ߗߍ߬ ߞߋߟߋ߲ ߡߍ߲ ߠߊ߫ ߖߌ߬ߦߊ߬ߖߟߎ߬ ߞߎ߲ߞߎߘߎ߲ ߠߎ߬ ߦߋ߫ ߝߌߙߌ߲ߝߌߙߌ߲ ߞߊ߲߬ ߕߋ߲߬߸ ߣߌ߫ ߝߐߟߌߟߊ ߘߏ߫ ߟߎ߫ ߦߴߊ߬ ߝߐ߫ ߟߊ߫ ߞߏ߫ ߊ߬ ߛߋ߫ ߘߊ߫ ߡߏ߬ߛߏ߫ ߄߀߀ ߣߌ߫ ߞߐ߫ ߟߋ߬ ߡߊ߬، ߣߴߊ߬ ߕߐ߯ ߞߏ߫ ߓߊߟߑߕߖ߭ߊߙ ߋߓߊ߲ߜ߭ ߊ߲ߜ߭ߐ߲ߜ߭ߊ߸ ߊ߬ߟߋ ߟߋ߬ ߕߍ߬ߘߍ߫ ߖߌ߬ߣߍ ߋߞߊߕߏߙߌߦߊߟ ߝߊ߬ߛߏ ߣߊ߲߬ߝߟߏ߬ߦߊ߬ߟߌ ߘߐ߬ߛߏ߰ߙߋ߬ߟߌ ߖߋ߬ߕߌ߰ߘߊ ߝߘߏ߬ߓߊ߬ ߗߋߕߌ߮ ߘߌ߫، ߒ߬ߓߊ߬߸ ߊ߬ ߓߘߊ߫ ߜߍ߲߫ ߊ߬ ߟߐ߬ߘߎ߮ ߏ߬ ߘߐ߫߸ ߏ߬ ߟߊߛߋ߫ ߘߊ߫ ߞߊ߲ߕߌ߯ߘߊ ߟߊ߫ ߟߊ߬ߕߍ߰ߦߊ ߘߏ߫ ߟߋ߬ ߞߣߐ߫߸ ߞߊ߬ߦߌ߯ ߣߍߣߍߓߊ ߕߟߋ߬ ߄ ߕߊ߬ߡߌ߲߬ߣߍ߲ ߡߊ߬، ߏ߬ ߞߟߊ߬ߣߐ߬ߦߊ߬ ߘߴߊ߬ߟߎ߬ ߟߊ߫ ߞߊ߲ߕߌ߮ ߖߘߍ߬ߓߊ߬ߞߎ߲ ߠߋ߬ ߓߟߏ߫߸ ߕߋߥߏߘߙߏ ߏߓߌߦߊ߲߫ ߒߖߋߡߊ ߒߓߊߛߜ߭ߏ߫.

ߟߊ߬ߕߍ߰ߦߊ ߣߌ߲߬ ߝߙߍߕߍ ߟߋ߬ ߁߁߈/߂߀߂߄ ߘߌ߫߸ ߞߊ߲ߕߌ߯ ߏߓߌߦߊ߲ߜ߭ ߞߊ߬ ߓߊߟߑߕߖ߭ߊߙ ߜߍ߲߫ ߠߋ߬ ߊ߬ ߟߐ߬ߘߎ߮ ߘߐ߫ ߝߋߎ߫، ߞߊ߬ߕߎ߲߯߸ ߓߊߟߑߕߖ߭ߊߙ ߕߍ߫ ߡߐ߰ߣߍ߲߬ ߘߌ߫ ߖߡߊ߬ߣߊ ߞߣߐ߫ ߘߋ߬߸ ߊ߬ ߦߋ߫ ߡߊ߬ߞߟߐ߬ ߛߊ߲ߘߐ ߟߋ߬ ߘߌ߫، ߓߌ߬ߟߊ߬ ߞߍߣߴߊ߬ߟߋ߬ ߞߐ߫ ߟߋ߬߸ ߞߏ߫ ߊ߬ ߓߘߊ߫ ߖߡߊ߬ ߣߊ߲߲ߝߟߏ ߘߏ߫ ߞߎ߲߬ߡߙߎ߫߸ ߞߊ߬ ߓߊ߲߫ ߝߣߊ߫߸ ߞߊ߬ߝߏ߬ߢߐ߲߰ߦߊ߬ ߞߏ ߞߙߌ߬ߞߙߊ߬ߒ߬ߕߋ߬ߦߊ ߘߏ߫ ߦߴߊ߬ ߣߐ߬ ߘߐ߫، ߊ߬ ߟߊ߫ ߞߏ ߞߊ߬ ߓߍ߯ ߟߋ߬ ߘߊ ߓߐ߫ ߊ߬ ߞߎ߲߬߸ ߊ߬ ߟߊ߫ ߖߌ߬ߦߊ߬ߖߟߎ ߥߙߍߓߊߓߊ ߟߋ߬ ߦߋ߲߬߸ ߊ߬ ߦߋ߫ ߞߍ߫ ߟߊ߫ ߞߊ߬ߝߏ߬ߢߐ߲߰ߦߊ ߟߊ߫ ߡߍ߲ ߠߎ߬ ߘߐ߫، ߘߏ߫ ߟߎ߫ ߞߍ߫ ߘߴߊ߬ ߖߍ߬ߘߍ ߟߊ߫ ߛߓߍߘߊ ߟߋ߬ ߞߣߐ߫߸ ߏ߬ ߛߎ߯ߦߊ߫ ߛߌߦߊߡߊ߲߫ ߠߋ߬ ߝߌߙߌ߲ߝߌߙߌ߲߫ ߠߊ߫ ߡߐ߱ ߟߎ߬ ߓߟߏߟߊ߫ ߕߋ߲߬.

ߞߊ߲ߕߌ߯ ߛߙߍߞߍ ߣߌ߫ ߖߌ߬ߣߋ ߋߞߊߕߏߙߌߦߊߟ ߞߊ߲ߕߌ߮ ߖߍ߬ߘߍ ߘߋ߲ߞߍ߫߸ ߕߋߥߏߘߙߏ߫ ߒߖߋߡߊ ߏߓߌߦߊ߲߫ ߡߊ߲ߖߍ߫ ߞߵߊ߬ ߦߌ߬ߘߊ߬߸ ߞߏ߫ ߘߌ߬ߢߍ߬ ߕߴߛߋ߫ ߞߍ߫ ߟߊ߫ ߞߏ߫ ߛߎ߮ ߣߌ߲߬ ߡߊ߬ ߢߊ ߺ ߊ ߺ ߢߊ߫ ߟߋ߬ ߡߊ߬، ߓߊߏ߬߸ ߞߏ߫ ߊ߬ ߓߘߊ߫ ߖߡߊ߬ߣߊ ߓߊ߯ߙߊߞߍߟߊ ߟߎ߬ ߡߊߣߐ߯߸ ߞߵߊ߬ߟߎ߫ ߡߊ߲߬ߞߕߎ ߖߎ߯ߦߊ߫، ߏ߬ ߟߋ ߘߐ߫߸ ߊ߬ ߞߊ߲߫ ߞߏ߫ ߗߋߘߊߕߌ߮ ߝߋ߲ ߺ ߋ ߺ ߝߋ߲߫ ߞߊ߬ ߣߌ߲߬ ߞߏ߫ ߛߎ߮ ߞߍ߫ ߡߎ߬ߕߎ߲߬߸ ߞߏ߫ ߊ߬ߟߎ߬ ߘߌ߫ ߞߏߟߊߕߐ߲߫ ߏ߬ ߕߌ߰ ߟߴߊ߬ ߢߊߖߎ߮ ߡߊ߬.

ߓߊߘߋ߲߸ ߓߊߟߑߕߖ߭ߊߙ ߟߊ߫ ߓߊ߯ߙߊ߫ ߕߌߢߍ ߡߍ߲ ߦߋ߫ ߣߌ߲߬߸ ߏ߬ ߦߋ߫ ߟߊ߬ߟߌ߬ߟߌ߬ ߜߍߟߍ߲߫ ߠߋ߬ ߘߌ߫ ߞߵߊ߬ ߞߌ߬ߦߊ߬ ߓߍ߯ ߡߊ߬، ߓߊߏ߬߸ ߕߟߏߕߍ߯ ߘߌ߫ ߞߎ߲߭ ߛߏ߬ߓߌ߬، ߊ߲ ߠߊ߫ ߞߏ߫ ߢߊߢߌߣߌ߲ ߠߎ߬ ߘߐ߫߸ ߊ߬ ߣߌ߫ ߛߙߋ ߘߏ߫ ߟߎ߫ ߕߊ߫ ߝߐߟߌ߫ ߘߐ߫߸ ߞߏ߫ ߘߏ߫ ߦߴߊ߬ ߟߊ߫ ߖߌ߬ߦߊ߬ߖߟߎ ߄߀߀ ߞߏ ߞߊ߲߬، ߊ߬ ߣߌ߫ ߡߛߏ߬ ߛߎ߯ ߓߐߣߍ߲߫ ߢߐ߲߰ ߡߊ ߛߌߦߊߡߊ߲߫ ߦߋ߫ ߞߍ߫ ߟߊ߫ ߡߍ߲ ߠߎ߬ ߘߐ߫߸ ߊ߬ ߘߏ߫ ߟߎ߫ ߦߋ߫ ߞߍ߫ ߟߊ߫ ߖߡߊ߬ߣߊ ߓߊ߯ߙߊ߫ ߦߙߐ ߟߋ߬ ߘߐ߫߸ ߏ߬ ߡߍ߲ ߦߋ߫ ߞߎ߲߬ߞߏ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫