ߛߋߙߊߟߑߦߐ߲ߣ ߖߡߊ߬ߣߊ ߞߣߐ߫ ߥߊ߯ߕߌ߫ ߣߌ߲߬ ߠߊ߫߸ ߛߘߋߦߊߥߏ߫ ߣߊ߲߬ߕߌ߰ ߞߎ߲ߕߌ߮ ߟߎ߬ ߟߊ߫ ߕߋ߬ߟߋ߫ ߛߊ߬ߓߊ ߟߊ߬ߘߍ ߓߊ߯ߙߊ ߟߎ߬ ߦߴߊ߬ ߞߊ߲߬ ߞߊ߬ ߕߊ߯ ߢߍ߫߸ ߏ߬ ߡߍ߲ ߠߎ߬ ߘߊߡߌ߬ߣߊ߬ ߘߊ߫ ߞߐ߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߟߊ߬ߘߍ ߣߌ߲߬ ߓߊ߲ߓߊ߲ߣߍ߲߫ ߣߊ߲߬ߕߌ߮ ߡߍ߲߬ ߠߎ߬ ߟߊ߫ ߞߙߎ߫ ߞߙߍߞߙߍߣߍ߲ ߘߏ߫ ߟߋ߬ ߟߊߘߊ߲߫ ߡߊ߬߸ ߡߍ߲ ߠߎ߬ ߟߊ߫ ߓߊ߯ߙߊ ߟߎ߬ ߓߍߣߊ߬ ߟߐ߬ ߓߊ߰ߓߊ߰ߟߌ߬ߟߊ ߟߎ߬ ߜߊ߰ߢߊ߰ߜߊ߯ߢߊ ߡߊ߬߸ ߊ߬ ߘߏ߲߬߸ ߛߘߋߦߊߥߏ߫ ߖߡߊߣߊ ߓߍ߯ ߟߋ߬ ߛߐ߲߬ߣߍ߲߫ ߞߙߎ ߣߌ߲߬ ߟߊߘߊ߲߫ ߞߏ ߡߊ߬߸ ߝߣߊ߫ ߟߊ߬ߘߍ ߣߌ߲߬ ߞߎߡߊ ߛߋ߫ ߘߊ߫ ߛߘߋߦߊߥߏ ߟߊ߫ ߓߊ߯ߙߊߢߐ߲߯ߦߊ ߘߏ߫ ߟߎ߫ ߡߊ߬.

ߦߏ߫ ߡߊ߬ߟߌ ߣߌ߫ ߖߋ߬ߟߌ߬ߓߊ߬ߘߎ߯ ߣߌ߫ ߓߙߎߞߌߣߊ߫ ߝߊ߬ߛߏ߫߸ ߏ߬ ߟߎ߬ ߡߍ߲ ߠߎ߬ ߞߵߊ߬ߟߎ߫ ߣߍ߰ߓߐ߫ ߛߘߋߦߊߥߏ ߘߐ߫߸ ߞߵߊ߬ߟߎ߫ ߘߎ߲߬ߘߎ߬ߡߊ߬ ߕߐ߲߫ ߠߊߘߊ߲߫߸ ߟߊ߬ߘߍ ߣߌ߲߬ ߞߎ߲߬ߠߊ߬ߛߌ߰ߟߊ ߛߌߦߊߡߊ߲߫ ߞߵߊ߬ ߞߙߐ߬ߛߌ߫ ߟߋ߬߸ ߞߏ߫ ߛߘߋߦߊߥߏ ߣߌ߫ ߞߞߢ (ߊߋߛߌ߬) ߞߊߡߊ߲߫ ߠߋ߬ ߞߵߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߊ߬ߟߎ߬ ߟߊ߫ ߖߡߊ߬ߣߊ ߟߊ߫ ߟߊߞߊ߲ߘߊ߫ ߞߊ߲ߡߊ߬߸ ߞߵߊ߬ ߟߴߊ߬ ߞߊ߲߬߸ ߛߘߋߦߊߥߏ ߞߵߊ߬ ߟߊ߫ ߣߊ߲߬ߕߌ߰ ߞߙߎ߬
ߝߟߐ ߓߟߏߦߊ߫ ߓߋߣߍ߲߫ ߞߊ߬ߝߏ߬ߖߊ߬ߛߏ߲߬ ߘߐߛߊ߬ߣߍ߲ ߠߋ߬ ߛߋ߲߭ߝߍ߬߸ ߏ߬ ߡߍ߲ ߞߍ߫ ߘߊ߫ ߞߏߟߌ߲ߞߏߟߌ߲߫ ߕߊ߬ߡߌ߲߬ߣߍ߲ ߡߊ߬߸ ߛߘߋߦߊߥߏ ߣߐ߬ ߣߊ߲߬ߕߌ߯ ߁߀߀ ߢߐ߲߰ ߓߌ߬ߟߊ߬ ߟߊ߫ ߏ߬ ߡߍ߲ ߛߋ߲߭ߝߍ߬ ߞߊ߬ ߕߊ߯ ߓߋߣߍ߲߫ ߣߊ߲߬ߕߌ߮ ߟߎ߫ ߘߍ߬ߡߍ߲߫߸ ߞߵߊ߬ߟߎ߬ ߟߊ߫ ߞߊ߬ߝߏ߬ߖߊߛߏ߲ ߘߐߛߊ߬، ߣߊ߲߬ߕߌ߮ ߏ߬ ߟߎ߬ ߓߐ߫ ߘߊ߫ ߛߣߍ߬ߜ߭ߊ߬ߟߌ߫ ߣߌ߫ ߜߋ߲ߞߐ߰ߖߌ߬ߘߊ ߣߌ߫ ߖߘߊ߬ߞߙߎ߫ ߟߋ߬߸ ߊ߬ ߣߌ߫ ߖߡߊ߬ߣߊ߬ ߜߘߍ߫ ߟߎ߫ ߘߐ߫߸ ߡߍ߲ ߓߍ߯ ߕߴߛߋ߫ ߡߊߘߊ߲߫ ߠߴߊ߲ ߓߟߏ߫ ߦߊ߲߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.