ߕߎ߲ߓߊ߬ ߓߘߴߊ߬ ߖߌ߰ߦߘߊ߬ ߟߊ߬ߓߊ߲ ߡߊߛߐ߬ߘߐ߲߬

߂߀߂߆ ߕߙߊߓߊ ߕߋ߬ߟߋ߫ ߂߅ ߟߋ߬ ߞߍ߫ ߘߊ߫ ߊߓߎߓߞߊߙ ߛߘߌߞߌ߬ ߖߊ߬ߞߌ߬ߕߋ߬ « ߕߎ߲ߓߊ߬ » ߛߊ߲߬ߞߊ ߟߊߕߋ߬ ߟߏ߲ ߘߌ߫، ߒ߬ߓߊ߬߸ ߊ߬ ߟߊߖߌ߰ ߘߴߊ߬ ߖߌ߰ߦߘߊ߬ ߟߊ߬ߓߊ߲ ߘߐ߫ ߂߀߂߆ ߞߏ߲ߞߏߘߓߌ ߕߋ߬ߟߋ߫ ߃ ߢߌ߲߬ ߠߋ߬ ߡߊ߬߸ ߊ߬ ߝߊ߬ߛߏ ߟߊ߫ ߓߜ߭ߊ߬ߝߍ߬ߦߊ߫߸ ߏ߬ ߡߍ߲ ߦߋ߫ ߡߊ߲߬ߖߊ߲߬ߠߊ߫ ߡߊ߬ߙߊ ߘߐ߫.

ߕߎ߲ߓߊ߬ ߟߊ߫ ߢߣߊߡߦߊ ߘߐߞߍ߫ ߘߊ߫ ߖߊ߲߬ߖߏ߲߬ ߛߌߦߊߡߊ߲߫ ߠߋ߬ ߟߊ߫߸ ߞߵߊ߬ ߕߊ߬ ߣߊ߲߬ߕߌ߰ߦߊ ߡߊ߬߸ ߞߊ߬ ߣߊ߬ ߛߋ߫ ߓߘߍ߬ߓߘߍ߬ߟߌ ߡߊ߬ ߞߊ߬ߝߏ߬ ߖߊߛߏ߲ ߛߌߟߊ ߝߍ߬߸ ߞߊ߬ ߛߊ߲߬ ߦߙߌߞߊ߫ ߞߍ߫ ߞߕߌ߫ ߞߏ ߘߊߞߘߐ߫߸ ߞߊ߬ ߥߛߎ߫ ߞߎ߲߬ߘߐ߬ߖߊ߲ ߠߎ߬ ߞߍ߫.

ߕߎ߲ߓߊ߬ ߝߎ߬ߙߋ ߟߊߖߌ߰ ߘߊ߫ ߡߊ߲߬ߖߊ߲߬ߠߊ߫ ߟߋ߬ ߞߐ߬ߟߏ߲ ߕߊ߬ߡߌ߲߬ߣߍ߲߸ ߕߙߊߓߊ ߕߟߋ߬ ߃߁ ߡߊ߬، ߓߊߘߍ ߘߊߡߌ߬ߣߊ߬ ߘߊ߫ ߦߋ߲߬ ߠߋ߬ ߛߌ߬ߣߌ߲߬ߟߏ߲ ߛߐ߰ߡߊ߬ߘߊ ߢߌ߲߬ ߠߊ߫߸ ߞߊ߬ ߡߛߊ߬ߟߌ߬ߟߌ߬ ߝߟߐ ߞߍ߫ ߦߋ߲߬، ߏ߬ ߟߋ ߞߐߝߍ߬߸ ߛߎ߬ ߡߊ߬ߟߐ߬ ߖߡߊ ߕߐ߲߬ߕߐ߲ ߞߵߊ߬ߟߎ߬ ߞߍ߫ ߢߐ߲߮ ߞߐ߫߸ ߞߊ߬ ߣߊ߬ ߝߎ߬ߙߋ ߡߊߟߐ߬ ߞߊ߲ߡߵߊ߬ ߝߊ߬ߛߏ ߟߊ߫. ߏ߬ ߞߵߊ߬ ߛߐ߬ߘߐ߲߫ ߠߋ߬߸ ߖߊ߬ߡߊ ߓߘߊ߫ ߞߍ߫ ߞߊ߬ ߓߜ߭ߊ߬ߝߍ߬ߦߊ߬ ߝߊ߫߸ ߓߍ߯ ߞߊ߲߫ ߞߏ߫ ߝߏ߫ ߊ߬ߟߎ߬ ߦߋ߫ ߛߐ߬ߘߐ߲߫ ߠߋ߬ ߕߎ߲ߓߊ߬ ߛߎ߬ ߞߏ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߞߏ ߕߎ߲߬ ߦߴߊ߬ߟߎ߫ ߛߣߐ߬ߡߍ ߘߐ߫.
ߊߓߎߓߞߊߙ ߛߘߌߞߌ߬ ߖߊ߬ߞߌ߬ߕߋ߬߸ ߕߎ߲ߓߊ߬߸ ߊ߬ ߛߊ߲߬ ߘߊ߲ߘߐ ߟߋ߬ ߕߎ߲߬ ߦߋ߫ ߣߌ߲߬߸ ߊ߬ ߕߐ߮ ߦߋ߫ ߖߌ߬ߣߍ߬ߞߊ ߟߎ߬ ߘߊ߫߸ ߊ߬ ߡߊ߲߬ߞߕߎ ߦߋ߫ ߘߎߢߊ߫ ߘߊ߫߸ ߝߊ߬ߛߏ ߞߣߐߟߊ ߣߌ߫ ߞߐߞߊ߲ߠߊ ߘߐ߫.

߁߃ ߕߎߡߊ ߟߋ߬ ߟߊ߫߸ ߕߎ߲ߓߊ߬ ߛߎ߬ߞߌߙߊ ߘߏ߲߬ ߘߴߊ߬ ߝߊ߬ߛߏ ߞߣߐ߫߸ ߢߊߖߌ ߣߌ߫ ߡߙߌ߫ ߞߎ߲߬ߘߐ߬ߖߊ߲߸ ߏ߬ ߟߋ ߞߍ߫ ߘߊ߫ ߞߊ߬ ߝߎ߬ߙߋ ߟߊߓߍ߲߬، ߕߐ߲߬ߕߐ߲ ߞߵߊ߬ ߞߎ߲߬ߛߌ߲߫ ߝߎ߬ߙߋ ߘߌ߫ ߝߊ߭ ߟߊ߫ ߟߎ ߟߋ߬ ߞߣߐ߫ ߡߎߣߎ߲߬߸ ߕߎ߲ߓߊ߬ ߓߋ߲ߓߊ ߟߎ߬ ߟߊ߫ ߟߎ ߞߊ߬ߣߌ߲߬.
ߝߎ߬ߙߋ ߡߛߊߟߌ߫ ߘߊ߫ ߡߊ߲߬ߖߊ߲߬ߠߊ߫ ߕߌ߲ߓߌߘߌ߲ߘߓߊ ߢߍߓߊ߮ ߟߋ߬ ߓߟߏ߫ ߖߎߡߊ߫ ߛߊߟߌ ߞߐ ߘߐ߫߸ ߡߍ߲ ߖߡߊ߬ ߞߏ ߘߌ߫ ߡߐ߰ ߘߓߊ߬ߙߌ߬ ߓߊ߲߫. ߢߍߓߊ߮ ߟߊ߫ ߓߋߟߋ߲ߠߊ ߘߐ߫߸ ߊ߬ ߞߊ߬ ߓߍ߯ ߟߐ߬ ߛߓߊߙߌ ߟߋ߬ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߓߍ߯ ߦߋ߫ ߞߎ߲߫ ߟߊ߬ߕߍ߮ ߞߕߐ߫߸ ߏ߬ ߡߍ߲ ߦߋ߫ ߝߘߊ߫ ߊߟߊ߫ ߟߊ߫، ߊ߬ ߞߊ߬ ߘߎ߬ߥߊ߬ߥߎ ߞߍ߫߸ ߛߊ߫ ߓߍ߯ ߘߌ߫ ߞߛߌ߫ ߦߙߌ߫ ߝߙߋ߫ ߟߜߊߣߊ߲ ߡߊ߬، ߏ߬ ߞߍ߫ ߘߊ߫ ߢߍߓߊ߮ ߓߟߏ߫ ߟߊ߬ߟߌ߬ߟߌ ߟߋ߬ ߘߌ߫ ߖߊ߬ߡߊ ߦߋ߫߸ ߣߴߊ߬ ߡߊ߫ ߢߊ߬ ߞߏ߫ ߞߎߡߊ߫ ߛߌߦߊߡߊ߲߫ ߠߋ߬ ߝߐ߫ ߟߊ߫ ߕߎ߲ߓߊ߬ ߟߊ߫ ߛߦߊ߬ ߞߏ ߣߌ߲߬ ߘߐ߫߸ ߡߍ߲ ߠߎ߬ ߓߐߣߍ߲߫ ߢߐ߲߯ ߡߊ߬.

ߖߎߡߊ߫ ߛߊߟߌ ߣߌ߫ ߝߎ߬ߙߋ߬ ߡߊ߬ߛߊߟߌ ߞߐ ߟߋ߬ ߘߐ߫߸ ߕߎ߲ߓߊ߬ ߝߎ߬ߙߋ ߟߊߖߌ߰ ߘߊ߫ ߛߊ߬ߙߌ ߘߐ߫ ߓߜ߭ߊ߬ߝߍ߬ߦߊ߫ ߛߏ ߘߏ߲߬ߘߊ ߟߊ߫ ߞߐ߰ߘߎ߯ ߕߟߋ߬ߓߋ ߘߐ߫߸ ߥߊߛߏߟߏ߲߫ ߛߎ߬ߓߊ߬ ߓߋ ߞߏ ߟߎ߬ ߦߋ߫ ߟߊ߫ ߢߊ ߡߍ߲ ߡߊ߬߸ ߣߌ߲߬ ߝߣߊ߫ ߞߍ߫ ߘߊ߫ ߕߋ߲߬ ߠߋ߬.
ߝߎ߬ߙߋ ߟߊߖߌ߰ ߘߊ߫ ߞߙߎ߬ߟߍ߲ߓߍ߲ ߠߋ߬ ߘߐ߫߸ ߣߊ߲߬ߕߌ߰ ߛߌߦߊߡߊ߲߫ ߕߘߍ߬ ߡߍ߲ ߘߊߞߎ߲ ߘߐ߫، ߛߎ߬ߞߌߙߊ ߡߊ߫ ߟߊߖߌ߰߸ ߏ߬ ߞߵߊ߬ ߞߐߛߊ߬ߦߌ߲߫ ߠߋ߬. ߏ߬ ߟߋ ߞߍ߫ ߘߊ߫ ߕߎ߲ߓߊ߫ ߞߏ ߞߎ߲߬ߝߊ߮ ߘߌ߫߸ ߞߊ߬ ߡߙߌ ߣߌ߫ ߕߊ߰ߛߌ ߟߎ߬ ߕߏ߫ ߢߐ߲߯ ߓߟߏ߫.

ߕߎ߲ߓߊ߬ ߛߎ߬ߘߏ߲߬ ߖߡߊ ߟߊ߫ ߛߌߦߊߦߊ ߦߴߊ߬ ߦߌ߬ߘߊ߬ ߟߊ߫ ߟߋ߬߸ ߞߏ߫ ߊ߬ ߟߊ߫ ߞߏ ߕߘߍ߬ ߓߊ߫ ߘߐ߫ ߖߌ߬ߣߍ߬ߞߊ ߟߎ߬ ߓߟߏ߫، ߊ߬ ߟߊ߫ ߞߏ ߞߎߡߊ ߛߌߦߊߦߊ ߣߴߊ߬ ߕߊ߫߸ ߊ߬ ߓߘߴߊ߬ ߕߐ߮ ߕߏ߫ ߘߎߢߊ߫ ߘߐ߫.

ߊ߬ ߟߊ߫ ߢߣߊߡߦߊ ߘߌ߫ ߞߍ߫ ߥߟߊ߬ߘߊ߬ ߘߌ߫ ߢߣߊߡߊ ߟߎ߬ ߦߋ߫، ߥߊߛߏߟߏ߲߫ ߟߐ߲߫ ߘߊ߫ ߛߊ߬ߦߊ ߣߌ߲߬ ߝߍ߬߸ ߞߵߊ߬ ߟߐ߲߫ ߞߏ߫ ߘߏ߲߬ߛߏ߬ߦߊ ߟߌߟߌ߲ ߘߏ߫ ߦߋ߫ ߥߊߛߏߟߏ߲߫߸ ߡߎ߯ߜߍ߫ ߛߌߦߊߡߊ߲߫ ߕߋ߬ ߘߊ߫߸ ߡߍ߲ ߦߋ߫ ߛߎ߬ߓߊ߬ߓߋ ߕߐ߰ߡߊ߬ߛߙߋ ߘߌ߫.
ߤߊߟߌ߬ߛߊ߫߸ ߘߊ߲߬ߕߍ߰ߟߌ ߦߋ߫ ߞߐߟߊ߫߸ ߞߊ߬ ߝߘߊ߫ ߟߏ߲ߞߊߛߌߦߊ߫ ߞߡߊ߬ߙߊ߬ ߣߌ߫ ߛߌߕߊ߲߬ ߞߊ߬ߓߊ ߟߊ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.