ߓߋ߬ߒ߬ߞߊ߲߬ߠߌ߲߬ ߜߘߍ߫ ߡߍ߲ ߞߍ߫ ߘߊ߫ ߡߙߊ߬ߒ߬ߡߊ߬ߟߌ߬ߟߊ ߟߎ߬ ߓߟߏ߫ ߖߋ߬ߟߌ߬ߓߊ߬ߟߊ߫ ߞߣߐ߫߸ ߓߊߙߊ߲ߕߏ߲߫ ߥߎߟߋ߲ ߠߊ߫ ߝߐߟߌ߫ ߘߐ߫߸ ߡߐ߰ ߓߌ߫ ߥߐ߯ߙߐ߫ ߣߌ߫ ߥߐߙߐ߲ߝߌ߬ߟߊ߬ ߟߋ߬ ߝߊ߰ ߘߊ߫ ߡߙߊ߬ߒ߬ߡߊ߬ߟߌ ߣߌ߲߬ ߛߋ߲߭ߝߍ߬߸ ߣߌ߲߬ ߞߍ߫ ߘߊ߫ ߥߐߙߐ߫ ߘߎ߱ ߟߋ߬ ߞߣߐ߫߸ ߞߑߥߙߊ߫ ߕߌ߲߬ߞߎߘߎ߲ ߘߐ߫߸ ߕߌ߲߬ߞߎߘߎ߲ ߣߌ߲߬ ߞߎ߲߬ߠߊ߬ߛߌ߰ߟߊ ߣߌ߫ ߕߐ߲߫ ߓߟߏߡߊ ߟߎ߬ ߞߊ߬ ߡߙߊ߬ߒ߬ߡߊ߬ߟߌ ߣߌ߲߬ ߕߎ߬ߢߊ߬ߦߊ ߝߐ߫߸ ߕߌ߲߬ߞߎߘߎ߲ ߘߎ߰ߘߋ߲ ߘߏ߫ ߟߊ߫ ߞߎߡߊ߫ ߘߐ߫ ߞߌ߬ߓߊ߬ߙߏ߬ߘߊ ߘߏ߫ ߦߋ߫߸ ߞߏ߫ ߝߊ߰ߓߊ߰ߕߐ ߘߌ߫ ߡߐ߰ ߄߀ ߢߐ߲߰ ߓߐ߫߸ ߡߐ߰ ߞߋߟߋ߲߫ ߣߌ߲߬ ߠߊ߫ ߝߐߟߌ߫ ߘߐ߫߸ ߡߐ߱ ߘߏ߫ ߟߎ߫ ߝߎ߲ߘߌ߫ ߘߊ߫ ߟߋ߬ ߞߊ߬ ߕߊ߯ ߞߏ߲ߞߏ߫ ߞߣߐߟߊ ߟߎ߬ ߘߐ߫߸ ߝߣߊ߫ ߡߙߊ߬ߒ߬ߡߊ߬ߟߌ߬ߟߊ ߡߍ߲߬ ߠߎ߫ ߞߊ߬ ߕߊ ߛߎ߫ ߟߋ߬ ߟߐ߯ߝߍ ߟߎ߬ ߣߌ߫ ߓߏ߲ ߘߏ߫ ߟߎ߫ ߟߊ߫.

ߘߎ߰ߕߌ߮ ߖߍ߬ߘߍ ߟߊ߫ ߓߏ߲ ߦߴߏ߬ ߘߐ߫߸ ߓߏ߲ߕߌ߯ ߏ߬ ߖߍ߬ߘߍ ߟߌ߬ߤߟߊ߬ ߟߐ߲ߣߍ߲߫ ߕߍ߫ ߡߙߊ߬ߒ߬ߡߊ߬ߟߌ ߟߎ߬ ߞߐ ߘߐ߫ ߝߟߐ߫߸ ߊ߬ ߘߏ߲߬ ߞߑߥߙߊ߫ ߡߊ߬ߙߊ ߘߐ߫߸ ߡߙߊ߬ߡߊ߬ߟߌ߬ߟߊ ߡߍ߲ ߠߎ߬ ߦߋ߫ ߞߟߌߟߌ߫ ߟߊ߫ ߦߋ߲߬ ߞߏ߫ ߕߋ߰ߙߋ ߟߎ߬߸ ߏ߬ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߟߞߊߟߌߡߊ߲߫ ߓߊ-ߟߋ߬ ߞߵߊ߬ ߢߍߛߌ߲߫ ߘߎ߰ߘߋ߲ ߠߎ߫ ߡߊ߬߸ ߦߏ߫ ߝߊ߰ߟߌ ߟߎ߬ ߣߌ߫ ߘߌߦߊߜߏߦߊ߫ ߡߌߣߊߟߌ ߟߎ߬߸ ߟߊ߬ߞߊ߲߬ߘߊ߬ߟߌ߬ߓߊߟߌߦߊ ߞߏߛߐ߲߬߸ ߕߌ߲߬ߞߎߘߎ߲ ߣߌ߲߬ ߞߎ߲߬ߠߊ߬ߛߌ߰ߟߊ ߕߎ߲߬ ߓߘߊ߫ ߛߏ߫ ߞߣߐ߫ ߛߌ߯ߟߌ ߞߍ߫ ߡߐ߱ ߟߎ߬ ߞߊ߲߬ ߘߌߦߊߜߏߦߊ ߘߌ߫߸ ߊ߬ ߣߌ߫ ߞߊ߬ ߞߊ߬ߙߊ߲߬ߕߊ ߘߏ߫ ߟߎ߫ ߘߊߕߎ߲߫߸ ߏ߬ ߡߍ߲ ߠߎ߬ ߕߘߍ߬ ߓߘߊ߫ ߘߟߊߞߊ߬ ߞߐ߬ߓߊ߬ߟߏ߲ ߕߊ߬ߡߌ߲߬ߣߍ߲ ߞߏ߲ߞߏߜߍ ߕߋ߬ߟߋ߫ ߂ ߡߊ߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.