ߖߌ߬ߣߍ߬ ߕߋߟߋ߲ߓߊ߯ߦߊ ߞߏߕߌ߯ߘߊ ߡߍ߲ ߓߌ߬ߟߊ߬ߣߍ߲߫ ߞߕߌߟߊ ߣߌ߫ ߡߐ߱ ߤߊߞߍ ߟߎ߬ ߟߊߞߊ߲ߘߊ ߟߊ߫߸ ߏ߬ ߟߎ߬ ߟߋ߬ ߣߐ߬ ߟߊ߬ߛߋ߬ߟߌ ߘߏ߫ ߞߍ߫ ߟߴߊ߬ߟߎ߬ ߟߊ߫ ߝߍߗ߭ߑߓߎߞ ߞߏߜߍ ߞߊ߲߬ ߞߏ߫ : ߞߙߎ ߘߏ߫ ߡߐ߰ ߁߂ ߟߋ߬ ߡߌ߬ߣߊ߬ߣߍ߲߫ ߊ߬ߟߎ߬ ߓߟߏ߫ ߛߌ߯ߙߌ߫ ߣߌ߫ ߡߊ߲߬ߖߊ߬ߣߊ߫ ߣߌ߫ ߞߊ߲ߞߊ߲߫ ߠߎ߬ ߘߐ߫߸ߏ߬ ߟߎ߬ ߦߋ߫ ߡߊ߬ߟߌ߬ߞߊ ߣߌ߫ ߖߋ߬ߟߌ߬ߓߟߊ߬ߞߊ ߣߌ߫ ߓߙߎߞߌߣߞߊ ߟߎ߫ ߟߋ߬ ߘߌ߫ ߊ߬ ߣߌ߫ ߖߌ߬ߣߍ߬ߞߊ߬ ߞߋߟߋ߲߫.
ߗߍ߬ ߜߘߍ߫ ߝߣߊ߫ ߕߴߊ߬ ߕߐ߯ ߞߏ߫ ߝߏߕߌߜ߭ߌ߫ ߘߊߥߎ߬߸ ߏ߬ ߝߣߊ߫  ߡߌ߬ߣߊ߬ߣߍ߲߫ ߞߊ߲ߞߊ߲߫߸ ߛߌߞߊ߫ ߞߍߣߍ߲߫ ߊ߬ ߡߊ߬ ߟߋ߬ ߞߏ߫ ߕߍߓߊ߯ߦߊ ߘߏ߫ ߦߴߊ߬ ߣߌ߫ ߓߊ߰ߓߊ߰ߟߌ߬ߟߊ߬ ߞߙߎ ߘߏ߫ ߕߍ߫، ߣߴߊ߬ ߕߐ߯ ߞߏ߫ (GSIM)  ߸ ߏ߬ ߞߘߐ ߦߋ߫  « ߖߘߍ߬ߞߟߏ߬ߦߊ ߣߌ߫ ߖߘߍ߬ߞߟߏ߬ߦߊ߬ߓߊ߮ ߟߎ߫ ߘߍ߬ߡߍ߲߬ ߞߙߎ »  ߘߌ߫ ߒߞߏ ߘߐ߫.

ߢߊߢߌߣߌ߲߫ ߣߐ߬ ߡߍ߲ ߦߌ߬ߘߊ߬ ߟߊ߫ : ߕߍߓߊ߯ߦߊ ߘߏ߫ ߟߎ߫ ߟߋ߬ ߕߘߍ߬ ߘߍ߰ ߞߙߏߝߏ ߞߊ߲߬ ߓߊ߰ߓߊ߰ߟߌ߬ߟߊ ߢߌ߲߬ ߠߎ߬ ߣߌ߫ ߢߐ߲߯ ߕߍ߫ ߸ߤߊߟߌ߬ ߥߛߊߔ ߛߌߟߊ ߝߣߊ߫ ߝߍ߬ ߸ ߊ߬ߟߎ߬ ߦߋ߫ ߞߎ߲߬ߠߊ߬ߝߎ߬ߟߋ߲ ߠߎ߬ ߘߌ߫ ߟߊ߫ ߢߐ߲߯ ߡߊ߬ ߦߌߟߊ ߡߍ߲ ߘߐ߫ ߛߐ߲߬ ߊ߬ ߣߌ߫ ߞߊ߬ ߕߏ߫ ߡߐ߰ ߟߎ߬ ߟߊߘߏ߲߬ ߠߴߊ߬ ߘߐ߫.

ߞߙߎ ߢߌ߲߬ ߠߎ߬ ߦߙߌߞߊ ߕߘߍ߬ ߦߋ߫ ߛߌ߬ߝߏ߲߫ ߅߀߀ ߣߌ߫ ߟߋ߬ ߘߌ߫ ߞߵߏ߬ ߟߊ߫ ߖߌ߬ߣߍ߬ߞߊ ߘߏ߫ ߟߎ߫ ߝߣߊ߫ ߞߊ߲߬.
ߕߍ߮ ߓߘߊ߫ ߞߍ߫ ߡߐ߱ ߏ߬ ߟߎ߬ ߛߘߍߡߊ߲߫ ߘߐ߫ ߕߋ߲߬ ߞߙߎ ߏ߬ ߢߣߊߓߊ߯ߦߊߓߊ߮ ߘߐ߫ ߞߊ߬ߣߌ߲߬.

ߡߊ߬ߝߌ߬ߓߊ߰ߕߐ ߟߎ߬ ߓߘߊ߫ ߟߥߊ߫ ߞߕߌߘߊ ߟߊ߫ ߕߋ߲߬،ߓߊߏ߬
ߊ߬ߟߎ߬ ߡߊߝߌ߲߬ߣߍ߲߫ ߓߊ߰ߓߊ߰ߟߌ ߣߌ߫ ߕߘߍ߬ߘߐ߬ߟߌ ߣߌ߫ ߓߊ߰ߓߊ߰ߟߌ ߣߊ߲߬ߝߟߏ߬ߦߊ߬ߟߌ ߟߎ߫ ߟߋ߬ ߞߏߛߐ߲߬.
ߊ߬ߟߎ߬ ߓߍߣߊ߬ ߓߌ߲߬ߓߊߏ ߖߍ߬ߘߍߖߍ߬ߘߍ ߟߋ߬ ߛߐ߬ߘߐ߲߬ ߞߊ߬ ߝߘߊ߫ ߞߎ߬ߙߎ߲߬ߘߎ ߟߊ߫

ߞߎ߲߬ߠߊ߬ߛߌ߮ ߦߋ߫ ߢߌߣߌ߲߫ ߠߊ߫ ߖߡߊ߬ߣߊ߬ߘߋ߲ ߦߋ߫ ߖߊ߲߬ߒ߬ߕߏ߲߬ߘߐ ߡߊ߬߸ߞߏ߫ ߓߍ߯ ߦߴߌ ߖߊ߲߬ߕߏ߫ ߌ ߖߘߍ߬ ߘߐ߫߸ ߣߴߌ ߘߏ߲߬ ߛߌߞߊ߫ ߘߊ߫ ߡߍ߲ ߡߊ߬ ߞߵߊ߬ ߓߍ߲߬ ߊ߬ ߟߊ߫ ߞߏ ߟߊߕߊ߯ߡߊ߫ ߢߊ ߡߊ߬ ߸ ߌ ߦߋ߫ ߝߙߍ߬ ߞߍ߫ ߞߵߊ߬ߟߎ߬ ߟߊߛߏ߬ߓߌ߫ ߖߏߣߊ߫.
ߊ߬ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߓߊ߰ߓߊ߰ߟߌ߬ ߞߟߍ߬ ߦߋ߫ ߝߊ߬ߛߏ ߟߊ߫ ߝߟߐߦߊ ߟߋ߬ ߘߌ߫.

ߞߎ߲߬ߠߊ߬ߛߌ߮ ߞߐ߬ߣߌ߲߬ ߓߘߴߊ߬ ߟߊߛߋ߫ ߞߏ߫ ߟߊ߬ߞߊ߲߬ߘߊ߬ߟߌ ߓߘߊ߫ ߕߊ߬ ߓߊ ߘߐ߫ ߊ߬ߟߎ߬ ߓߟߏ߫.

ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߞߏ߫ ߡߐ߱-ߐ-ߡߐ߰ ߛߋ߲߬ ߦߋ߫ ߓߊ߰ߓߊ߰ߟߌ߬ ߞߏߢߊ ߣߌ߲߬ ߘߐ߫߸ ߏ߬ ߟߎ߬  ߓߍ߯ ߟߊߘߍ߬ߣߍ߲ ߓߍߣߊ߬ ߓߌ߲߬ߓߊߏ ߊ߬ ߢߊ߫ ߖߍ߬ߘߍߖߍ߬ߘߍ ߟߋ߬ ߡߊ߬߸ ߌ ߞߍ߫ ߡߐ߰ ߛߌ߫ ߘߌ߫.

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫ ߞߌ߲ߘߌߦߊ߫