ߘߎ߰ ߖߋߣߌ߲ ߞߍ߫ ߘߊ߫ ߟߋ߬ ߞߏߢߊ ߣߌ߲߬ ߘߐ߫߸ ߛߙߋ ߟߎ߬ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬߸ ߘߎ߱ ߏ߬ ߟߎ߬ ߡߍ߲ ߠߎ߬ ߦߋ߫ ߞߐ߲ߣߊ߫ ߣߌ߫ ߛߊߣߊ߲ߞߊߘߎ߯ ߣߌ߫ ߞߊߡߊ߲ߞߊߘߎ߯ ߘߌ߫߸ ߣߊ߲߬ߕߌ߮ ߟߎ߬ ߖߍ߬ߘߍ ߡߊ߫ ߘߊ߲߬ߕߍ߰ߟߌ߬ ߞߍ߫ ߊ߬ ߞߏ ߞߊ߲߬ ߝߟߐ߫߸ ߓߊ߬ߙߌ߫߸ ߟߌ߬ߤߟߊ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߣߊ߲߬ߕߌ߮ ߟߎ߬ ߖߍ߬ߘߍ ߦߋ߫ ߕߏ߫ ߟߊ߫ ߟߋ߬ ߏ߬ ߟߎ߫ ߞߣߐ߬ߜߍ߲߬ ߠߊ߫ ߛߐ߲߬߸ ߞߵߊ߬ ߕߎ߬ߙߎ ߞߍ߫ ߟߊ߬ߞߊ߲߬ߘߊ߬ߟߌ ߘߌ߫߸ ߞߐ߬ߟߏ߲ ߕߊ߬ߡߌ߲߬ߣߍ߲ ߥߎ߬ߙߊ ߟߋ߬ ߝߍ߬߸ ߓߙߎߞߌߣߊ߫ ߝߊ߬ߛߏ߫ ߣߊ߲߬ߕߌ߮ ߟߎ߬ ߘߏ߲߬ ߘߊ߫ ߛߊߣߊ߲ߞߊߘߎ߯ ߘߎ߱ ߞߣߐ߫.

ߛߙߋ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߡߐ߰ ߝߌ߬ߟߊ߬ ߟߋ߬ ߝߊ߰ ߘߊ߫߸ ߡߛߏ߬ ߞߋߟߋ߲߫߸ ߊ߬ ߣߌ߫ ߗߍ߬ߡߐ߰ ߞߋߟߋ߲߫، ߛߙߋ߫ ߞߋߟߋ߲߫ ߣߌ߲߬ ߠߊ߫ ߝߐߟߌ߫ ߘߐ߫߸ ߞߏ߫ ߡߐ߰ߓߊ ߡߍ߲ ߓߣߐ߬ ߘߴߊ߬ ߣߌ ߘߐ߫ ߕߋ߲߬߸ ߏ߬ ߓߐߣߍ߲߫ ߕߘߍ߬ ߦߋ߫ ߊ߬ ߟߊ߫ ߘߎ߱ ߟߋ߬ ߞߣߐ߫߸ ߞߊ߬ ߕߊ߯ ߊ߬ ߞߊ߬ߙߌ߬ߝߊ߫ ߛߊߣߊ߲ߞߊߘߎ߯߸ ߞߵߏ߬ ߕߎ߬ߙߎ ߞߍ߫ ߟߊ߬ߞߊ߲߬ߘߊ߬ߟߌ߬ߓߊߟߌߦߊ ߘߌ߫߸ ߛߙߋ ߜߘߍ߫ ߟߊ߫ ߞߎߡߊ߫ ߘߐ߫߸ ߣߊ߲߬ߒߕߊ߲߫ ߛߓߊ߬ ߜߘߍ߫ ߝߣߊ߫ ߝߊ߰ ߘߊ߫ ߟߋ߬ ߞߎߣߎ߲ߟߏ߲ ߡߊ߬߸ ߏ߬ ߞߍ߫ ߘߊ߫ ߞߐ߲ߣߊ߫ ߘߎ߱ ߟߋ߬ ߞߣߐ߫.

ߓߊ߬ߙߌ߫߸ ߦߊ߬ߣߌ߲߫ ߣߊ߲߬ߕߌ߮ ߟߎ߬ ߦߋ߫ ߛߋ߫ ߞߐ߲ߣߊ߫ ߘߎ߱ ߞߣߐ߫߸ ߊ߬ߟߎ߫ ߞߐ߲߰ ߘߊ߫ ߞߊߡߊ߲ߞߊߘߎ߯ ߟߋ߬ ߡߊ߬ ߝߟߐ߫߸ ߓߊ߬ߙߌ߫߸ ߊ߬ߟߎ߬ ߡߊ߫ ߡߐ߰ ߛߐ߬ߘߐ߲߫ ߦߋ߲߬߸ ߕߌߢߍߟߌ ߟߋ߬ ߞߍ߫ ߘߊ߫ ߦߋ߲߬ ߊ߬ߟߎ߬ ߓߟߏ߫߸ ߓߊߏ߬߸ ߊ߬ߟߎ߫ ߞߊ߬ ߕߊ߫ ߛߎ߫ ߞߍ߫ ߟߋ߬߸ ߣߊ߲߬ߕߌ߮ ߡߍ߲߬ ߠߎ߬ ߟߊ߫ ߓߊ߯ߙߊ ߘߊߓߐ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߋ߬ ߞߍ߬ߟߍ ߡߊ߬߸ ߣߴߏ߬ ߦߋ߫ ߊߟߑߞߊߦߌߘߊ ߓߏߟߏ߲ߝߘߊ ߓߊ߰ߓߊ߰ߟߌ߬ ߞߙߎ ߘߏ߫ ߘߌ߫߸ ߏ߬ ߟߎ ߡߍ߲ ߠߎ߬ ߦߋ߫ ߜߛߏ߫ ߟߊߛߌ߮ ߟߊ߫ ߖߌ߬ߓߊߛߏ߬ ߣߴߊ߬ ߟߊߡߌߣߌ߲ ߘߐ߫߸ ߒ߬ߓߊ߬߸ ߏ߬ ߓߘߊ߫ ߞߍ߫ ߕߎ߬ߙߎ߫ ߘߌ߫ ߕߋ߲߬߸ ߞߊ߬ ߣߊ߲߬ߒߕߊ߲ ߛߌߦߊߡߊ߲߫ ߟߐ߬ ߊ߬ߟߎ߬ ߡߊߞߍ߫ ߘߌ߲ߞߌߙߊ ߓߌ߬ߟߊ߬ ߟߊ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.