ߖߌ߬ߣߍ߫ ߟߊ߬ߛߌ߰ߘߊ ߡߍ߲ ߦߋ߫ ߙߏߡߎ߲߬ ߖߡߊ߬ߣߊ ߞߣߐߟߊ ߘߐ߫߸ ߏ߬ ߟߎ߫ ߟߋ߬ ߣߐ߬ ߟߊ߬ߛߋ߬ߟߌ߬ ߛߓߍ ߘߏ߫ ߟߊߖߍ߲ߛߍ߲߫ ߠߴߊ߬ߟߎ߬ ߟߊ߫ ߞߐߜߍ ߞߊ߲߬ ߓߌ߬ ߞߏ߲ߞߏߜߍ ߕߋ߬ߟߋ߫ ߂߈ ߣߌ߲߬ ߡߊ߬ ߂߀߂߆ ߞߵߊ߬ ߦߌ߬ߘߊ߬ ߞߏ߫߸ ߞߎ߲߬ߠߊ߬ߝߎߟߋ߲ ߡߍ߲ ߦߋ߫ ߝߌߙߌ߲ߝߌߙߌ߲߫ ߞߊ߲߬ ߘߍ߬ߞߙߏߝߏ ߟߎ߫ ߞߊ߲߬ ߞߵߊ߬ ߓߍ߲߬ ߖߌ߬ߣߍ߬ߞߊ߬ ߓߐߓߊ߯ߕߐ ߟߎ߬ ߟߊߛߊ߬ߦߌ߲߫ ߡߊ߬ ߖߌ߬ߣߍ߬ ߞߣߐ߫  ߝߏ߬ߝߏ߫ ߟߋ߬ ߡߍ߲ ߣߌ߫ ߕߎ߬ߢߊ ߡߊ߫ ߛߌ߰ ߓߏ߲߫ ߞߋߟߋ߲߫ ߠߊ߫ ߟߊ߬ߛߌ߰ߘߊ ߣߌ߲߬ ߦߋ߫ ߡߊ߬ߝߌ߲߬ߞߊ߲߬ߠߊ ߣߌ߲߬ ߞߐ߲߫ ߠߊ߫ ߟߋ߬ ߞߏߛߓߍ߫߸ ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߞߏ߫ ߝߏ߬ߝߏ ߟߋ߬ ߘߐߙߐ߲߫ ߦߋ߫߸ ߕߎ߬ߢߊ߫ ߞߌ߬ߛߍ߬ ߞߋߟߋ߲ ߕߍ߫ ߡߍ߲ ߘߐ߫

ߟߊ߬ߛߌ߰ߘߊ ߣߌ߲߬ ߦߵߊ߬ ߦߌ߬ߘߊ߬ ߟߊ߫ ߞߏ߫: << ߥߎ߬ߣߎ߲߬ߥߎ߬ߣߎ߲߬ߞߊ߲ ߢߌ߲߬ ߠߎ߬ ߦߋ߫ ߞߐߞߊ߲ߞߏ ߟߎ߬ ߞߏߕߌ߮، ߞߏ߲߬ߓߏ߫ ߡߏ߬ߙߌ߫ ߛߊ߲ߘߊ߫ ߞߎߦߊߕߍ߫ ߟߋ߬ ߡߊߣߐ߯ ߓߟߏߡߊ߬ ߕߎ߲߫>>
ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬߸ ߟߊ߬ߛߌ߰ߘߊ ߞߵߊ߬ ߦߌ߬ߘߊ߬ ߞߵߊ߬ ߓߐ߭ ߘߐߘߐ߲߬ ߞߏ߫: <<  ߞߏߕߌ߮ ߦߋ߫ ߓߊ߯ߙߊ ߟߋ߬ ߞߊ߲߬ ߖߌ߬ߣߍ߬ߞߊ ߡߍ߲ ߠߎ߬ ߦߋ߫ ߛߌ߱ ߘߐ߫ ߖߡߊ߬ߣߊ߬ ߜߘߍ߫ ߟߎ߬ ߘߐ߫ ߞߵߊ߬ߟߎ߬ ߟߊߕߊ߲߬ߞߊ߫ ߊ߬ ߣߌ߫ ߞߊ߬ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ ߟߊ߫ ߓߘߍ߬ߓߘߍ߬ߟߌ ߟߎ߬ ߓߟߏߦߊ߫ >>
ߊ߬ ߞߵߊ߬ ߦߌ߬ߘߊ߬ ߌߞߐ߫ ߞߏ߫ ߊ߬ߟߎ߬ ߟߊ߫ ߟߊߒߠߦߊ ߦߴߊ߬ ߘߐ߫ ߊ߬ ߘߏ߲߬ ߦߴߊ߬ ߞߊ߲߬ ߞߵߊ߬ ߟߊ߫ ߓߊ߯ߙߊ߫ ߞߐߡߊߓߌ߲ߓߌ߲߫.

ߊ߬ߟߎ ߞߵߊ߬ ߦߌ߬ߘߊ߬ ߟߊ߬ߛߋ߬ߟߌ߫ ߣߌ߲߬ ߞߎ߲߬ߘߏ߲ ߘߐ߫ ߛߊ߫ ߞߏ߫߸ ߊ߬ߟߎ߬ ߦߴߊ߬ ߢߌߣߌ߲߫ ߠߊ߫ ߖߌ߬ߣߍ߬ߞߊ ߟߎ߬ ߓߍ߯ ߟߊߘߍ߬ߣߍ߲ ߝߍ߬ ߊ߬ߟߎ߬ ߦߴߊ߬ߟߎ߬ ߡߝߊ߫ ߞߊ߬ ߓߊ߲߫ ߞߏ߫ ߟߊ߬ߛߌ߰ߘߊ ߛߌ߲߬ߝߏ߲ ߡߍ߲ ߠߎ߬ ߘߐ߱ߘߏ߲߬ߣߍ߲ ߟߌ߬ߤߟߊ߬ ߞߏ߫ ߘߐ߫߸ ߊ߬ߟߎ߬ ߦߋ߫ ߕߴߏ߬ ߟߎ߬ ߞߐ߫ ߟߌ߬ߤߟߊ߬ ߖߐ߲߬ߖߐ߲߬ ߞߏ߫ ߘߐ߫.

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫ ߞߌ߲ߘߌߦߊ߫