ߖߌ߬ߣߍ߬ ߞߣߐ߫߸ ߞߊ߬ߝߏ߬ ߞߎ߲߬ߕߌ߰ ߛߌߦߊߡߊ߲߫ ߠߋ߬ ߓߘߊ߫ ߛߣߍ߫ ߞߊ߬ ߝߘߊ߫ ߝߘߊ߬ߝߌ߲߬ ߖߡߊߣߊ ߟߎ߬ ߟߊ߫߸ ߞߊ߬ ߣߊ߬ ߛߐ߬ߘߐ߲߬ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊߛߌ߱ ߢߊ߰ߢߊ߮ ߘߐ߫ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߇ ߣߌ߲߬ ߡߊ߬، ߊ߬ߟߋ ߡߍ߲ ߞߊ߬ ߞߊ߬ߝߏ߬ ߖߊߛߏ߲ ߞߍ߫ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߊ߫ ߂߀߂߁ ߕߎߟߊߝߌ߲ ߕߟߋ߬ ߅ ߡߊ߬߸ ߢߣߊߕߊߟߌ ߡߍ߲ ߞߍ߫ ߘߊ߫ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߡߊ߬߸ ߊ߬ߟߋ ߟߋ߬ ߛߎߘߊ߲߫ ߘߴߏ߬ ߘߐ߫، ߞߟߍ߬ߕߌ߰ߦߊ ߡߐ߬ߟߐ߲ ߠߋ߬ ߦߴߊ߬ ߓߟߏ߫ ߣߊ߲߬ߕߌ߰ߦߊ ߡߊ߬ߘߎ߮ ߘߐ߫.

ߣߴߌ ߞߵߊ߬ ߡߊߝߟߍ߫ ߏ߬ ߘߐ߫߸ ߞߊ߬ߝߏ߬ ߞߎ߲ߕߌ߮ ߘߏ߫ ߟߎ߫ ߛߣߍ ߘߊߡߌ߬ߣߊ߬ ߘߊ߫ ߞߊ߬ߦߌ߯ ߞߎߣߎ߲߬ ߛߌ߬ߣߌ߲߬ߟߏ߲ ߠߋ߬ ߡߊ߬߸ ߘߏ߫ ߟߎ߫ ߛߣߍ߫ ߘߊ߫ ߛߐ߰ߡߊ߬ߘߊ ߢߌ߲߬ ߠߊ߫، ߣߊ߬ߓߊ߰ߕߐ ߟߎ߬ ߘߐ߫߸ ߜ߭ߊߓߐ߲߫ ߞߊ߲ߕߌ߮ ߦߴߏ߬ ߘߐ߫߸ ߞߟߍ߬ߕߌ߰ ߓߙߌߛ ߞߑߟߏߕߍߙ ߏߟߖߌ߫ ߒߖߋߡߊ߫߸ ߜ߭ߊ߲ߓߌ߫ ߞߊ߲ߕߌ߮ ߊߘߡߊ߫ ߓߊߙߏ߫߸ ߙߎߥߊ߲ߘߊ߫ ߞߊ߲ߕߌ߮߸ ߔߏߟ ߞߜ߭ߊߡߋ߫، ߡߏߙߌߕߊߣߌ߫ ߞߊ߲ߕߌ߮߸ ߡߏ߬ߤߊ߬ߡߍ߬ߘ ߎߟߘ ߍ߬ߟ ߜ߭ߊ߬ߖ߭ߎ߬ߥߊ߬ߣߌ، ߛߣߍ߬ߜ߭ߊ߬ߟߌ߬ ߞߊ߲ߕߌ߮߸ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬، ߟߊߓߙߌߦߊ߫ ߞߊ߲ߕߌ߮߸ ߖ߭ߏ߬ߗ߭ߍߝ ߓߏߥߊߞߍ߫، ߡߊ߬ߟߌ ߞߊ߲ߕߌ߮߸ ߊߛߡߌ߫ ߜ߭ߏ߬ߦߌ߬ߕߊ߬.

ߣߴߌ ߘߏ߲߬ ߞߊ߬ ߗߋߘߋ߲߫ ߣߊ߬ߣߍ߲ ߠߎ߬ ߡߊߝߟߍ߫߸ ߛߘߋߦߊߥߏ ߥߛߊ߬ߓߊ߰ߦߊ ߞߊ߲ߕߌ߮߸ ߎߡߊߙ ߊߟߌߦߋ߫ ߕߎ߬ߙߊߦߌ߬، ߡߊ߬ߤߑߡߎ߬ߘ ߦߎ߯ߛߎߝ ߊ߬ߟߌ ߡߍ߲ ߦߋ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߥߛߊ߬ߓߊ߰ߦߊ ߞߊ߲ߕߌ߮ ߘߌ߫߸ ߏ߬ ߛߣߍߡߊ߫ ߘߊ߫ ߟߋ߬، ߋߞߎߥߊߕߏ߫ ߖߌ߬ߣߍ߬ ߞߊ߲ߕߌ߯ ߛߙߍߞߍ ߕߋߥߏߘߙߏ ߒߖߋߡߊ ߏߓߌߦߊ߲ߜ߭ ߡߊ߲ߖߋ߫ ߦߋ߫ ߞߣߍ ߣߌ߲߬ ߞߊ߲߬، ߓߋߣߍ߲߫ ߞߐߞߊ߲ߞߏ ߟߎ߬ ߞߏߕߌ߮ ߏߟߎߛ߭ߊߜ߭ߎ߲ ߓߊߞߊ߬ߙߌ߬ ߣߊ߬ ߘߊ߫ ߟߋ߬، ߞߎߡߊߕߍ߫ ߞߡߐߙ ߞߏߕߌ߯ ߝߟߐ ߡߊ߬߸ ߌߓߙߊߤߌߡߊ߬ ߒߤߎߡߊߘߌ߫ ߛߌߘߌ߬، ߤߊߖߊ߬ ߡߋߡߎߣߊߕߎ߬ ߌߓߙߊߤߌߡߊ߬ ߡߍ߲ ߝߣߊ߫ ߦߋ߫ ߓߐ߬ߟߐ߲߬ߞߊ߬ ߘߌ߫߸ ߣߴߊ߬ ߦߋ߫ ߛߘߋߦߊߥߏ ߞߎߡߊߞߍߓߏ߲ ߞߊ߲ߕߌ߮ ߘߌ߫߸ ߏ߬ ߛߣߍ߫ ߘߊ߫ ߟߋ߬، ߞߵߊ߬ ߟߴߊ߬ ߞߊ߲߬߸ ߛߌߘߌ߬ ߎߟߘ ߕߊ ߡߍ߲ ߦߋ߫ ߊߙߊߓߎߘߎ߯ ߜߍߓߏ߲ ߝߘߏ߬ߓߊ߬ ߗߋߕߌ߮ ߘߌ߫߸ ߡߍ߲ ߘߐ߱ߘߏ߲߬ߣߍ߲߫ ߝߘߊ߬ߝߌ߲߬ߠߊ߫ ߛߐ߬ߘߐ߲ ߣߌ߫ ߥߙߎߞߌ ߟߊ߫߸ ߏ߬ ߦߋ߫ ߞߣߍ ߣߌ߲߬ ߞߊ߲߬. ߊ߬ ߣߌ߫ ߛߌߦߊߡߊ߲߫ ߜߘߍ߫ ߟߎ߫.

ߢߍߥߟߊ ߡߍ߲ ߝߐ߫ ߘߊ߫߸ ߞߏ ߟߎ߬ ߘߊߡߌ߬ߣߊ߬ ߘߊ߫ ߀߇ߙߋ߲ ߠߋ߬ ߡߊ߬߸ ߞߊ߬ ߖߊ߬ߡߊ ߟߊߛߣߍ߫، ߞߊ߲ߕߌ߯ ߣߊ߬ߣߍ߲ ߠߎ߬ ߣߌ߫ ߞߏߕߌ߯ ߣߊ߬ߣߍ߲ ߠߎ߬ ߣߌ߫ ߖߡߊ߬ߣߊ ߡߐ߰ߘߐ߬ߜߍ ߟߎ߬ ߞߵߊ߬ߟߎ߫ ߛߌ߱ ߘߊߡߌ߬ߣߊ߫ ߀߉ߙߋ߲ ߠߋ߬ ߡߊ߬، ߕߋ߲߭ߕߋ߲߭ ߣߌ߲߬ ߘߐ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߖߍ߬ߘߍ ߓߘߊ߫ ߛߋ߫ ߞߣߍ ߞߊ߲߬߸ ߞߵߏ߬ ߟߊ߫ ߞߊ߲ߕߌ߯ ߣߊ߬ߓߊ߰ߕߐ ߟߎ߫ ߞߊ߲߬.

ߡߍ߲ ߕߏߣߍ߲߫ ߏ߬ ߞߐ߫߸ ߏ߬ ߟߋ ߟߊ߬ߛߍ߲߬ߠߌ߲ ߘߌ߫߸ ߞߵߊ߬ ߟߊߛߌ߰ ߊ߬ ߟߊ߫ ߥߊ߰ߣߍ߲ ߘߐ߫ ߛߊ߲߬ ߇ ߞߍ߫ ߞߊ߲ߡߊ߬، ߞߊ߬ߕߎ߲߯߸ ߊ߬ ߞߊ߫ ߞߊ߲߫ ߞߊ߬ ߟߊ߬ߛߌ߰ߟߌ ߓߋߟߋ߲ߠߊ ߞߍ߫ ߓߌ߬، ߊ߬ ߟߊߛߌ߰ߕߐ߫ ߖߡߊ߬ߣߊ ߞߕߌߘߊ߫ ߛߊ߲ߘߐ ߟߋ߬ ߓߟߏ߫߸ ߞߕߌߖߌ߲ ߛߊ߲ߘߐߕߊ ߞߊ߬ߣߌ߲߬߸ ߏ߬ ߘߌ߫ ߖߡߊ߬ߣߊ ߕߐ߰ߡߊ߬ߛߙߋ ߟߎ߫ ߘߏ߲߬ ߊ߬ ߓߟߏ߫߸ ߞߵߊ߬ ߞߍ߫ ߖߌ߬ߣߍ߬ ߞߊ߲ߕߌ߮ ߘߌ߫ ߛߊ߲߬ ߇ ߣߊ߬ߕߐ ߣߌ߲߬ ߞߣߐ߫߸ ߊ߬ ߟߊߞߊ߬ߟߌ ߞߐ ߘߐ߫ ߛߊ߬ߙߌ߬ߦߊ ߟߎ߬ ߡߊߓߏ߲߬ߧߊ ߟߊ߫߸ ߊ߬ ߣߌ߫ ߡߐ߰ߦߊ ߤߊߞߍ ߟߊߕߏ ߟߊ߫߸ ߞߵߏ߬ ߟߊ߫ ߖߡߊ߬ߣߊ ߟߊߕߊ߯ߡߊ ߞߊ߲߬ ߥߙߎߞߌ ߣߌ߫ ߛߓߊ߬ߕߌ ߛߌߟߊ ߞߊ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫