ߖߌ߬ߣߍ߫ ߓߌ߬ߛߏ߫ ߝߊ߬ߛߏ߬ߘߋ߲߬ ߢߍߡߌߘߊ ߝ߭ߌߞߊߙ ߟߎߥߌߛ ߓߊߟߊ߲ߕߊ߫ ߛߎ߭ ߦߋ߫ ߘߊ߫ ߞߎߣߎ߲߬ ߞߎߣߎ߲ߟߏ߲ ߂߀߂߆ ߞߏ߲ߞߏߘߓߌ߫ ߕߟߋ߬ ߁ ߟߋ ߡߊ߬، ߡߊ߬ߟߏ߬ ߝߘߏ ߘߏ߫ ߘߊߝߍ߬߸ ߞߎߘߍ߫ ߃߀ ߢߐ߲߰ ߠߋ߬ ߦߋ߫ ߏ߬ ߣߌ߫ ߓߌ߬ߛߊ߬ߥߏ߫ ߕߍ߫، ߞߙߎߞߊ ߡߍ߲ ߕߐ߯ ߦߋ߫ « ߔߏߛ ߘߋ߫ ߕߋߙߊ߫ » ߊ߬ ߕߘߍ߬ ߦߋ߫ ߏ߬ ߢߍߡߐ߯ߦߊ ߟߋ߬ ߟߊ߫߸ ߊ߬ ߘߏ߲߬ ߠߊ߫ ߞߏߟߊߘߍ ߣߌ߲߬ ߡߊߟߐ߲ߣߍ߲߫ ߕߘߍ߬ ߦߋ߫ ߝߊ߲߬ߞߊ߬ ߡߊߞߕߌ߫ ߘߐ߫ ߞߏߛߓߍ߫، ߊ߬ ߛߎ߭ ߦߋߣߍ߲߫ ߞߐ ߘߐ߫߸ ߞߎ߲߬ߠߊ߬ߛߌ߮ ߟߎ߬ ߝߣߊ߫ ߓߘߊ߫ ߖߘߍ߬ ߦߋ߫ ߞߎߡߊߛߏ ߟߎ߬ ߓߍ߯ ߘߊߕߎ߲߯ ߞߏ߫ ߊ߬ߟߎ߬ ߡߴߊ߬ߟߎ߬ ߟߊ߫ ߞߎߡߊߛߏ ߟߎ߬ ߖߡߊ߬ߙߌ߬ߦߊ߬ ߛߓߍ ߛߙߊ߬.


ߛߍ߯ߛߍ߯ߟߌ߫ ߞߎ߲߬ߝߟߐ ߡߍ߲ ߠߎ߬ ߞߍ߫ ߘߊ߫ ߛߎ߭ ߟߊ߫ ߞߏ ߞߊ߲߬߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߣߌߖߎ߯ߦߊ߫ ߞߏ ߟߎ߬ ߟߋ߬ ߟߴߊ߬ ߘߴߊ߬ ߞߊ߲߬߸ « ߡߙߎ߬ߣߐ » ߟߎ߬ ߦߋ߫ ߘߊ߫ ߟߋ߬ ߝ߭ߌߞߊߙ ߟߎߥߌߛ ߓߊߟߊ߲ߕߊ߫ ߝߊ߬ߘߌ ߡߊ߬߸ ߓߌ߬ߛߊ߬ߥߏ߫ ߞߣߐ߫߸ ߡߐ߰ߦߊ ߤߊߞߍ߫ ߡߞߊߘߊ߲ߠߊ ߟߎ߬ ߟߊ߫ ߘߍ߰ߘߊ ߞߊ߬ ߟߊ߬ߛߌ߰ߟߌ ߘߏ߫ ߟߋ߬ ߞߍ߫߸ ߏ߬ ߡߍ߲ ߞߣߍ ߞߊ߲߬߸ ߢߍߡߐ߯ ߊߓߎߓߊߞߊߙ ߕߎ߬ߙߋ ߞߵߊ߬ ߦߌ߬ߘߊ߬ ߞߏ߫ « ߝ߭ߌߞߊߙ ߟߎߥߌߛ ߓߊߟߊ߲ߕߊ߫ ߠߊ߫ ߝߊ߰ߟߌ߬ ߞߏ߫ ߞߎߡߊ ߣߌ߲߬ ߠߋ߫ ߘߊ߲ߕߌߢߍߟߌ߫ ߞߎߡߊ߫ ߟߊߓߌ߬ߟߊ߬ߣߍ߲ ߠߋ߬ ߘߌ߫، ߏ߬ ߘߐ߫߸ ߊ߬ ߞߵߊ߬ ߟߊߢߌߣߌ߲߫ ߞߏ߫ ߖߌ߬ߣߍ߫ ߖߌ߬ߛߊ߬ߥߏ߫ ߞߎ߲߬ߠߊ߬ߛߌ߮ ߟߎ߬ ߦߋ߫ ߕߎ߬ߢߊ ߝߐ߫، ߊ߬ ߣߌ߫ ߞߊ߬ ߢߊߢߌߣߌ߲ߠߌ߲߫ ߞߍ߫ ߞߊ߬ ߓߟߏ߫ ߟߊ߫ ߞߏߖߎ߯ ߞߍߟߊ ߟߎ߬ ߘߐ߫߸ ߞߵߊ߬ߟߎ߬ ߞߕߌ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.