ߓߙߎߞߌߣߊ߫ ߝߊ߬ߛߏ߫: ߓߋ߬ߒ߬ߞߊ߲߬ߠߌ߲߬ ߜߘߍ߫ ߓߘߊ߫ ߞߍ߫ ߘߎ߱ ߝߌ߬ߟߊ߫ ߞߊ߲߬ ߞߵߊ߬ ߛߐ߬ߘߐ߲߬ ߞߏߕߌ߮ ߟߎ߬ ߕߎ߲߬ ߓߘߊ߫ ߕߊ߯ ߊ߬ߟߎ߬ ߢߊ ߟߊ߫ ߕߌ߬ߕߊߥߏ߫ ߘߎ߰ߘߋ߲ ߠߎ߫ ߞߊ߲߬

ߕߌ߬ߕߊߥߏ߫ ߓߋ߬ߒ߬ߞߊ߲߬ߠߌ߲ ߞߐ ߘߐ߫ ߟߐ߯ߞߎ߲߫ ߞߋߟߋ߲߫ ߞߐߝߍ߬߸ ߞߏߕߌ߯ ߣߊ߯ߣߌ߲߫ ߠߋ߬ ߥߟߌ߬ ߘߊ߫ ߞߊ߬ ߕߊ߯ ߊ߬ߟߎ߬ ߢߊ ߟߊ߫ ߕߌ߬ߕߊߥߏ߫ ߘߎ߰ߘߋ߲ ߠߎ߫ ߞߊ߲߬ ߦߋ߲߬߸ ߒ߬ߓߊ߬߸ ߞߊ߬ ߞߏߕߌ߮ ߟߎ߬ ߟߊ߫ ߕߊ߯ߡߊ ߏ߬ ߟߋ߬ ߕߏ߫ ߛߋ߲߬ߠߊ߫߸ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲߫ ߞߙߎ ߞߊ߬ ߓߋ߬ߒ߬ߞߊ߲߬ߠߌ߲߬ ߞߎߘߊ߫ ߟߋ߬ ߞߍ߫ ߞߊ߬ ߟߐ߬ ߖߡߊ߬ߣߊ ߣߌ߲߬ ߘߎ߱ ߘߏ߫ ߡߊ߬߸ ߞߊ߲ߗߊߙߌ߫، ߡߊߣߌ߫ ߣߌ߫ ߖ߭ߊߡߑߓߋߓߋ߬߸ ߓߙߎߞߌߣߊ߫ ߞߏߕߌ߮ ߟߎ߬ ߘߏ߲߬ ߠߊ߫ ߕߊ߯ ߞߎ߲߭ ߕߎ߲߬ ߕߍ߫ ߘߏ߫ ߜߘߍ߫ ߘߌ߫.

ߏ߬ ߟߋ߬ ߦߋ߫ ߊ߬ߟߎ߬ ߢߊ ߟߊ ߘߌ߬ ߘߎ߰ߘߋ߲ ߠߎ߬ ߟߊ߫ ߡߊ߲߬ߕߙߐ ߞߊ߲߬߸ ߕߊ߯ߡߊ ߏ߬ ߡߍ߲ ߢߍߡߌ߬ߘߊ߬ߣߍ߲߫ ߕߘߍ߬ ߦߋ߫ ߟߊ߬ߞߊ߲߬ߘߊ߬ߟߌ ߞߏߕߌ߮ ߡߊ߬ߡߊߘߎ߫ ߛߊ߬ߣߊ ߟߋ߬ ߓߟߏ߫߸ ߞߏߕߌ߮ ߛߌߦߊߡߊ߲߫ ߠߋ߬ ߕߘߍ߬ ߦߋ߫ ߕߊ߯ߡߊ ߣߌ߲߬ ߘߐ߫ ߜߋߙߋ߲ߜߋߙߋ߲ߧߊ ߞߏߕߌ߮ ߣߌ߫ ߛߐ߬ߘߐ߲߬ߞߏ ߞߏߕߌ߮߸ ߊ߬ ߣߌ߫ ߘߏ߫ ߜߘߍ߫ ߟߎ߫، ߏ߬ ߟߎ߬ ߓߍ߯ ߟߋ߬ ߕߘߍ߬ ߦߋ߫ ߞߏ߲ߞߏߜߍ ߕߟߋ߬ ߁߄ ߕߊ߬ߡߌ߲߬ߣߍ߲ ߓߋ߬ߒ߬ߞߊ߲߬ߠߌ߲߬ ߦߙߐ ߣߌ߲߬ ߘߊߞߎ߲ ߘߐ߫.

ߊ߬ߟߎ߫ ߞߏ߬ߣߌ߲ ߞߊ߬ ߓߙߎߞߌߣߊ߫ ߣߊ߲߬ߕߌ߮ ߟߎ߬ ߣߴߊ߬ߟߎ߬ ߞߐߡߊߓߌ߲ߓߌ߲ߓߊ߮ ߟߎ߬ ߝߏ߬ ߊ߬ߟߎ߬ ߟߊ߫ ߘߐ߬ߖߊ ߣߌ߫ ߓߋ߬ߒ߬ߞߊ߲߬ߠߌ߲ ߠߊߘߊ߲߫ ߞߏ߬ߢߌߡߊ ߟߊ߫߸ ߟߊ߬ߞߊ߲߬ߘߊ߬ߟߌ ߞߏߕߌ߮ ߟߊ߫ ߘߊ߲߬ߕߍ߰ߟߌ߬ ߝߟߐ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߘߍ߬ߡߍ߲ ߘߏ߲߬ ߕߌ߬ߕߊߥߏߞߊ ߟߎ߬ ߦߋ߫߸ ߓߊߟߏ ߞߏ ߛߌߟߊ ߣߌ߫ ߓߊߛߌ߫ ߞߏ ߛߌߟߊ߸ ߊ߬ ߣߌ߫ ߞߵߏ߬ ߟߊ߫ ߛߋ߲߬ߘߐ߬ߞߎߟߎ߲ ߠߊߛߋ ߘߐ߫ ߊ߬ߟߎ߫ ߡߊ߬ ߞߏߕߐ ߟߎ߬ ߡߊߘߏ߲߬ߠߌ߲߫ ߞߊ߲ߡߊ߬߸ ߞߏߕߌ߮ ߟߎ߬ ߟߊ߫ ߕߊ߯ߡߊ ߏ߬ ߟߋ߬ ߕߏ߫ ߘߊ߫ ߛߋ߲߬ߠߊ߫߸ ߓߋ߬ߒ߬ߞߊ߲߬ߠߌ߲߬ ߜߘߍ߫ ߞߍ߫ ߘߊ߫߸ ߡߍ߲ ߕߌ߰ߦߊ ߕߊ߬ ߘߊ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲߫ ߞߙߎ ߟߎ߬ ߓߟߏ߫ ߞߊ߲ߗߊߙߌ߫ ߘߎ߱ ߟߊ߫.

ߦߋ߲߬ ߣߊ߲߬ߕߌ߮ ߟߎ߬ ߕߊ߯ߣߍ߲߫ ߕߘߍ߬ ߦߋ߫ ߟߊ߬ߞߊ߲߬ߘߊ߬ߟߌ ߓߊ߯ߙߊ ߘߏ߫ ߟߎ߫ ߟߋ߬ ߟߊ߫߸ ߒ߬ߓߊ߬߸ ߊ߬ߟߎ߬ ߞߐߛߊ߲ߦߌ߲ߕߐߟߊ ߏ߬ ߟߋ߬ ߕߏߣߍ߲߫߸ ߓߋ߬ߒ߬ߞߊ߲߬ߠߌ߲߬ ߞߙߎ ߟߎ߬ ߞߵߊ߬ߟߎ߬ ߢߊߞߘߐߣߐ߯ ߌߞߘߐ߫ ߛߏ ߘߏ߲߬ ߘߊ ߟߊ߫߸ ߖߌ߬ߦߊ ߘߏ߫ ߟߎ߫ ߖߍ߬ߘߍ ߟߊߖߍ߲ߛߍ߲߫ ߘߊ߫ ߓߟߐߟߐ ߞߊ߲߬ ߏ߬ ߛߋ߲߭ߝߍ߬߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߓߋ߬ߒ߬ߞߊ߲߬ߠߌ߲ ߠߎ߬ ߖߎ߯ߦߊ߫ ߘߊ߫ ߟߋ߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬߸ ߖߌ߬ߦߊ ߏ߬ ߟߎ߫ ߘߐ߫߸ ߡߐ߰ ߝߌ߬ߟߊ ߟߋ߬ ߛߎ߭ ߦߋ߫ ߘߊ߫ ߟߊ߫.

ߣߊ߲߬ߕߌ߰ ߕߏ߲ߕߊߟߊ߲ ߦߴߊ߬ߟߎ߬ ߞߊ߲ߠߊ߫߸ ߊ߬ ߞߏ߬ߣߌ߲ ߤߊߟߌ߬ ߝߟߐ߫߸ ߞߊ߲ߗߊߙߌ߫ ߓߋ߬ߒ߬ߞߊ߲߬ߠߌ߲ ߢߊߘߐߜߍ ߟߐߣߍ߲߫ ߕߍ߫߸ ߛߙߋ߫ ߛߌߦߊߡߊ߲߫ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߣߊ߲߬ߕߌ߰ ߦߙߌߞߊ߫ ߟߋ߬ ߕߎߣߎ߲ߣߍ߲߫߸ ߞߍ߲ߘߍߟߏ߲ ߕߊ߬ߡߌ߲߬ߣߍ߲ ߡߊ߬߸ ߓߋ߬ߒ߬ߞߊ߲߬ߠߌ߲߬ ߜߘߍ߫ ߟߋ߬ ߞߍ߫ ߘߊ߫ ߡߐ߰ ߡߍ߲߬ ߠߎ߬ ߓߟߏ߫ ߡߊߣߌ߫ ߣߌ߫ ߖ߭ߊߡߑߓߋߓߋ߫ ߘߎ߱ ߞߊ߲߬߸ ߖߡߊ߬ߣߊ ߣߌ߲߬ ߕߊ߲ߓߊ߲ ߣߴߊ߬ ߞߐߘߐ߲ ߘߐ߫߸ ߏ߬ ߟߎ߬ ߝߣߊ߫ ߖߊ߬ߕߋ߬ ߟߐ߲ߣߍ߲߫ ߕߍ߫ ߝߟߐ߫߸ ߛߙߋ ߟߎ߬ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߫ ߞߊ߬ ߕߊ ߛߎ߫ ߓߏ߲ ߘߏ߫ ߟߎ߫ ߣߌ߫ ߟߐ߯ ߘߏ߫ ߞߣߐ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.