ߛߎ߲ߞߊߙߏ ߛߎ߲ ߦߋ߫ ߛߋ߲ߛߋߘߋ߲ ߠߋ߬ ߘߌ߫ ߛߌ߬ߟߡߊ߬ ߤߊ߲ߞߟߌߡߊ߫ ߞߎ߲߬ߡߊߞߘߎ߬ߣߍ߲ ߓߍ߯ ߡߊ߬

ߡߍ߲ ߘߌ߫ ߛߋ߫ ߛߎ߲߫ ߠߊ߫ ߣߌ߫ ߦߟߌߛߌߓߊ߯ߕߐ߫ ߡߊ߫ ߞߍ߫ ߖߌ߬ߓߊ߬ߓߊ߬ߕߐ߫ ߕߍ߫، ߘߋ߲ߣߍ߲ ߝߣߊ߫ ߘߌ߫ ߟߐ߬ ߊ߬ ߟߊ߫ ߣߴߊ߬ ߞߵߊ߬ ߟߊߣߐ߬߸ ߛߴߊ߬ ߘߌ߫ ߘߋ߬ߙߵߊ߬ ߟߊ߫، ߛߎ߲ߞߊߙߏ ߛߋ ߦߋ߫ ߟߐ߲߫ ߠߊ߫ ߞߏ߬ ߝߌ߬ߟߊ ߘߏ߫ ߘߐ߫ ߞߋߟߋ߲߫ ߠߋ߬ ߡߊ߬:
ߊ ߺ ߊ߬ ߞߊߙߏ߫ ߢߋߙߌ߲ ߦߋ ߛߌ߬ߟߊ߬ߡߊ߫ ߞߎ߲߬ߡߊߞߘߎ߬ߣߍ߲߬ ߞߋߟߋ߲߫ ߠߊ߫ ߛߙߋߦߊ ߡߊ߬، ߤߊߟߵߏ߬ ߞߍ߫ ߡߛߏ߬ ߘߌ߫.
ߋ ߺ ߛߎ߲ߞߊߙߏߡߊߞߐߣߐ߲ ߘߝߊ ߕߟߋ߬ ߓߌߛߊ߬ߓߊ߫ ߡߊ߬، ߊ߬ ߦߋ߫ ߘߊߡߌ߬ߣߊ߬ ߟߊ߫ ߖߍߓߎߙߍ߲ ߞߣߍߦߊ ߕߋ߭ ߟߋ߬ ߡߊ߬ ߞߊ߬ ߥߴߊ߬ ߛߌ߰ ߕߋ߬ߟߋ ߓߋ߭ ߟߊ߫، ߛߎ߲ߞߊߙߏ ߛߎ߲ ߘߐ߫߸ ߘߌߦߊߜߏߦߊ ߟߋ߬ ߥߊ߬ߣߌ߲߬ߞߋ߬ ߛߘߌ ߘߌ߫ ߞߊ߬ ߞߐ߲߬ ߖߍ߲ߓߎߙߍ߲ ߕߋ߭ ߢߍ߫.
ߛߎ߲ ߕߌߢߍ߫ ߞߏ ߟߎ߬: ߁ ߺ ߗߍ߬ߣߌ߬ߡߛߏ߬ߦߊ ߖߊ߲߬ߓߘߍ ߟߊ߫، ߖߟߎ߬ ߛߙߊ ߟߵߏ߬ ߘߐ߫، ߊ߬ ߞߎ߲߬ߞߊ: ߞߊ߬ ߖߐ߲߭ ߞߊ߲ߤߙߐߦߊ߫، ߣߌ߫ ߡߍ߲ ߡߴߏ߬ ߛߐ߬ߘߐ߲߬߸ ߏ߬ ߘߌ߫ ߞߊߙߏ߫ ߝߌ߬ߟߊ߬ ߛߎ߲߫ ߞߵߊ߬ ߕߎ߲߰ ߢߐ߲߮ ߠߊ߫ ߝߙߍߕߍߕߍ߫، ߣߌ߫ ߡߍ߲ ߡߊ߫ ߛߋ߫ ߏ߬ ߟߊ߫ ߛߊ߫، ߏ߬ ߘߌ߫ ߘߐ߰ߕߐ߬ ߓߌߥߐ߯ߙߐ߫ ߟߘߊߥߎ߲ߠߌ߲߫، ߣߌ߫ ߡߍ߲ ߡߴߏ߬ ߛߐ߬ߘߐ߲߬ ߛߊ߫߸ ߞߎ߲߬ߞߏ߬ ߕߴߏ߬ ߡߊ߬.
߂ ߺ ߛߖߌ ߟߊߓߐ: ߛߎ߲ߓߎߟߌ߫ ߓߟߏ߫ ߡߊ߬߸ ߥߟߊ߫ ߡߛߏ߬ ߡߊ߬ߕߏߟߏ߲߸ ߤߊߡߊ߲ߕߍ߫ ߖߘߍ߬ ߟߊ߬ߕߏߟߏ߲، ߞߎ߲߬ߞߏ߫ ߞߏ߬ߣߌ߲߬ ߕߍ߫ ߛߌ߬ߓߏ߬ߓߊ߰ߕߐ ߡߊ߬.
߃ ߺ ߘߊߥߎ߲ߠߌ߲ ߣߌ߫ ߡߌ߲߬ߠߌ߲ ߟߊ߬ߥߟߌ߬ߒ߬ߡߊ߬ߕߊ: ߣߴߊ߬ ߞߍ߫ ߘߊ߫ ߢߌ߬ߣߊ ߟߋ߫ ߡߊ߬ ߛߊ߫߸ ߝߍ߬ ߕߴߏ߬ ߟߊ߫ ߛߎ߲ ߠߊ߫.
߄ ߺ ߖߋ߬ߟߌ ߟߊߓߐ ߞߎ߲߬ߓߏ ߓߟߏ߫߸ ߥߟߊ߫ ߖߋ߬ߟߌ߬ ߘߌ، ߖߋ߬ߟߌ߬ߣߍ߲ ߡߍ߲ ߕߊ߬ߕߐ߫ ߘߐ߬ߜߍ߬ߟߌ߬ ߞߊ߲ߡߊ߬ ߛߊ߫߸ ߥߟߊ߫ ߡߍ߲ ߓߊ߯ ߓߐ߫ ߣߴߊ߬ ߡߊ߫ ߞߍ߫ ߟߊ߬ߥߟߌ߬ߒ߬ߡߊ߬ ߘߌ߫߸ ߥߟߊ߫ ߣߎ߲ߓߊߕߋ߸ ߏ߬ ߕߍ߫ ߛߎ߲ ߕߌߢߍ߫ ߟߊ߫. ߅ ߺ ߓߊ߯ߖߌ ߟߊ߬ߥߟߌ߬ߒߡߊ߭، ߣߌ߫ ߜߊ߲߬ߜߊ߲ ߠߋ߬ ߦߟߍ߬ ߘߴߊ߬ ߞߊ߲ ߠߊ߫ ߥߟߴߊ߬ ߞߵߊ߬ ߘߊ ߘߐߞߛߎߞߛߎ߫߸ ߤߊߡߊ߲ߕߍ߫ ߞߊ߬ ߖߌ ߛߊ߬ߡߊ߲߬ ߊ߬ ߣߎ߲ ߘߐ߫߸ ߖߌ ߘߏ߫ ߛߋ߫ ߘߴߊ߬ ߞߊ߲ ߠߊ߫ ߏ߬ ߘߐ߫߸ ߥߟߴߊ߬ ߕߏ߫ ߘߴߊ߬ ߡߙߌ߫ ߟߊ߫ ߛߖߌ ߕߟߊ߫ ߘߴߊ߬ ߟߊ߫߸ ߥߟߴߊ߬ ߛߌ߬ߓߏ߬ ߘߊ߫ ߤߊߡߊ߲߫ ߖߋ߬ߟߌ ߓߐ߫ ߘߴߊ߬ ߡߊ߬߸ ߤߊߡߊ߲ߕߍ߫ ߓߊ߯ߖߌ߫߸ ߣߴߊ߬ ߡߴߊ߬ ߟߊߥߟߵߊ߬ ߡߊ߬߸ ߏ߬ ߕߴߊ߬ ߟߊ߫ ߛߎ߲ ߕߌߢߍ߫ ߟߊ߫.
ߡߍ߲ ߓߊ߯ ߘߊߥߎ߲ߠߌ߲ ߞߵߊ߬ ߕߘߍ߬ ߊ߬ ߦߴߊ߬ ߖߌ߰ ߟߊ߫ ߞߏ߫ ߛߎ ߟߋ߬߸ ߊ߬ ߣߴߊ߬ ߦߋ߫ ߏ߬ ߞߐ߫ ߞߏ߫ ߞߣߍ ߓߘߊ߫ ߓߐ߫߸ ߊ߬ ߘߴߏ߬ ߟߏ߲ ߛߙߊ߬، ߡߍ߲ ߝߣߊ߫ ߓߊ߯ ߘߊߥߎ߲ߠߌ߲ ߞߍ߫ ߛߌߞߊ ߞߊ߲߬ ߖߍ߲ߓߎߙߍ߲ ߕߋ߭ ߘߐ߫߸ ߞߵߊ߬ ߕߘߍ߬ ߛߎ ߟߋ߬߸ ߏ߬ ߟߊ߫ ߛߎ߲ ߕߍ߫ ߕߌߢߍ߫ ߟߊ߫، ߣߴߊ߬ ߘߏ߲߬ ߞߊ߬ ߘߊߥߎ߲ߠߌ߲ ߞߍ߫ ߛߌߞߊ ߞߊ߲߬ ߕߋ߬ߟߋ ߓߋ߭ ߘߐ߫߸ ߊ߬ ߣߊ߬ ߘߴߊ߬ ߦߋ߫ ߕߋ߬ߟߋ ߜߎ ߓߋ߬ ߕߎߡߊ ߡߊ߫ ߛߋ߫ ߡߎߣߎ߲߬ ߝߋߎ߫߸ ߌ ߘߴߏ߬ ߟߏ߲ ߛߙߊ߬ ߛߋ߲ߛߋߘߋ߲߫.
ߛߎ߲ߘߏ߲ߓߊߟߌ ߟߎ߬ ߟߊ߫ ߞߕߌ: ߛߎ߲ߞߊߙߏ ߛߎ߲ߘߏ߲ߓߊߟߌߦߊ ߟߊߕߐ߲ߣߍ߲߫ ߠߋ߬ ߡߐ߰ ߡߊ߬ ߘߊ߬ߟߎ߬ ߘߐ߬ߜߍ߫ ߕߍ߫ ߡߍ߲ ߓߟߏ߫، ߛߎ߲ ߕߍ߱ ߝߣߊ߫ ߦߋ߫ ߛߋ߲ߛߋߘߋ߲ ߠߋ߬ ߘߌ߫ ߦߟߌߛߌߓߊ߯ߕߐ ߣߌ߫߫ ߖߌ߬ߓߊ߬ߓߊ߬ߕߐ ߡߊ߬، ߊ߬ ߣߌ߫ ߡߍ߲ ߡߊ߬ߞߏ ߦߋ߫ ߛߎ߲ ߠߊ߫ ߛߴߊ߬ ߘߌ߫ ߡߐ߰ ߡߞߊߘߊ߲ߕߊ ߞߎ߲߬ߠߊ߬ߞߛߌ߫ ߕߏߒߘߐ ߡߊ߬، ߛߎ߲ ߕߍ߱ ߦߋ߫ ߛߎ߲ߣߊ߫ ߘߌ߫ ߕߊ߯ߡߊߘߋ߲ ߡߊ߬، ߊ߬ ߣߌ߫ ߞߣߐߡߊ ߣߌ߫ ߘߋ߲ߓߊ ߡߍ߲ ߖߘߐ߬߬ߣߴߊ߬ ߖߘߍ߬ ߘߌ߫ ߥߟߊ߫ ߘߋ߲ ߘߌ߫، ߖߟߎ߬ ߛߙߊ ߟߵߏ߬ ߓߍ߯ ߡߊ߬ ߘߐߙߐ߲߫، ߞߣߐߡߊ ߣߌ߫ ߘߋ߲ߓߊ ߡߍ߲ ߖߘߐ߬ߣߍ߲߫ ߘߋ߲ ߘߌ߫߸ ߏ߬ ߟߎ߬ ߟߋ߬ ߘߐ߰ߕߐ߬ ߞߋߟߋ߲߫ ߠߘߊߥߎ߲ߠߌ߲߫ ߠߊ߫ ߟߏ߲ ߞߋߟߋ߲ߞߋߟߋ߲ ߓߍ߯ ߘߐ߫ ߞߵߏ߬ ߟߊ߫ ߖߟߎ߬ ߛߙߊ ߞߊ߲߬.
ߡߍ߲ ߓߊ߯ ߘߛߍ߫ ߛߎ߲ ߠߊ߫ ߞߐ߬ߘߐ ߓߟߏ߫ ߥߟߊ߫ ߖߊ߲߬ߞߊߙߏ߫߸ ߡߐ߰ ߦߟߌ߫ ߕߍ߫ ߡߍ߲ ߘߊ߲ߘߊ߫ ߡߊ߬߸ ߏ߬ ߟߎ߬ ߦߋ߫ ߘߐ߰ߕߐ߬ ߞߋߟߋ߲߫ ߠߋ߬ ߟߘߊߥߎ߲ߠߌ߲߫ ߠߊ߫ ߟߏ߲ ߺ ߏ ߺ ߟߏ߲߫ ߛߙߊ߬ߟߌ߬ ߕߴߊ߬ߟߎ߫ ߡߊ߬ ߝߣߊ߫، ߡߍ߲ ߓߊ߯ ߖߟߎ߬ ߛߙߊ ߘߏ߲߰ߘߌ߫ ߘߊ߬ߟߎ ߘߏ߫ ߞߏߛߐ߲߬ ߤߊ߲߯ ߛߎ߲ߞߊߙߏ߫ ߜߘߍ߫ ߘߏ߲߬ ߘߴߊ߬ ߞߊ߲߬߸ ߛߙߊ߬ߟߌ ߟߋ߬ ߘߐߙߐ߲߫ ߦߴߊ߬ ߡߊ߬߸ ߣߴߊ߬ ߡߊ߫ ߞߍ߫ ߘߊ߬ߟߎ߬ ߘߌ߫ ߛߊ߫߸ ߊ߬ ߘߌ߫ ߘߐ߰ߕߐ߬ ߞߋߟߋ߲߫ ߠߘߊߥߎ߲ߠߌ߲߫ ߟߏ߲ ߺ ߏ ߺ ߟߏ߲߫، ߣߴߊ߬ ߞߊ߬ ߛߎ߲ߞߊߙߏ ߖߟߎ߬ ߛߙߊ ߡߊߓߌ߬ߟߊ߬ ߝߏ߫ ߛߊ߬ߦߊ ߦߴߊ߬ ߛߐ߬ߘߐ߲߬߸ ߞߏ߫ ߕߴߊ߬ ߡߊ߬، ߣߴߊ߬ ߡߊ߫ ߞߍ ߘߊ߬ߟߎ߬ ߟߊ߫ ߛߊ߫߸ ߘߐ߰ߕߐ߬ ߞߋߟߋ߲߫ ߘߌ߫ ߟߘߊߥߎ߲ߠߌ߲߫ ߊ߬ ߦߋ߫ ߕߋ߬ߟߋ ߺ ߋ ߺ ߕߟߋ߬، ߊ߬ ߞߊ߬ ߛߎ߲ߞߊߙߏ߫ ߖߟߎ߫ ߛߙߊ ߡߍ߲ ߡߊߓߌ߬ߟߊ߬ ߏ߬ ߛߊ߬ߙߊ ߦߴߊ߬ ߡߊ߬ߡߐ߮ ߡߊ߬ ߛߎ߲ߣߊ ߟߋ߬ ߘߌ߫߸ ߊ߬ ߣߴߊ߬ ߟߊ߫ ߘߊߞߊ߲߫ ߛߎ߲ ߠߎ߬، ߊ߬ ߣߴߊ߬ ߞߊ߬ ߊߟߊ߫ ߞߊ߲ߓߊߕߏ߫ ߘߊߞߊ߲ ߝߋ߲ ߺ ߋ ߺ ߝߋ߲߫ ߕߊ߬߸ ߏ߬ ߓߍ߯ ߦߴߊ߬ߟߎ߫ ߡߊ߬ ߛߎ߲ߣߊ ߟߋ߬ ߘߌ߫، ߡߍ߲ ߓߊ߯ ߛߎ߲ ߓߌ߬ߟߊ߬ ߘߊ߬ߟߎ ߘߏ߫ ߟߊ߫߸ ߏ߬ ߟߊ߫ ߘߊ߬ߟߎ ߣߊ߬ ߘߊ߫ ߓߊ߲߫ ߕߋ߬ߟߋ ߕߐ߭ ߡߊ߬߸ ߊ߰ ߕߋ߲߬ ߠߋ߬ ߝߣߊ߫ ߣߌ߫ ߓߊ߲߬ߓߊ߮ ߖߘߍ߬ߞߟߏ߬ߓߊ߰ߦߊ߬ ߘߊ߫، ߥߟߊ߫ ߦߟߌߛߌߓߊ߯ߕߐ ߛߊߣߌ߲ߧߊ߫ ߘߊ߫߸ ߥߟߊ߫ ߖߊ߲߬ߞߊ߬ߙߏ߬ߕߐ ߞߍ߲ߘߍߦߊ߫ ߘߊ߫ ߕߋ߬ߟߋ ߞߎ߲߬ߕߊ߮ ߘߐ߫߸ ߤߊߡߊ߲ߕߍ߫ ߕߊ߯ߡߊߘߋ߲ ߛߣߍ߫ ߘߊ߫߸ ߥߟߊ߫ ߘߋ߲ߣߍ߲ ߞߎ߲߬ߡߊߞߘߎ߬ ߘߊ߫، ߤߊߡߊ߲߬ߕߍ߫ ߖߍ߬ߘߍ ߝߊ߬ߕߐ ߞߍ߲ߘߍߦߊ߫ ߘߊ߫ ߕߋ߬ߟߋ ߞߎ߲߬ߕߊ߮ ߞߘߐ߫߸ ߞߊ߬ ߛߎ߲ ߕߍ߰ߣߍ߲ ߕߏ߫ ߊ߬ߟߎ߬ ߓߟߏ߫߸ ߖߟߎ߬ ߛߙߊ ߘߌ߫ ߘߌߦߊߜߏߦߊ߫ ߊ߬ߟߎ߫ ߡߊ߬߸ ߤߊߟ ߵߊ߬ߟߎ߫ ߞߊ߬ ߕߋ߬ߟߋ ߕߐ߭ ߏ߬ ߞߍ߫ ߖߘߍ߬ߘߐ߬ߡߌߣߊ ߘߌ߫ ߟߋ߬، ߛߎ߲߫ ߓߌߟߊ ߓߊ߯ ߘߤߊ߬ ߡߍ߲ ߦߋ߫ ߛߎ߲ߞߊߙߏ ߕߋ߬ߟߋ ߘߐ߫߸ ߏ߬ ߡߊ߲߫ ߞߊ߲߫ ߞߊ߬ ߛߎ߲߫ ߜߘߍ߫ ߘߏ߲߬߬ ߕߟߋ߬ ߞߋߟߋ߲ ߏ߬ ߞߘߐ߫. ߛߎ߲ߕߍ߯ ߘߎߥߊߎ ߟߋ߬ ߞߏ߫ (ߡߌ߲߬ߟߐ߮ ߓߘߊ߫ ߥߊ߫߸ ߝߊ߬ߛߊ ߟߎ߬ ߓߘߊ߫ ߦߌߟߌ߲߫߸ ߓߙߊ߬ߖߌ ߓߘߊ߫ ߝߘߊ߫ ߊߟߊ߫ ߟߊ߫ ߘߌ߬ߢߍ ߟߊ߫). ߊߟߎ߫ ߣߌ߫ ߖߐ߫.
ߊ߬ߟߌ ߞߙߊ߬ߞߐ߬ߞߊ ߞߊ߬ߟߐ ߓߟߏ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫