ߎߛߑߡߊ߯ߣߌ߲߫ ߛߏ߲ߞߏ߫ ߟߊ߫ ߘߊ߲߬ߕߍ߰ߟߌ ߘߏ߫ ߛߋ߲߭ߝߍ߬ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߞߵߊ߬ ߟߊߛߋ߫ ߞߏ߫ ߞߵߊ߬ ߓߍ߲߬ ߘߎߢߊ߫ ߜߟߍ߬ߦߊ ߟߎ߫ ߡߊ߬ ߥߊ߯ߕߌ߫ ߣߌ߲߬ ߠߊ߫߸ ߏ߬ ߡߍ߲ ߘߏ߫ ߦߋ߫ ߛߋ߫ ߟߊ߫ ߛߐ߲߬ߘߐ߲ ߡߊ߬، ߏ߬ ߟߋ߬ ߘߐ߫߸ ߞߏ߫ ߝߍ߬ߙߍ ߘߏ߫ ߟߎ߫ ߞߊ߫ ߞߊ߲߫ ߞߊ߬ ߕߊ߬߸ ߦߏ߫ ߖߡߊ߬ߣߊ ߘߏ߫ ߟߎ߫ ߦߴߊ߬ ߞߍ߫ ߟߊ߫ ߢߊ߫ ߡߍ߲ ߡߊ߬߸ ߒ߬ߓߊ߬߸ ߎߛߑߡߊ߯ߣߌ߲߫ ߛߏ߲ߞߏ߫ ߞߊ߲߫ ߞߏ߫ ߞߵߊ߬ ߘߊߡߌ߬ߣߊ߬ ߊ߬ߟߋ ߡߊ߬߸ ߞߊ߬ ߥߴߊ߬ ߛߌ߰ ߊ߬ ߟߊ߫ ߞߏߕߌ߮ ߕߐ߭ ߟߎ߫ ߟߊ߫߸ ߡߐ߰ ߛߌ߫ ߟߋ߬ ߕߍߣߊ߬ ߓߐ߫ ߟߊ߫ ߖߡߊ߬ߣߊ ߞߣߐ߫߸ ߞߊ߬ ߥߊ߫ ߞߐߞߊ߲߬ ߣߌ߫ ߡߍ߲ ߕߍ߫ ߞߏ߫ ߣߝߊ߬ߡߊ߬ ߘߌ߫، ߊ߬ ߞߊ߲߫ ߞߏ߫ ߞߎ߲߬ߢߐ߲߰ ߣߊ߬ߕߐ߸ߖߐ߲߰ߛߴߊ߬ ߟߎ߫ ߢߎߡߍߞߏ ߞߏߕߌ߮ ߓߍߣߊ߬ ߊ߬ߟߎ߬ ߟߊ߫ ߝߍ߬ߙߍ߫ ߕߊ߬ߣߍ߲ ߘߏ߫ ߟߎ߫ ߦߌߘߊߞߊ߬ ߖߡߊ߬ߣߊ߬ߘߋ߲ ߠߎ߬ ߟߊ߫.

ߎߛߑߡߊ߯ߣߌ߲߫ ߛߏ߲ߞߏ߫

« ߒ ߧߴߊ߬ ߝߍ߬ ߞߵߊߟߎ߫ ߟߊߟߐ߲ߠߌ߲߫߸ ߖߐ߲߰ߛߴߊ߬ߟߎ߫ ߘߴߊߟߎ߫ ߘߐߓߍ߲߬ ߜߟߍ߬ߦߊ ߣߊ߬ߕߐ ߟߎ߫ ߢߍ߫، ߏ߬ ߟߋ߬ ߘߐ߫߸ ߒ ߓߘߊ߫ ߝߊ߲߬ߝߘߊ ߘߏ߫ ߕߊ߬߸ ߞߎ߲߬ߠߊ߬ߛߌ߰ ߞߙߎ ߟߊ߫ ߖߐ߰ߣߍ ߟߎ߫ ߟߊ߫، ߏ߬ ߦߋ߫ ߡߍ߲ ߘߌ߫߸ ߕߊ߯ߡߊ ߡߍ߲ ߠߎ߬ ߦߋ߫ ߛߋ߲߬ߠߊ߫ ߞߐߞߊ߲ߠߊ ߟߎ߬ ߘߐ߫ ߥߊ߯ߕߌ߫ ߣߌ߲߬ ߠߊ߫߸ ߞߊ߬ ߏ߬ ߟߎ߬ ߟߊߘߎ߲߫ ߝߟߐ߫߸ ߏ߬ ߘߏ߲߬ ߦߋ߫ ߘߊߡߌߣߊ߬ ߟߊ߫ ߒߠߋ ߖߍ߬ߘߍ ߟߋ ߡߊ߬، ߓߊߏ߬߸ ߒ ߕߎ߲߬ ߞߊ߫ ߞߊ߲߫ ߞߊ߬ ߕߊ߯ ߖߋ߬ߟߌ߬ߓߊ߬ߘߎ߯߸ ߊ߬ߟߎ߬ ߟߊ߫ ߞߏߕߌ߮ ߢߍߡߐ߮ ߞߊ߬ ߞߟߌߟߌ ߟߊߛߋ߫ ߒ ߡߊ߬، ߏ߬ ߞߐ߫߸ ߞߏ߲ߞߏߘߌ߬ߓߌ ߕߟߋ߬ ߁߈، ߒ ߞߊ߫ ߞߊ߲߫ ߕߘߍ߬ ߦߋ߫ ߞߊ߬ ߕߊ߯ ߍߛߑߔߊߢߌ߲߬، ߊ߬ ߣߌ߫ ߝߣߊ߫ ߥߊ߬ߛߌ߬ߥߙߊ ߕߟߋ߬ ߁߉ ߟߊ߫.

ߒ ߕߘߍ߬ ߞߊ߫ ߞߊ߲߫ ߞߊ߬ ߥߊ߫ ߔߊ߬ߙߌ߫ ߓߘߍ߬ߓߘߍ߬ߟߌ߬ ߖߊ߲ߖߏ߲ ߘߏ߫ ߘߐ߫߸ ߓߊ߬ߙߌ߫߸ ߒ ߓߘߊ߫ ߟߊ߬ߕߍ߰ߦߊ ߘߏ߫ ߕߊ߬ ߞߊ߬ ߕߊ߯ߡߊ ߏ߬ ߟߎ߬ ߓߍ߯ ߟߊߘߎ߲߫ ߝߟߐ߫߸ ߟߏ߲߫ ߠߊߕߍ߰ߣߍ߲߫ ߕߍ߫ ߡߍ߲ ߠߊ߫، ߒ ߠߊ߫ ߞߏߕߌ߯ ߝߏߛߌ߬ ߟߋ߬ ߕߍ߫ ߊ߬ ߛߋ߲߭ ߠߊߓߐ߫ ߣߌ߫ ߡߍ߲ ߡߊ߫ ߞߍ߫ ߕߊ߯ߡߊ߫ ߣߕߐ߬ߡߊ߬ ߘߌ߫ ߡߍ߲ ߘߌ߫ ߞߍ߫ ߖߡߊ߬ߣߊ ߟߊ߫ ߥߙߎߞߌ ߕߊ߯ߡߊ ߘߌ߫ » ߎߛߑߡߊ߯ߣߌ߲߫ ߛߏ߲ߞߏ߫ ߟߋ߬ ߞߊ߲߫ ߕߋ߲߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.