ߛߌ߯ߙߌ߲߫ ߞߣߐ߫߸ ߝߍߓߊ ߞߙߎߞߊ ߞߊ߲ߕߌ߮ ߓߘߴߊ߬ ߟߊߛߋ߫߸ ߞߏ߫ ߊ߬ ߓߍߣߊ߬ ߞߍ߫ ߡߊ߬ߡߌ߬ߣߊ߬ߟߌ߬ߟߊ ߘߌ߫ ߂߀߂߆ ߥߛߊ߬ߘߋ߲߬ ߢߣߊߕߊߟߌ߫ ߣߊ߬ߕߐ ߘߐ߫، ߊ߬ ߓߊ߲߫ ߘߊ߫ ߞߵߊ߬ ߟߊ߫ ߞߏ߲߭ ߠߎ߬ ߢߊߝߐ߫߸ ߊ߬ ߞߍߕߐ߫ ߡߍ߲ ߠߎ߬ ߡߊߞߊ߲ߞߊ߲߫ ߠߊ߫ ߞߎߡߊߞߍߓߏ߲ ߠߊ߫.

߂߀߂߆ ߕߙߊߓߊ ߕߟߋ߬ ߁߀ ߡߊ߬߸ ߞߍ߬ߥߎߟߋ߲߫ ߘߎ߲߬ߓߎ߬ߦߊ߬ ߡߍ߲ ߦߋ߫ ߝߍߓߊ ߞߙߎߞߊ ߞߊ߲ߕߌ߮ ߘߌ߫߸ ߏ߬ ߞߵߊ߬ ߟߊ߫ ߡߊ߬ߡߌ߬ߣߊ߬ߟߌ߬ ߞߏ ߟߊߛߋ߫ ߛߌ߯ߙߌ߲߫߸ ߞߊ߬ ߓߍ߲߬ ߂߀߂߆ ߥߛߊ߬ߘߋ߲߬ ߢߣߊߕߊߟߌ߫ ߣߊ߬ߕߐ ߡߊ߬߸ ߏ߬ ߡߍ߲ ߟߐ߯ߟߊߣߍ߲߫ ߞߵߊ߬ ߕߏ߫ ߂߀߂߆ ߘߓߊ߬ߕߊ ߕߋ߬ߟߋ߫ ߂߄ ߠߊ߫، ߊ߬ ߞߊ߬ ߟߊ߬ߛߋ߬ߟߌ ߡߍ߲ ߞߍ߫ ߏ߬ ߘߐ߫ ߞߵߊ߬ ߞߌ߬ߦߊ߫ ߡߌ߬ߙߌ߲߬ߘߌ ߡߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߛߣߍ߬ߞߍ߬ߟߊ ߟߎ߬ ߓߊ߬߸ ߥߊߟߌߝߊ ߟߎ߫ ߓߊ߬߸ ߊ߬ ߣߌ߫ ߘߎ߰ߘߋ߲ ߡߍ߲ ߠߎ߬ ߖߍ߬ߘߍ ߣߌ߭ ߡߞߊߘߊ߲ߕߊ ߦߋ߫߸ ߞߏ߫ ߊ߬ ߦߴߊ߬ ߝߍ߬ ߞߵߊ߬ ߟߊ߫ ߥߛߊ߬ߘߋ߲߬ߧߊ ߜߍߦߊ ߟߋ߬ ߞߣߐ߫߸ ߞߊ߬ ߓߍ߲߬ ߖߊ߬ߡߊ ߞߎ߲߬ߞߊ߲߬ߞߏ ߟߎ߬ ߢߊߓߐ ߡߊ߬.

ߊ߬ ߟߊ߫ ߗߋߛߓߍ ߣߌ߲߬ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߟߊ߫ ߥߙߎߞߌ ߣߴߊ߬ ߕߊ߫ ߘߎ߰ߘߐ߬ ߝߋ߲߬ ߞߏ ߣߌ߫ ߡߐ߰ ߞߏ ߘߐ߫߸ ߓߊ߬ߙߵߊ߬ ߦߋ߫ <<ߛߌߟߊ߫ ߓߍ߲ߕߍ>> ߟߋ߬ ߘߐ߫ ߕߋ߲߬، ߊ߬ߟߋ ߟߊ߫ ߝߐߟߌ߫ ߘߐ߫߸ ߖߌ߬ߣߍ߬ ߛߋߣߍ߲߫ ߕߴߊ߬ ߖߘߍ߬ ߞߘߐ߫ ߓߊߟߞߏ ߘߐ߫߸ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߊߡߊ߲ ߞߣߐ߫߸ ߏ߬ ߘߏ߲߬ ߦߋ߫ ߞߏߖߎ߯ߓߊ߫ ߣߌ߫ ߞߏ߫ ߜߍߟߍ߲ߓߊ߫ ߟߋ߬ ߘߌ߫، ߊ߬ߟߋ ߟߊ߫ ߡߙߌߦߊ ߦߋ߫ ߡߎ߲߬ ߘߌ߫߸ ߞߊ߬ ߛߋ߫ ߓߊߟߞߏ ߟߊߣߐ߰ߦߊ ߟߊ߫߸ ߖߡߊ߬ߣߊ ߦߋ߫ ߛߴߊ߬ ߖߘߍ߬ ߞߘߐ߫߸ ߞߊ߬ ߛߋ߫ ߛߐ߬ߘߐ߲ ߛߌߟߊ ߟߊߞߊ߬ ߟߊ߫߸ ߏ߬ ߟߎ߫ ߟߋ߬ ߦߋ߫ ߝߊ߬ߛߏ ߟߊ߫ ߡߊ߲߬ߕߎ߬ߙߋ߬ߦߊ ߜߘߌ ߘߌ߫، ߞߊ߬ ߛߋ߫ ߛߍ߬ߣߍ ߣߌ߫ ߓߌߦߊ߲߫ ߡߙߊ ߟߎ߬ ߢߡߊߦߟߍ߬ߡߊ߲߬ ߠߊ߫߸ ߛߊ߫ ߡߌ߬ߙߌ߲߬ߘߌ ߘߌ߫ ߛߋ߫ ߓߊߟߏ߫ ߟߊ߫߸ ߊ߬ ߣߌ߫ ߞߊ߬ ߛߋ߫ ߓߊ߯ߙߊ߫ ߞߏ ߟߊߣߐ߰ߦߊ߬ ߟߊ߫ ߘߌ߲߬ߞߌߙߊ ߟߎ߬ ߘߐ߫.

ߞߍ߬ߥߎ߬ߟߋ߲߬ ߘߎ߲ߓߎߦߊ߫ ߞߵߊ߬ ߦߌ߬ߘߊ߬߸ ߞߏ߫ ߞߵߊ߬ߟߋ ߕߏ߫ ߝߍߓߊ ߢߍߝߍ߬߸ ߞߏߓߊ߫ ߛߊ߬ߓߊ߫ ߟߋ߬ ߦߴߊ߬ ߓߟߏ߫ ߢߍߝߍ߬߸ ߊ߬ ߟߊ߫ ߛߍ߬ߘߏ߲ ߓߊߖߎ ߦߋ߫ ߡߍ߲ ߠߎ߬ ߘߌ߫، ߏ߬ ߝߟߐ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߋߒߖߘߍߞߘߐ ߟߋ߬ ߘߌ߫߸ ߞߊ߬ ߛߊ߬ߙߌ߬ߦߊ ߘߏ߫ ߟߎ߫ ߟߊߘߏ߲߬ ߖߡߊ߬ߣߊ ߞߣߐ߫߸ ߡߍ߲ ߘߌ߫ ߛߣߍ߬ߞߍ߬ߟߊ ߟߎ߬ ߟߊߕߊ߲߬ߞߊ߬߸ ߞߵߊ߬ߟߎ߬ ߞߟߊߓߎߘߏ߲߬ ߊ߲ ߓߘߊ߫ ߝߋ߲ ߠߎ߬ ߢߡߊߦߟߍ߬ߡߊ߲ ߘߐ߫. ߊ߬ ߞߊ߲߫ ߞߏ߫ ߊ߬ ߟߊ߫ ߛߍ߬ߘߏ߲ ߞߎ߲߬ߓߊ ߝߌߟߊߣߊ߲ ߞߍߕߐ߫ ߡߍ߲ ߘߌ߫߸ ߏ߬ ߟߋ ߞߍߕߐ߫ ߖߘߍ߬ ߞߏ ߟߎ߬ ߛߊ߲ߞߘߐߕߊ߭ ߘߌ߫߸ ߞߊ߬ ߡߐ߬ߟߐ߲ ߖߍ߬ߘߍߖߍ߬ߘߍ ߘߌ߫ ߝߊ߬ߛߏ߬ ߞߊ߲ ߠߎ߬ ߡߊ߬߸ ߞߊ߬ ߝߊ߬ ߓߘߊ ߟߐ߲ߠߌ߲ߦߊ ߟߎ߬ ߛߊ߲ߞߘߐߕߊ߬߸ ߞߊ߬ ߞߊ߬ߞߘߐ ߟߐ߲ߠߌ߲ ߠߎ߬ ߟߊߖߘߌߥߊ߫߸ ߞߊ߬ ߛߋ߫ ߛߋߒߞߏߟߊߘߐ ߖߍ߬ߘߍߖߍ߬ߘߍ ߟߊߘߏ߲߬ ߠߊ߫ ߒ߬ ߠߊ߫ ߞߊ߲ ߘߐ߫.

ߊ߬ ߞߵߊ߬ ߦߌ߬ߘߊ߫ ߟߊ߬ߓߊ߲ ߘߐ߫߸ ߞߏ߫ ߕߋߟߋ߲ ߘߌ߫ ߞߍ߫ ߓߍ߯ ߟߊߘߍ߬ߣߍ߲ ߕߍ߫ ߢߊ ߡߍ߲ ߡߊ߬߸ ߛߊ߫ ߥߛߊ߬ߘߋ߲ ߠߎ߬ ߟߊ߫ ߡߙߌߘߐ߫ ߕߊ߬ߣߍ߲ ߠߎ߬ ߘߌ߫ ߓߍ߲߬ ߖߡߊ߬ߣߊ߬ߘߋ߲ ߠߎ߬ ߡߊ߬ߞߏ ߡߊ߬߸ ߊ߬ ߘߌ߫ ߓߐ߫ ߏ߬ ߛߌߟߊ߫ ߘߌ߫.

ߞߍ߬ߥߎߟߋ߲߫ ߞߵߊ߬ ߦߌ߬ߘߊ߬ ߛߌ߯ߙߌ߲߫ ߢߣߊߕߊߟߌߟߊ ߟߎ߬ ߟߊ߫߸ ߞߏ߫ ߊ߬ߟߋ ߛߎߥߊ߲ߘߌ ߦߋ߫ ߖߘߍ߬ߕߌ߰ߦߊ ߟߋ߬ ߛߎߥߊ߲ߘߌ ߘߌ߫ ߛߐ߬ߘߐ߲ ߛߌߟߊ ߞߊ߲߬߸ ߞߊ߬ ߤߙߍ ߘߌ߫ ߓߍ߯ ߡߊ߬.

ߛߍߝߍ߲ߘߊ ߓߟߏ߫