ߓߌߟߏ߲ ߀߃߲/߁߂/߂߀߂߆ ߸ ߒߛߙߍߜߍ߬ߘߍ߫ ߟߊ߬ߘߋ߬ߞߟߌ߬ߟߊ ߟߎ߬ ߡߊߥߋ߯ߟߋߣߍ߲߫ ߕߘߍ߬ ߟߊ߬ߛߓߍ߬ߛߎ߲߬ߧߊ߬ߟߌ ߗߋߕߌ߮ ߣߴߊ߬ ߣߐ߬ߟߊ ߓߟߏ߫ ߓߊ߯ߙߊߡߞߊߙߊ߲ߘߊ߫ ߕߊ߲ߓߊ߲ ߝߏ߮ ߞߣߐ߫ ߟߊ߬ߘߍ߬ ߓߟߋߓߟߋ߫ ߞߊߡߊ߬. ߟߊ߬ߘߍ߬ ߣߌ߲߬ ߢߌߣߌ߲ߞߏ ߕߘߍ߬ ߡߍ߲ ߘߌ߫ ߸ ߏ߬ ߟߋ ߞߊ߬ ߕߎߞߘߐߟߊ ߘߋ߲ߣߍ߲ ߠߎ߬ ߟߊ߫ ߟߊ߬ߞߟߏ߬ߞߟߏ߬ߟߌ ߘߌ߫ ߝߊ߲߬ߞߊߘߏ߲߬ ߢߊ ߡߍ߲ ߡߊ߬.
ߟߊ߬ߛߓߍ߬ߛߎ߲߬ߧߊ߬ߟߌ ߗߋߕߌ߮ ߢߌ߬ߘߊ߫ ߊ߬ ߟߊ߫ ߟߊ߬ߛߣߍ߬ߟߌ߬ ߓߋߟߋ߲ߠߊ ߞߐ߫ ߸ ߞߏ߫ ߣߌ߲߬ ߕߴߛߋ߫ ߛߐߘߐ߲߬ ߠߊ߫ ߝߏ߫ ߞߊ߬ߙߊ߲߬ߡߐ߮ ߟߎ߬ ߣߌ߫ ߘߋ߲ߣߍ߲ ߠߎ߫ ߖߍ߬ߘߍ ߣߌ߫ ߘߋ߲ߕߌ߮ ߟߎ߬ ߓߍ߯ ߦߴߊ߬ߟߎ߬ ߕߊ߫ ߞߍߕߊ߫ ߞߍ߫. ߊ߬ ߞߵߊ߬ ߡߊߜߟߍ߬ߦߴߊ߬ ߟߊ߫ ߛߙߊ߬ߣߎ߲ ߘߐ߫ ߞߏ߫ ߝߏ߫ ߞߊ߬ߙߊ߲߬ߡߐ߮ ߟߎ߬ ߦߴߊ߬ߟߎ߫ ߟߐ߬ ߟߋ߬ ߊ߬ߟߎ߫ ߛߋ߲߬ߞߊ߲߬ ߖߐ߲߬ߛߊ߫ ߕߎߞߘߐߟߊ ߘߌ߫ ߓߌ߬ߟߊ߬ ߢߍ߫ ߞߘߐߓߐߟߌ߫ ߝߊ߬ߛߏ߬ߟߊ߬ߞߊ ߘߐ߫ ߢߌ߬ߣߊ߲߬.
ߊ߬ߟߋ߬ ߓߊ߲ ߞߐ߫ ߸ ߕߌ߲߬ߞߎߘߎ߲ ߖߊ߯ߘߏ ߝߣߊ߫ ߞߊ߬ ߞߎߡߊ ߕߊ߬ ߞߵߊ߬ ߟߊ߫ ߛߙߊ߬ߣߎ߲ ߠߎ߬ ߞߐߞߘߐߓߌ߲ߓߌ߲߫ ߞߏߛߓߍ߫ ߸ ߞߏ߫ ߣߌ߫ ߓߍ߯ ߞߵߊ߬ ߕߍߛߘߌ߬ ߞߏ߫ ߢߌߣߌ߲ߞߏ ߘߌ߫ ߟߊߛߐ߬ߘߐ߲߫ ߣߐ߰ߦߊ߬ߓߟߏߡߊ߬.
ߏ߬ ߞߐߝߍ߬ ߛߟߊߕߌ߮ ߝ߭ߍ߲ߛߊ߲߫ ߞߊ߬ ߘߟߊߝߎߟߌ ߘߏ߫ ߟߊߛߋ߫ ߞߏ߫ ߸ ߊ߬ ߕߍ߫ ߡߍ߲߫ ߞߊ߬ߙߊ߲߬ߘߊ ߝߋ߬ߟߌߞߛ ߙߏߟߊ߲߫ ߡߎߡߌ߫ ߘߌ߫ ߟߊߡߌߣߌ߲߫ ߞߏߞߏ ߟߊ߫ ߸ ߊ߬ ߣߌ߫ ߞߏ߫ ߏߛߎߘ ߖߏߣߡߊߛߊ߯ߘߊ ߓߍ߬ߣߊ߬ ߟߐ߬ ߞߎߘߊ߫ ߞߍ߫ ߡߊߕߌ߮ ߟߊ߫ ߘߌ߬ߢߍ ߸ ߝߏ߮ ߞߣߐߡߐ߮ ߟߎ߬ ߢߊߟߋ߲߫ ߘߴߏ߬ ߟߎ߬ ߟߊ߫ ߞߏߛߓߍ߫ ߝߏ߫ ߞߊ߬ ߕߍ߮ ߜߊ߬ߛߌ߬ ߓߘߍߓߘߍ߫.
ߡߎߛߑߕߝߊ߬ ߛߎߥߊ߲ߘߌ ߛߊ߰ߣߐ߫ ߒߛߙߍߜߘߍ߬