ߕߋ߬ߟߋ߫ ߛߊ߬ߓߊ ߞߐ߸ ߞߵߊ߬ ߓߍ߲߬ ߢߊߡߍ߫ ߛߊ߲ߡߊߘߊ߲ ߣߌ߫ ߣߊ߲߬ߕߌ߰ ߘߊ߮ ߓߋ߬ߒ߬ߞߊ߲߬ߠߌ߲߬ ߞߏ ߡߊ߬߸ ߛߌ߬ߟߡߊ߬ ߝߊߕߐ ߟߎ߬ ߓߘߊ߫ ߖߌ߬ߦߊ ߘߏ߫ ߟߎ߫ ߟߊߖߍ߲ߛߍ߲߫ ߓߟߐߟߐ ߞߊ߲߬߸ ߏ߬ ߡߍ߲ ߘߐ߫ ߊ߬ߟߎ߬ ߟߊ߫ ߓߊ߰ߓߊ߰ߟߌ߬ߟߊ ߟߎ߬ ߦߋ߫ ߡߎߣߎ߲ߡߎߣߎ߲߫ ߞߊ߲߬ ߊ߬ ߣߌ߫ ߡߎ߮ ߕߋ ߟߊ߫ ߛߊ߲ߡߊߘߊ߲ ߣߌ߲߬ ߞߣߐ߫߸ ߡߐ߱ ߦߋ߫ ߓߊ߰ߓߊ߰ߟߌ߬ߟߊ ߡߍ߲߬ ߠߎ߬ ߦߋ߫ ߟߊ߫ ߜߏ߬ߙߏ߲߬ߜߊߙߊ߲ ߠߊ߫߸ ߡߎ߯ߕߋ ߟߎ߬ ߦߴߌߘߐ߫߸ ߖߌ߬ߦߊ߬ ߞߋߟߋ߲߫ ߡߍ߲߬ ߠߎ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߊ߬ߟߎ߬ ߟߊ߫ ߡߊ߬ߙߌ߬ߝߊ߬ ߞߌߛߍ ߟߎ߬ ߛߋ߫ ߘߊ߫ ߟߋ߬ ߛߊ߲ߡߊߞߎߟߎ߲߫ ߞߟߍߟߊ߲ ߘߏ߫ ߡߊ߬߸ ߊ߬ ߣߌ߫ ߞߎߟߎ߲ߞߎߟߎ߲߫ ߞߋߟߋ߲߫߸ ߞߊ߬ ߕߊ ߡߍߣߍ߲߫ ߏ߬ ߟߎ߬ ߟߊ߫߸ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߖߋ߬ߟߌ߬ߓߊ߬ߘߎ߯ ߞߎ߲߬ߠߊ߬ߛߌ߮ ߟߎ߬ ߡߊ߫ ߕߌߢߍߟߌ ߏ߬ ߟߎ߬ ߟߊߕߍ߰ ߊ߬ߟߎ߬ ߟߊ߫ ߘߊ߲߬ߕߍ߰ߟߌ ߞߣߐ߫߸ ߓߋ߬ߒ߬ߞߊ߲߬ߠߌ߲ ߞߍ߫ ߟߏ߲߸ ߊ߬ߟߎ߫ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߕߌߢߍߟߌ ߛߋ߫ ߘߊ߫ ߟߋ߬ ߡߎ߬ߙߊ߲ ߘߏ߫ ߟߎ߫ ߡߊ߬߸ ߞߊ߬ߕߎ߲߯߸ ߕߊ ߥߟߌ߬ ߘߊ߫ ߟߋ߬ ߡߊ߬ߙߌ߬ߝߊ߬ ߞߌ߬ߛߍ߬ ߓߌ߬ߟߊ߬ ߦߙߐ ߟߊ߫.

ߖߋ߬ߟߌ߬ߓߊ߬ߘߎ߯



ߊ߬ ߣߌ߫ ߞߊ߬ ߞߌ߬ߛߍ ߛߋ߫ ߣߊ߲߬ߒߕߊ߲ ߠߎ߬ ߡߊߘߏ߲߬ߠߌ߲ ߛߊ߲ߡߊߞߎߟߎ߲ ߛߊ߬ߓߊ߫ ߡߊ߬߸ ߞߏ߫ ߘߊ߲߬ ߛߌ߰ ߘߊ߫ ߟߋ߬ ߓߊ߰ߓߊ߰ߟߌ߬ߟߊ߫ ߂߀ ߠߊ߫ ߞߏ ߟߊ߫߸ ߊ߬ ߣߌ߫ ߞߊ߬ ߕߍ߮ ߞߍ߫ ߁߁ ߜߘߍ߫ ߘߐ߫߸ ߡߍ߲ ߠߎ߬ ߝߊ߲߬ߓߊ ߦߋ߫ ߖߐߞߌߓߊ߯ߕߐ ߟߎ߬ ߘߌ߫߸ ߖߡߊ߬ߣߊ ߣߊ߲߬ߕߌ߮ ߟߎ߬ ߝߊ߲߭ߝߍ߬߸ ߡߐ߰ ߣߊ߯ߣߌ߲߫ ߠߋ߬ ߟߊ߫ ߖߐߞߟߌߘߊ ߘߐ߯ߡߊ߲߫߸ ߓߊ߬ߙߌ߫߸ ߛߙߋ ߘߏ߫ ߟߎ߫ ߝߣߊ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߣߊ߲߬ߕߌ߮ ߘߏ߫ ߟߎ߫ ߣߌ ߕߏ߫ ߘߊ߫ ߟߋ߬ ߓߋ߬ߒ߬ߞߊ߲߬ߠߌ߲ ߣߌ߲߬ ߘߐ߫߸ ߞߊ߲ߕߌ߮ ߞߟߍ߬ߕߌ߯ ߊߓߑߘߎߘߙߊߤߊߡߊ߯ߣ ߗߊߣߌ߲߬ ߖߍ߬ߘߍ ߕߎ߲߬ ߞߵߊ߬ ߛߋ߲߬ߠߊ߬ߓߐ߫ ߞߊ߬ ߛߋ߫ ߛߊ߲ߡߊߘߊ߲ ߣߌ߲߬ ߠߊ߫ ߓߋ߬ߒ߬ߞߊ߲߬ߠߌ߲ ߘߎ߰ߛߊ߬ߜߍ ߡߊ߬߸ ߊ߬ ߞߵߊ߬ ߞߊ߲߫ ߠߊߛߋ߫ ߖߡߊ߬ߣߊ ߣߊ߲߬ߕߌ߮ ߟߎ߬ ߣߴߊ߬ߟߎ߬ ߞߐߡߊߓߌ߲ߓߌ߲ߓߊ߮ ߟߎ߫ ߡߊ߬ ߙߎ߬ߛߌ߫߸ ߊ߬ߟߎ߬ ߦߋ߫ ߘߏ߫ ߟߴߊ߬ߟߎ߬ ߟߊ߫ ߕߍߛߘߌ ߞߊ߲߬߸ ߞߊ߬ ߓߋ߬ߒ߬ߞߊ߲߬ߠߌ߲ ߡߍ߲߬ ߠߎ߬ ߟߊߘߊ߲߬߸ ߊ߬ ߓߊ߲߫ ߘߊ߫ ߞߊ߬ ߖߙߊ߬ߞߌ߬ߟߌ ߟߊߛߋ߫ ߝߊ߬ߙߊ߲߬ߛߌ߫ ߞߊ߲ߕߌ߮ ߣߌ߫ ߜߋ߲ߞߐ߰ߖߌ߬ߘߊ ߕߊ ߣߌ߫ ߓߋߣߍ߲߫ ߕߊ ߟߎ߫ ߡߊ߬߸ ߞߏ߫ ߊ߬ߟߎ߬ ߦߴߊ߬ ߞߊ߲߬ ߞߊ߬ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߞߐߡߊߓߌ߲ߓߌ߲߫ ߊ߬ߟߎ߬ ߟߊ߫ ߓߊ߯ߙߊ ߟߎ߬ ߟߊ߫߸ ߒ߬ߓߊ߬߸ ߟߊ߬ߛߋ߬ߟߌ ߏ߬ ߟߋ߬ ߞߐ ߘߐ߫߸ ߜߋ߲ߞߐ߰ߖߌ߬ߘߊ ߞߐߞߊ߲ߞߏ ߞߏߕߌ߮ ߞߊ߬ ߖߋ߬ߟߌ߬ߓߊ߬ߘߎ߯ ߟߊ߬ߛߌ߰ߘߋ߲ ߡߍ߲ ߦߋ߫ ߊߓߌߖߊ߲߬߸ ߞߵߏ߬ ߞߟߌ߫߸ ߞߵߊ߬ߟߎ߬ ߟߊ߫ ߣߌߛߐ߲ߜߏߦߊ ߦߌ߬ߘߊߞߊ߬߸ ߊ߬ ߣߌ߫ ߞߊ߬ ߊߓߘߎߘߙߊߡߊ߯ߣ ߗߊߣߌ߲߬ ߠߊ߫ ߖߙߊ߬ߞߌ߬ ߞߊ߲ ߠߎ߬ ߞߐ߲߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.