ߎߜ߭ߊ߲ߘߊ߫ ߞߣߐ߫߸ ߞߊ߬ ߞߐ߲߰ ߊ߬ߟߎ߬ ߟߊ߫ ߞߊ߲ߕߌ߯ ߢߣߊߕߊߟߌ ߣߌ߫ ߥߛߊ߬ߘߋ߲߬ ߢߣߊߕߊߟߌ ߟߎ߬ ߖߋ߬ߓߌ ߞߐߝߟߌ ߢߍ߫߸ ߡߊ߲߬ߞߊ߲ ߠߎ߬ ߣߌ߫ ߔߊߞߌߛߦߊ ߟߎ߬ ߦߋ߫ ߛߋ߲߬ߠߊ߫ ߖߡߊ߬ߣߊ ߣߌ߲߬ ߞߣߐ߫߸ ߓߊ߬ߛߊ߲ ߓߘߊ߫ ߣߊ߬ ߘߏ߲߬ ߢߣߊߕߊߟߌ ߟߎ߬ ߘߐ߫߸ ߝߊ߲߬ߞߊߛߌ߬ߣߊ ߟߎ߬ ߓߘߊ߫ ߞߏߢߊ ߟߎ߬ ߟߊߜߎߝߎ߲߫߸ ߞߵߊ߬ߟߎ߬ ߟߊ߫ ߖߐ߬ߘߐ ߟߎ߫ ߦߌ߬ߘߊ߫߸ ߣߊ߬ߡߙߊ ߣߌ߫ ߛߏ߲߬ߧߊ߬ߟߌ ߟߎ߬ ߞߊߣߊ߬ ߞߍ߫ ߊ߬ ߛߋ߲߭ߝߍ߬߸ ߝߊ߲߬ߞߊߛߌ߬ߣߊ ߡߍ߲߬ ߠߎ߫ ߞߵߊ߬ߟߎ߬ ߟߊ߫ ߢߍߡߐ߮ ߣߌ߫ ߡߊ߬ߡߌ߬ߘߊ߬ߟߌ߬ߟߊ ߓߏߓߌ߫ ߥߌߣ ߟߊ߫ ߞߙߐ߬ߛߌ߬ߟߌ ߟߎ߬ ߞߐ߲߫ ߠߋ߬߸ ߊ߬ ߣߌ߫ ߞߵߊ߬ߟߎ߬ ߟߊ߫ ߛߌ߲߬ߝߏ߲߫ ߡߐ߰ ߁߀ ߢߐ߲߰ ߠߊ߫ ߝߊ߰ߟߌ ߞߐ߲߫߸ ߊ߬ߟߎ߬ ߟߊ߫ ߓߘߍ߬ߓߘߍ߬ߟߌ߬ ߞߙߎ ߣߎ߳ߔ ߟߋ߬ ߓߐ߫ ߘߊ߫߸ ߘߊ߬ ߞߏߢߊ ߞߏߢߊ ߡߍ߲߬ ߠߎ߫ ߞߐ߲߫ ߓߟߐߟߐߞߊ߲ߠߊ ߌߞߑߛ ߞߊ߲߬߸ ߞߏ߫ ߕߐ߲߫ ߓߟߏߡߊ ߟߎ߬ ߞߵߊ߬ߟߎ߬ ߟߊ߫ ߞߙߎߞߊ ߢߍߡߐ߮ ߣߴߊ߬ߟߎ߬ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߓߏߓߌ߫ ߥߌߣ ߣߴߊ߬ ߡߏ߬ߛߏ ߟߋ߬ ߓߌ߬ߟߊ߬ ߟߊ߫ ߜߋ߬ߟߎ߲ߠߌ ߞߊ߲ߡߊ߬.

ߣߎ߳ߔ ߓߘߍ߬ߓߘߍ߬ߟߌ߬ ߞߙߎߞߊ߸ ߞߏ߫ ߕߐ߲߫ ߓߟߏߡߊ ߟߎ߬ ߓߘߊ߫ ߓߏߓߌ߫ ߥߌߣ ߟߊ߫ ߟߎ ߟߊߞߏ߬ߙߌ߫߸ ߊ߬ ߘߏ߲߬߸ ߓߏߓߌ߫ ߥߌߣ ߖߍ߬ߘߍ ߓߐ߫ ߘߊ߫ ߟߋ߬ ߞߊ߬ ߞߎߡߊ ߏ߬ ߟߊߕߍ߰ ߊ߬ ߟߊ߫ ߌߞߑߛ ߖߊ߬ߕߋ߬ߘߊ ߞߊ߲߬߸ ߞߏ߫ ߣߌ߲߬ ߦߋ߫ ߝߊ߲߬ߞߊ߬ߝߌ߲ ߠߋ߬ ߘߌ߫߸ ߊ߬ߟߎ߬ ߦߋ߫ ߞߏߢߊ ߡߍ߲߬ ߠߎ߬ ߞߍ߫ ߟߊ߫ ߡߐ߰ ߟߎ߫ ߟߋ߬ ߛߌߟߊ߲ߢߍ߸ ߡߍ߲ ߠߎ߬ ߡߊ߲߬ߕߙߐ ߟߎ߫ ߕߊ߬ ߞߵߊ߬ ߢߍߛߌ߲߫ ߊ߬ߟߎ߫ ߡߊ߬ ߞߊ߬ߣߌ߲߬߸ ߞߌ߬ߓߊ߬ߙߏ߬ߘߊ ߘߏ߫ ߟߎ߫ ߖߍ߬ߘߍ ߝߣߊ߫ ߞߊ߬ ߏ߬ ߟߊߛߙߋߦߊ߫߸ ߣߌ߲߬ ߘߏ߲߬ ߦߴߌߘߐ߫ ߟߋ߬߸ ߞߵߊ߬ ߛߐ߬ߘߐ߲߬ ߢߣߊߕߊߟߌ ߞߐߝߟߌ ߟߎ߬ ߡߊ߬ߞߐ߬ߣߐ߲ ߦߴߌߘߐ߫߸ ߖߊ߬ߕߋ߫ ߞߎ߲߬ߝߟߐ ߟߎ߬ ߞߵߊ߬ ߦߌ߬ߘߊ߬ ߓߌߟߏ߲ ߕߊ߬ߡߌ߲߬ߣߍ߲ ߡߊ߬߸ ߞߏ߫ ߞߊ߲ߕߌ߯ ߓߐߕߊ ߦߏߥߋߙߌ߫ ߡߎߛߋߝ߭ߋߣߌ߫ ߟߋ߬ ߦߋ߫ ߞߣߍ ߞߊ߲߬ ߝߟߐ߫߸ ߞߏ߫ ߥߎߟߓߊ߫ ߦߴߊ߬ ߣߴߊ߬ ߛߊ߲ߞߊߢߐ߲߯ߡߊ ߟߎ߬ ߕߍ߫.


ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.