ߌߙߊ߲߫: ߘߏߣߊߟ ߕߑߙߐ߲ߔߎ߬ ߟߊ߫ ߓߊ߰ߓߊ߰ߟߌ߬ߞߊ߲ ߠߎ߬ ߞߐ ߘߐ߫߸ ߞߎ߲߬ߠߊ߬ߛߌ߮ ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߌߣߍ߲߫ ߞߍ߬ߟߍ ߣߌ߲߬ ߛߌ߰ߞߊ߬ߝߐ ߝߌ߬ߟߊ ߓߍ߯ ߞߊ߲ߡߊ߬

ߌߙߊ߲߫ ߖߡߊ߬ߣߊ ߞߊ߲߬߸ ߔߊߞߌߛߦߊ ߟߎ߬ ߕߴߊ߬ ߝߍ߬ ߞߊ߬ ߓߊ߲߫ ߝߟߐ߫ ߘߋ߬߸ ߔߊߞߌߛߦߊ߫ ߜߘߍ߫ ߕߘߍ߬ ߦߋ߫ ߛߋ߲߬ߠߊ߫ ߞߐ߬ߓߊ߬ߟߏ߲ ߕߊ߬ߡߌ߲߬ߣߍ߲ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߁ ߣߌ߲߬ ߡߊ߬ ߝߣߊ߫߸ ߏ߬ ߛߌ߲߬ߝߏ߲߬ߧߊ߬ߟߌ߬ߟߊ ߟߎ߬ ߦߋ߫ ߞߎ߲߬ߠߊ߬ߛߌ߮ ߟߎ߬ ߟߋ߬ ߖߍ߬ߘߍ ߘߌ߫، ߊ߬ߟߎ߬ ߦߴߊ߬ ߟߊߢߌߣߌ߲߫ ߞߊ߲߬ ߖߡߊ߬ߣߊ߬ߘߋ߲ ߠߎ߬ ߝߍ߬߸ ߊ߬ߟߎ߬ ߦߋ߫ ߓߐ߫߸ ߞߵߊ߬ߟߎ߬ ߟߊ߫ ߘߍ߬ߡߍ߲ ߦߌ߬ߘߊߞߊ߬ ߊ߬ߟߎ߬ ߟߊ߫.

ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔߎ߬ ߟߊ߫ ߓߊ߰ߓߊ߰ߟߌ߬ߞߊ߲߬ ߜߘߍ߬ ߞߐ߸ ߞߵߊ߬ ߢߍߛߌ߲߫ ߖߡߊ߬ߣߊ߫ ߣߌ߲߬ ߡߊ߬߸ ߌߙߊ߲߫ ߞߎ߲߬ߠߊ߬ߛߌ߮ ߟߎ߬ ߝߣߊ߫ ߓߘߊ߫ ߓߐ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߌߣߍ߲߫ ߞߍ߬ߟߍ ߣߌ߫ ߛߌ߰ߞߊ߬ߝߐ ߝߌ߬ߟߊ ߓߍ߯ ߞߊ߲ߡߊ߬.

ߌߙߊ߲߫ ߞߎߡߊߞߏ ߞߏߕߌ߮ ߟߋ߬ ߣߐ߬ ߦߋ߫ ߟߊ߬ߥߊ߲߬ߞߊ߲߬ߠߌ߲ ߣߌ߲߬ ߞߍ߫ ߟߊ߫ ߞߐ߬ߓߊ߬ߟߏ߲ ߡߊ߬߸ ߞߵߊ߬ ߓߍ߲߬ ߘߏߣߊߟ ߕߑߙߐ߲ߔߎ߬ ߟߊ߫ ߞߍ߲ߘߍߟߏ߲ ߓߊ߰ߓߊ߰ߟߌ߬ߞߊ߲ ߠߎ߫ ߡߊ߬، ߊ߬ߟߎ߬ ߞߊ߲߫ ߠߋ߬ ߝߟߐ߫߸ߞߏ߫ ߊ߬ߟߎ߬ ߕߍ ߞߟߍ߬ ߟߊߢߌߣߌ߲߫ ߠߊ߫߸ ߓߊ߬ߙߌ߫߸ ߣߌ߫ ߘߏߣߊߟ ߕߑߙߐ߲ߔߎ߬ ߞߵߊ߬ ߛߋ߲߭ߘߏ߲߬ ߊ߬ߟߎ߬ ߟߊ߫ ߞߏ ߟߎ߬ ߘߐ߫ ߘߐߙߐ߲߫߸ ߊ߬ߟߎ߬ ߓߌߣߍ߲߫ ߞߍ߬ߟߍ ߞߊ߲ߡߊ߬، ߏ߬ ߟߋ߬ ߖߍ߬ߘߍ ߞߏߛߐ߲߬߸ ߞߎ߲߬ߠߊ߬ߛߌ߮ ߟߎ߬ ߞߵߊ߬ ߦߌ߬ߘߊ߬ ߊ߬ߟߎ߬ ߞߐߡߊߓߌ߲ߓߌ߲ߓߊ߮ ߟߎ߬ ߟߊ߫ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߂ ߡߊ߬.

ߞߏ߫ ߊ߬ߟߎ߬ ߦߋ߫ ߓߐ߫ ߞߵߊ߬ߟߎ߬ ߟߊ߫ ߘߍ߬ߡߍ߲ ߦߌ߬ߘߊߞߊ߬ ߊ߬ߟߎ߬ ߟߊ߫߸ ߊ߬ߟߎ߬ ߦߋ߫ ߌߛߌ߬ߙߊ߬ߌߟߊ߫ ߣߌ߫ ߊߡߙߌߞߌ߬ ߟߋ߬ ߖߙߊ߬ߞߌ߫ ߟߊ߫߸ ߞߊ߬ ߏ߬ ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߞߐߡߊߓߌ߲ߓߌ߲߫ ߊ߬ߟߎ߬ ߟߊ߫ ߡߙߎߕߟߌ ߞߏߢߊ ߟߎ߬ ߟߊ߫، ߞߊ߬ߦߌ߯ ߓߌߟߏ߲ ߕߊ߬ߡߌ߲߬ߣߍ߲ ߡߊ߬߸ ߞߙߏ߬ߝߏ߬ߞߊ߲߬ߠߊ ߟߎ߬ ߕߍ߰ߣߍ߲߫ ߖߡߊ߬ߣߊ ߣߌ߲߬ ߞߣߐ߫߸ ߊ߬ ߘߏ߲߬߸ ߞߙߏ߬ߝߏ߬ߞߊ߲߬ߠߊ ߗߋߢߘߊ ߣߍߕ ߓߑߟߐߞ ߞߊ߲߫ ߞߴߏ߬ ߞߏߢߊ ߦߋ߫ ߛߋ߲߬ߠߊ߫  ߝߟߐ߫.

ߓߊ߬ߙߌ߫߸ ߞߐߓߌߟߊ ߟߊ߫ ߖߌߦߊߓߍ ߘߏ߫ ߞߊ߬ ߖߡߊ߬ߣߊ ߣߌ߲߬ ߟߌ߬ߤߟߊ߬ ߟߊߓߊ߲ ߖߌ߬ߦߊ߬ߓߍ ߟߎ߬ ߦߌߘߊߞߊ߬ ߡߐ߱ ߟߎ߬ ߟߊ߫߸ ߖߌ߬ߦߊ ߏ߬ ߟߎ߬ ߘߐ߫߸ ߡߐ߰ ߦߋ߫ ߔߊߞߌߛߦߊߟߊ ߟߎ߬ ߣߌ߫ ߞߊ߬ߛߙߊ߬ߓߊ߰ߕߐ ߟߎ߬ ߦߋ߫ ߟߊ߫ ߏ߬ ߡߍ߲ ߘߐ߫߸ ߖߡߊ߬ߣߊ ߣߌ߲߬ ߊߘߡߊߘߋ߲ ߠߎ߬ ߤߊߞߍ ߡߞߊߘߊ߲߫ ߕߐ߲ ߠߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߂߀߀ ߢߐ߲߰ ߠߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߔߊߞߌߛߦߊ ߣߌ߲߬ ߛߋ߲߭ߝߍ߬.

ߘߏߣߊߟ ߕߑߙߐ߲ߔߎ߬ ߖߍ߬ߘߍ ߞߵߊ߬ ߦߌ߬ߘߊ߬߸ ߞߏ߫ ߌߙߊ߲߫ ߞߵߊ߬ ߞߟߌ߫ ߟߋ߬ ߞߎߡߊߢߐ߲߯ߦߊ ߘߏ߫ ߞߊ߲ߡߊ߬߸ ߘߏߣߊߟ ߕߑߙߐ߲ߔߎ߬ ߓߊ߲߫ ߘߊ߫ ߞߵߊ߬ ߝߐ߫߸ ߞߏ߫ ߣߌ߫ ߌߙߊ߲߫ ߞߎ߲߬ߠߊ߬ߛߌ߮ ߟߎ߬ ߘߌ߫ ߛߋ߫ ߢߐ߲߯ߦߋ߫ ߏ߬ ߕߏ߫ ߟߊ߫ ߟߏ߲߫ ߣߴߊ߬ ߣߊ߬ߕߐ ߟߎ߬ ߘߐ߫߸ ߞߏ߫ ߟߊ߬ߘߍ߬ ߜߘߍ߫ ߖߍ߬ߘߍ ߝߣߊ߫ ߞߊ߫ ߞߊ߲߫ ߞߊ߬ ߞߍ߫ ߏ߬ ߞߎߡߊߢߐ߲߯ߦߊ ߟߎ߬ ߞߣߐ߫߸ ߓߊ߬ߙߌ߫߸ ߊ߬ߟߎ߬ ߓߍߣߊ߬ ߞߟߍ߬ ߝߊ߲ߝߘߊ ߘߏ߫ ߟߎ߫ ߟߋ߬ ߕߊ߬ ߌߙߊ߲߫ ߞߊ߲ߡߊ߬ ߝߟߐ߫.

ߊ߬ߟߎ߫ ߞߏ߬ߣߌ߲ ߠߊ߫ ߞߟߍ߬ ߞߙߎ ߟߎ߬ ߦߋ߫ ߊ߬ ߞߏߢߊ ߖߊ߬ߕߋ߫ ߡߌ߬ߣߊ߫ ߞߊ߲߬ ߝߟߐ߫߸ ߘߏߣߊߟ ߕߑߙߐ߲ߔߎ߬ ߟߋ߬ ߞߊ߲߫ ߕߋ߲߬، ߌߙߊ߲߫ ߞߐߞߊ߲ߞߏ ߞߏߕߌ߮ ߟߊ߫ ߟߊ߬ߛߋ߬ߟߌ ߟߎ߬ ߘߐ߫߸ ߞߏ߫ ߊ߬ߟߎ ߦߋ߫ ߞߎߡߊߢߐ߲߯ߦߊ ߟߋ߬ ߞߐ߫߸ ߡߍ߲ ߛߌ߲ߛߌ߲߫ ߕߐ߫ ߕߋߟߋ߲ ߞߊ߲߬߸ ߓߍ߯ ߟߊ߫ ߤߊߞߍ߫ ߡߞߊߘߊ߲ ߞߊ߲߬߸ ߊ߬ ߣߌ߫ ߢߐ߲߯ ߓߏ߲ߧߊ ߞߣߐ߫.