ߬ ߘߏ߲߬߸ ߊ߬ߟߎ߬ ߟߊ߫ ߝߊ߰ߡߊ ߟߎ߬ ߞߊ߲߫ ߊ߬ ߡߊ߬ ߟߋ߬ ߞߏ߫ <<ߛߋ߰ߘߎ߬ ߝߎߙߋ>>، ߝߊ߰ߡߊ ߟߎ߬ ߞߊ߲߫ ߝߣߊ߫߸ ߞߏ߫ ߓߊߘߍ ߣߌ߲߬ ߡߊ߬ߞߏ ߦߋ߫ ߓߊ߯ߙߊ ߘߏ߫ ߟߎ߫ ߟߊ߫߸ ߞߊ߬ ߦߙߐ߫ ߘߐߓߍ߲߬ ߊ߬ ߞߏ ߞߊ߲ߡߊ߬߸ ߖߊ߬ߡߊ ߘߌ߫ ߛߋ߫ ߟߊߞߢߐ߬ߡߊ߬ ߟߊ߫ ߦߙߐ ߡߍ߲ ߘߐ߫߸ ߡߐ߱ ߞߋ߲߬ߥߟߎ߬ ߛߌߦߊߡߊ߲߫ ߘߌ߫ ߛߋ߫ ߞߎ߲߫ ߠߊ߫ ߘߌ߲߬ߞߌߙߊ ߡߍ߲ ߘߐ߫.

ߕߤߋߙߊ߲߫ ߠߊߥߙߎߞߌ ߘߏ߲߬ߖߟߎ߬ߡߊ߬ߟߌ ߛߌ߬ߟߡߊ߬ߦߊ ߞߏߟߊߕߍ߯ߘߊ ߗߋߕߌ߮߸ ߊ߬ߟߋ ߡߍ߲ ߕߐ߯ ߞߏ߫ ߡߐߤߑߛߍ߲ ߡߊߤߑߡߎߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߞߟߌߟߌ߫ ߛߌߦߊߡߊ߲߫ ߠߋ߬ ߓߘߴߊ߬ߟߎ߬ ߟߊߛߐ߬ߘߐ߲߬ ߞߊ߬ ߝߘߊ߫ ߖߡߊ߬ߣߊ ߞߣߐߟߊ߸ ߖߡߊ߬ ߛߌߦߊߡߊ߲߫ ߠߋ߬ ߦߴߊ߬ ߝߍ߬ ߞߵߊ߬ ߢߣߊߓߊ߯ߦߊ߫، ߏ߬ ߞߏߛߐ߲߬߸ ߝߏ߫ ߞߊ߬ ߓߟߏߘߐߓߍ߲߫ ߠߋ߬ ߞߍ߫ ߟߊ߬ߛߣߍ߬ߟߌ߬ ߞߏ ߟߊ߫ ߏ߬ ߘߐ߫߸ ߞߊ߬ ߖߊ߲߬ߖߏ߲ ߛߌ߲߬ߝߏ߲߬ߧߊ߬ߟߌ ߘߝߊ߫ ߞߐߟߌߞߐߟߌ ߞߍ߫.

ߊߟߎ߫ ߦߴߊ߬ ߟߐ߲߫߸ ߊߦߊߕߏߟߊ ߊ߬ߟߌ ߞߊߡߣߋߦߌ߫ ߛߊ߬ ߘߴߊ߬ ߛߊ߲߬ ߈߆ ߟߋ߬ ߡߊ߬߸ ߊ߬ ߛߎ߭ ߞߊ߫ ߞߊ߲߫ ߞߊ߬ ߘߏ߲߬ ߊ߬ߟߎ߬ ߟߊ߫ ߘߎ߰ ߓߛߍ ߟߋ߬ ߟߊ߫ ߡߊߛ߭ߛ߭ߊߘ߸ ߏ߬ ߦߋ߫ ߌߙߊ߲߫ ߞߐ߰ߘߎ߯ ߕߟߋ߬ߓߐ ߟߋ߬ ߘߐ߫߸ ߊ߬ ߥߟߏߛߟߎ ߟߋ߬ ߦߋ߲߬ ߘߌ߫.

ߌߙߊ߲߫ ߢߍߓߊ߯ ߛߊ߲ߘߐߕߊ ߡߍ߲ ߦߋ߫ ߕߋ߲߬߸ ߊ߬ ߛߊ߲߬ ߃߆ ߟߋ߬ ߕߘߍ߬ ߌߙߊ߲߫ ߛߌ߬ߟߡߊ߬ ߞߊ߲ߓߍ߲ ߞߎ߲߬ߠߊ߫ ߕߋ߲߬߸ ߊ߬ ߝߊ߰ ߘߊ߫ ߞߍ߲ߘߍߟߏ߲ ߠߋ߬߸ ߞߏ߲ߞߏߜߍ ߕߋ߬ߟߋ߫ ߂߈، ߏ߬ ߞߍ߫ ߘߊ߫ ߥߊ߬ߟߏ߲߬ߠߌ߲ ߘߏ߫ ߟߋ߬ ߘߐ߫߸ ߡߍ߲ ߘߍ߬ߡߍ߲߬ߘߌ߬ߣߍ߲߫ ߊߡߙߌߞߌ߬ ߣߌ߫ ߌߛߌ߬ߙߊ߬ߌߟߊ߫ ߟߊ߫.

ߞߊ߬ߦߌ߯ ߊ߬ ߛߊ߬ ߘߊ߫߸ ߌߙߊ߲߫ ߖߡߊ߬ߣߊ ߛߋߓߊ߯ߦߊ ߘߐ߬ߕߊߡߌ߲ ߦߋ߫ ߡߐ߰ ߘߊ߲ߘߐ߫ ߟߋ߬ ߓߟߏ߫߸ ߞߊ߲ߕߌ߯ ߡߊߛߎߘ ߔߋߖ߭ߍߛߑߞߌߦߊ߲߫߸ ߊ߬ ߣߌ߫ ߞߕߌ ߛߋߓߊ߯ߦߊ ߞߎ߲߬ߕߌ߮ ߜ߭ߏߟߊߡߑߤߏߛߍ߲߫ ߡߏߤߑߛߋߣߌ ߋߖ߭ߋߦߌ߫߸ ߊ߬ ߣߌ߫ ߘߌ߯ߣߊ ߢߍߓߊ߯ߦߊ ߞߊ߬ߙߌ߬ߝߊ߬ ߘߊ߫ ߊߟߌߖ߭ߋߙߊ ߊߙߊߝߌ߫ ߟߋ߬ ߟߊ߫߸ ߦߊ߬ߣߌ߫ ߞߟߊ߬ߡߊ߬ߓߊ߮ ߟߎ߬ ߟߊ߫ ߜߊ߬ߙߊ ߞߍߕߐ߫ ߢߍߓߊ߯ ߛߊ߲ߘߐߕߊ߫ ߞߎߘߊ߫ ߟߊߛߌ߰ ߟߊ߫.