ߊ߬ ߞߊ߬ ߞߎߡߊ ߣߌ߲߬ ߝߐ߫ ߞߌ߬ߓߊ߬ߙߏ߬ߦߊ߬ߟߊ ߟߎ߬ ߟߋ߬ ߢߊߞߘߐ߫߸ ߡߌ߬ߙߌ߲߬ߘߌ߫ ߟߊ߫ ߢߍߕߊ߮ ߛߊ߲߬ ߞߋߟߋ߲ ߛߊ߲߬ߞߎ߲ߓߍ߲ ߢߊ߰ߢߊ߮ ߛߋ߲߭ߝߍ߬، ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߘߊ ߛߋ߫ ߘߊ߫ ߞߎߡߊ߫ ߛߌߦߊߡߊ߲߫ ߠߋ߬ ߡߴߊ߬ ߟߊ߫ ߘߊ߲߬ߕߍ߬ߟߌ ߛߋ߲߭ߝߍ߬߸ ߊ߬ ߘߊ ߛߋ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߞߍ߬ߟߍ ߡߊ߬، ߞߊ߬ߝߏ߬ߖߊ߬ߛߏ߲߬ߠߌ߲߸ ߓߊ߯ߙߊߢߐ߲߯ߦߊ ߊ߬ ߣߌ߫ ߞߐߞߊ߲߫ ߖߡߊߣߊ ߟߎ߬ ߣߌ߫ ߢߐ߲߯ ߕߍ߫، ߓߊ߬ߙߌ߫߸ ߊ߬ ߞߵߊ߬ ߛߌ߲ߛߌ߲߫ ߡߍ߲ ߞߊ߲߬߸ ߏ߬ ߟߋ߬ ߦߋ߫ ߢߌ߬ߣߊ ߘߌ߫ ߓߍ߯ߦߊ ߞߐ߫ ߖߡߊ߬ߣߊ ߣߌ߲߬ ߞߣߐ߫߸ ߌߓߙߊߤߌߡ ߕߙߊߥߟߋ߫ ߞߊ߲߫ « ߊ߲ ߕߴߊ߲ ߘߊ ߜߊ߬ߛߌ߬ ߟߊ߫ ߞߟߊ߬ߕߊ߬ ߞߏ߬ ߞߎߡߊ߫ ߟߊ߫ ߝߟߐ߫ ߖߘߍ߬.

ߢߍߡߌߘߊ߫ ߌߓߙߊߤߌߡ ߕߙߊߥߟߋ߫


ߟߊ߬ߢߌߣߌ߲ ߘߏ߫ ߟߋ߬ ߦߴߊ߲ ߓߟߏ߫ ߞߘߐ߫ ߝߟߐ߫߸ ߡߍ߲ ߞߊ߫ ߞߊ߲߫ ߞߊ߬ ߢߣߊߓߐ߫߸ ߡߐ߱ ߟߎ߬ ߞߊ߫ ߞߊ߲߫ ߠߋ߬ ߞߊ߬ ߢߌ߬ߣߊ߬ ߓߍ߯ߦߊ߫ ߝߊ߲ߞߊ ߞߐ߫ ߝߟߐ߫، ߊ߲ ߞߊ߫ ߞߊ߲߫ ߞߊ߬ ߕߎ߬ߢߊ ߟߋ߬ ߝߐ߫߸ ߓߍ߯ߦߊ߫ ߣߌ߲߬ ߕߍ߫ ߊ߲ ߕߊ߫ ߘߌ߫߸ ߡߍ߲ ߦߋ߫ ߦߌ߬ߘߊ߬ ߟߴߊ߲ ߠߊ߫߸ ߏ߬ ߕߴߊ߲ ߝߍ߬߸ ߊ߲ ߕߴߏ߬ ߝߍ߬، ߣߌ߫ ߓߍ߯ߦߊ߫ ߝߊ߲ߞߊ ߖߍ߬ߘߍ ߝߐ߫ ߘߊ߫ ߝߘߊ߬ߝߌ߲ ߢߣߊ߫߸ ߊ߬ ߞߊ߫ ߞߊ߲߫ ߞߵߊ߬ ߓߏ߬ߙߌ߫ ߟߋ߬߸ ߓߍ߯ߦߊ߫ ߝߊ߲ߞߊ ߘߌ߫ ߝߊ߰ߟߌ ߞߍ߫، ߊ߲ ߧߋ߫ ߟߓߌ߫ ߡߊߝߟߍ߫ ߞߍ߬߸ ߏ߬ ߦߋ߫ ߟߊߒߡߊ ߘߏ߫ ߟߋ߬ ߘߌ߫ ߊ߲ ߢߊߞߘߐ߫߸ ߊ߬ߟߎ߫ ߕߘߍ߬ ߦߋ߫ ߓߍ߲߭ ߣߌ߫ ߥߙߎߞߌ ߞߣߐ߫߸ ߖߌ ߕߘߍ߬ ߦߋ߫ ߊ߬ߟߎ߫ ߝߍ߬ ߦߋ߲߬ ߝߎߝߟߊߞߌ ߟߊ߫.

ߓߙߎߞߌߣߊ߫ ߝߊ߬ߛߏ߫


ߝߋ߲߫ ߛߌߦߊߡߊ߲߫ ߠߋ߬ ߕߘߍ߬ ߦߋ߫ ߊ߬ߟߎ߫ ߝߍ߬ ߦߋ߲߬ ߝߎߝߟߊߞߌ ߟߊ߫، ߓߌ߬߸ ߟߓߌߞߊ ߟߎ߬ ߦߋ߫ ߡߎ߲߬ ߠߊ߫߸ ߊ߬ߟߎ߬ ߕߍ߫ ߦߊ߯߫ߟߊ ߟߊ߫ ߖߌ߫ ߕߏ߲ߜߊ ߟߎ߬ ߘߌ߫ ߝߊ߲߭ ߓߍ߯ ߘߐ߫ ߣߌ߲߬ ߖߌ߫ ߢߌߣߌ߲ ߠߊ߫، ߘߋ߲ߡߌߛߍ߲߫ ߖߋ߬ߟߌ߬ ߓߘߊ߫ ߛߊ߬ ߕߋ߲߬، ߟߌ߬ߤߟߊ߬ߦߊ ߣߌ߲߬ ߘߐ߫߸ ߒ ߞߴߏ߬ ߟߋ߬ ߓߍ߯ߦߊ ߝߊ߲߬ߞߊ ߟߊ߫߸ ߒ߬ߓߊ߬߸ ߊߟߊߡߊ߬ ߊ߲ ߕߊ߲߬ߞߊ߬ ߘߊ߫ ߓߍ߯ߦߊ߫ ߝߊ߲߬ߞߊ ߡߊ߬ » ߣߌ߲߬ ߠߋ߬ ߞߍ߫ ߘߊ߫ ߢߍߡߌߘߊ߫ ߌߓߙߊߤߌߡ ߘߊߘߐߞߊ߲ ߘߌ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.