ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߆ ߕߙߊߓߊ ߕߟߋ߬ ߁߆߸ ߖߡߊ߬ߣߊ߫ ߛߊ߬ߓߊ߫ ߟߋ߬ ߞߊ߬ ߢߐ߲߯ߓߍ߲߬ ߟߊ߬ߘߍ ߘߏ߫ ߘߐ߫ ߞߎߓߋ߫ ߡߏ߬ߤߊ߬ߡߍ߬ߘ ߅߲ ߞߣߐ߫ ߞߐߣߊߞߙߌ߫، ߏ߬ ߞߍ߫ ߘߊ߫ ߟߊ߬ߘߍ߬ߓߊ߫ ߟߋ߬ ߘߌ߫ ߞߊ߬ ߓߍ߲߬ ߓߐߕߏ߲߫ ߞߏ߫ ߥߦߐ ߘߏ߫ ߡߊ߬ ߖߌ߬ߣߍ߬ ߣߴߊ߬ ߛߌ߰ߢߐ߲߰ ߖߡߊߣߊ߫ ߛߙߊ߬ߟߏ߲߬ ߣߌ߫ ߟߊߓߙߌߦߊ߫ ߖߡߊ߬ߣߊ ߕߍ߫، ߏ߬ ߟߋ ߞߍ߫ ߘߊ߫ ߢߐ߲߯ߓߍ߲ ߣߌ߲߬ ߞߎ߲߭ ߘߌ߫߸ ߛߴߊ߬ߟߎ߬ ߘߌ߫ ߓߍ߲߬ ߞߋߟߋ߲߫ ߘߐ߫߸ ߞߊ߬ ߓߊ߯ߙߊߢߐ߲߯ߦߊ ߣߌ߫ ߖߛߎ߬ߛߎߡߊ ߛߌ߲ߛߌ߲߫ ߡߊߣߏ߫ ߓߊ ߕߍ߫ ߖߡߊߣߊ ߟߎ߬ ߣߌ߫ ߢߐ߲߯ ߕߍ߫.

ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߞߎ߲߬ߠߊ߬ߛߌ߰ߟߌ ߞߣߐߡߊ߬߸ ߡߐ߰ߓߊ߬ ߛߌߦߊߡߊ߲߫ ߕߘߍ߬ ߡߍ߲ ߞߣߍ ߞߊ߲߬߸ ߏ߬ ߘߏ߫ ߟߋ߬ ߖ߭ߏ߬ߗ߭ߍߝ ߢߎ߬ߡߊ ߓߏߥߊߞߍ߫ ߘߌ߫߸ ߟߊߓߙߌߦߊ߫ ߞߊ߲ߓߍ߲ ߞߊ߲ߕߌ߮߸ ߊ߬ ߣߌ߫ ߗ߭ߎ߳ߟߌߛ ߡߊ߯ߘߊ߫ ߓߌߦߏ߫߸ ߛߙߊ߬ߟߏ߲߬ ߞߊ߲ߓߍ߲ ߞߊ߲ߕߌ߮߸ ߞߵߏ߬ ߟߊ߫ ߜߋ߲ߞߐ߰ߖߌ߬ߘߊ ߞߐߞߊ߲ߞߏ ߟߎ߬ ߞߏߕߌ߮ ߞߊ߲߬߸ ߓߐ߬ߟߐ߲߬ߞߊ߫ ߢߊ߰ߟߋ߲߫ ߞߊ߬ߓߊ߸ ߏ߬ ߞߋߟߦߊ߫ ߘߊ߫ ߜߋ߲ߞߐ߰ߖߌ߬ߘߊ ߞߊ߲ߓߍ߲ ߞߊ߲ߕߌ߮ ߊߟߛߊߣ ߘߙߊ߬ߡߊߣ ߥߊߕߙߊ߫ ߟߋ߬ ߓߟߏ߫߸ ߞߊ߬ ߣߊ߬ ߞߍ߫ ߛߙߋ߫ ߖߡߊߣߊ ߘߌ߫ ߟߊ߬ߘߍ߬ ߘߊߞߎ߲ ߘߐ߫.

ߊ߬ߟߎ߬ ߟߊ߫ ߞߎߡߊߢߐ߲߯ߦߊ ߟߎ߬ ߞߣߐ߫߸ ߞߊ߲ߕߌ߮ ߢߌ߲߬ ߠߎ߫ ߞߵߊ߬ߟߎ߬ ߢߊ ߡߊߖߌ߰ ߝߐߢߐ߲߯ߞߐ߫ ߦߙߐ ߟߎ߬ ߞߘߐ߫߸ ߞߊ߬ ߦߙߐ߫ ߓߎ߬ߘߎ߲߬ߣߍ߲ ߠߎ߬ ߡߊߝߟߍ߫ ߓߐߕߏ߲߫ ߝߊ߲ߝߍߟߊ ߢߌ߲߬ ߠߎ߬ ߘߐ߫߸ ߊ߬ ߣߌ߫ ߖߡߊ߬ߣߊ ߢߌ߲߬ ߠߎ߫ ߖߡߊ߬ߣߊ߬ߘߋ߲ ߠߎ߬ ߣߌߘߐߞߏ ߦߋ߫ ߡߍ߲ ߠߎ߬ ߘߌ߫߸ ߞߊ߬ ߢߊ ߡߊߖߌ߰ ߏ߬ ߓߍ߯ ߞߘߐ߫، ߊ߬ߟߎ߫ ߞߵߊ߬ ߦߋ߫߸ ߞߏ߫ ߊ߬ߟߎ߬ ߣߌ߫ ߡߍ߲ ߦߊ߫ ߞߊ߲߫߸ ߏ߬ ߟߋ ߓߍ߲߭ ߘߌ߫ ߞߋߟߋ߲߫ ߘߐ߫߸ ߞߊ߬ ߛߌ߫ ߖߛߎ߬ߛߎߡߊ ߡߊߘߏ߲߬ ߠߊ߫، ߏ߬ ߘߏ߲߬ ߓߊߛߌ߰ߣߍ߲߬ ߞߏ߫ ߘߊ߲ߘߐ߫ ߟߋ߬ ߞߊ߲߬߸ ߞߊ߬ ߘߊߘߐߖߊߥߏ ߟߊߖߌߡߌ߲߫߸ ߞߊ߬ ߘߎߢߊ߫ ߛߊ߬ߙߌ߬ߦߊ ߟߎ߬ ߡߊߓߏ߲߬ߧߊ߬߸ ߊ߬ ߣߌ߫ ߛߌ߰ߢߐ߲߰ߦߊ ߕߍߓߍ߲ ߘߌ߫ ߛߓߊ߬ߕߌ߬ ߢߊ ߡߍ߲ ߡߊ߬.

ߏ߬ ߟߋ ߘߐ߫߸ ߖߡߊ߬ߣߊ߫ ߛߊ߬ߓߊ ߡߍ߲ ߦߋ߫ ߕߋ߲߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߍ߯ ߘߍ߲߬ߞߣߍ߬ߦߊ߬ߣߴߊ߬ ߡߊ߬߸ ߊ߬ߟߎ߬ ߟߊ߫ ߖߡߊ߬ߣߊ ߟߎ߬ ߟߊ߫ ߖߘߍ߬ߣߌ߰ߦߊ ߕߍ߫ ߡߊߣߐ߯ ߟߊ߫߸ ߊ߬ߟߎ߬ ߟߊ߫ ߓߐߕߏ߲ ߠߎ߬ ߕߍ߫ ߣߊ߬ߞߊߘߌ߫ ߟߊ߫߸ ߘߏ߲߬ ߕߍ߫ ߞߍ߫ ߟߊ߫ ߡߐ߰ ߟߊ߫ ߘߎ߰ ߘߐ߫߸ ߞߏ ߓߍ߯ ߦߋ߫ ߟߊߕߊ߯ߡߊ߫ ߛߌ߰ߢߐ߲߰ ߓߘߍ߬ߦߊ ߟߊ߫߸ ߦߏ߫ ߖߛߎ߬ߛߎ߬ߡߊ߫ ߞߘߐ߬ߡߍ߲ ߡߍ߲ ߦߴߊ߬ߟߎ߬ ߕߍ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߡߊ߲߬ߞߊ߲ ߡߍ߲ ߦߴߊ߬ߟߎ߬ ߕߍ߫ ߓߐߕߏ߲ ߠߊ߫߸ ߊ߬ߟߎ߬ ߓߌߣߍ߲߫ ߛߎ ߣߌ߫ ߕߋ߬ߟߋ߸ ߞߵߏ߬ ߥߐ߬ߦߐ ߟߊߛߊ߬ ߕߍߓߊ߯ߦߊ ߟߊ߫߸ ߦߏ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߓߊߛߌ߰ߞߊ߲ ߞߵߊ߬ ߝߐ߫ ߊ߬ ߕߐ߲ߛߋ߲ ߃߃߲ ߘߐ߫ ߢߊ ߡߍ߲ ߡߊ߬߸ ߏ߬ ߡߍ߲ ߞߵߊ߬ ߦߌ߬ߘߊ߬ ߞߏ߫ ߞߊ߬ ߝߊ߲߬ߞߊ߬ ߘߌ߫ ߘߊߘߐߖߊߥߏ ߟߋ߬ ߡߊ߬߸ ߕߍߝߐ ߟߋ߬ ߡߊ߬߸ ߛߌ߰ߞߊ߬ߝߐ ߟߋ߬ ߡߊ߬.

ߊ߬ߟߎ߫ ߓߍ߲߬ ߘߴߊ߬ ߡߊ߬ ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߞߊ߬ ߓߊ߯ߙߊ߫ ߟߊ߬ߞߊ߲߬ߘߊ߬ߟߌ ߡߊ߬ߘߎ߮ ߘߐ߫߸ ߞߊ߬ ߡߊ߲߬ߞߊ߲߫ ߣߊ߬ߕߐ ߓߍ߯ ߢߍߓߍ߲߬ ߓߐߕߏ߲ ߠߎ߬ ߟߊ߫، ߏ߬ ߞߍߢߊ ߘߐ߫ ߏ߬ ߘߐ߫߸ ߊ߬ߟߎ߬ ߦߋ߫ ߘߍ߬ ߞߊ߬ ߕߏ߫ ߡߊ߬ߕߊ߰ߡߊ߬ߟߌ ߞߍ߫ ߟߊ߫ ߢߐ߲߯ ߝߍ߬ ߛߐ߲߬߸ ߞߊ߬ ߛߋ߫ ߟߌ߬ߤߟߊ ߟߎ߬ ߟߊߛߋ߫ ߟߊ߫ ߢߐ߲߮ ߡߊ߬ ߟߊ߬ߛߏ߬ߓߌ߬ߟߌ ߘߊߞߎ߲ ߘߐ߫، ߊ߬ ߣߌ߫ ߝߣߊ߫߸ ߊ߬ߟߎ߬ ߦߋ߫ ߛߌ߫ ߓߌ߬ߟߊ߬ߢߐ߲߰ߡߊ߬ ߖߏߣߊߖߏߣߊ߫ ߓߌ߬ߟߊ߬ ߟߊ߫ ߘߌ߲߬ߞߌߙߊ ߏ߬ ߟߎ߫ ߝߊ߰ߡߊ ߟߎ߬ ߣߴߊ߬ ߕߐ߲ߓߟߏߡߊ ߟߎ߬ ߕߍ߫.

ߟߊ߬ߓߊ߲ ߘߐ߫߸ ߛߋߒߞߏߟߊ ߡߍ߲ ߠߎ߬ ߘߐ߱ߘߏ߲߬ߣߍ߲߫ ߓߐߕߏ߲߫ ߞߏ߫ ߞߎߡߊ ߟߎ߬ ߟߊ߫߸ ߊ߬ߟߎ߫ ߞߊ߬ ߖߊ߬ߡߊߙߌ ߘߌ߫ ߏ߬ ߟߎ߫ ߡߊ߬߸ ߞߏ߫ ߊ߬ߟߎ߬ ߦߴߊ߬ߟߎ߬ ߟߊߘߍ߬ ߞߊߟߌߦߊ߫ ߘߐ߫߸ ߞߊ߬ ߛߋ߫ ߡߊ߲߬ߞߊ߲ ߠߎ߬ ߢߍߓߍ߲߬ ߠߊ߫ ߛߐ߲߬߸ ߞߊ߬ ߛߋ߫ ߝߊ߲߬ߞߊ߬ ߘߌ߫ ߟߊ߫ ߘߊߘߐߖߊߥߏ ߡߊ߬߸ ߊ߬ ߣߌ߫ ߞߊ߬ ߓߎ߬ߘߎ߲ ߓߐ߫ ߦߙߐ ߘߏ߫ ߟߎ߫ ߘߐ߫ ߝߋߎ߫ ߞߵߏ߬ ߟߎ߬ ߘߐߞߣߍ߫߸ ߏ߬ ߦߋ߫ ߡߎ߲߬ ߘߌ߫߸ ߏ߬ ߟߋ ߘߊ߲߭ ߠߊߓߐ ߘߌ߫ ߘߎ߰ߡߊ߬ߟߊ ߟߎ߬ ߘߐ߫߸ ߊ߬ ߣߌ߫ ߖߌߞߊ߲ߕߊ ߟߎ߬، ߘߊ߲߭ ߡߍ߲ ߦߋ߫ ߖߡߊ߬ߣߊ ߟߎ߬ ߕߍ߫߸ ߏ߬ ߦߋ߫ ߟߊߜߍ߫ ߛߎߋ߫.

ߞߊ߲ߕߌ߮ ߢߌ߲߬ ߠߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߦߊ߬ߣߌ߫ ߞߊߙߏ߫ ߞߋߟߋ߲߫߸ ߊ߬ߟߎ߬ ߞߊ߫ ߞߊ߲߫ ߞߊ߬ ߟߊ߬ߘߍ ߘߏ߫ ߡߊߞߟߌ߫߸ ߡߊߣߏ߫ ߓߊ ߞߋ߬ߟߋ߲߬ߧߊ ߦߴߏ߬ ߞߍ߫ ߜߙߊ߬ߓߊ߫ ߘߌ߫߸ ߞߊ߬ ߓߊ߯ߙߊߢߐ߲߯ߦߊ ߝߊ߲߬ߞߊߘߏ߲߬ ߊ߬ߟߎ߬ ߣߌ߫ ߢߐ߲߯ ߕߍ߫ ߓߊ߯ߙߊߢߐ߲߯ߦߊ ߣߌ߫ ߖߐ ߣߌ߫ ߟߊ߬ߞߊ߲߬ߘߊ߬ߟߌ ߣߌ߫ ߥߙߎߞߌ ߝߊ߲߬ߞߊߘߏ߲߬.

ߟߊ߬ߘߍ ߣߌ߲߬ ߘߐ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߞߵߊ߬ ߞߍߟߌ ߟߊߢߌߣߌ߲߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߦߋ߫ ߢߐ߲߯ ߢߊߦߋ ߟߋ߬ ߝߍ߬߸ ߛߊ߫ ߥߦߐ߬ ߞߊߣߊ߬ ߥߌ߬ߟߌ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫، ߊ߬ ߣߌ߫ ߛߴߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊ ߟߎ߬ ߘߌ߫ ߝߊ߲߬ߞߊ߫ ߛߐ߬ߘߐ߲߬ ߓߐߕߏ߲ ߠߎ߬ ߟߊ߫ ߢߊ ߡߍ߲ ߡߊ߬، ߏ߬ ߓߍ߯ ߟߊߣߍ߲߫ ߡߎ߲߬ ߞߊ߲߬߸ ߘߊ߲߬ ߞߏ߬ ߥߦߐ ߡߍ߲ ߦߴߌߘߐ߫߸ ߛߊ߫ ߏ߬ ߞߏ ߘߌ߫ ߟߊߜߍ߫ ߞߵߊ߬ ߟߛߊߣߌ߲ߧߊ߫ ߛߎߋ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.