ߓߙߎߞߌߣߊ߫ ߝߊ߬ߛߏ߬ ߞߣߐ߫߸ ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߟߊ߫ ߝߊ߲߬ߞߊ ߞߐߡߊߓߌ߲ߓߌ߲ߓߊ߯ ߖߐ߲ߖߐ߲ ߘߏ߫߸ ߣߴߊ߬ ߦߋ߫ ߤߏ߬ߡߊ߬ߡߍ߬ߘߌ߫ ߓߊߖ߭ߎ߲ߡ ߘߌ߫߸ ߏ߬ ߝߊߕߏ߫ ߘߊ߫ ߞߐ߬ߟߏ߲، ߗߍ߭ ߣߌ߲߬ ߡߌ߬ߣߊ߬ߣߍ߲߫ ߕߘߍ߬ ߦߋ߫ ߕߐ߲߫ ߓߟߏߡߊ ߟߎ߫ ߟߋ߬ ߓߟߏ߫߸ ߊ߬ ߡߊߝߌ߲߬ߣߍ߲߫ ߕߘߍ߬ ߦߋ߫ ߛߊ߬ߙߌ߬ߦߊ߬ ߛߐ߬ߛߐ߬ ߞߏ ߟߋ߬ ߘߐ߫، ߓߊ߬ߙߌ߫߸ ߎߜ߭ߊߘߎߜ߭ߎ߫ ߞߕߌߛߏߓߊ ߞߕߌߞߊ߲ߘߊ ߟߊ߫ ߝߐߟߌ߫ ߘߐ߫߸ ߓߙߊ߬ߒ߬ߘߐ߬ ߖߊ߲ߞߊߙߏ ߘߏ߫ ߟߋ߬ ߣߐ߬ ߦߴߊ߬ ߛߐ߬ߘߐ߲߬ ߠߊ߫ ߕߐ߲߫ ߓߟߏߡߊ ߟߎ߫ ߓߟߏ߫، ߊ߬ ߕߊ߬ ߘߊ߫ ߏ߬ ߢߊ ߟߋ߬ ߞߵߊ߬ ߟߊߕߊ߯ ߘߊ߲ߘߊߛߏ ߟߊ߫߸ ߓߊ߬ߙߌ߫߸ ߊ߬ ߡߊ߫ ߛߴߊ߬ ߟߊ߫ ߓߊ߬ߣߊ ߟߊߥߟߌ߬ ߟߊ߫.
ߊ߬ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߕߎ߲߬ ߓߘߊ߫ ߛߌߦߊߦߊ߫ ߓߟߐߓߟߐ ߞߊ߲߬ ߞߐ߬ߟߏ߲ ߕߊ߬ߡߌ߲߬ߣߍ߲ ߣߌ߲߬ ߡߊ߬ ߞߏߛߓߍ߫߸ ߓߊ߬ߙߌ߫߸ ߞߎߣߎ߲ߟߏ߲ ߢߌ߲߬ ߡߊ߬߸ ߊ߬ ߟߊߕߍ߰ ߘߊ߫ ߎߜ߭ߊߘߎߜ߭ߎ߫ ߞߕߌߛߏߓߊ ߞߕߌߞߊ߲ߘߊ ߓߟߏ߫߸ ߞߏ߫ « ߡߏ߬ߤߊ߬ߡߍ߬ߘߌ߫ ߓߊߖ߭ߎ߲ߡ ߓߘߊ߫ ߟߊߕߍ߰ ߞߍ߫ » ߟߊ߬ߛߋ߬ߟߌ ߣߌ߲߬ ߝߘߊߣߍ߲߫ ߞߕߌߞߊ߲ߘߊ ߟߋ߬ ߟߊ߫، ߊ߬ ߟߊ߫ ߟߊ߬ߛߋ߬ߟߌ߬ ߛߓߍ ߞߣߐ߫߸ ߞߏ߫ ߗߍ߭ ߣߌ߲߬ ߡߌ߬ߣߊ߬ߣߍ߲߫ ߕߘߍ߬ ߦߋ߫ ߞߐ߬ߟߏ߲ ߛߐ߰ߡߊ߬ߘߊ ߟߋ߬ ߟߊ߫، ߏ߬ ߟߋ߬ ߞߐߝߍ߬ ߓߙߊ߬ߒ߬ߘߐ߬ ߖߊ߲ߞߊߙߏ ߘߏ߫ ߝߘߌ߫ ߘߴߊ߬ ߞߎ߲߬ߠߊ߫߸ ߕߎ߬ߡߊ߬ߣߊ ߡߍ߲ ߠߴߊ߬ ߦߋ߫ ߕߐ߲߫ ߓߟߏߡߊ ߟߎ߬ ߕߊ߫ ߕߍ߮ ߡߊ߬ ߞߊ߬ ߕߐ߲߫ ߓߟߏߡߟߊ߫ ߡߊߜߍ߲߫.
ߊ߬ ߕߊ߬ ߘߊ߫ ߏ߬ ߢߊ ߟߋ߬ ߞߊߟߌߦߊ߫ ߓߟߏߡߊ߬ ߞߊ߬ ߥߴߊ߬ ߘߌ߫ ߕߐ߲߫ ߓߟߏߡߊ ߟߎ߬ ߟߊ߫ ߘߊ߲ߘߊߛߏ ߟߊ߫ ߘߊ߲ߘߊߟߌ ߘߊߞߘߐ߫߸ ߊ߬ ߛߊ߬ ߘߊ߫ ߞߵߊ߬ ߕߏ߫ ߦߋ߲߬ ߠߋ߬، ߞߕߌߞߊ߲ߘߊ ߓߘߴߊ߬ ߦߌ߬ߘߊ߬ ߞߏ߫ ߗߍ߭ ߛߎ߭ ߦߋ߫ ߓߞߏߘߜ߭ߏ߫ ߟߋ߬، ߎߜ߭ߊߘߎߜ߭ߎ߫ ߞߌ߲߬ߘߊ ߘߏ߫ ߘߊ߲ߘߊߛߏ ߛߎ߬ ߟߊ߬ߡߙߊ߬ ߦߙߐ ߘߐ߫، ߛߍ߯ߛߍ߯ߟߌ ߟߎ߬ ߞߏ߬ߣߌ߲ ߓߍߣߊ߬ ߞߍ߫ ߟߋ߬ ߘߊ߲ߘߊߟߌ ߘߊߞߘߐ߫߸ ߖߐ߲߰ߛߊ߫ ߞߊ߬ ߗߍ߭ ߟߊ߫ ߛߊ߬ߦߊ ߞߎ߲߬ ߖߐ߲ߖߐ߲ ߟߐ߲߫، ߓߊ߬ߙߌ߫߸ ߞߏ ߣߌ߲߬ ߞߏ߬ߣߌ߲ ߡߊ߫ ߡߐ߰ ߛߌߦߊߡߊ߲߫ ߕߊ ߡߌ߬ߣߕߊ߬ ߓߐ߫߸ ߞߊ߬ߕߎ߲߯߸ ߡߐ߰ ߛߌߦߊߡߊ߲߫ ߦߴߊ߬ ߞߊ߲߬ ߞߵߊ߬ߟ߫ߎ ߖߘߍ߬ ߘߐߢߌ߬ߣߊ߲߬ߞߊ߫߸ ߡߎ߲߬ ߠߊ߫ ߞߕߌߞߊ߲ߘߊ ߡߊ߫ ߢߊߝߐߟߌ߫ ߘߐߘߎ߲߰ߧߊ߬ߣߍ߲߬ ߞߍ߫ ߗߍ߭ ߡߌ߬ߣߊ߬ ߞߎ߲߬ ߖߐ߲ߖߐ߲ ߞߊ߲߬؟
ߊ߬ ߣߌ߫ ߝߋ߲߫ ߡߊ߫ ߝߐ߫ ߊ߬ ߡߌ߬ߣߊ߬ߓߊ߮ ߟߎ߬ ߝߣߊ߫ ߟߊ߫ ߟߌ߬ߤߟߊ ߞߊ߲߬߸ ߊ߬ ߡߌ߬ߣߊ߬ ߘߊ߫ ߕߐ߲߫ ߓߟߏߡߊ ߟߎ߫ ߟߋ߬ ߓߟߏ߫ ߓߊ߰ ߞߟߍ߬ߡߐ߮ ߟߎ߬ ߥߟߊ߫ ߡߐ߰ ߟߊߞߏߟߏ߲ߓߊߟߌ ߟߎ߬؟
ߎߜ߭ߊߘߎߜ߭ߎ߫ ߞߣߐ߫߸ ߘߏ߫ ߟߎ߫ ߦߴߊ߬ ߟߊߛߙߋߦߊ߫ ߟߊ߫߸ ߞߏ߫ ߡߐ߰ ߢߊ ߘߊߕߎ߲߯ߣߍ߲ ߘߏ߫ ߟߎ߫ ߟߋ߬ ߣߐ߬ ߦߋ߫ ߡߏ߬ߤߊ߬ߡߍ߬ߘߌ߫ ߓߊߖ߭ߎ߲ߡ ߡߌ߬ߣߊ߬ ߟߊ߫ ߞߊ߬ ߣߌߖߎ߯ߦߊ߫ ߞߏ ߟߎ߬ ߟߴߊ߬ ߞߊ߲߬߸ ߒ߬ߓߊ߬߸ ߞߴߏ߬ ߟߋ߬ ߘߏ߲߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߛߊ߬ߦߊ ߟߊߛߋ߫ ߊ߬ ߡߊ߬، ߡߏ߬ߤߊ߬ߡߍ߬ߘߌ߫ ߓߊߖ߭ߎ߲ߡ ߕߘߍ߬ ߦߋ߫ ߡߐ߰ ߟߋ߬ ߘߌ߫߸ ߡߍ߲ ߡߊߟߐ߲ߣߍ߲߫ ߕߘߍ߬ ߦߋ߫ ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߟߊ߫ ߝߊ߲߬ߞߊ ߞߐߡߊߓߌߓߌ߲ ߘߐ߫ ߞߏߛߓߍ߫، ߊ߬ߟߋ ߕߘߍ߬ ߦߋ߫ ߌߓߙߊߤߌߡ ߕߙߊߥߟߋ߫ ߞߐߡߊߓߌ߲ߓߌ߲ߓߊ߯ ߖߐ߲ߖߐ߲ ߘߏ߫ ߟߋ߬ ߘߌ߫߸ ߛߌ߬ߟߡߊ߬ߦߊ ߟߊߝߛߊ߬ߓߊ߮ ߟߋ߬ ߕߘߍ߬ ߦߴߊ߬ ߘߌ߫ ߝߣߊ߫.
ߞߐ ߢߌ߲߬ ߠߊ߫߸ ߊ߬ ߞߊ߬ ߞߎ߲߬ߠߊ߬ߛߌ߰ߟߊ ߟߎ߬ ߟߊ߫ ߞߎ߬ߙߎ߲߬ߘߎ߬ ߢߍߓߌߟߊ ߘߏ߫ ߡߊߞߕߌ߫ ߞߏߛߓߍ߫، ߡߍ߲ ߦߋ߫ ߞߎߡߊ߫ ߟߊ߫ ߘߎߢߊ߫ ߞߎ߲߬ߞߊ߲߬ ߞߏ ߟߎ߫ ߞߊ߲߬߸ ߐ߲߬ߤߐ߲߫߹ ߦߊ߯ߟߊ߫ ߏ߬ ߟߋ߬ ߞߍ߫ ߘߊ߫ ߡߏ߬ߡߊ߬ߡߍߘߌ߫ ߓߊߖ߭ߎ߲ߡ ߡߌ߬ߣߊ߬ ߞߎ߲ ߘߌ߫ ߓߊ߰ ߞߏ߫ ߜߘߍ߫؟
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.