ߓߙߎߞߌߣߊ߫ ߝߊ߬ߛߏ߫ ߞߣߐ߫߸ ߥߊ߯ߕߌ߫ ߖߊ߲߫ ߓߊ߯ߙߊ ߟߎ߬ ߟߊߘߎ߲ ߞߐ ߘߐ߫߸ ߞߎ߲߬ߠߊ߬ߛߌ߮ ߟߎ߬ ߓߘߊ߫ ߡߙߌߘߐ ߘߏ߫ ߕߊ߬ ߞߏ߫ ߞߊ߬ ߓߘߍ߬ߓߘߍ߬ߟߌ߬ ߞߙߎ ߟߎ߬ ߕߋ߬ ߔߋߎ߫߸ ߟߊ߬ߕߍ߰ߦߊ ߣߌ߲߬ ߝߘߊߣߍ߲߫ ߖߡߊ߬ߣߊ ߞߣߐߞߏ ߞߏߕߌ߮ ߟߋ߬ ߟߊ߫߸ ߊ߬ߟߎ߬ ߟߊ߫ ߞߎߣߎ߲߬ ߢߐ߲߯ߦߋ ߞߐ ߘߐ߫߸ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߓߘߍ߬ߓߘߍ߬ߟߌ߫ ߞߙߎ ߟߎ߬ ߕߋ߬ ߞߎ߲ ߠߋ߬߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߟߊ߫ ߓߍ߲߭ ߣߌ߫ ߞߍߞߋߟߋ߲ߘߌ ߟߊߛߓߊ߬ߕߌ߫߸ ߓߙߎߞߌߣߊ߫ ߞߏߕߌ߮ ߋߡߌߟߑߖ߭ߍߙ ߟߊ߫ ߝߐߟߌ߫ ߘߐ߫߸ ߊ߬ ߞߏ ߕߍߣߊ߬ ߡߍ߲߫ ߠߊ߫ ߓߎ߬ߕߎ߲߫߸ ߊ߬ ߘߌߣߊ߬ ߕߊ߬ߡߌ߲߫ ߝߊ߬ߛߏ߬ߜߙߊ ߢߊߞߘߐ߫߸ ߓߘߍ߬ߓߘߍ߬ߟߌ߬ ߞߙߎ ߟߎ߬ ߕߋ߬ ߞߏ ߡߊ߫ ߝߐ߫ ߊ߬ߟߎ߬ ߓߟߏ߫ ߞߎ߲߬ߝߍ߬ ߞߏ߫ ߘߌ߫ ߘߋ߬߸ ߞߏ߫ ߊ߬ߟߎ߬ ߞߊ߬ ߣߌ߲߬ ߡߙߌߘߐ ߕߊ߬ ߥߊ߯ߕߌ߫ ߖߊ߲߫ ߛߍ߯ߛߍ߯ߟߌ ߟߎ߬ ߟߋ߬ ߞߐ ߘߐ߫߸ ߊ߬ߟߎ߬ ߟߊ߫ ߓߊ߯ߙߊ ߟߎ߬ ߕߊ߯ߓߟߏ ߞߊ߲߬߸ ߏ߬ ߞߐߝߟߌ ߞߵߊ߬ ߦߌ߬ߘߊ߬ ߊ߬ߟߎ߬ ߟߊ߫ ߞߏ߫ ߘߣߊ߬ߕߊ߬ߡߌ߲߬ ߞߏ ߟߎ߬ ߣߌ߫ ߞߏߢߊ߫ ߜߘߍ߫ ߦߋ߫ ߓߘߍ߬ߓߘߍ߬ߟߌ߬ߟߊ ߟߎ߬ ߓߊ߯ߙߊ ߘߐ߫.

ߡߍ߲ ߠߎ߬ ߘߌ߫ ߞߍ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߞߐߘߏ߲ߢߐ߲߰ߒߓߟߏ ߘߌ߫߸ ߊ߬ ߣߌ߫ ߞߊ߬ ߖߡߊ߬ߣߊ ߖߍ߬ߘߍ ߝߣߊ߫ ߓߌ߬ߟߊ߬ ߟߊ߲߬ߓߏ߲ ߘߐ߫߸ ߒ߬ߓߊ߬߸ ߏ߬ ߟߋ߬ ߘߐ߫߸ ߞߏߕߌ߮ ߟߎ߬ ߟߊ߫ ߢߐ߲߯ߦߋ ߞߐ ߘߐ߫ ߞߎߣߎ߲߬߸ ߞߎ߲߬ߠߊ߬ߛߌ߮ ߟߎ߬ ߞߊ߬ ߓߍ߲߬ߞߊ߲ ߘߏ߫ ߛߐ߬ߘߐ߲߫߸ ߡߍ߲ ߦߋ߫ ߓߘߍ߬ߓߘߍ߬ߟߌ߬ ߞߙߎ ߁߅߀ ߢߐ߲߰ ߕߋ߭ ߘߌ߫ ߞߵߊ߬ߟߎ߬ ߓߐ߫ ߦߋ߲߬ ߔߋߎ߫߸ ߏ߬ ߓߟߏߡߊ߬߸ ߓߘߍ߬ߓߘߍ߬ߟߌ߬ ߞߙߎ ߏ߬ ߟߎ߬ ߟߊ߫ ߛߐ߬ߘߐ߲ ߣߴߊ߬ߟߎ߬ ߓߟߏߝߋ߲ ߠߎ߬ ߓߍߣߊ߬ ߟߊߕߊ߬ߡߌ߲߫ ߝߊ߬ߛߏ ߕߊ߫ ߓߟߏ߫ ߡߊ߬߸ ߊ߬ ߘߏ߲߬ ߕߎ߲߬ ߓߘߊ߫ ߥߊ߯ߕߌ߫ ߖߊ߲߫ ߓߐ߫߸ ߓߙߎߞߌߣߊ߫ ߝߊ߬ߛߏ߫ ߓߘߍ߬ߓߘߍ߬ߟߌ߬ ߞߙߎ ߟߎ߬ ߟߊ߫ ߓߊ߯ߙߊ ߟߊߘߎ߲ߣߍ߲߫߸ ߞߊ߬ߦߌ߯ ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߣߊ߬ ߘߊ߫ ߞߊ߲ߕߌ߯ߦߊ ߟߊ߫ ߂߀߂߂ ߕߎߟߊߝߌ߲ ߠߊ߫߸ ߓߘߍ߬ߓߘߍ߬ߟߌ߬ ߞߙߎ ߟߎ߬ ߓߊ߯ߙߊ ߟߊߘߎ߲߫ ߘߊ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.