ߓߋߣߎ߳ߦߋ߫ ߡߊ߬ߙߊ ߞߣߐ߫߸ ߡߐ߰ ߃߀ ߢߐ߲߰ ߠߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߓߋ߬ߒ߬ߞߊ߲߬ߠߌ߲ ߘߏ߫ ߛߊߓߎ߫ ߟߊ߫߸ ߊ߬ ߣߌ߫ ߞߊ߬ ߞߏ߫ ߟߊߛߋ߫ ߛߌߦߊߡߊ߲߫ ߜߘߍ߫ ߟߎ߫ ߡߊ߬߸ ߓߋ߬ߒ߬ߞߊ߲߬ߠߌ߲߬ ߟߊߓߊ߲ ߣߌ߲߬ ߞߍ߫ ߘߊ߫ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߞߑߥߊ߲ߘߋ߫ ߡߙߊ߬ߓߟߏ ߞߣߐ߫߸ ߞߵߊ߬ ߛߐ߬ߘߐ߲߬ ߘߎ߰ߘߋ߲ ߠߎ߬ ߦߋ߫ ߟߐ߯ ߞߣߐ߫، ߓߋߣߎ߳ߦߋ߫߫ ߞߊ߬ߝߏ߬ ߞߎ߲ߕߌ߮ ߟߋ߬ ߣߐ߬ ߦߋ߫ ߟߊ߬ߛߋ߬ߟߌ ߣߌ߲߬ ߞߍ߫ ߟߊ߫߸ ߊ߬ ߟߊ߫ ߞߎߡߊ߫ ߘߐ߫߸ ߡߎ߬ߙߊ߲߬ ߛߌߦߊߡߊ߲߫ ߠߋ߬ ߕߌߢߍ߫ ߘߊ߫߸ ߊ߬ ߣߌ߫ ߞߊ߬ ߡߐ߰ ߛߌߦߊߡߊ߲߫ ߠߎ߫ ߕߎߣߎ߲߫، ߊ߲ ߠߊ߫ ߟߌ߬ߤߟߊ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߛߌߟߊ߲ ߣߌ߫ ߞߣߐ߬ߘߐ߬ߝߟߌ ߟߋ߬ ߞߍߣߍ߲߫ ߕߋ߲߬ ߞߊ߬ ߘߎ߰ߘߋ߲ ߠߎ߫ ߟߐ߬ ߢߊߣߌ߲ߡߊߓߏߙߌ ߟߊ߫߸ ߊ߬ ߘߏ߲߬߸ ߞߏߢߊ ߣߌ߲߬ ߞߍ߫ ߘߊ߫ ߕߟߋ߬ߘߐ߬ߝߊ߲ ߠߋ߬ ߝߍ߬߸ ߡߙߊ߬ߡߊ߬ߟߌ߬ߟߊ ߟߎ߬ ߣߊ߬ ߘߊ߫ ߟߋ߬ ߞߊ߬ ߊ߲ߜ߭ߏߛ ߟߐ߯ߝߍ ߟߊߡߌߣߌ߲߫߸ ߏ߬ ߞߐ߫ ߞߊ߬ ߡߎ߮ ߝߍߙߍ߲ߕߍ߫ ߘߊߡߌ߬ߣߊ߫ ߘߎ߰ߘߋ߲ ߠߎ߫ ߞߊ߲߬߸ ߞߊ߬ ߝߎ߲ߞߎ߲߫ ߘߊ ߞߊߘߌ ߞߍ߫߸ ߊ߬ ߣߌ߫ ߞߊ߬ ߕߊ ߛߎ߫ ߦߙߐ ߘߏ߫ ߟߎ߫ ߟߊ߫߸ ߊ߬ ߘߏ߲߬߸ ߟߌ߬ߤߟߊ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߡߐ߰ ߁߃ ߟߋ߬ ߝߊ߰ ߘߊ߫ ߦߙߐ߫ ߞߎ߲ߞߎߘߎ߲߫ ߏ߬ ߘߐ߫ ߌߞߘߐ߫߸ ߊ߬ ߣߌ߫ ߞߊ߬ ߛߌߦߊߡߊ߲߫ ߜߘߍ߫ ߟߎ߫ ߖߐߞߌ߫߸ ߞߊ߬ߝߏ߬ ߞߎ߲ߕߌ߮ ߟߎ߬ ߞߏ߬ߣߌ߲ ߦߋ߫ ߢߊߢߌߣߌ߲ߠߌ߲ ߘߏ߫ ߟߎ߫ ߞߊ߲߬߸ ߡߊ߬ߝߊ ߘߌ߫ ߛߋ߫ ߘߏ߲߬ ߠߊ߫ ߢߊ߫ ߢߍ߲ ߡߊ߬߸ ߊ߬ ߣߌ߫ ߞߊ߬ ߝߍ߬ߙߍ߫ ߛߐ߬ߘߐ߲߫ ߟߊ߬ߞߊ߲߬ߘߊ߬ߟߌ ߟߎ߬ ߡߊ߬߸ ߊ߬ ߘߏ߲߬߸ ߞߊ߬ ߞߐ߲߰ ߣߌ߲߬ ߢߍ߫߸ ߡߙߊ߬ߡߊ߬ߟߌ߬ߟߊ ߟߎ߬ ߞߊ߬ ߡߙߊ߬ߡߊ߬ߟߌ ߘߏ߫ ߞߍ߫ ߟߋ߬ ߞߐ߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߓߊߦߌߜ߭ߐߙ ߟߐ߯ ߞߣߐ߫߸ ߞߐ߲ߘߋ߫ ߡߊ߬ߙߊ ߘߐ߫߸ ߡߙߊ߬ߡߊ߬ߟߌ ߏ߬ ߛߋ߲߭ߝߍ߬߸ ߡߐ߰ ߁߇ ߟߋ߬ ߓߐ߬ߣߐ߫ ߘߴߊ߬ ߣߌ ߘߐ߫߸ ߕߐ߲߫ ߓߟߏߡߊ߫ ߞߋߟߋ߲߫ ߠߋ߫ ߦߴߏ߬ ߘߐ߫߸ ߦߏ߫ ߛߙߋ ߟߎ߬ ߦߴߊ߬ ߦߌ߬ߘߊ߬ ߟߊ߫ ߢߊ߫ ߡߍ߲ ߡߊ߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.