ߛߌ߯ߙߌ߲߫: ߊߟߌߝߊ߫ ߎߡߊߙ ߓߊ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫߸ ߓߌ߲߬ߘߌߓߊ߲߬ߘߊ߫ « ߞߎߛ » ߡߌ߲߭ ߞߐߝߍ߬ ߊ߬ ߓߟߏ߫ ߢߊ߰ߢߊ߮ ߘߏ߫ ߘߐ߫ ߓߎ߬ߙߋ߬ ߓߎߞߊߙߌߦߊ߫

ߞߐ߲߬ߛߏ߬ ߡߞߊ߬ߙߊ߲߬ߘߋ߲߫ ߛߊ߲߬ ߁߉ ߘߏ߫ ߟߋ߬ ߓߣߐ߬ ߘߴߊ߬ ߣߌ ߘߐ߫ ߞߍ߲ߘߍߟߏ߲ ߛߎ ߕߙߊߓߊ ߕߋ߬ߟߋ߫ ߂߁߸ ߞߵߊ߬ ߘߎ߰ߛߊ ߜߍ߫ ߞߊ߯ߙߌ ߟߊ߫ ߕߙߊߓߊ ߂߂، ߏ߬ ߞߍ߫ ߘߊ߫ ߓߎ߬ߙߋ߬ ߓߎߞߊߙߌߦߊ߫ ߟߋ߬߸ ߞߌ߲߬ߕߌ߬ߢߊ߲߫ ߡߙߊ߬ߘߊ߬ߙߋ߲ ߞߣߐ߫߸ ߛߌ߯ߙߌ߲߫ ߡߙߊ߬ߓߊ߰ߘߊ ߘߐ߫، ߊߟߌߝߊ߫ ߎߡߊߙ ߓߊ ߡߍ߲ ߦߋ߫ ߕߋ߲߬߸ ߊ߬ߟߋ ߞߊ߬ ߓߌ߲߬ߘߌߓߊ߲߬ߘߊ߲ ߘߏ߫ ߟߋ߬ ߡߌ߲߬߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ « ߞߎߛ »߸ ߏ߬ ߟߋ ߞߵߊ߬ ߝߊ߬ߘߌߝߊ߰ ߊ߬ ߞߊ߲߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬، ߊ߬ ߘߍ߬ߢߐ߲߮ ߡߍ߲ ߠߎ߬ ߕߘߍ߬ ߜߍ ߘߐ߫ ߦߋ߲߬߸ ߏ߬ ߟߎ߬ ߡߊ߫ ߛߴߊ߬ ߡߞߊߘߊ߲߫ ߠߊ߫߸ ߊ߬ ߟߊߓߊ߲߫ ߘߊ߫ ߛߊ߬ߦߊ ߟߋ߬ ߡߊ߬.

ߛߊߟߌ߫ ߟߏ߲ ߡߍ߲ ߦߋ߫ ߕߐ߭ ߟߎ߬ ߛߍߥߊ߫ ߟߏ߲ ߘߌ߫߸ ߏ߬ ߟߋ ߞߍ߫ ߘߴߊ߬ߟߋ ߛߎ߬ߣߎ߲߬ ߟߏ߲ ߘߌ߫، ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߝߊ߬ߘߌ߬ߘߐ߬ߓߊ߲߫ ߝߊ߲߬ߞߊ߬ߡߊ ߟߋ߬ ߞߵߊ߬ ߛߐ߬ߘߐ߲߬ « ߞߎߛ » ߡߌ߲߭ ߞߐ ߘߐ߫ ߊ߬ ߓߟߏ߫߸ ߞߵߊ߬ ߖߊ߬ ߊ߬ ߟߊ߫߸ ߘߏ߫ ߟߎ߫ ߖߍ߬ߘߍ ߞߵߊ߬ ߦߌ߬ߘߊ߬ ߞߏ߫ ߊ߬ ߞߵߊ߬ ߣߍ߲߭ ߠߊߞߎ߬ߣߎ߲߫ ߠߋ߬، ߊ߬ ߘߍ߬ߢߐ߲߮ ߠߎ߬ ߖߛߎ߬ߞߊ߬ߛߌ߬ߓߊ߰ߕߐ ߏ߬ ߞߵߊ߬ ߝߐ߫ ߞߏ߫ ߊ߬ߟߎ߬ ߦߴߊ߬ ߡߞߊߘߊ߲߫ ߠߴߊ߬ߟߎ߬ ߛߋߞߏ ߟߊ߫߸ ߞߊ߬ ߓߊ߬ߙߊ߲ ߕߊ߬ ߛߊ߫ ߞߵߊ߬ ߣߌߟߊߞߟߌ߫ ߛߌߟߊ ߟߊߞߊ߬ ߢߊ ߡߍ߲ ߡߊ߬߸ ߏ߬ ߡߊ߫ ߛߋ߫ ߓߍ߲߬ ߠߊ߫.

ߊ߬ ߡߍ߲߫ ߘߊ߫ ߢߊ ߏ߬ ߡߊ߬ ߤߊ߲߯߸ ߊ߬ ߦߴߊ߬ ߣߌߟߊ߫، ߂߃ߕߎߡߊ ߟߋ߬ ߟߊ߫߸ ߞߊ߲ߡߋߙߋ߲ ߕߊ ߟߊߓߊ߲߫ ߘߊ߫ ߛߊ߬ߦߊ ߡߊ߬߸ ߊ߬ ߕߊ߬ ߘߊ߫ ߞߊ߬ ߥߴߊ߬ ߘߴߊ߬ ߟߊ߫ ߡߐ߱ ߟߎ߫ ߡߊ߬߸ ߞߵߊ߬ ߛߐ߬ߘߐ߲߬ ߊ߬ ߓߘߊ߫ ߓߊ߲߫ ߛߊ߬ ߟߊ߫.

ߊߟߌߝߊ߫ ߎߡߊߙ ߓߊ ߣߌ߲߬ ߕߎ߲߬ ߦߋ߫ ߘߊ߲߬ߞߊ߬ߞߎߟߎ߲ ߠߋ߬ ߡߊߞߊ߬ߙߊ߲ ߞߊ߲߬، ߊ߬ ߕߘߍ߬ ߘߊߙߑߛߊ߬ߟߊߡ ߞߌ߲߬ߘߊ ߟߋ߬ ߟߊ߫ ߓߎߞߊߙߌߦߊ߫، ߡߛߏ߬ ߕߴߊ߬ ߞߎ߲߬ ߘߋ߲߫ ߕߴߊ߬ ߓߟߏ߫߸ ߊ߬ ߝߊ߬ ߕߐ߯ ߞߏ߫ ߡߊߡߊߘߎ߫ ߛߊߟߌߥߎ߬߸ ߊ߬ ߣߊ߫ ߕߐ߯ ߞߏ߫ ߝߊߕߎߡߊߕߊ߬ ߖߊߟߏ߫߸ ߊ߬ ߛߊ߬ ߘߊ߫ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߁߉ ߟߋ߬ ߘߐ߫.

ߞߏߢߊ ߞߍ߫ ߘߴߊ߬ ߛߋ߲߬ߘߏ߲߬ߢߐ߲߮ ߡߍ߲ ߠߎ߬ ߢߣߊ߫߸ ߏ߬ ߝߋ߲߫ ߡߊ߫ ߛߋ߫ ߡߊߟߐ߲߫ ߠߊ߫ ߡߎߣߎ߲߬ ߞߵߏ߬ ߟߎ߬ ߘߊߘߐߞߊ߲ ߠߊߡߍ߲߫߸ ߏ߬ ߟߋ ߣߐ߬ ߊ߬ ߟߊ߫ ߛߊ߬ߦߊ ߞߍߢߊ ߕߏ߫ ߟߊ߫ ߟߐ߲ߓߊߟߌߦߊ ߘߐ߫ ߕߌ߯ߕߌ߯ߦߊ߫ ߓߟߏ ߡߊ߬.

« ߞߎߛ » ߡߍ߲ ߦߋ߫ ߕߋ߲߬ ߓߊߘߋ߲ ߠߎ߬߸ ߊ߬ߟߋ ߦߋ߫ ߓߌ߲߬ߘߌߓߊ߲߬ߘߊ߲ ߠߋ߬ ߘߌ߫߸ ߡߍ߲ ߦߋ߫ ߘߐߞߏߟߌ߲߫ ߠߊ߫ ߝߋ߲߫ ߜߘߍ߫ ߟߎ߫ ߟߊ߫߸ ߞߵߏ߬ ߟߎ߬ ߞߍ߫ ߊ߬ ߘߐ߫، ߊ߬ ߓߘߊ߫ ߛߏ߰ߟߊ ߟߊߛߋ߫ ߖߌ߬ߣߍ߬ ߘߋ߲ߡߌߛߍ߲߫ ߛߌߦߊߡߊ߲߫ ߠߋ߬ ߡߊ߬߸ ߛߏߓߊ߫ ߞߣߐߟߊ ߟߎ߬ ߘߐ߫ ߖߡߊ߬ߣߊ ߞߣߐ߫߸ ߊ߬ ߣߌ߫ ߞߎߓߋߘߊ ߟߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.