ߛߙߊ߬ߟߏ߲߫ ߞߎ߲߬ߠߊ߬ߛߌ߮ ߓߘߴߊ߬ ߟߊߛߋ߫ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߏ߫ <<ߛߙߊ߬ߟߏ߲߬ߞߊ߫ ߡߐ߰ ߉߄߂ ߓߘߊ߫ ߛߋ߫ ߞߊ߲߬ߓߌ߬ߦߊ߫ ߕߐ߲ߓߟߏߡߊ ߟߎ߬ ߡߊߞߍ߫ ߦߌߟߊ ߘߐ߫߸ ߘߋ߲ߣߍ߲ ߠߎ߬ ߣߌ߫ ߡߏ߬ߛߏ ߟߎ߬ ߦߋ߫ ߡߍ߲ ߠߎ߬ ߦߙߌߞߊ ߘߐ߫.>> ߊ߬ߟߎ߬ ߟߊߞߐߛߊ߬ߦߌ߲߬ߣߍ߲߫ ߖߌ߬ߣߍ߫ ߖߡߊ߬ߣߊ ߟߋ߬ ߓߟߏ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߘߐ߬ߛߙߋ ߟߎ߬ ߖߐ߲ߝߐ߲ ߘߌ߫.

ߛߙߊ߬ߟߏ߲߫ ߞߎ߲߬ߠߊ߬ߛߌ߮ ߟߊ߫ ߝߐߟߌ߫ ߘߐ߫߸ ߞߏ߫ <<ߊ߬ߟߎ߬ ߟߊߟߐ߲ߠߌ߲߫ ߘߊ߫ ߖߌ߬ߣߍ߫ ߝߊ߰ߡߊ ߟߎ߬ ߓߟߏ߫߸ ߞߏ߫ ߊ߬ߟߎ߬ ߦߋ߫ ߦߙߍߞߍߟߌ ߘߏ߫ ߞߊ߲߬߸ ߡߍ߲ ߠߎ߬ ߡߊߞߍߣߍ߲߫ ߖߡߊ߬ߣߊ ߞߣߐ߫ ߢߊߖߎ߯ ߡߊ߬߸ ߣߴߊ߬ߟߎ߬ ߡߊߟߐ߲ߣߍ߲߫ ߕߍ߫ ߞߊ߬ ߢߊ߬߸ ߊ߬ߟߎ߬ ߟߊ߫ ߘߐ߬ߛߙߋ߬ ߞߏ ߕߍ߫ ߞߊ߬ߟߊ߫ ߞߊ߲߬߸ ߞߵߏ߬ ߟߎ߬ ߟߊߞߐߛߊ߬ߦߌ߲߫ ߊ߬ߟߎ߬ ߓߘߊ، ߟߏ߲ߟߊ߲߫ ߛߌ߫ ߣߴߊ߬ ߦߋ߫ ߖߡߊ߬ߣߊ ߞߣߐ߫ ߛߊ߬ߙߌ߬ߦߊ߬ ߞߊ߲ߞߕߐߡߊ߬߸ ߏ߬ ߓߍ߯ ߟߋ߬ ߞߏ߫ ߦߋ߫، ߒ߬ߓߊ߬߸ ߦߙߍߞߍߟߌ ߏ߬ ߟߋ ߛߌ߰ ߘߊ߫ ߛߋ߲߬ߠߊ߫ ߂߀߂߆ ߕߙߊߓߊ ߕߋ߬ߟߋ߫ ߂߃ ߡߊ߬߸ ߓߎߟߑߓߌߣߍ߫ ߘߊ߲ߞߊ߲ ߠߊ߫ ߞߐߣߊߞߙߌ߫߸ ߛߙߊ߬ߟߏ߲߬ߞߊ ߥߙߍߓߊߓߊ ߟߋ߬ ߡߌ߬ߣߊ߬ ߘߊ߫ ߦߋ߲߬߸ ߛߓߍ߫ ߖߐ߲ߖߐ߲߫ ߕߍ߫ ߡߍ߲ ߠߎ߬ ߟߊ߫، ߢߊߢߌߣߌ߲ߠߌ߲ ߞߐ ߘߐ߫߸ ߡߍ߲ ߠߎ߬ ߟߊ߫ ߛߓߍ߫ ߞߏ ߢߊߓߐߣߍ߲߫߸ ߓߟߏߓߐ߫ ߘߊ߫ ߏ߬ ߟߎ߬ ߘߐ߫߸ ߡߍ߲ ߠߎ߬ ߕߊ ߕߍ߫ ߞߊ߬ߟߊ߫ ߞߊ߲߬ ߛߊ߫߸ ߏ߬ ߟߎ߫ ߟߋ߬ ߟߊߞߐߛߊ߬ߦߌ߲߬ ߘߊ߫ ߛߙߊ߬ߟߏ߲߫ ߖߡߊ߬ߣߊ ߞߊ߲߬.>> ߊ߬ߟߎ߬ ߟߊ߫ ߞߎ߲߬ߠߊ߬ߛߌ߮ ߟߋ߬ ߞߊ߲߫ ߕߋ߲߬.

ߊ߬ߟߎ߫ ߞߵߊ߬ ߟߊ߫ ߞߎߡߊ ߞߊ߲߬߸ ߞߏ߫ <<ߛߙߊ߬ߟߏ߲߫ ߞߎ߲߬ߠߊ߬ߛߌ߮ ߟߊ߫ ߟߊ߬ߛߌ߰ߘߋ߲ ߡߍ߲ ߦߋ߫ ߞߐߣߊߞߙߌ߫߸ ߏ߬ ߓߘߊ߫ ߞߎߡߊ ߘߊߡߌ߬ߣߊ߫ ߖߌ߬ߣߍ߫ ߝߊ߰ߡߊ ߟߎ߫ ߝߍ߬߸ ߖߐ߲߰ߛߊ߫ ߞߏ ߟߎ߬ ߘߌ߫ ߘߐߢߌߡߌ߲߫ ߖߌ߫ ߢߡߊߟߐ߬ߣߍ߲߬ ߞߘߐ߫ ߡߐ߰ߦߊ ߛߌߟߊ ߞߊ߲߬߸ ߊ߬ ߣߌ߫ ߛߊ߬ߙߌ߬ߦߊ ߡߊߓߏ߲߬ߧߊ ߣߌ߫ ߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߟߊ߲߬ߓߋ ߡߊߓߏ߲߬ߧߊ ߞߊ߬ߘߊ߲ ߞߣߐ߫.>> ߊ߬ߟߎ߫ ߞߵߏ߬ ߟߋ ߝߊ߬ߙߴߊ߬ߟߎ߬ ߟߊ߫ ߞߎߡߊ ߞߊ߲߬.

ߦߊ߬ߣߴߊ߬ߟߎ߬ ߦߋ߫ ߘߏ߲߬ ߛߙߊ߬ߟߏ߲߬߸ ߊ߬ߟߎ߬ ߡߍ߲߫ ߘߊ߫ ߓߊߟߋ߬ ߔߊ߬ߡߋ߬ߟߊߔߎ߬߸ ߞߵߏ߬ ߞߎ߲߭ ߞߍ߫ ߢߊ߬ߢߌ߬ߣߌ߲߬ߠߌ߲ ߠߎ߬ ߘߌ߫ ߛߙߊ߬ߟߏ߲߫ ߞߎ߲߬ߠߊ߬ߛߌ߮ ߓߟߏ߫ ߡߎߣߎ߲߬߸ ߦߴߊ߬ߣߴߊ߬ߟߎ߬ ߦߋ߫ ߖߊ߬ߡߊߙߌ ߘߌ߫، ߛߙߋ ߘߏ߫ ߢߌ߬ߣߌ߲߬ߞߊ߬ ߘߊ߫ ߛߙߊ߬ߟߏ߲߬ߞߊ߬ ߟߊߓߐߓߊ߯ߕߐ ߢߌ߲߬ ߠߎ߬ ߘߐ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ <<ߊ߲ ߧߴߊ߲ ߠߊ߫ ߞߏ ߟߎ߬ ߞߍ߫ ߟߴߊ߬ ߢߌ߬ߡߊ ߟߊ߫ ߦߊ߲߬߸ ߞߵߊ߲ ߠߊ߫ ߓߊ߯ߙߊ ߟߎ߬ ߞߍ߫߸ ߖߎ߯ߡߊ߲߫ ߛߌ߫ ߕߴߊ߲ ߝߍ߬، ߓߊ߬ߙߌ߬ ߥߊ߯ߕߌ ߢߌ߲߬ ߠߊ߫߸ ߊ߬ߟߎ߬ ߦߴߊ߲ ߖߊ߬ߕߋ߬ ߟߊ߫ ߡߐ߰ ߞߏߙߏ߲߫ ߕߌߢߍߟߌߟߊ ߟߎ߫ ߟߋ߬ ߘߌ߫.>>

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.