ߦߏ߫ ߓߍ߯ ߟߊߘߍ߬ߣߍ߲ ߦߋ߫ ߖߌ߬ߣߍ߬ ߥߊߘߌ߫ ߡߎ߯ ߞߏߖߊ ߞߊ߬ߟߊߡߊ߬ ߢߊ ߡߍ߲ ߡߊ߬ ߞߊߙߏ߫ ߘߊ߲ߘߐ ߣߌ߲߬ ߞߣߐ߫߸ ߖߌ߬ߣߍ߬ ߕߊ߲ߓߊ߲߫ ߜߍߓߏ߲ ߓߊ߬߸ ߞߊ߲ߓߍ߲ ߞߊ߲ߕߌ߯ߘߊ ߓߊ߬߸ ߞߏߢߊߓߐߟߊ ߟߎ߫ ߓߊ߬߸ ߞߎߡߊߕߍ߫ ߛߐ߬ߘߐ߲ ߓߊ߯ߙߟߊ ߟߎ߬ ߣߌ߫ ߘߍ߲߰ߦߊ߬ߟߊ ߟߎ߫ ߡߊ߬߸ ߏ߬ ߟߎ߬ ߓߘߊ߫ ߛߌ߰ߞߊ߬ߝߐ ߘߏ߫ ߟߎ߫ ߞߍ߫ ߞߊ߬ ߓߍ߲߬ ߥߊߘߌ߫ ߡߎ߯ ߞߏߖߊ ߣߌ߲߬ ߓߐ߫ ߦߙߐ ߟߐ߲߫ ߞߏ ߡߊ߬، ߡߎ߲߬ ߠߊ߫ ߜߍ ߕߍ߫ ߦߋ߫ ߟߊ߫ ߢߊ ߟߊ߫، ߏ߬ ߡߍ߲ ߓߘߊ߫ ߞߍ߫ ߛߏ߰ߟߊ ߘߌ߫ ߛߐ߬ߘߐ߲ ߓߊ߯ߙߊ߫ ߘߊߞߎ߲ ߠߎ߬ ߞߊ߲߬߸ ߞߊ߬ ߓߍ߯ ߞߎ߲߭ ߞߟߊߦߊ߫ ߖߡߊ߬ߣߊ ߝߊ߲߭ ߓߍ߯ ߘߐ߫.

ߒ߬ߓߊ߬߸ ߕߊ߲ߓߊ߲߫ ߜߍߓߏ߲ ߞߎ߲߬ߠߊ߬ߛߌ߰ߟߊ߸ ߞߏ߲߬ߓߏ߫ ߞߊ߬ߙߊ߲߬ߡߐ߯ ߞߊ߬ߓߊ ߓߘߊ߫ ߞߎߡߊ߫ ߣߌ߲߬ ߞߏ ߞߊ߲߬߸ ߊ߲ ߞߵߏ߬ ߡߍ߲ ߦߋ߫ ߖߌ߬ߣߍ߫ ߖߌ߬ߦߊ߬ߞߊ߲߬ߛߏ ߣߴߊ߬ ߥߎߢߊ߲ߛߏ ߟߊ߫߸ ߞߊ߬ ߓߍ߲߬ ߊ߬ߟߎ߬ ߟߊ߫ ߘߐ߬ߖߊ߬ ߞߍߣߍ߲ ߠߎ߬ ߡߊ߬ ߥߊߘߌ߫ ߡߎ߯ ߞߏߖߊ ߣߌ߲߬ ߘߊ߲ߘߊ ߘߐ߫.

ߊ߬ ߞߵߊ߬ ߦߌ߬ߘߴߊ߬ ߟߊ߫ ߛߙߊ߬ߣߎ߲ ߘߐ߫ ߞߏ߫: ߊߟߎ߫ ߞߊ߫ ߞߊ߲߫ ߞߊ߬ ߡߍ߲ ߢߊߦߋ߫߸ ߊߟߎ߫ ߢߊ߯ ߕߊ߲ߓߊ߲߫ ߜߍߓߏ߲ ߠߊ߫ ߡߍ߲ ߠߊ߫ ߕߋ߲߬߸ ߕߎ߬ߢߊ ߖߍ߬ߘߍߖߍ߬ߘߍ ߦߋ߫ ߡߍ߲ ߘߌ߫ ߝߋߎ߫߸ ߊ߬ ߝߏ߬ߕߊ ߟߋ߬ ߥߊ߯ߕߌ ߢߌ߲߬ ߠߊ߫، ߓߊߏ߬߸ ߞߊ߬ߦߌ߯ ߊ߲ ߓߌ߬ߟߊ߬ ߘߊ߫߸ ߖߌ߬ߣߍ߬ ߥߊ߯ߕߌߟߡߊ ߣߌ߲߬ ߞߣߐ߫߸ ߊ߲ ߡߊ߫ ߛߋ߫ ߥߊߘߌߓߊ߫ ߛߎ߮ ߣߌ߲߬ ߢߐ߲߰ ߠߊߓߐ߫ ߟߊ߫ ߡߎߣߎ߲߬ ߥߊ߯ߕߌ߫ ߛߎߘߎ߲ߣߍ߲ ߞߘߐ߫، ߓߊߏ߬߸ ߊ߲ ߓߊ߯ ߜߍߓߟߎ߫ ߁߀߀ ߟߊߓߐ߫ ߓߌ߬߸ ߆ ߘߐߙߐ߲߫ ߠߋ߬ ߊ߬ ߞߐߛߊ߬ߦߌ߲߬ ߠߊ߫، ߏ߬ ߘߐ߫߸ ߝߏ߫ ߊߟߎ߫ ߦߴߏ߬ ߟߋ ߢߊߦߋ߫.>> ߊ߬ ߞߵߏ߬ ߟߋ ߝߐ߫.

ߊ߬ߟߋ ߟߊ߫ ߝߐߟߌ߫ ߘߐ߫߸ ߡߐ߱ ߟߎ߬ ߦߋ߫ ߥߊߘߌ ߟߊߡߙߊ߬ ߟߴߊ߬ߟߎ߬ ߓߟߏ߫ ߓߏ߲ ߠߋ߬ ߟߊ߫߸ ߥߟߊ߫ ߥߊߘߌ ߦߋ߫ ߕߊ߯ߡߊ߫ ߟߊ߫ ߡߐ߱ ߟߎ߬ ߓߟߏ߫ ߟߐ߯ߝߍ ߟߎ߬ ߞߣߐ߫ ߟߋ߬߸ ߓߊ߬ߙߵߊ߬ ߕߍ߫ ߛߊ߬ߦߌ߲߬ ߠߊ߫، ߞߊ߬ߕߎ߲߯߸ ߥߊߘߌ ߡߍ߲ ߦߋ߫ ߓߐ߫ ߟߊ߫ ߜߍߓߏ߲ ߠߊ߫߸ ߏ߬ ߕߍ߫ ߛߊ߬ߦߌ߲߬ ߠߊ߫، ߏ߬ ߡߍ߲ ߓߘߊ߫ ߣߊ߬ ߜߟߍ߬ߦߊ ߘߌ߫.

ߞߎ߲߬ߠߊ߬ߛߌ߰ߟߊ߸ ߞߏ߲߬ߓߏ߫ ߞߊ߬ߙߊ߲߬ߡߐ߮ ߞߊ߬ߓߊ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߫ ߘߏ߲߬ ߕߍ߫ ߛߍ߰ ߟߊ߫ ߢߊ ߛߎ߯ ߺ ߎ ߺ ߛߎ߯ ߡߊ߬، ߊ߬ߟߎ߬ ߦߋ߫ ߞߊߘߊ߲ ߓߍ߯ ߞߊ߲߬߸ ߖߐ߲߰ߛߊ߫ ߥߊߘߌ߫ ߡߎ߯ ߞߏߖߊ ߢߌ߲߬ ߘߌ߫ ߞߍ߬ߟߍ߫ ߞߵߊ߬ ߓߊ߲߫ ߢߊ ߡߍ߲ ߡߊ߬، ߊ߬ ߘߊ߲߬ ߕߴߏ߬ ߘߌ߫ ߘߋ߬߸ ߞߏ߫ ߊ߬ߟߎ߬ ߦߋ߫ ߘߐ߬ߖߊ߬ ߜߘߍ߫ ߝߣߊ߫ ߞߊ߲߬߸ ߛߊ߫ ߡߐ߱ ߟߎ߬ ߘߌ߫ ߛߴߊ߬ߟߎ߬ ߟߊ߫ ߟߊߒߠߦߊ ߟߊ߫ ߟߊ߫ ߜߍߓߏ߲ ߘߐ߫ ߢߊ ߡߍ߲ ߡߊ߬߸ ߞߊ߬ ߛߋ߫ ߥߊߘߌ ߟߊ߫ ߖߌ߰ߣߌ߬ߦߟߍ ߞߍ߫ ߟߊ߫ ߜߍߓߏ߲ ߣߌ߫ ߟߐ߯ߝߍ ߟߎ߬ ߕߍ߫.

<<ߓߊ߯ߙߓߊ߫ ߟߋ߬ ߓߘߊ߫ ߞߍ߫ ߞߊ߬ ߥߊߘߌ ߟߊߓߐ߫ (ߞߵߊ߬ ߓߌ߬ߟߊ߫ ߖߊ߬ߡߊ ߛߊ߬ߥߏ߬ ߘߐ߫)، ߊ߲ ߘߏ߲߬ ߥߊߕߐ߫ ߟߋ߬ ߓߊ߯ߙߊ ߏ߬ ߡߊ߬ ߝߋߎ߫، ߞߏ߬ߣߌ߲߬߸ ߝߏ߫ ߞߊ߬ ߓߐ߫ ߛߌߟߊ߫ ߟߋ߬ ߘߌ߫߸ ߛߊ߫ ߡߐ߱ ߟߎ߬ ߘߌ߫ ߛߋ߫ ߣߊ߬ ߟߊ߫ ߥߊߘߌ ߘߌ߫ ߢߊ ߡߍ߲ ߡߊ߬ ߜߍߓߏ߲ ߠߊ߫، ߏ߬ ߘߏ߲߬ ߡߊ߬ߞߏ ߦߋ߫ ߡߎ߲߬ ߠߊ߫߸ ߏ߬ ߟߋ ߟߊߒߠߦߊ ߟߊߛߓߊ߬ߕߌ ߘߌ߫ ߜߍߓߏ߲ ߘߌ߫ ߥߊߘߌ߫ ߟߊߓߊ߯ߙߟߊ ߟߎ߬ ߕߍ߫، ߏ߬ ߟߋ ߘߐ߫߸ ߓߟߏߘߐߓߍ߲ ߘߏ߫ ߟߎ߫ ߓߘߊ߫ ߞߍ߫߸ ߖߐ߲߰ߛߊ߫ ߡߐ߱ ߟߎ߬ ߘߌ߫ ߣߊ߬ߕߊ߫߸ ߞߵߊ߬ߟߎ߬ ߟߊ߫ ߟߊߒߠߦߊ ߟߊߞߎߘߦߊ߫.>> ߊ߬ ߞߵߏ߬ ߦߌ߬ߘߊ߬.

ߞߎߡߊ ߞߎ߲߬ߘߏ߲ ߘߐ߫߸ ߞߏ߲߬ߓߏ߫ ߞߊ߬ߙߊ߲߬ߡߐ߯ ߞߊ߬ߓߊ ߞߵߊ߬ ߦߌ߬ߘߊ߬ ߞߏ߫ ߓߊ߯ߙߊ ߡߍ߲ ߜߍ߬ߟߍ߲߬ߡߊ߲߬ ߓߊ߯ߙߊ ߓߍ߯ ߘߌ߫ ߡߎߣߎ߲߬߸ ߏ߬ ߟߋ ߟߊߒߠߦߊ ߟߊߘߏ߲߭ ߘߌ߫ ߜߍߓߏ߲ ߣߌ߫ ߖߡߊ߬ߣߊ߬ߘߋ߲ ߠߎ߬ ߕߍ߫߸ߊ߬ߟߎ߬ ߦߋ߫ ߛߋ߫ ߥߊߘߌ ߟߎ߬ ߟߊߘߏ߲߬ ߠߊ߫.

<<ߊ߬ ߓߘߊ߫ ߘߐ߬ߓߍ߲ ߘߏ߫ ߟߎ߫ ߞߍ߫߸ ߊ߲ ߘߌߣߊ߬ ߛߴߏ߬ ߡߊ߬ ߢߍߝߍ߬، ߡߙߌߦߊ ߡߍ߲ ߦߋ߲߬߸ ߏ߬ ߟߋ ߖߌ߬ߣߍ߬ߞߊ ߟߎ߬ ߛߣߐ߬ߡߍ ߟߊߞߎߣߎ߲ ߘߌ߫ ߟߊߒߠߦߊ ߟߊ߫߸ ߛߴߊ߬ߟߎ߬ ߘߌ߫ ߛߴߊ߬ߟߎ߬ ߟߊ߫ ߥߊߘߌ ߟߎ߬ ߟߊߘߏ߲߬ ߠߊ߫ ߜߍߓߏ߲ ߠߊ߫، ߊ߲ ߕߴߛߋ߫ ߢߊ߬ ߟߊ߫ ߥߊߘߌ߫ ߟߊߘߏ߲ ߞߐ߫ ߜߍߓߏ߲ ߠߊ߫߸ ߊ߲ ߘߏ߲߬ ߕߴߛߋ߫ ߢߊ߬ ߟߊ߫ ߥߊߘߌ߫ ߞߏ ߟߊߢߎߤߍߙߋ߲ߧߊ ߞߐ߫، ߊ߲ ߧߋ߫ ߥߊߘߌ߫ ߟߊߓߊ߯ߙߊ ߛߌߟߊ߫ ߟߋ߬ ߞߊ߲߬ ߕߋ߲߬߸ ߡߍ߲ ߞߣߐ ߘߎ߲߬ߡߊ߲߬ ߞߏߛߓߍ߫، ߊ߬ ߘߏ߲߬߸ ߊ߲ ߕߴߛߋ߫ ߛߐ߬ߘߐ߲ ߠߊߛߓߊ߬ߕߌ߬ ߟߊ߫ ߞߊ߬ ߜߍߓߏ߲ ߠߎ߬ ߡߊߖߌ߰ߣߍ߲ ߕߏ߫ ߥߊߘߌ߫ ߞߏ ߘߐ߫، ߏ߬ ߡߊ߫ ߞߍ߫ ߡߎߣߎ߲߬ ߘߎߢߊ߫ ߘߊ߲ ߣߌ߫ ߓߌ߬ ߕߍ߫.>> ߊ߬ ߞߵߏ߬ ߦߌ߬ߘߊ߬.

ߊ߬ ߟߊ߫ ߞߎߡߊߢߐ߲߯ߦߊ ߣߌ߲߬ ߘߐ߫߸ ߊ߬ ߞߵߊ߬ ߞߊ߲ߠߊߘߌ߫ ߓߍ߯ ߡߵߊ߬ ߕߊ߫ ߘߊߞߎ߲߫ ߘߐ߫߸ ߛߊ߫ ߓߍ߯ ߘߴߊ߬ ߕߊ߫ ߞߍߕߊ߫ ߞߍ߫ ߞߊ߬ ߛߋ߫ ߥߊߘߌ߫ ߡߎ߯ ߞߏߖߊ ߣߌ߲߬ ߝߙߋߞߋ ߝߎߟߋ߲߫ ߠߊ߫߸ ߞߊ߬ ߖߡߊ߬ߣߊ ߛߋ߲߬ߘߐ߬ ߥߊߣߌ߲ ߓߐ߫ ߞߊߟߌߦߊ߫ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.