ߟߊ߱ߖߌ߬ ߞߊ߬ߙߊ߲߬ߡߐ߮ ߖߊߥߙߊ߫ ߡߍ߲ ߦߋ߫ ߖߌ߬ߣߍ߬ ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߮ ߘߌ߫߸ ߏ߬ ߓߘߴߊ߬ ߟߊߛߋ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߆ ߕߙߊߓߊ ߕߟߋ߬ ߁߈߸ ߞߏ߫ ߖߌ߬ߣߍ߬ ߞߊ߫ ߞߊ߲߫ ߞߊ߬ ߛߎ߲ߞߊߙߏ߫ ߛߊߟߌ ߞߍ߫ ߕߙߊߓߊ ߕߋ߬ߟߋ߫ ߂߀ ߠߋ߬ ߡߊ߬.

ߟߊ߬ߛߋ߬ߟߌ ߣߌ߲߬ ߞߍߣߍ߲߫ ߟߊ߬ߞߙߐ߬ߛߌ߬ߟߌ ߞߐ ߟߋ߬ ߘߐ߫߸ ߞߊߙߏ߫ ߢߌߣߌ߲ ߥߛߊ߬ߓߊ߰ߦߊ ߡߍ߲ ߠߊߘߊ߲ߣߍ߲߫߸ ߏ߬ ߟߎ߬ ߟߊ߫ ߢߌߣߌ߲ߠߌ߲ ߞߐߝߟߌ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ߟߎ߬ ߡߊ߫ ߞߊߙߏ ߦߋ߫ ߖߡߊ߬ߣߊ ߝߊ߲߬ ߛߌ߫ ߘߐ߫، ߒ߬ߓߊ߬߸ ߖߌ߬ߣߍ߫ ߛߌ߬ߟߊ߬ߡߊ ߟߎ߬ ߟߊ߫ ߢߌ߬ߣߊ߲߬ ߛߎ߲ߞߊߙߏ ߓߍߣߊ߬ ߘߝߊ߫ ߕߟߋ߬ ߃߀ ߟߊ߫ ߟߋ߬ ߝߛߊߦߌ߫.

ߖߡߊ߬ߣߊ߬ ߛߌߦߊߡߊ߲߫ ߝߣߊ߫ ߓߍ߫߸ ߦߏ߫ ߛߎ߰ߘߎ߬ߟߊ߫߸ ߌߙߊߞ߸ ߔߊߟߍߛߑߕߌߣߌ߲߬߸ ߝߊ߬ߙߊ߲߬ߛߌ߫߸ ߞߵߏ߬ ߟߊ߫ ߞߕߊߙ ߞߊ߲߬߸ ߊ߬ ߣߌ߫ ߛߌߦߊߡߊ߲߫ ߜߘߍ߫ ߟߎ߫߸ ߏ߬ ߟߎ߬ ߓߍ߯ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ߟߎ߬ ߛߊߟߌߕߐ߫ ߕߙߊߓߊ ߕߋ߬ߟߋ߫ ߂߀ ߠߋ߬ ߡߊ߬߸ ߏ߬ ߡߍ߲ ߓߍ߲߬ߕߐ߫ ߛߌ߬ߣߌ߲߬ߟߏ߲ ߡߊ߬، ߏ߬ ߛߌ߬ߣߊ ߘߐ߫߸ ߖߡߊ߬ߣߊ ߘߏ߫ ߟߎ߫ ߞߊ߬ ߞߊߙߏ ߦߋ߫߸ ߏ߬ ߟߎ߬ ߓߍߣߊ߬ ߛߊߟߌ߫ ߛߌߣߌ߲߫ ߓߌߟߏ߲߫ ߡߊ߬߸ ߦߏ߫ ߖߋ߬ߟߌ߬ߓߊ߬ߟߊ߫߸ ߡߊ߬ߟߌ߸ ߏ߬ ߟߎ߬ ߟߊ߫ ߛߊߟߌ ߟߋ߬ ߕߙߊߓߊ ߕߟߋ߬ ߁߉ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.