ߢߍߓߊ߯ ߡߊ߬ߤߑߡߎߘ ߓߊߙߏ߫ ߦߋ߫ ߡߌ߲߫؟ ߢߌ߬ߣߌ߲߬ߞߊ߬ߟߌ ߏ߬ ߟߋ߬ ߦߋ߫ ߊ߬ ߟߊ߫ ߡߐ߱ ߟߎ߬ ߘߊ߫ ߟߊ߫ ߓߏ߬ߓߏ߫ ߖߎ߬ߟߊ߬ߛߏ߫، ߓߙߎߞߌߣߊ߫ ߝߊ߬ߛߏ߫ ߞߎ߲߬ߠߊ߬ߛߌ߮ ߟߎ߬ ߞߐߡߊߓߌ߲ߓߌ߲ߓߊ߮ ߟߋ߬ ߦߴߊ߬ ߘߌ߫߸ ߓߊ߬ߙߌ߫߸ ߊ߬ ߟߊ߫ ߞߕߎ߬ߓߊ߬ ߟߊߓߊ߲ ߘߏ߫ ߟߋ߬ ߛߋ߲߭ߝߍ߬߸ ߊ߬ ߞߊ߬ ߡߊ߬ߞߕߌ߬ߟߌ ߞߍ߫ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߟߊ߬ߕߍ߰ߦߊ ߘߏ߫ ߟߋ߬ ߞߊ߲߬߸ ߟߊ߬ߕߍ߰ߦߊ ߏ߬ ߡߍ߲ ߕߘߍ߬ ߦߋ߫ ߓߏ߬ߙߌ߫ ߟߊ߫ ߓߊ߬ߕߏ߬ߓߏ߲ ߠߎ߬ ߟߊߘߌ߬ߢߍ߬ߓߊ߬ߟߌߦߊ ߞߊ߲߬ ߝߘߏ߬ߓߊ߬ ߓߊ߯ߙߊ߫ ߘߌ߲ߞߌߙߊ߫ ߛߌߦߊߡߊ߲߫ ߘߐ߫.

ߞߊ߬ߦߌ߯ ߕߋ߬ߟߋ߫ ߛߊ߬ߓߊ߫ ߢߐ߲߰ ߠߊ߫߸ ߢߍߓߊ߯ ߣߌ߲߬ ߠߊ߫ ߘߋ߲ߓߦߊ ߦߴߊ߬ ߞߊ߲߬ ߞߵߊ߬ ߦߙߐ߫ ߢߌߣߌ߲߫߸ ߓߊ߬ߙߌ߫߸ ߊ߬ߟߎ߫ ߣߐ߬ ߕߍ߫ ߢߊ߫ ߛߐ߬ߘߐ߲߬ ߠߴߊ߬ ߟߊ߫ ߞߏ ߡߊ߬߸ ߊ߬ ߟߊ߫ ߞߐߙߍ ߟߊ߫ ߝߐߟߌ߫ ߘߐ߫߸ ߢߍߓߊ߯ ߡߊ߬ߤߑߡߎߘ ߓߊߙߏ߫ ߡߌ߬ߣߊ߬ ߘߊ߫ ߡߙߊ߬ߡߊ߬ߝߋ߲߬ߕߌ߮ ߟߎ߫ ߟߋ߬ ߓߟߏ߫ ߞߊ߯ߙߌ ߥߎ߬ߙߊ ߝߍ߬، ߞߵߊ߬ ߕߊ߬ ߏ߬ ߡߊ߬ ߤߊ߲߯ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߬ ߟߌ߬ߤߟߊ߬ ߟߐ߲ߣߍ߲߫ ߕߍ߫߸ ߊ߬ ߡߊ߫ ߟߐ߲߫ ߊ߬ ߦߋ߫ ߘߌ߲߬ߞߌ߬ߙߊ߬ ߞߋߟߋ߲߫ ߡߍ߲ ߘߐ߫، ߗߍ߭ ߣߌ߲߬ ߕߘߍ߬ ߦߋ߫ ߡߐ߰ ߡߊߟߐ߲ߣߍ߲ ߠߋ߬ ߘߌ߫.

ߊ߬ ߟߊ߫ ߓߋߟߋ߲ߠߊ ߘߏ߫ ߟߋ߬ ߛߋ߲߭ߝߍ߬߸ ߊ߬ ߞߊ߬ ߡߊ߬ߞߕߌ߬ߟߌ ߞߍ߫ ߡߞߊ߫ ߕߊ߯ߟߊ ߟߎ߬ ߛߌ߲߬ߝߏ߲߬ߧߊ߬ ߞߙߎ ߞߊ߲߬߸ ߓߊߏ߬߸ ߞߏߕߌ߮ ߡߍ߲ ߘߐ߭ߘߏ߲߬ߣߍ߲߫ ߏ߬ ߟߊ߫߸ ߞߴߏ߬ ߕߍ߫ ߛߌ߬ߟߡߊ߬ ߘߌ߫߸ ߊ߬ ߣߴߊ߬ ߞߊ߬ ߡߊ߬ߞߕߌ߬ߟߌ߬ ߞߍ߫ ߞߎ߲߬ߠߊ߬ߛߌ߮ ߟߎ߬ ߝߣߊ߫ ߞߊ߲߬߸ ߊ߬ߟߎ߬ ߟߊ߫ ߛߊ߬ߙߌ߬ߦߊ߬ ߞߎߘߊ ߘߏ߫ ߕߊ߬ߟߌ ߞߏߛߐ߲߬߸ ߞߊ߬ ߓߏ߬ߙߌ߫ ߘߌ߯ߣߊ ߞߙߐ߬ߛߌ߬ߓߊ߮ ߟߎ߬ ߟߊ߫ ߓߊ߯ߙߊ ߟߎ߫ ߞߊ߲߬߸ ߡߐ߰ ߞߋߟߋ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߡߌ߬ߣߊ߬ߟߌ ߣߌ߲߬ ߛߋ߲߭ߝߍ߬، ߊ߬ ߘߏ߲߬ ߕߘߍ߬ ߓߘߊ߫ ߡߌ߬ߣߊ߬ ߞߕߌߞߊ߲ߘߊ ߟߎ߬ ߓߟߏ߫ ߞߘߐ߬ߡߊ߲߫.

ߓߊ߬ߙߌ߫߸ ߞߎ߲߬ߠߊ߬ߛߌ߮ ߟߎ߫ ߞߵߊ߬ߟߎ߫ ߞߊ߲ߕߏ߫߸ ߞߏ߫ ߞߵߊ߬ ߟߊߓߌ߬ߟߊ߬߸ ߞߵߊ߬ ߛߐ߬ߘߐ߲߫ ߖߍ߬ߘߍ ߊ߬ ߟߊ߫ ߞߕߌ ߡߊ߫ ߞߍ߫، ߞߊ߬ߦߌ߯ ߊ߬ ߡߌ߬ߣߊ߬ ߘߊ߫߸ ߞߎߡߊ ߜߊ߬ߣߍ߲߫ ߓߏ߬ߓߏ߫ ߖߎ߬ߟߊ߬ߛߏ߫ ߊ߬ ߣߌ߫ ߓߙߎߞߌߣߊ߫ ߘߌ߲߬ߞߌ߬ߙߊ߬ ߛߌߦߊߡߊ߲߫ ߘߐ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.