ߞߎߣߎ߲߬ ߞߊ߯ߙߌ ߛߎ ߞߵߊ߬ ߘߎ߰ߛߊ ߜߍ߫ ߓߌ߬ ߞߐ߬ߓߊ߬ߟߏ߲ ߠߊ߫߸ ߞߊ߲ߡߋߙߋ߲ ߘߏ߫ ߟߎ߫ ߟߋ߬ ߞߊ߬ ߡߊ߲߬ߞߊ߲ ߞߍ߫ ߘߞߏ߫ ߡߌ߲߬ߓߏ߲ ߘߏ߫ ߞߣߐ߫߸ ߞߏ߫ ߓߊߙ ߊߡߋߙߌߞߍ߲، ߏ߬ ߟߋ ߟߊߓߊ߲߫ ߘߊ߫ ߝߎߣߎ߲ߞߋߣߍ߲߫ ߛߊ߲߬ ߁߇ ߘߏ߫ ߛߐ߱ ߡߊ߬ ߡߎ߬ߙߎ ߟߊ߫߸ ߊ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫، ߘߞߏ߫ ߦߋ߫ ߡߙߊ߬ߘߊ߬ߙߋ߲ ߠߋ߬ ߘߌ߫ ߛߌ߯ߙߌ߲߫ ߡߙߊ߬ߓߊ߰ߘߊ ߘߐ߫، ߝߎߣߎ߲ߞߋߣߍ߲ ߡߍ߲ ߛߐ߰ߣߍ߲߫ ߡߎ߬ߙߎ ߟߊ߫ ߣߌ߲߬ ߞߵߏ߬ ߞߍ߫ ߊ߬ ߛߕߊ ߘߌ߫߸ ߊ߬ߟߋ ߕߐ߯ ߟߋ߬ ߞߏ߫ ߓߊ߲߬ߞߊߟߌ߬ ߖߊߥߙߊ߫߸ ߊ߬ ߦߋ߫ ߞߊ߬ߙߊ߲߬ߘߋ߲ ߠߋ߬ ߘߌ߫، ߖߋ߬ߟߌ߬ߓߐ߬ ߛߌߦߊߡߊ߲ ߠߎ߬ ߞߐ ߘߐ߫߸ ߊ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫، ߢߊߢߌߣߌ߲ߠߌ߲ ߞߏ߬ߣߌ߲ ߓߘߊ߫ ߛߌ߰ ߛߋ߲߬ߠߊ߫ ߕߋ߲߬، ߝߣߊ߫߸ ߕߍ߮ ߓߘߊ߫ ߞߍ߫ ߛߌߞߊߒߡߊߓߊ߯ߕߐ ߛߌߦߊߡߊ߲߫ ߘߐ߫߸ ߏ߬ ߟߎ߬ ߦߋ߫ ߓߟߏߘߐ߫ ߕߋ߲߬.

ߓߊ߲߬ߞߊߟߌ߬ ߖߊߥߙߊ߫ ߣߌ߲߬ ߛߊ߲߬ ߁߇ ߟߋ߬ ߕߋ߲߬߸ ߊ߬ ߦߋ߫ ߞߊ߬ߙߊ߲߬ߘߋ߲ ߠߋ߬ ߘߌ߫߸ ߡߍ߲ ߡߊߖߌ߰ߣߍ߲߬ ߘߞߏ߫ ߛߏ ߞߣߐ߫، ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߞߍ߬ߟߍ ߣߌ߲߬ ߥߟߌ߬ ߘߊ߫ ߡߌ߲߬ߓߏ߲ ߘߏ߫ ߟߋ߬ ߞߣߐ߫߸ ߡߍ߲ ߦߋ߫ ߖߊ߬ߕߋ߬ ߟߊ߫ ߘߐ߲߬ߓߏ߲ ߘߌ߫.

ߊ߬ ߦߌ߬ߘߊ߬ ߘߊ߫ ߢߊߝߐߟߌ ߟߎ߬ ߘߐ߫߸ ߞߏ߫ ߡߊ߲߬ߞߊ߲ ߣߌ߲߬ ߘߊߡߌ߬ߣߊ߬ ߘߊ߫ ߂߃ߕߎߡߊ ߟߋ߬ ߟߊ߫߸ ߘߐ߲߬ߓߏ߲߬ߕߌ߮ ߞߵߊ߬ ߛߋߞߏ ߞߍ߫ ߖߐ߲߰ߛߴߊ߬ ߞߏߢߊ ߘߌ߫ ߘߐߛߎߡߊ߫߸ ߒ߬ߞߵߊ߬ ߞߏ ߡߊ߫ ߣߐ߰ߦߊ߬ ߝߋߎ߫، ߞߊ߬ߕߎ߲߯߸ ߞߏ ߛߐ߰ ߘߊ߫ ߘߐߛߎߡߊ ߟߋ߬ ߡߊ߬ ߡߎߣߎ߲߬߸ ߊ߬ ߣߊ߬ ߘߊ߫ ߖߊߡߊ߲߫ ߢߊ߫ ߞߎߘߊ߫ ߡߊ߬ ߃ߕߎߡߊ ߟߊ߫، ߏ߬ ߥߊ߯ߕߌ ߟߋ߬ ߟߊ߫ ߡߎ߬ߕߎ߲߬ ߛߊ߫߸ ߓߊ߲߬ߞߊߟߌ߬ ߖߊߥߙߊ߫ ߛߐ߰ ߘߊ߫ ߡߎ߬ߙߎ ߟߊ߫߸ ߞߵߊ߬ ߡߊߘߌߡߌ߲߫ ߞߏߖߎ߯ߦߊ ߞߍ߫.

ߊ߬ ߕߊ߬ ߢߊ ߟߋ߬ ߞߍߣߴߏ߬ ߘߌ߫ ߞߊ߬ ߥߴߊ߬ ߘߌ߫ ߛߌ߯ߙߌ߲߫ ߘߊ߲ߘߊߛߏ ߟߊ߫߸ ߏ߬ ߞߍ߫ ߘߊ߫ ߆ߕߎߡߊ ߟߋ߬ ߟߊ߫߸ ߊ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫، ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߡߍ߲ ߦߋ߫ ߓߊ߯ߙߊ߫ ߟߊ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫ ߦߋ߲߬߸ ߏ߬ ߞߵߊ߬ ߦߌ߬ߘߊ߬ ߞߏ߫ : <<ߊ߬ ߡߊߟߐ߬ߓߊ߮ ߟߎ߬ ߟߊ߫ ߝߐߟߌ߫ ߘߐ߫߸ ߊ߬ ߛߐ߰ ߘߊ߫ ߡߎ߬ߙߎ ߟߋ߬ ߟߊ߫، ߊ߲ ߘߏ߲߬ ߞߵߏ߬ ߣߐ߭ ߦߴߊ߬ ߡߊ߬ ߝߋߎ߫، ߓߊߏ߬߸ ߡߊ߬ߝߟߍ߬ߟߌ ߟߎ߬ ߞߐߝߟߌ ߞߵߊ߬ ߦߌ߬ߘߊ߬ ߞߏ߫ ߡߎ߬ߙߎ ߟߋ߬ ߞߵߊ߬ ߛߐ߰.>> ߏ߬ ߘߐ߫߸ ߖߋ߬ߟߌ߬ߓߐ߬ ߛߌߦߊߡߊ߲ ߞߏߛߐ߲߬ ߛߊ߫߸ ߊ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫.

ߛߌ߯ߙߌ߲߫ ߞߕߌߘߊ ߦߌߟߡߊ߫ ߝߟߐ ߞߕߌߞߊ߲ߘߊ ߟߊߟߐ߲ߠߌ߲ ߡߍ߲ ߞߍ߫ ߘߊ߫߸ ߘߏߡߣߌߞ ߟߎ߬ߥߊ߬߸ ߊ߬ߟߋ ߞߊ߬ ߢߊߢߌߣߌ߲ߠߌ߲ ߘߊ ߟߊߞߊ߬، ߕߍ߮ ߞߍ߫ ߘߊ߫ ߡߐ߰ ߛߌߦߊߡߊ߲߫ ߘߐ߫߸ ߏ߬ ߟߎ߬ ߦߋ߫ ߛߊ߬ߙߌ߬ߦߊ߬ ߓߟߏߞߘߐ߫ ߕߋ߲߬، ߊ߬ ߞߎ߲߬ ߖߐ߲ߖߐ߲߫ ߡߊ߫ ߛߋ߫ ߟߐ߲߫ ߠߊ߫، ߓߊ߬ߙߌ߬߸ ߓߐߛߎ߲ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫ ߡߐ߱ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߡߛߏ߬ ߞߏ߬ ߞߟߍ ߟߋ߬߸ ߊ߬ ߣߌ߫ ߜߋߟߋ߲ߜߋߟߋ߲߫ ߞߏ، ߏ߬ ߦߋ߫ ߘߊ߲߬ߞߎ߲߬ ߘߐ߬ ߞߎߡߊ ߟߋ߬ ߘߌ߫߸ ߡߍ߲ ߕߍ߫ ߞߊ߬ߟߊ߫ ߞߊ߲߬.

ߞߏ߲߬ߓߏ ߊߓߋߛߋ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߞߏ߬ߣߌ߲ ߓߘߊ߫ ߥߊ߯ߕߌ߫ ߞߍ߫߸ <<ߣߌ߲߬ ߢߐ߲߰ ߡߊ߫ ߞߍ߫ ߊ߲ ߝߍ߬ ߦߊ߲߬.>> ߞߊ߬ߕߎ߲߯߸ ߞߏ߫ ߊ߬ߟߎ߬ ߓߘߊ߫ ߘߐ߬ߖߊ߬ ߛߌߦߊߡߊ߲߫ ߞߍ߫ ߞߊߙߏ߫ ߟߊߓߊ߲ ߢߌ߲߬ ߠߎ߬ ߞߘߐ߫߸ ߞߊ߬ ߛߋ߫ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߬ ߠߊ߫߸ ߞߊ߬ ߕߊ߲߬ߞߊ߬ ߞߍ߫ ߊ߬ ߛߎ߮ ߟߎ߫ ߡߊ߬.

ߊ߬ ߞߵߊ߬ ߞߊ߲ߠߊߘߌ߫ ߘߋ߲ߓߊߕߌ߮ ߟߎ߫ ߡߊ߬߸ ߞߏ߫ <<ߊߟߊ߫ ߕߍ߫ ߘߋ߲ ߘߌ߫ ߟߊ߫ ߓߍ߯ ߡߊ߬، ߣߴߊߟߊ߫ ߞߊ߬ ߘߋ߲ ߘߴߌ ߡߊ߬߸ ߌ ߦߋ߫ ߝߙߍ߬ ߞߍ߫߸ ߌ ߛߴߌ ߕߊ ߟߊߡߙߊ߬ ߢߊ ߟߊ߫، ߝߏ߫ ߞߊ߬ ߖߊ߲߬ߕߏ߬ ߞߍ߫ ߊ߬ߟߎ߬ ߘߐ߫ ߟߋ߬߸ ߞߵߊ߬ߟߎ߬ ߖߏ߯ߘߏ߲߬߸ ߞߵߊ߬ߟߎ߬ ߥߊ߫ ߦߙߐ ߟߎ߬ ߡߊߝߟߍ߫ ߞߵߊ߬ߟߎ߫ ߞߙߐ߬ߛߌ߬.>>

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.